香港新浪網 MySinaBlog
« 上一篇 | 下一篇 »
*♡♡小肥豬♡♡* | 13th Oct 2011 | 小小豬篇 | (19 Reads)
9 OCTOBER 2011(SUN)

PLAYGROUP已經進入倒數,今日已經係第八堂,即仲有二堂就完成晒成個課程啦!

一入課堂就例行活動,先玩玩具WARM-UP吓先~

之後就點名唱遊時間,依個小小豬真係好攪笑,唱歌仔時又唔肯坐定定,不過每唱完一首歌仔,佢都係最快拍手嗰個,真係俾佢笑C呀!

今堂第一個活動就係教識認頭仔,老師俾左個汽球,教佢地用個頭仔嚟頂。唉..見到個汽球班小朋友又點會乖乖咁只係頂個波波呀,基本上個個小朋友都完成唔到依個動作,因為佢地只係想用手去捉住個波波呀~

第二個活動就係行障礙賽踢波波。前幾堂小小豬都好叻叻咁可以行好多次個障礙賽,仲越行越開心。今日真係唔係好在狀態,行左幾個圈之後就唔肯行,仲開始扭計添~

之後就到左小小豬最開心嘅時間,因為就係茶點時間啦!依個小小豬有得食嘢真係特別開心呀~

最後一個活動就係訓練小手指,將啲貼紙貼係小朋友身上面,等佢地自己搣返出嚟,依個小小豬都算幾專心,好快就完成晒啦~

最後,老師同小朋友玩吹泡泡,睇吓小小豬玩得幾興奮,佢真係好鐘意啲泡泡呀~

今日整體上小小豬表現都唔係幾好,可能係因為冇瞓晏覺,加上又開始出牙仔,所以就忟忟憎憎又有少少扭計啦!仲有兩堂,希望嚟緊會好啲,俾心機學埋佢啦!

[4]
泡泡.無論小朋友同大人都好鍾意.

[引用] | 作者 亞U | 22nd Oct 2013 | [舉報垃圾留言]

[3]
來緊你仲會上嗎?

[引用] | 作者 烏G餅媽 | 22nd Oct 2013 | [舉報垃圾留言]

[2]
睇呢編blog D 相..除咗有你可愛的仔仔外...仲睇到一個慈父....哈哈.

[引用] | 作者 我係on車人 | 22nd Oct 2013 | [舉報垃圾留言]

[1]
你好呀 ~~~ 我想問問你,係咪上尖沙咀個間CPDA ? 係唔係可以爸爸媽媽2個一齊陪囝囝上堂架? 同埋大約幾多人一班? 因為我見好似都好多人一班咁。而且環境&衛生OK 嗎? 因為我都考慮緊報唔報呢間,可唔可以比D意見 ~~~ Thanks so much ~~~

[引用] | 作者 Crystal | 22nd Oct 2013 | [舉報垃圾留言]