香港新浪網 MySinaBlog
*♡♡小肥豬♡♡* | 30th Sep 2013 | 生活點滴 | (33 Reads)
29 SEPTEMBER 2013(SUN)

哈哈哈...我自己都覺得自己利害,係仲係病病地仲未回覆狀態下,尋日就同小小豬入左海洋公園玩,今日就同LULU妹同嘉汶表妹入迪迪尼,再次感受迪迪尼黑色世界啦!

其實今日係某信用卡公司包夜場,好好彩地小豬爸張信用卡又抽到入場卷,所以我地就可以入去玩啦!

第一個目的地當然係去鬼屋啦!不過今次冇上次咁優待,今次要排隊啦,我地排左大約二十分鐘就入到去玩啦~


當然再接再勵,去埋另一間鬼屋啦~


行過灰熊山,又見到CHIP & DALE啦~


之後我地就周圍,仲玩左幾轉過山車,不過今日真係好多人,每次都要排廿幾分鐘先玩到呀!

係我地排隊玩迷離大宅,見到少少煙花呀!話事話,我真係好耐冇正式係樂園睇過煙花,真係要搵個機會睇吓先得啦~


上次都已經好想同JACK影相,不過係幻想世界又唔見佢地,原來係城堡附近,今次終於影到啦~


仲同到DUFFY影添,真係超開心呀~


之後原本我地排排企等睇巡遊,等左大約十分鐘,點知因為落雨,所以取消左,真係有少少失望。

原本都打算再去玩多轉過山車,不過雨勢又開始大,我地一把傘三個人用又真係幾狼狽,所以最後行多一陣SHOP,就走啦!

因為落雨,所以玩嘅遊戲唔多,影嘅相亦都唔多,都真係有少少掃興,不過唔緊要,我應該會再有機會入嚟玩多一次,因為小小豬都仲未玩嘛...哈哈哈!

講起小小豬,雖然我係去左玩,不過我都好掛住小小豬,我仲買左份小禮物俾小小豬添~


哈哈哈...依件DUFFY HALLOWEEN靚衫其實我上次入園睇場刊介紹見到都已經勁想買,不過行SHOP又見唔到,今次終於俾我見到,當然要即刻買啦!下次入園小小豬就可以變物成為DUFFY,一定勁可愛呀!


如果大家有興趣睇黑色世界有乜玩,可以睇返我之前嘅小分享呀!

迪迪尼黑色世界優先玩 PART 1
迪迪尼黑色世界優先玩 PART 2




我地嘅FACEBOOK專頁,你LIKE左未呀~


仲可以關注埋我地個微博呀~



可以電郵俾我地呀~
 profile picture

*♡♡小肥豬♡♡* | 29th Sep 2013 | 小小豬篇 | (23 Reads)
28 SEPTEMBER 2013(SAT)

原本今朝早小小豬要返興趣班,不過因為MISS病左,所以唔洗上堂。大肥豬見今日個天氣都清清涼涼,所以就話入海洋公園玩返一轉。

其實自六月開左張全年証之後,我地都只係去過一次,次數計真係好似唔多抵。不過冇法啦,始終覺得太熱天入海洋公園係好辛苦嘅事,加上暑假就一定好多強國人,所以都提唔起勁入去玩啦!

覺得今日天氣都幾適合,所以就入去行一轉,等小小豬睇多啲唔同種類嘅種物。開頭都好擔心近國慶會好多強國人,點知今日真係完全唔多人,所以都真係好舒服呀!

萬聖節將至,成個樂園都已經好多萬聖節佈置,有好多南瓜仔影相啦~


就連威威師令都換左萬聖節衫啦~


上幾次入園都因為勁多人,所以冇坐過纜車。今次完全唔洗排隊,當然要帶小小豬試吓啦!

開頭都好緊張咁周圍望~

好快就已經適應左,仲坐得好開心添~

上到山,第一個目的地就係睇企鵝啦~


小小豬一見到啲企鵝行嘅時候,佢笑得好開心呀~



仲好專心咁睇添~


路過急流地帶,見唔多人排隊,所以我就單拖去玩一轉啦!哈哈哈....真係好刺激呀,不過如果唔係坐係我身旁那位強國人,為左避水而撞開我,我就唔洗濕得咁勁啦~


雖然山上都仍然有好多嘢未玩,不過大肥豬就話唔好一次過玩太多,每次嚟玩少少,咁等小小豬可以有多啲新鮮感,所以我地就帶搭返纜車落山向兒童王國進發。

好明顯小小豬已經唔驚搭纜車,睇佢笑得咁開心就知佢好ENJOY啦~

係纜車出口處原來都已經有好懷舊佈置,真係嚟咁多次都唔知,所以小小豬搖身一變,變左做一個小販仔賣生果呀~


原來今日有機構包場玩萬勝節全日祭,雖然我地就唔入得鬼屋,不過都有好多鬼鬼出嚟影相。見有機會當然唔放過撞鬼,不過有啲恐怖樣我都冇帶小小豬去影,怕佢驚嘛~


轉戰兒童王國,第一時候當然係玩小小豬至愛嘅火車啦~


之後又周圍影吓萬勝節佈置~


又同鬼鬼影,不過唔多ENJOY呀~



好多南瓜呀~



原本打算去睇威威劇場,不過係未開始嘅時候,大肥豬見小小豬睇人玩噴水咁開心,所以就俾佢玩一次。不過玩一次就要十蚊,仲要得一分鐘,真係好唔抵呀~


入場睇海獅啦,小小豬好專心呀~


海獅表演真係好好睇呀~


小小豬仲出去拍泡泡呀~


原來完SHOW時可以排隊同海獅影相,估唔到小小豬主動話想同海獅影。見佢咁主動又咁鐘意,所以我地又排埋一份啦!不過係唔可以用自己相機影,如果買佢嗰SET要成三百蚊,所以最後就等大肥豬係台下影,我就帶小小豬上去同海獅近距離接觸啦~

行過見有音樂表演,小小豬又走埋去跳舞啦~


玩左大半日,見開始多人(可能係入嚟玩全日祭),見我地有全年証,幾時入嚟都得,所以我地就走啦!

不過,真係好少入海洋公園可以玩得咁舒服,嚟緊十月都應該會入多嚟玩一次,因為有全日祭嘛。到時同小小豬扮得型仔萬勝節裝,再入嚟影過靚相先得。



我地嘅FACEBOOK專頁,你LIKE左未呀~


記得關注埋我地個微博呀~


仲可以電郵俾我地添~
 profile picture



*♡♡小肥豬♡♡* | 28th Sep 2013 | 博客分享 | (42 Reads)
27 SEPTEMBER 2013(FRI)

我對自白肌嘅認識,就係來自上次 iTRiAL嘅試用活動,我當時抽中試用自白肌 玻尿酸濃密保濕化粧水,我都覺唔錯,所以用完嗰一支之後我都有回購返依款。

估唔今次可以咁有幸得到PA姐姐邀請,可以試用到一套六件玻尿酸濃密保濕系列護膚產品,我當然非常開心啦~


玻尿酸濃密保濕潔顏露~


透明色嘅液體狀,用大約五蚊左右分量,然後搓出泡泡洗臉。用泡泡輕輕按摩洗面約兩分鐘。洗臉時覺得很舒服,很有水的感覺,皮膚都覺得好乾淨,而且不會乾乾及有繃緊的感覺~

玻尿酸濃密保濕化粧水~


依支化妝水同我之前試用嗰款係唔同,依款就比較水狀,我覺得更加適合依個天氣便用。滲透度高而且好快吸收,仲很清爽輕鬆舒服,擦完仲好嫩滑添。不過我就建議配合化妝棉使用,咁效果會好啲呀~


玻尿酸濃密保濕精華液EX~


質地就好似GEL狀,不過都好易推開,而且輕輕按摩就好快吸收,完全唔會覺得好笠,擦完仲好嫩滑~
    B   

玻尿酸濃密膠原保濕乳~


清爽的白色乳液狀,推開的感覺不是濃稠,而是有點像水乳液的感覺,用後仲覺得非常的有彈性~

玻尿酸濃密保濕水凝露~

水凝露不僅好推勻,吸收速度也是一等一的快,使用之後,肌膚的水嫩度明顯提昇,而且不會讓肌膚覺得悶滯亦無黏膩感。但我就比較喜歡用作睡眠面膜,臨瞓前厚敷一層之後睡覺,可以減少在冷氣房間俾抽乾面上水份,翌日起身臉上都仍然覺得充滿水份用份呀~

玻尿酸濃密保濕羽絨棉面膜~


洗臉後,從包裝中取出羽絨棉面膜,展開後撕去外層珍珠膜,將內層羽絨棉面膜敷貼在臉上。敷上面膜後,感覺是超透薄及超貼面。羽絨棉面膜帶有小量彈性,能夠更緊貼面部輪廓,整體面膜的貼服度都非常滿意呀。用後覺得面頰的皮膚飽滿了,鼻側的毛孔收細了少少,皮膚的水潤度及柔軟度也提升了不少呢~

整體上我對自白肌依一SET套裝真係非常讚賞,簡單易用之餘,保濕程序真係好好,感覺肌膚水潤柔滑,希望我以後KEEP住用,皮膚一定會有改善呀。加上咁優惠嘅價錢就可以得到咁大嘅效果,真係平●靚●正嘅選擇,大加推介呀!

如果大家想睇多啲自白肌產品介紹,可以去瀏覽FACEBOOK專頁: http://www.facebook.com/whiteformula


我地嘅FACEBOOK專頁,你LIKE左未呀~


記得關注埋我地個微博呀~


仲可以電郵俾我地添~
 profile picture


*♡♡小肥豬♡♡* | 27th Sep 2013 | 生活點滴, 小小豬篇 | (105 Reads)
25 SEPTEMBER 2013(WED)

今朝真係可以話起唔到身,因為成日都冇晒力,仲頭熱熱咁,一探熱之下,原來我發燒呀!

之前返工發燒就話可以請假休息一日,不過依家係FTM,要照顧小小豬又點可以休息呢?原本大肥豬都打算請一日假留低照顧我同小小豬,不過我又唔想為左我而影響到大肥豬工作,所以最後我就建議請LULU妹話嚟我屋企幫我照顧小小豬。

當LULU妹未嚟到之前,可能小小豬見我戴住個口罩,知道我唔舒服,所以都好乖乖咁冇煩住我自己一個人玩,我就瞓係梳化睇住佢。

等LULU中午嚟到之後,我就去左睇醫生。返到屋企就食藥瞓覺,小小豬同LULU妹就係客廳博鬥啦(不過全日小小豬都好乖,好聽LULU妹話,仲冇扭過計添)~


由於我唔放心LULU妹一個人帶住小小豬過海返學,所以經同大肥豬傾過之後,都係等小小豬放一日假啦!

真係好內疚,咁様病一病,攪到小小豬返唔到學。雖然話K1課程唔緊張,不過始終冇返學就好似唔多啱咁,所以我一定要好好保持自己身體健康,因為除左我自己之外,我仲要照顧小小豬,唔可以再病呀!


我地嘅FACEBOOK專頁,你LIKE左未呀~


記得關注埋我地個微博呀~


仲可以電郵俾我地添~
 profile picture


*♡♡小肥豬♡♡* | 26th Sep 2013 | 生活點滴 | (51 Reads)
24 SEPTEMBER 2013(TUE)

話就早係開學初某一個返學日,當我送完小小豬入課室之後,班主任老師就叫我留低。

心諗....開左學都只係一個星期多少少,唔係咁快就嚟大投訴呀?

原來,老師係話每班都係有一名家長理事,佢想推薦我加入,問我有冇興趣~


當老師問我嘅時候,我第一個反應就係『 唔知老師係睇中我係FTM,定係覺得我係麻煩家長,所以叫我加入呢?』。其實嗰一刻我都唔知家長理事係應該識做啲乜,不過老師只係話每年開一兩次會左右,都係啲簡單工作。

 但其實作為家長,可以得到老師嘅推薦,又可以有多一個途徑了解學校運作,都係一件好事,所以我即刻答應左老師啦!

說時遲...那時快,估唔到咁快就要開我人身第一次家教會啦~


哈哈哈...其實我心情都真係幾驚張,始終都係第一次嘛,唔知入面個氣氛係點,又唔知需要做啲乜,所以一入到會場都真係驚驚地呀!

原來依個家教會係由小學同幼稚園一齊舉辦,所以都有好多家長理事一齊出席,都好熱鬧呀!

今日主要都係由主席同副主席分別匯報之後各項活動嘅安排,可以係學校嘅母語關係,有部分匯報係用國語分享。

雖然我嘅國語又真係有限公司嚟,好在都算聽得明內容,都冇失禮。不過,相信如果開多幾次會,我嘅國語一定會進步呀!依個應該係我了解學校之外嘅另一個得著呀!

我仲已經即場登記左做義工,如果第日有需要我時間又許可的話,出少少力幫吓手都幾好呀,家校合作嘛!


我地嘅FACEBOOK專頁,你LIKE左未呀~


記得關注埋我地個微博呀~


仲可以電郵俾我地添~
 profile picture


*♡♡小肥豬♡♡* | 25th Sep 2013 | 博客分享, 好友與我 | (37 Reads)
21 SEPTEMBER 2013(SAT)

終於嚟到我最鐘意時刻,「幻想世界派糖大召集」開始,係幻想世界四個南瓜佈置都會安排不同嘅迪迪尼朋友仔同大家影相啦!

今日原本出嚟嘅朋友仔有MICKEY、MINNIE、CHIP & DALE同埋高飛,不過佢地實在受歡迎,所以我地都只可以排到同兩位朋友仔影相呀!

其實佢地全部都換左新衫,套衫真係好靚,所以真係好想同晒佢地影。不過真係時間唔夠,唯有下次入園等埋小小豬一齊先再同佢地影啦!今日就先同MICKEY、CHIP & DALE影啦~


影完相當然唔會忘記去旁邊個職員拎糖仔同貼紙啦~


行過見到夜晚個「大頭寶寶」加埋燈光效果,成個環境即刻變得鬼魅啲呀~


繼續再反回灰熊山,因為我地去玩今年新推出嘅「灰熊山谷黑色嘉年華」~


分別有五個小型攤位遊戲俾我地玩,啲遊戲其實都真係好簡單,相信就連小小豬都可以玩到。不過簡單亦有簡單嘅好,因為大家都可以贏到小貼紙之餘,亦可以有那份滿足感嘛~


玩完小遊戲之後,我地又再飛多一轉「灰熊山極速礦車」,感覺上部車係快左,加埋四周漆黑環境,真係好有正,所以真係強列推介大家係夜晚一定要飛多一轉,感覺同日頭玩嘅好唔同呀!

探險世界「黑色馬戲班」附近今年亦推出左一個新表演「黑色嘉年華『異』演」,有六位奇人大展異能表演呀~


強烈推介最後一個表演單位「火焰神」,佢嘅玩火神功真係好利害呀~

表演完畢每部小車都有一位奇人留低同大家影相~


係明日世界嗰邊都有一個表演「明日世界怪誕夜」,會不定時有不同嘅朋友表現,好似有HIP HOP或者其他嘅勁舞表演。我睇表演個場次就係表演緊打鼓,不過都幾好睇呀~

玩都攰又係休息時候,原來迪迪尼新出左一杯杯嘅雪糕(其實可能係出左好耐,我今次先第一次見到..哈哈),十八蚊杯又幾抵食呀!我地邊食邊休息,行返去大街等睇巡遊~

「夜光鬼魅巡遊」開始啦,我真係好鐘意睇巡遊,因為氣氛真係好正呀!不過聽其他朋友仔講,今年好似係最後一以JACK做主角嘅巡遊啦~



魔鬼對眼原來會閃光,好驚呀~

到左今晚最後一個環節,就係小鎮大街睇「殭屍戰狼人」。不過因為我地個位置唔係幾好,所以睇得唔太清楚呀~

當然唔少得搵啲殭屍、狼人玩吓影相啦~


今日我係迪迪尼嘅收獲都好豐富,不過全部都已經係屬於小小豬名下啦~

其實我覺得除左鬼屋同過山車之外,其他都好啱小小豬玩,尤其係幻想世界,可以俾小小豬拎好多好多糖嘛!所以等樂園正式開始黑色世界時,我一定會同小小豬嚟個HALLOWEEN打扮,等佢入園一齊玩呀!

10月4日至31日迪迪尼黑色世界就會開始,逢星期四至星期日,仲會延長開放時間到晚上十一時,大家可以有好多時間入園玩個痛快啦!

最後,再一次多謝迪士尼PR姐姐嘅安排,等我地玩左一個好開心同非常盡興嘅晚上。



我地嘅FACEBOOK專頁,你LIKE左未呀~


仲可以關注埋我地個微博呀~



可以電郵俾我地呀~
 profile picture


*♡♡小肥豬♡♡* | 24th Sep 2013 | 博客分享, 好友與我 | (32 Reads)
21 SEPTEMBER 2013(SAT)

今日真係勁開心,因為得到迪迪尼PR姐姐邀請,可以優先入場玩黑色世界呀~


原本應該係我地三口子一齊嚟試玩,點知小小豬都仲未病好,啲感冒未清晒,仍然係不停流鼻水。再加上超級颱風"天兔"又話今晚開始會到香港天氣變,所以大肥豬都考慮左好耐,都臨出門口時都係決定唔帶小小豬去,唔想佢再攝一攝又令唔舒服嚴重左。最後,我就臨時拉左兩個好姊妹糖糖同小肥肥陪我入場玩感受黑色世界啦!

我地第一個目的地就係灰熊山,飛返轉「灰熊山極速礦車」先~


由於唔多人,我地仲即刻飛多一轉,坐第一排真係勁好FEEL呀~


今日真係超LUCKY,因為終於可以同到灰熊山版嘅CHIP & DALE影相啦~


之後打算轉玩迷離大宅,不過好多人,所以我地先影吓相,晏少少等人少啲先再玩啦~


入SHOP行吓,好鐘意依個MICKEY頭南瓜呀~


行到反斗奇兵大本營,一定要同今年新加入嘅「大頭寶寶」影相啦~


終於到左撞鬼時間,第一撞當然係「詭墳學院」。雖然上年我都有入過去,不過膽少嘅我始終都係驚驚地。好在有糖糖依個勇者係度,所以我都安心,入去撞鬼啦~


基本上我入到去都係只識嗌,不過有部分環節就好似同上年有少許分別,唔講太多啦,怕大家到時冇左新鮮感,總之整體上都係好正啦!

之後我地就轉戰「黑色馬戲班」~


依個真係完全唔驚,我仲好留心睇啲機關,其實啲佈置真係做得唔錯,如果可以慢慢行嚟睇,應該都會唔錯呀!(哈哈哈...好明顯我係大膽左啦)

驚嚇左一陣,係時候要休息一吓。由於之後我地嘅節目係非常豐富,所以先去醫吓肚先。今次我地去左LION KING旁嗰間餐廳食(個名唔記得左..HEE HEE),其實我都係第一次去依間食,不過我又覺得幾有驚喜,啲嘢食都OK,仲幾有特色,下次入園又可以多一個選擇啦~

食飽飽就周圍行,周圍影相,仲可以聽到音樂演奏呀~


入夜後人唔算多,所以可以去「迷離大宅」~

「迷離莊園電磁廂車」真係好正,完全有晒視覺同聽覺享受,雖然我都已經係第二次玩,不過都仍然係好ENJOY,因為啲佈置真係好靚呀~

落車見冇人,又影吓相先,其實依個位影相真係好有FEEL呀~



離開「迷離大宅」時,見到個月亮,成個影像都好靚,忍唔住要影低佢呀~


行到明日世界,我就嚟個大變身,入左「整鬼化粧間」化個靚妝先~


等我化個靚妝先~


就係依個姐姐幫我化,都幾靚呀~


化成咁真係冇幾何,等我影返張靚相留個紀念先,我真係好鐘意依張相,影得我都幾靚呀(呵呵呵...又有人唔知醜添)~

靜態過後,又係刺激嘅時候,當然要去飛返轉「驚心動魄太空山」~


太空山都玩過好多次,不過今次真係勁HIGH,成個環境黑左好多,部車又快左好多,真係勁刺激呀!

入夜後啲南瓜著晒燈,影相好靚呀~

**節目太豐富啦...要分下半場寫啦...續待**



我地嘅FACEBOOK專頁,你LIKE左未呀~


仲可以關注埋我地個微博呀~



有事都可以電郵俾我地呀~
 profile picture

*♡♡小肥豬♡♡* | 23rd Sep 2013 | 小小豬篇, 靚太廚房 | (153 Reads)
21 SEPTEMBER 2013(SAT)

小小豬飲緊咩呀?個樣咁古靈精怪又攪笑?哈哈哈....知唔係小肥豬出品嘅開心清補涼湯啦~

由上星期開始,小小豬都KEEP住食西藥,都食左成個星期有多啦!一食西藥,依個豬仔又會忟忟憎憎,又扭計扭多左,小豬媽話應該係燥熱,叫我煲啲清補涼等佢解解熱。

就係咁,我就買左一包清補涼再加三十蚊豬展,煲個靚湯俾小小豬飲啦~

煮真係勁簡單,先把清補涼材料浸一浸,再將豬展切件出水備用。待水滾,把材料放入,先以大火煲三十分鐘,之後轉細火煲兩個鐘就完成啦~


一碗靚湯就係咁簡單煲好左啦~


我放左落個飲湯杯俾小小豬慢慢飲~

依個小小豬都不知幾鐘意飲,就只係一個上午,佢都已經飲左兩大杯啦!見佢飲得咁開心,都不負我晨咁早起身煲俾佢飲。

其實唔只小朋友,大人都好啱飲,所以都決定每個星期煲返一次,咁大肥豬同小小豬都可以清吓熱嘛!



我地嘅FACEBOOK專頁,你LIKE左未呀~


仲可以關注埋我地個微博呀~



有事都可以電郵俾我地呀~
 profile picture



*♡♡小肥豬♡♡* | 22nd Sep 2013 | 小小豬篇, 博客分享 | (23 Reads)
20 SEPTEMBER 2013(FRI)

早前係FACEBOOK嘅BlogDB專頁見到佢地有一個活動,就係送兒童音樂劇門票。我見個活動都幾有意思,一嚟又可以帶小小豬去演藝學院感受吓啲藝術氣氛,另一方面又可以等小小豬睇吓小朋友嘅表演。

好好彩地,我地抽中左門票,今晚就可以有突如其來嘅好節目啦~

小小豬仲帶埋佢個好朋友大眼一齊去睇添~

講真,小小豬都係第一次去睇音樂劇,所以開頭我都好擔心佢會唔鐘意,尤其怕佢係黑漆漆環境吓會怕黑咁勁扭計。不過,小小豬個表現俾我預期中投入,佢可以好乖乖咁坐定定又專心咁睇,一聽到啲小朋友唱歌跳舞,佢又會周身郁,好似想跟埋一齊跳咁呀!

其實我覺得依個SHOW應該係某教育機構舉辦,讓佢地嘅學員學滿師咁表演,所以成個SHOW都係以小朋友為主。小朋友以英文做主導表演唱歌、跳舞、講故事,我覺得佢地都真係好叻,起碼有咁大嘅勇氣上台表演,仲要表演得好好,相信都落過不少苦功!

雖然,當中一定會有啲蝦碌位,不過我覺得依啲先係小朋友可愛之處,佢地啲蝦碌位又真係幾好笑呀!

唔止小小豬,我同大肥豬都睇得好ENJOY。係睇嘅時候,我都幻想小小豬係度表演緊,唔知幾時小小豬都可以好似台上表演嘅小朋友一樣咁叻,唱歌表演俾我地睇...哈哈哈!


我地嘅FACEBOOK專頁,你LIKE左未呀~


仲可以關注埋我地個微博呀~

*♡♡小肥豬♡♡* | 21st Sep 2013 | 小小豬篇 | (18 Reads)
19 SEPTEMBER 2013(THU)

中秋節要返奶奶屋企食飯,所以接左小小豬放學後,就要趕返屋企先同小小豬食左個飯先,之後先落奶奶屋企做節。(係呀...為免落到奶奶屋企太多人,小小豬會野性掛住玩唔食飯,所以我會先同小小豬食左先,打好個低先嘛!)

食完飯之後,我地就一齊落樓下公園仔一齊玩。由此奶奶所住嘅都係多人嘅屋村,所以公園仔都已經有好多大小朋友係度玩緊,好熱鬧呀!

一去到公園,依個小小豬就先去玩"SIR"滑梯。大家留意吓小小豬一身嘅螢光打扮,係佢伯娘幫佢整呀~


不過"SIR"左幾次之後,抵受唔住小小豬嘅精力,就已經甩晒啦!

之後就玩吓螢光棒啦~


最後,伯娘買左啲BUBBLES,小小豬又有新嘢玩啦~

估唔到就咁我地都可以玩左成兩個幾鐘,見小小豬都玩到攰晒,所以就返屋企啦!

不過,今日唯一失敗嘅,就係我趕住出門口時,既然唔記得拎小小豬個大眼燈籠,真係激C我啦!小小豬冇得玩添,唯有收埋好啲,留返小小豬下年玩啦!



我地嘅FACEBOOK專頁,你LIKE左未呀~


仲可以關注埋我地個微博呀~



*♡♡小肥豬♡♡* | 20th Sep 2013 | 小小豬篇 | (17 Reads)
18 SEPTEMBER 2013(WED)

原車返同小小豬返左小豬媽屋企之後,小小豬就繼續瞓覺,依個時候又係我嘅自由時間啦....YEAH!

見今日係迎月日,加上嘉汶表妹尋日返嚟食飯時,買左盒半島奶黃月餅俾我地,所以同小豬媽兩個食吓生果同月餅享受吓啦!

點知....當我地準備好晒啲生果月餅時,依個小小豬唔知係唔係聞到香味,突然間佢又起左身(不過已經都算係瞓左三個鐘左右,都應該係瞓足夠啦),所以就預埋小小豬一齊食啦~


其實之前都聽好多朋友介紹話半島奶黃月餅係好好食,不過一直都冇機會試,終於今日都可以食到啦~


一打開個包裝袋,都已經聞到好香奶黃味呀~


配埋小豬媽個生果盆,真係好享受呀~


有嘢食小小豬又點會唔心急呀,不過都要等我地影左相先可以食。睇吓佢隻手仔,已經急不及待啦~


不過佢仲唔係好舒服,所以只係俾一粒士多啤梨佢食啦~

見我食月餅佢又要食,俾少少佢食啦!不過話時話,小小豬過左三年中秋節,佢都係第一次食月餅呀!

小小豬好似賣緊月餅廣告哦...哈哈哈~

睇小小豬個為食樣就知個月餅好好食啦~


個奶黃月餅又真係好好食,好香奶黃味之餘又唔會覺好油,仲唔會覺好滯,都幾啱口味,所以一食真係可以食好幾粒呀!(當然亦都因為咁...又會肥多幾磅啦...哈哈哈!)



我地嘅FACEBOOK專頁,你LIKE左未呀~


仲可以關注埋我地個微博呀~









*♡♡小肥豬♡♡* | 19th Sep 2013 | 小小豬篇 | (23 Reads)
18 SEPTEMBER 2013(WED)

自上星期五晚小小豬發燒及不停洗鼻水之後,我地都有帶小小豬去睇醫生,KEEP住有俾藥佢食,都叫做好左好多,已經冇再發燒同少左好多鼻水。

過已經過左好幾日,雖然已經冇再發燒,不過就變左係勁多痰同成日咳,為安全起見,尋日又帶左小小豬去睇醫生了!

食左一日藥之後,小小豬都已經好返左好多,見佢冇再唔舒服,仲精神過我咁,所以就可以繼續返學呀!

唔知係唔係轉左啲藥太勁,今日下午我地搭小巴返學途中瞓左,到站都唔識起身,仲打晒打鼻鼾咁,最後都係決定左,原車返屋企啦~


唉...唔知係唔係返左學之後,易病左好多呢?咁樣病一病,都唔知幾時先可以好返晒。雖然依啲都唔係啲咩大病,不過病咁耐又真係幾令人擔心,加上唔知係唔係食左啲藥,攪到個依個百厭豬又易忟憎,又扭計好多,真係幾頭痕。

依個傻仔仔幾時先好返晒,精精神神做返個健健康康嘅乖仔呀!



我地嘅FACEBOOK專頁,你LIKE左未呀~


仲可以關注埋我地個微博呀~


*♡♡小肥豬♡♡* | 18th Sep 2013 | 小小豬篇, 博客分享 | (11 Reads)
17 SEPTEMBER 2013(TUE)

今日幫小小豬收到一份好好嘅中秋節禮物,多謝美素佳兒PR姐姐,小小豬又有新玩具玩啦~


依個貪玩嘅小小豬一見到份新玩具,已經急不及待咁拎嚟玩啦~


個傻豬仔對個牛牛箱好有興趣,仲話要自己打開哦~

打開左...原來係一個行李箱嚟呀~


哈哈...其實依份禮物係一個牛牛行李箱,內裡都好大,可以放好多小小豬心愛玩具入去呀!

依個小小豬都不知幾鐘意,剛剛落小公園玩時,都話要帶埋落去呀!雖然個行李箱都唔算重,加上都幾堅固,應該唔會好易爛。不過始終都唔係太方便帶去公園嘛,所以最後都婉拒左小小豬個請求。

話明係行李箱,當然係要去旅行用啦!唔知幾時我地可以帶埋依個小行李箱一齊去旅行呢?(哈哈哈....又一發夢的媽媽)



我地嘅FACEBOOK專頁,你LIKE左未呀~


仲可以關注埋我地個微博呀~


*♡♡小肥豬♡♡* | 17th Sep 2013 | 博客分享 | (41 Reads)
16 SEPTEMBER 2013(MON)

首先多謝PR姐姐,又可以用大家分享我嘅小小試用感想啦!

今次我所試用嘅產品就係 - 美肌の誌 雙重完美去角質啫喱~


美肌の誌聽就聽得多,係電視都成日睇到廣告介紹,不過我一路都以為只係出面膜,原來有出其他美容產品,我真係大鄉理啦!

依一款雙重完美去角質啫喱,物理化學相結合,締造雙重煥膚新概念。溫和水果酸結合核桃顆粒,配合鳳梨萃取,深層清潔老化角質層同時,更溫和。暢通肌膚吸收通道,掃清毛孔污垢垃圾~


台灣出品,都好放心使用呀~

一般嘅去角質啫喱都係先洗完臉,印乾水分之後先用。不過依一款用法就有少少唔同,建議係洗面前先用,待清水乾淨啲角質碎屑後,先再用洗面乳洗面。去角質啫喱就像擦膠,可以擦走皮膚表面上的老化角質層,所以先使用後洗瞼就會感覺皮膚特別乾淨,其後使用護膚品時可以便加吸收~


帶有紅色粒粒的透明啫喱狀的凝膠,質地都算潤滑,而且帶有淡淡嘅果香味,都感覺不錯~

取適量凝膠塗於臉面上,輕輕按摩幾下,輕易就摔出碎屑~


清洗後,感覺粗糙的皮膚變得嫩滑左,皮膚亦感到乾淨了。此外,用後唔會覺得皮膚變乾,亦沒有"吉""吉"嘅感覺,性質溫和不刺激皮膚,都很適合我依種敏感肌使用呀!

如果大家想睇多啲美肌の誌其他產品介紹,可以去瀏覽FACEBOOK專頁: https://www.facebook.com/beautymate?fref=ts



我地嘅FACEBOOK專頁,你LIKE左未呀~


仲可以關注埋我地個微博呀~






*♡♡小肥豬♡♡* | 16th Sep 2013 | 小小豬篇 | (33 Reads)
15 SEPTEMBER 2013(SUN)

由小小豬出世開始,大肥豬都話好想為小小豬培養良好的宗教信仰同埋良好的身心,因為覺得可以從信仰中學習愛人,等佢可以由細開始建立良好興趣,洗滌心靈咁話。

不過,我成日都覺得小小豬仲細,如果咁快帶佢上依啲課堂學習宗教,其實我都怕佢係會唔明白。最後,大肥豬搵到一個聖堂係可以俾三歲小朋友返主日學,可以透過遊戲、唱歌、活動...等等,可以從各活動中慢慢學習及認識宗教。

其實我都覺得小小豬開始返K1,都已經大個仔,所以都係時候可以參與依啲活動。就係返左主日學之後對宗教唔會有太大認知,不過當係一個假日小節目,等佢可以同多啲小朋友一齊玩,都係一件好事嚟嘛,所以今日小小豬第一次返主日學呀~


原來上堂時係要小朋友自己上,家長係唔可以陪,所以開頭都好擔心小小豬唔知會唔會扭計唔合作。

不過,睇返今日大會同小朋友影嘅相,原來小小豬都好乖乖咁留心聽義工老師嘅講解,亦都算有參與活動,所以都要俾個叻叻佢呀~



哈哈哈...真係估唔到依個機構又幾IN,知道家長都會好想了解多啲小朋友上主日學時嘅表現,所以就影左好多相之後放上FACEBOOK,咁我地家長都可以知道大約小朋友個情況,都放心好多呀!

整體上第一次返主日學,小小豬都叫做合格啦,希望嚟緊每堂都可以繼續乖乖上堂,開開心心同啲哥哥姐姐仲有義工老師一齊玩啦!


我地嘅FACEBOOK專頁,你LIKE左未呀~


仲可以關注埋我地個微博呀~




*♡♡小肥豬♡♡* | 15th Sep 2013 | 小小豬篇, 靚太廚房 | (96 Reads)
14 SEPTEMBER 2013(SAT)

難得一個好天氣嘅星期六,原本打算帶小小豬去沙灘玩,等佢著個水著LOOK去玩跳浪。

點知昨晚半夜小小豬就唔舒服,突然間發燒。好在屋企有退燒藥,食左之後瞓左一覺都已經退晒燒。不過都仍然係有啲啖同咳,加上又剛剛燒完,所以都唔帶佢周圍去,乖乖地留係屋企休息呀!

哈哈哈...退晒燒嘅小小豬有番個可愛樣,我都安心返啲呀~

留係屋企冇嘢做都有少少悶,醒起之前買左包藍莓鬆餅PRE-MIX,所以就同小小豬嚟個親子整餅時間啦~


開始啦....小小豬唔係玩玩吓,佢都好乖又合作咁聽我地嘅指示去做,仲好專心又認真添呀~




MIX好晒啲餅粉之後,就可以放入啲小杯仔度啦!雖然小小豬係倒入小杯個過程就好似係"論盡"左啲啲,不過睇得出小小豬係好有耐性慢慢咁做呀~


仲幫手放埋入個光波爐呀~


哈哈哈...唔知係唔係小小豬知道啲蛋糕係佢自己整,所以係焗嗰個過程,小小豬唔肯離開部機,全程望到實呀~


我用180度焗左二十分鐘左右,藍莓鬆餅出爐。依個小小豬急不及待要拎嚟睇~


一見到啲蛋糕就好開心,仲不停係度唱生日歌呀~


唱左一陣,等到啲蛋糕仔冇咁熱,就可以食啦~


睇吓小小豬食得幾滋味~


依個藍莓鬆餅可以話大部分都係小小豬自己整,所以我覺得特別好食。唯一係我教個溫度差左少少,所以面頭就燶左少少,美中不足咁啦!

睇小小豬今日個表現咁好,見佢咁鐘意食又咁鐘意整,所以等我都買多幾款唔同味嘅PRE-MIX粉係屋企,咁想整嘅時候都可以好方便又簡單咁同小小豬再嚟親子廚房一番啦!



我地嘅FACEBOOK專頁,你LIKE左未呀~


仲可以關注埋我地個微博呀~


*♡♡小肥豬♡♡* | 14th Sep 2013 | 好友與我 | (41 Reads)
14 SEPTEMBER 2013(SAT)

哈哈哈...我嘅生日都差唔多都已經過左一個月,不過今日都仍然收到份生日禮物,真係開心啦!

依一份係我嘅好姊妹糖糖送俾我嘅生日禮物嚟呀~


好靚嘅MARIE圍裙,佢話見我依排成日都煮飯,所以搵條靚靚圍裙俾我,等我煮飯時會開心啲呀~


仲有一條好啱嘅褲,我剛剛就係想買條短褲留返下次同小小豬去沙灘時著,仲要係我鐘意嘅浮誇桃紅色,依個糖糖真知我心...哈哈哈~


其實依份禮物係我生日之前糖糖都已經準備好,不過一直都就唔啱時間,所以最後糖糖就決定穿俾我。為免寄失,所以糖糖就寄掛號,但我又攪攪吓今日先去郵局拎,所以就到依家先收到啦...哈哈哈!



我地嘅FACEBOOK專頁,你LIKE左未呀~


仲可以關注埋我地個微博呀~



有事都可以電郵俾我地呀~
 profile picture

*♡♡小肥豬♡♡* | 13th Sep 2013 | 靚太廚房 | (30 Reads)
3 SEPTEMBER 2013(FRI)

早排嘅FACEBOOK可以話俾人不停洗版,因為大家約而同地買左雪糕粉自己整雪糕。小豬媽見啲朋友仔整得咁開心,佢又好想整埋一份,不過搵左好耐都係搵唔到。

仲等我地四周圍搵,尋日行過樓下商場間烤焙專賣小店,原來有得賣,仲有小豬媽好想整嘅榴槤雪糕,所以即刻買嚟玩啦!最衰買唔到士多啤梨味,唔可以試整俾小小豬食添~

 (閱讀全文)

*♡♡小肥豬♡♡* | 12th Sep 2013 | 小小豬篇 | (33 Reads)
12 SEPTEMBER 2013(THU)

話說係大半年前,小豬爸買左隻小烏龜俾小小豬,不過因為小小豬仲未係好識得照顧,所以將依個重任交左俾LULU妹。雖然小小豬唔係主要照顧小烏龜,不過佢每次返到小豬媽屋企,佢都會走入LULU妹間房睇小烏龜呀!

唔經唔覺小烏龜都已經大隻左好多,經之前小小豬有同小烏龜發生左大膽豬事件之後,今日又一新作...就係小小豬仲幫手同小烏龜洗白白啦~

其實小小豬都唔係第一次同小烏龜洗白白,不過之前幾次都只係如似今日初初咁,等LULU妹放左小烏龜係水盆上,小小豬只係輕輕咁同小烏龜擦身~


擦擦吓又會對住鏡仔自戀一番~


不過,今日同小烏龜擦到中段,小小豬突然好大膽咁拎起小烏龜~


仲好細心咁望吓小烏龜有邊度污濁~

之後就同小烏龜繼續擦背~

最後睇到小烏龜完全乾淨就放返落缸呀~



真係完全冇諗過小小豬係完全唔怕小烏龜,咁大膽咁拎住小烏龜咁耐(拎起上手都擦左大約五分鐘呀),不過大家可以放心,小小豬擦嘅時候都好溫柔,所以小烏龜係唔會受傷呀!

某程序上我都覺得小小豬今次同小烏龜洗白白都有好大得著,因為俾我感覺到小小豬對小動物都可以好溫柔同好有愛心,當佢幫小烏龜擦背時,佢都只係擦個殼,仲都不停講:要細細力...唔好整痛龜龜...唔可以攪佢個頭仔!

希望小小豬可以KEEP住擁有依一份心,因為對小動物有愛心都係一個好寶寶應該有嘅態度嚟呀!


我地嘅FACEBOOK專頁,你LIKE左未呀~


仲可以關注埋我地個微博呀~






*♡♡小肥豬♡♡* | 11th Sep 2013 | 小小豬篇 | (24 Reads)
10 SEPTEMBER 2013(TUE)

唔覺唔覺原來又到十號,小小豬又大一個月,已經係三十七個月人仔,即係三歲一個月啦~


之前每個月嘅十號,都總會有小小攪作同小小豬做啲簡單活動記念一吓。不過今日真係都幾忙,加上小小豬又剛剛開學,所有心思都放左係佢返學嘅安排上面。就連我自己都忙都夜晚先記得今日係十號,所以什麼都冇做,平平淡淡咁過左依一日啦!

已經踏入三歲,發覺小小豬比上幾個月,都已經有好多嘢唔同左,識關心身邊人。好似有一次我係廚房洗蝦時,俾一條蝦"SO"拮到指甲皮,痛到我即刻大叫左出嚟!小小豬聽到我大叫就入嚟廚房,我同佢講我整到手痛痛,佢就即刻好溫柔地幫我隻手指按摩,仲叫我小心啲,唔好痛痛!嗰一吓真係冧到我暈左,估唔到小小豬都有溫柔一面呀!

某程度上又開始識表達自己嘅主見,好似有一日放學我地等左好幾班巴士都冇位時,小小豬就主動提意話『不如唔搭巴士,我地搭小巴啦!』聽到嗰一刻我都真係好驚喜,因為小小豬本身講嘢係唔叻,佢可以表達自己所諗嘅解決方法,所以真係好意外呀!

仲有一件事我最開心就係,係適應週第三日,都仍然只係返一小時,不過就唔可以家長陪。我就留左係學校,打算偷偷地睇吓小小豬上堂個情況。點知俾我從遠處偷看佢地去排洗的時候,來回兩次小小豬都係跟著同學仔好乖咁一齊行,嗰一刻都真係有點感觸!因為N班的時候每次離開課室,小小豬都一定係要老師拖到實,完全冇諗過依家可以咁守秩序自己行,唔洗老師跟呀!

雖有小小豬有佢好可愛攪笑嘅一面,但佢嘅扭計功都一樣同步進步中,當扭計百厭起上嚟,真係激到你差唔多暈低。自問我唔係一個EQ好好嘅人,所以對住依個又愛又恨嘅小小豬時,都真係幾傷腦筋。

但無論如何,我都一定盡我能力教好小小豬,希望佢可以做一個乖乖嘅人見人愛好寶寶。

總之就係....我同小小豬都會一齊努力加油啦!


小小豬個FACEBOOK專頁,你今日LIKE左未呀~

Next