香港新浪網 MySinaBlog
« 上一篇 | 下一篇 »
*♡♡小肥豬♡♡* | 13th Apr 2016 | 好友與我 | (112 Reads)

12 APRIL 2016(MON)

好姊妹外遊回港,當然要出嚟見個面,順便拎手信啦今次我地仲誤打誤撞之下入左Verde MAR餐廳,初嘗墨西哥菜呀~
Picture

 **請按此繼續瀏覽全文 : CLICK HERE **

其實當初我地都係未決定食啲什麼,正當我地行過Verde MAR時,見到個佈置都幾特別,再加上見個價錢都唔算貴,所以就決定入去一試啦~
PicturePicturePicture

先嚟一杯米漿,看似有點像杏仁糊,但入口有好香濃嘅米香味,而且都算好甜,所以都幾啱我口味呀~
Picture

先嚟米脆片配牛油果醬 - 新鮮自家製墨西哥脆片,真係卜卜脆好香口,再配以新鮮嘅牛油果醬,真係食唔停口。一向我都唔太"好"牛油果,原來咁食法又真係幾好味,攪到我有少少鐘意左食添~
Picture

Chorizo Quesadilla - 墨西哥餡餅配自家製辣肉腸,再加埋牛油果醬,少少辣但又帶點牛油果嘅甜,味覺上都幾特別~
PicturePicture

Chicken Wing Habanero - 依個可以話係挑戰我嘅極限,因為係用左全世界第二辣嘅辣椒-Habanero嚟腌製,之後煎封雞翼。坦白講...其實真係好辣,不過佢辣得嚟又唔會太搶喉,只係嗰種辣KEEP好耐都未散~
PicturePicture

嚟到今晚嘅主角 烤仙人掌扒 - 初時都以為仙人掌總係怪怪味,不過食落又幾得意,將食用仙人掌加點鹽烤,之後加點青檸汁作調味,入口有點似青椒,咬落又有點似鮮蘆薈,我自己就覺得幾好食,仲食左大半碟添...哈哈哈~
PicturePicture

Agua Chile Snapper - 腌製過的紅魚刺身再配以青檸汁,進食時再加埋一片青瓜一齊食,既有爽口得嚟又有魚嘅鮮味,整個感覺都好清新呀~
PicturePicture

Shrimp Cocktail Mexicana - 墨西哥特色番茄凍湯,配上其他材料,好似有大蝦、牛油果、洋葱、番茄、芫荽、香葱,拌匀後就可以飲啦。凍湯本身已經好清甜,再加埋爽口嘅大蝦,同埋一眾配菜,真係令凍湯味覺更加層次呀~
PicturePicturePicture

Birria Beef Stew with Mexican Rice - 其實係一碟慢煮燉牛肉,由於我唔食牛肉,所以我就冇食到。 不過好姊妹話味道唔錯,牛肉個咬口唔會有太多脂肪,燉得夠入味又淋呀~
Picture

Whole Chargrilled Chicken - 原來墨西哥都有烤鷄,佢仲係即叫即焗,所以每日限量供應,我地真係好彩可以食到今日最後一隻..哈哈哈。雖然經過考焗,不過肉質都非常嫩滑,就連鷄胸都非常滑,依個都俾一個讚呀~
PicturePicturePicture

嚟到甜品時間,依個墨式香蕉船真係要俾個爆LIKE佢,先將香蕉焗熱後變成焦糖狀,再配以自家製粟米雪糕一齊食,個粟米雪糕真係好食得唔識形容,既滑滑又勁香粟米味,真係好想再去食呀~
Picture

自家製玉桂脆條Churro配朱古力醬 - 同樣係自家製嘅玉桂脆條,由於即焗即食,所以特別外脆内軟,再配上濃郁朱古力醬,都幾香口呀~
Picture

開開心心又過左一個晚上,原來墨西哥菜有特式得嚟又咁好食,今晚都真係大飽口福啦

 

**我地嘅FACEBOOK FAGE,唔知大家LIKE左未呢?**
小小豬的成長日誌
大家一齊嚟交流下煮飯仔及去玩嘅親子樂啦