香港新浪網 MySinaBlog
« 上一篇 | 下一篇 »
*♡♡小肥豬♡♡* | 13th Feb 2015 | 小小豬篇 | (218 Reads)

10 FEBRUARY 2015(TUE)

唔經唔覺小小豬已經有54個月大, 即係四歲半人仔啦!

真係有咁啱得咁橋, 就係今日依個好日子, 老師俾左一個驚喜我地, 等我地知道小小豬真係大個仔, 有好大進步了~
Picture 

事緣今日接小小豬放學之時, 老師同我講話一陣WHATAPPS兩張相俾我, 仲笑笑口話我睇到一定會好開心.

嘩...老師一向都好少會主動WHATAPPS學生上堂相俾我地, 加上講到咁當然係非常緊張, 我緊係唔等老師嘅WHATAPPS, 係課室門口等其他小朋友放晒學之後, 就問老師發生咩事啦!

原來今日老師請左小小豬出去向其他同學友唱兒歌呀~
Picture

可能係其他人心目中依一件只係小事一則, 都唔係點值得開心, 不過對小小豬嚟講, 已經係一個大進步了!

我之前都講過, 小小豬社交方面係比較弱加上自信心又唔係好足夠, 所以如果唔係好熟嘅人叫佢表演, 就算用盡所有方法利誘佢, 佢都一定唔會做.

雖然我地就依方面都俾好多鼓勵同訓練, 不過都仲係仍然有要有好大嘅進步空間, 所以真係完全冇諗過佢可以係學校有依個表現, 真係唔知醜咁講句, 當我睇到老師影依兩張嘅時候, 我都真係眼濕濕呀!

老師仲同我講, 依排小小豬係學校表現可以話係有好大進步, 只係仍然仲唔多願乖乖坐定, 其他各項表現都十分好, 仲讚佢學習能力好好, 叫我可以放心呀!

聽到老師依一番說話, 我都真係叫做安心啲啲, 起碼俾我知道老師對小小豬嘅評價都係正面, 亦都唔算係太攪事嘅份子, 咁我都安樂啲啲!

雖然小小豬係有進步, 不過佢嘅進步空間仍然係好大, 仲有好多缺點係需要改善, 所以開心完就好了, 要同小小豬繼續一齊努力, 希望可以一步步成為一個好乖乖(唔洗我成日勞氣啦)!