香港新浪網 MySinaBlog
« 上一篇 | 下一篇 »
*♡♡小肥豬♡♡* | 2nd Oct 2017 | 小小豬篇 | (90 Reads)

17 SEPTEMBER 2017(SUN)

 

萬聖節看似唔多關小小豬事,不過在於小小豬立場,萬聖節嘅來臨就即係可以去迪士尼玩新遊戲。

 

其實往年小小豬都只係去同啲萬聖節裝扮嘅公仔影相,之後就去玩其他遊戲不過今年就有唔同,因為小小豬終於夠高同夠膽入鬼屋(呀...係詭夢實驗室先啱),所以今年佢完全係可以係迪士尼感受萬聖節氣氛呀~


 

一入到樂園第一時間就去幻想世界嘅Halloween詭趣花園~ 

 

哈哈哈...因為小小豬要去Trick-or-Treat袋子工作坊整小糖果袋~

 

小糖果袋其實都真係好易整(大人同小朋友都可以整呀),但負責姐姐都會好耐心咁教每一個小朋友~ 

 

小小豬個靚靚糖果袋就準備好,可以去做最開心嘅事~ 

 

 

就係不停來來回回咁係啲趣玩站,問哥哥姐姐Trick-or-Treat拎糖糖。啲糖就好似變魔術咁慢慢升上嚟,依個小小豬仲叫姐姐不停係度變,真係辛苦晒姐姐啦~

 

拎完一輪糖,我地就去同換左萬聖節新裝嘅POOH POOH同埋跳跳虎集郵啦~

 

原來除左有可愛嘅POOH POOH之外,仲有一眾迪士尼朋友惡人朋友就會出嚟,我地先去搵鐡鉤船長~ 

 

之後就同紅心皇后影玩遊戲,原來紅心皇后係好攪笑呀~

 

之後我地就向「詭迷宮:詭夢實驗室新篇」出發,其實小小豬初時都唔多肯入,又話怕黑..怕鬼...總之就多多藉口。不過最後聽左仁叔叔講入面係有啲咩,加上又有佢至愛嘅表姨陪,所以都肯入去玩轉啦~ 

 

其實入面真係一啲都唔驚,完全冇啲恐怖或驚嚇環節,我個人覺得某程度上都真係佈置得幾靚。細細粒嘅小小豬到左第二個關卡之後就要我抱,美其及就係話唔夠高睇,但暗地裡可能係有少少怕黑...哈哈哈。抱住左嘅小小豬即刻大膽晒,不停想摸啲佈置,仲舉手要入去兔仔帽子屋入面,真係俾佢笑C。由於場內係唔可以拍攝,所以如果唔怕黑嘅朋友仔都可以入去試下。(特別鳴謝大仁生活借出短片內小片段) 

 

我地繼續留係大街活動,因為周圍都有好多Halloween佈置,啲南瓜頭仲幾靚添~

 

之後我地就去準備參加米奇Halloween玩轉大街派對,由於小小豬同SY今日都著左Holloween有關嘅衫,所以俾負責哥哥邀請去專區睇巡遊兼可以去跳南瓜舞呀~

 

巡遊開始啦~

 

其實同上年好似差唔多,不過就加插左邀請小朋友齊齊跳南瓜舞環節,我覺得都幾好,多啲互動小朋友都會開心啲(當然亦都可能係小小豬可以出去跳舞,我更加鐘意啦...呵呵呵)~

 

跳完舞就繼續巡遊啦~

 

萬聖節點可以少左阿JACK,咁就當然要去集郵一返啦~

 

不過...小小豬竟然唔多鐘意阿JACK,唔係因為同佢地合照完可以有糖糖,我估依個為食小小豬都唔多願意行埋去呀....哈哈哈~

 

要入夜後先再有萬勝節活動,所以我地就繼續周圍玩,原來ToyStoryLand都有幾個影相靚位呀~

 

上次入園小小豬都見到有好多小朋友玩泡泡槍,佢就當然都只係得個恨字。不過今次有姨姨同行,姨姨睇見佢望住嗰個依依不捨樣,所以就買左一支俾佢,依個百厭豬真係多人鍚~

 

入夜之後我地就向探險世界出發,因為有一班半人半鬼嘅海盜船員同大家玩。佢地唔會企定定同大家合照,所以見到佢地就一定要跟到實,趁機會行埋去就可以影到(當然...為大家安全,千其唔好捉實佢地呀)

 

Yeah....我終於搵到魔盜王啦~

 

 

其實一班海盜船員都唔驚,行過仲會同仔講笑,都幾好玩呀~

 

終於嚟到最後一個萬聖節活動,就係夜間巡遊 - 迪士尼惡人大出巡2.0~

 

其實同上年都係差唔多,不過今年就多左小魚仙嘅惡人朋友烏蘇拉。去年我地就企係城堡前睇,坦白講加埋個城堡效果又真係幾靚,不過想睇得清楚啲各位惡人嘅舞姿,都係大街睇得好啲~

 

好耐都真係冇試過由十點幾到七點半先走,原本小小豬要求睇埋煙花,不過我真係攰到一個頂點,真係行唔郁,都唔明白佢點可以咁好精力唯有答應佢下次入園再同佢入多一次詭夢實驗室,同埋睇埋煙花啦