香港新浪網 MySinaBlog
« 上一篇 | 下一篇 »
*♡♡小肥豬♡♡* | 22nd May 2009 | 我的D女 | (28 Reads)

22 MAY 2009 (FRI)

今日實行左半天工作,因為校長安排左我參加一個工作坊,所以LUNCH之後就要向灣仔出發去上堂啦!

原來個上堂地方係好近玩具街,所以完成左個工作坊之後,當然唔會浪費依個行街好機會啦!

之前去玩具街嘅目的都係主要搵DOLLCENA,雖然我個D女王國都已經齊齊整整,但唔知係唔係習慣左,我第一時間都係睇下有冇D女。不過依家嘅玩具街真係冇乜D女啦,只係得番唐老鴨款,其他都冇晒啦!

問頭行街係打算買部遙控跑車俾大肥豬,不過就睇唔啱款所以冇買到,但我竟然就有收獲,就係兩件啱D女著嘅衫仔啦~

原本都想搵多幾件俾有玩DOLLCENA嘅朋友仔,不過行晒成條街都係得兩條,都唔知點解得咁少貨,所以唯有下次再見到先啦!

可能今日上堂用晒啲心力同精力,所以今日冇幫D女們試衫,等我有心情先再幫佢地著身衫影靚相俾大家睇啦!