香港新浪網 MySinaBlog
« 上一篇 | 下一篇 »
*♡♡小肥豬♡♡* | 10th Feb 2017 | 小小豬篇, 靚太廚房 | (119 Reads)

10 FEBRUARY 2017(FRI)

經過一個新年假期,我嘅送飯工作又要再開始,睇下今星期小小豬食乜便當~
Picture

新一年第一個上學天,小小豬話佢好想食壽司,咁好啦....就整幾粒壽司俾佢,等佢開開心心又上學啦~
Picture

我終於買到腐皮,可以整腐皮壽司,原來腐皮壽司又真係幾易,我想整多幾次都得。不過原來粟米軍艋就冇想像中咁易,我包左三次先叫做成功呀!

星期二就整左蕃茄三文魚柳,依個餸小小豬一向都鐘意食,所以都問題不大。為避佢話冇公仔,所以我就用豬肉鬆整左個K字,成功過關...哈哈哈~
Picture

星期三就食烏冬~
Picture

我用左豬肉碎做頭髮,整左男仔圖案出嚟,小小豬一見到就話我砌左佢出嚟,要食自己落肚。看似冇乜餸,但其實烏冬下係有兩粒餃子同一啲瓜粒,所以係好豐富嘅一餐嚟呀!

星期四就攪攪新意思,整左個醫神便當(都幾似呀...呵呵呵)。餸就係蕃茄炒雞蛋,再加少少蟹柳,全部都係小小豬至愛,佢又點會唔同我快快手清晒呀~
Picture

星期五就整左個失敗便當,原本係燒汁雞扒加飛機飯團,點知一時錯手擺錯次序,就變成依個樣衰版~
Picture

唉.....我應該係將啲餸放底,然後飛機放上,咁就靚好多啦,真失敗!不過失敗乃成功之母,我有信心下次再整過就一定好好多!

我要繼續努力研究下有咩新餸菜係啱做便當,等小小豬日日都有靚靚愛心便當!

 

**我地的FACEBOOK PAGE,齊齊來交流親子。育兒。烹飪啦**
Picture