香港新浪網 MySinaBlog
« 上一篇 | 下一篇 »
*♡♡小肥豬♡♡* | 25th Jan 2017 | 小小豬篇, 靚太廚房 | (195 Reads)

25 JANUARY 2017(FRI)

哈哈哈...又嚟到愛心便當,寫依啲愛心便當系列主要都係紀錄下自己整過咩傻便當,等自己開心下之餘,又可以繼續有動力去整靚靚便當!

今個星期抵呀,因為農曆新年將至,所以都只係需要整三日就得啦...哈哈哈~
Picture

星期一就真係超級簡單,整左洋蔥牛肉飯~
Picture

其實我係有啲頭痛,所以真係完全冇心機去整公仔飯團,所以只係原飯盒咁為小小豬準備。原本我都以為佢係會嘈我,點知佢話:MaMi,我知你今日整左個D字俾我...哈哈哈!

又真係估依隻豬仔咁有創意,既然佢話係D字就係D字,最緊要係佢食得開心嘛!

星期二就整左肉醬意粉~
Picture

意粉都係小小豬要求嘅,我估佢又係見到同學仔食意粉佢想一1樣啦,不過佢就叫我一定要整個A字母俾佢(緊係尋日個D字影響到佢啦),咁小嘅要求我當然冇問題,所以就用紅蘿蔔條整個A字啦!

星期三就係時候整返個公仔便當俾佢啦~
Picture

主菜係粟米肉粒加西蘭花,有菜有肉夠晒健康。之後就用火腿整豬耳同豬鼻,再用藍莓做眼睛,一個可愛嘅豬仔便當就完成啦!

豬仔飯配小小豬,簡直係絕配,我自己都覺得整得唔錯,都幾可愛呀(又嚟自我感覺良好了)。當然小小豬都一樣好鐘意,仲話叫我下次再整添!

小小豬開始放新年假了,即係我又可以停一停手,休息十日之後就再嚟過。不過我都要趁假期上網研究下有咩新餸菜係啱做便當,同埋整咩新公仔啦!

 

**我地的FACEBOOK PAGE,齊齊來交流親子。育兒。烹飪啦**
Picture