香港新浪網 MySinaBlog
« 上一篇 | 下一篇 »
*♡♡小肥豬♡♡* | 24th Feb 2017 | 小小豬篇, 靚太廚房 | (91 Reads)

24 FEBRUARY 2017(FRI)

又嚟到每星期我寫得最順心又開心嘅文章,就係每周小小豬嘅愛心便當,唔覺唔覺就已經嚟到第六周啦~
Picture

上星期就因為自已唔舒服,所以冇乜整公仔便當俾小小豬,估唔到今個星期都係冇乜整,唔係因為我未病好,只係因為有個小朋友依排進餐時非常唔乖,極度不專心咁食,所以就激嬲媽咪,咁就冇公仔便當啦!

星期一就整左個南瓜肉餅飯,其實南瓜真係好有益,所以我都成日煮俾佢食呀~
Picture

星期二就係蕃茄抄雞蛋,睇見就好似好少餸,依度其實係有三隻雞蛋在內,因為兩隻雞蛋又真係幾難抄,所以煮多少少就好似方便左自己。唔知係咪蕃茄開胃,小小豬竟然全部同我清晒,仲大讚好食,有時對住依隻豬都唔知好嬲定好笑呀~
Picture

星期三就嚟小小豬至愛壽司餐,其實佢可以食嘅壽司都係得嗰幾款,所以食嚟食去到係依啲,不過小小豬一樣繼續食得津津有味(不過....我開始整到有點悶,係時候要考慮轉轉款了)~
Picture

星期四小小豬話想食烏冬,所以就用左啲食材砌左個小朋友樣俾佢。相似度又真係麻麻,不過最重要係小小豬收貨,佢仲話我係砌左佢個樣,等佢自己食自己落肚哦~
Picture

星期五小小豬主動提意再食蕃茄,雖然前幾日都煮左,不過蕃茄都係好有益又開胃,所以今次就連同牛肉一齊煮俾佢,加多左一隻小鴨仔做裝飾,感覺又即可愛晒...哈哈哈~
Picture
 

成日覺得我煮嚟煮去都係嗰幾樣,雖然小小豬冇話悶,不過始終都想多元化啲,等豬仔可以食得更加開心,所以我要繼續努力,鑽研多啲有益又健康嘅愛心便當先得!

**我地的FACEBOOK PAGE,齊齊來交流親子。育兒。烹飪啦**
https://www.facebook.com/kinseymama/