香港新浪網 MySinaBlog
*♡♡小肥豬♡♡* | 31st Mar 2013 | 小小豬篇 | (20 Reads)
31 MARCH 2013(SUN)

復活節假期都嚟到第三日,日日都落雨,冇得出去玩,仲要困左係屋企,真係悶到我呢,所以見今日天氣好少少,起碼再落毛毛雨,所以都要出外走走!

不過,始終天氣都唔穩定,可以去得邊呀,入迪迪尼冇望,去公園又怕多蚊蟲,所以都係要搵啲室內地方先得。最後大肥豬就帶我地去新開嘅圖書館行吓,等小小豬吸引吓閱讀氣氛咁話呀!

依間圖書館都係三月尾先開~


有兩層,下面就俾大人閱讀,我地就留左係底層嘅兒童圖書館啦~

依度都只係其中一份分,整個場真係好大呀~


帶小小豬行左一圈,之後就俾佢自己去搵圖書睇,好認真咁搵書睇呀~

搵好就自己坐係地下睇。依個仔仔始終都係對英文比例有興趣呢~


坐係地下咁醜樣,最後就帶佢地搵位,乖乖咁坐定定睇啦~


好似好乖咁哦......不過依個冇時停嘅小小豬又點會真係咁乖同我全程都睇依一本書呀!睇左幾頁之後,就將本書放回書架,再拎過另一本書去坐定定睇,來來回回幾次,之後就要周圍行,同埋又話要返屋企啦!

我地係圖書館逗留左半個鐘左右,雖然小小豬都未去到好乖乖咁耐心地睇完一本書,不過佢都識得慢慢咁睇幾頁,又可以將睇完本書放回原位,我都覺得佢嘅表現算可以接受呀!

其實由我地屋企行去圖書館都係十五分鐘過程左右,所以大肥豬話一有時間就會帶小小豬嚟多啲,希望可以培養佢喜歡閱讀,咁對佢將來讀書都會好有幫助呀!(希望可以成功啦!)





**我的微博..關注吧**

*♡♡小肥豬♡♡* | 30th Mar 2013 | 小小豬篇, 博客分享 | (21 Reads)
29 MARCH 2013(FRI)

唔知大家有冇買今期嘅親子王呢~


今日我一早就叫左大肥豬幫我落街買,因為今期有一個小小部分會有小小豬出現呀!

事緣早前收到親子王的記者姐姐電郵,由於她正在做一個關於「幼兒做義工」的題目,其中一部份會講親子賣旗,剛巧在網上見到我嗰篇親子賣旗的網誌,所以就問我可唔可以將資料刊登出嚟。可以有一個地方紀錄小小豬做嘅善事,我當然唔介意,所以回答左幾個小問題,就等待出雜誌啦!
一收到本雜誌,即刻搵小小豬啦!原來我地段小篇幅係連同BB醫生一齊出呀~



哈哈哈...雖然係一個小小篇幅,不過都已經好開心,可以留一個好好紀念嘛!

再一次多謝記者姐姐。

不過講起今期介紹嘅『BB醫生』,其實我地都知道有依個活動,覺得都好有意思,好想帶小小豬去參加,等小小豬培養/學習幫助別人。不過依家小小豬都仲係怕怕地羞,驚佢出席活動時唔可以達到目的之餘,又會扭計影響其他人,所以我同大肥豬都決定等小小豬讀K1時,大個仔多少少,就開始JOIN依個活動,等佢可以帶多啲歡樂俾有需要嘅人呀!





**我的微博..關注吧**

*♡♡小肥豬♡♡* | 29th Mar 2013 | 小小豬篇, 博客分享 | (17 Reads)
28 MARCH 2013(THU)

今日好開心又收到美素住兒PR姐姐送嚟嘅小禮物呀~


係一隻USB手指嚟呀~


隻手指裝左啲乜?咪就係我幫小小豬整左捕捉親子時光微影集嘅短片啦!PR姐姐將短片送給我地,等我地可以留個記錄,同埋隨時隨地同好友分享。真係要多謝佢地嘅心思,等我地可以KEEP住條片呀!

我都想將條片放上嚟同大家分享,不過整左好耐都唔識整,所以最後都係CAP圖俾大家睇啦~

哈哈哈...啲相靚唔靚呢,我自己都覺得都幾配合主題,共享親子時光嘛!其實我覺得如果配合埋個音樂一齊睇,真係好睇好多,所以如果大家有興趣,可以CLICK入嚟睇吓呀 →  親親小小豬- 捕捉親子時光微影集  (不過....打開依個程式需要少少時間,所以會LOAD耐少少,請大家耐心等等。)

如果大家都想同你嘅小寶寶整返個捕捉親子時光微影集,咁就要快啲CLICK入依個網址:http://bit.ly/VMti47





**我的微博..關注吧**

*♡♡小肥豬♡♡* | 28th Mar 2013 | 小小豬篇 | (12 Reads)
26 MARCH 2013(TUE)

係我今日執返整齊啲層書架時,發現左上次去參加麥噹噹生日會所收到嘅禮物包,小小豬一見到就即刻要拎嚟睇,仲俾佢發現左入面有一副玩具眼鏡
添。

發現新玩具,當然即刻拎嚟玩啦!開頭唔識帶,成個傻豬咁~


經我地指導之下,終於變返個型仔,仲好CHOK添~


食茶點時間都唔肯除,要KEEP住扮型仔呀~

睇吓佢個招積樣~


不過話時話,雖然副眼鏡大左好多,不過小小豬戴上嚟又真係幾有型,殺C人啦!(又有人唔知醜係度勁讚自己個仔啦...哈哈哈!)





**我的微博..關注吧**

*♡♡小肥豬♡♡* | 27th Mar 2013 | 小小豬篇 | (11 Reads)
26 MARCH 2013(TUE)

復活節都未都,小小豬今日就已經收到兩份禮物啦!

第一份就係小豬媽送嘅靚鞋仔~


事緣今日小豬媽做完針灸,行過搭車時路經專門店,就俾放係門口嘅依對鞋你吸引左,覺得好靚又係小小豬至愛嘅MICKEY,,所以就買對靚鞋俾小小豬啦!

雖然依對都要幾百蚊,好似又真係唔係好值。不過小豬媽就話依啲膠質地軟啲,加上腳型又標準啲,等小小豬行起路上嚟都安全啲,所以貴少少都係值得。(哈哈...又再一次證明小豬媽錫到依個小小豬燶呀!)

小小豬嘅另一份復活節禮物就係大肥豬同事送嘅~


好多朱古力動物呀~


依家我地仲未俾小小豬食朱古力,所以以上動物將會全數納入我的胃內。不過啲公仔實在太可愛,所以都真係唔捨得食。所以依家先會俾小小豬用玩吓先,等佢同啲動作排吓隊先(佢都已經識得晒啲動物名啦),等佢過多一排我到我食啦...哈哈哈!





**我的微博..關注吧**

*♡♡小肥豬♡♡* | 26th Mar 2013 | 小小豬篇 | (13 Reads)
25 MARCH 2013(MON)

唔知係唔係今日返學玩得實在太開心,由放學開始小小豬都已經情緒非常高漲,全程車上都不停唱歌拍手,開心程度簡直係達到頂點呀!

返到屋企換左校服以為會好啲,點知就趁我準備午餐時,依個爛玩嘅小小豬就要LULU妹陪佢玩拋波波,玩到都不知幾興奮,好耐都冇見佢笑得咁開心,仲哈哈咁大笑出聲添呀~



唔知仲乜笑到好似失控咁,拎起件衫添,真係俾佢激C呀~


都係嗰句啦...依個百厭小小豬係佢唔扭計發脾氣激嬲我嘅時間,都真係好可愛,好難唔講句:愛C佢呀!

佢仲係我地一家嘅開心果嚟,大家一見到佢開心咁傻笑,自自然然都會跟住佢笑埋一份,所以話呢....小小豬你要乖乖地,唔好成日扭計,要帶多啲歡樂俾我地呀!





**我的微博..關注吧**

*♡♡小肥豬♡♡* | 25th Mar 2013 | 小小豬篇 | (25 Reads)
23 MARCH 2013(SAT)

話說之前小小豬幫過烏龜仔洗白白之後,之後幾日都成日入LULU妹間房想睇烏龜仔,見佢對烏龜仔咁上心,所以今日就等小小豬同烏龜仔嚟近距離接觸多少少啦!

小小豬都好留心睇缸入面嘅烏龜仔~


之後我地都係打算放烏龜仔出嚟地下爬吓,可以等烏龜仔伸展之餘,亦等小小豬可以觀察烏龜仔爬嘅情況。點知當我地一放烏龜仔係地下時,小小豬以為佢係走失左,即刻好緊張咁拎起烏龜仔放回缸入面呀~


隔左一陣,我地又再一次將烏龜仔放回地下,係想測試小小豬係貪玩定真係知道要烏龜仔住係個缸度。當小小豬一見到烏龜仔,又即刻好緊張要將烏龜仔帶回缸啦~

大家可以先放心,可能小小豬都知道烏龜仔係有生命,所以成個動作都好斯文,冇整親烏龜仔呀!

今次依件事,發現小小豬都好留意身邊發生嘅事,可能成日都係望住個缸睇烏龜仔,所以知道烏龜仔係住係個缸入面,唔可以走出嚟(咁即話佢唔會捉烏龜仔出嚟玩啦)!

另外,係我地冇提示之前,亦識得溫柔咁對待烏龜仔,都算佢有愛心同乖仔啦!

其實我地都真係完全冇諗過小小豬係識得將烏龜仔放回缸度,亦冇諗過佢可以咁細細力放回烏龜仔(平時佢執玩具都可知幾粗魯呀),最估唔到就係小小豬可以咁大膽捉住烏龜仔(其實我同小豬媽都不知幾驚,唔敢捉烏龜仔呀)。

小小豬真係開始大個仔啦!





**我的微博..關注吧**

*♡♡小肥豬♡♡* | 24th Mar 2013 | 小小豬篇 | (28 Reads)
23 MARCH 2013(SAT)

買左部新單車都未去玩過,見今日天氣好好,所以帶小小豬去玩吓新單車啦!其實之前係屋企都教過小小豬踏,都可以自己踩一段路(由廳踩入房門口)呀!

一落到公園,坐上單車度,都好似好叻咁踏到少少~


踏左一陣,好似唔多識控制左右方向~


開始有少少失控時,就唔敢再踏,用腳仔行啦~


教多幾次之後,都可以叫做踏到一條路~


平時係屋企就成日坐上單車上面,好開心咁扮揸車,不過一出到街玩嘅時候,小小豬就好似唔太ENJOY咁,可能單車對佢嚟講都仲係新鮮,加上又完全識得用腳力嚟踏單車,所以都係要帶佢多啲落公園玩,等佢熟習多啲,到時就踏得快過我行路啦!





**我的微博..關注吧**

*♡♡小肥豬♡♡* | 23rd Mar 2013 | 生活點滴, 小小豬篇 | (47 Reads)
22 MARCH 2013(FRI)

天氣開始轉,所以又係時候要換季啦!

我指嘅換季就係買新衫,又係一個俾自己買嘢嘅藉口啦!

早排係YAHOO拍賣場睇中左條裙見幾靚,原本都15/16,始終依家都好少機會著到,幾經考慮,終於都買左佢,當氹吓自己開心啦~

其實我都好怕係網上買衫,成日都好似唔啱身咁,好在收到貨都覺得唔差,個質地都好好,所以都叫做冇買錯啦!

買完俾自己,當然到買俾我個寶貝仔啦!前日送完小小豬返學,見門口個散貨場有衫買,$20一件仲要質地都幾好,當汗衫係屋企著都抵啦!所以就好師奶仔咁搶幾件返嚟啦~


不過....最估唔到俾我搵到件MELODY,我自己都有一件同款,又可以襯返嚟個"無良母子裝"啦...哈哈哈!!!

最後,今日路過樓下商場,見到一套好有型嘅父子裝,剛好有碼啱佢地兩父子,所以我都買左佢,打算俾佢地嚟過型仔父子裝~


我滿心以為大肥豬會好鐘意(因為佢成日都話我唔買父子裝俾佢地),點知....佢一見到就話:仲乜咁似舞男呀!不過,佢係笑住口嚟講,我相信內心深處佢都係鐘意呀!

不過,真係激C我啦,人地好心買套靚衫俾佢兩父子,佢就咁話我,所以又係一個藉口俾我唔再買父子裝俾佢啦!哈哈哈~





**我的微博..關注吧**

*♡♡小肥豬♡♡* | 22nd Mar 2013 | 靚太廚房 | (208 Reads)
21 MARCH 2013(THU)

之前陪小豬媽睇中醫時,嗰位醫師就話用生薏米煲水對身體好好,真係好有幫助,既可以去身體內濕氣,又可以作保健。見個醫師講得咁好,當然要煲嚟飲吓啦。

所以今日就買整材料,煲返個
檸檬薏米水啦~


真係好簡單,一個小時之後就完成啦~


飲落又真係幾好味,大家都讚好飲,就連小小豬都飲左一大杯呀!

簡單又易煲,所以一有時間都煲多啲,大家一齊保健吓先得呀!




材料 :
- 生薏米 半斤
- 水     適量 (我就用左一個水煲份量)
- 檸檬汁 半個
- 檸檬皮 半個
- 糖     適量

做法 :
1. 薏米洗淨,連凍水放入煮滾後,慢火煲約一小時
2. 洗淨檸檬,刨皮榨汁
3. 把檸檬皮加入煲好的薏米水內,焗 20 分鐘
4. 隔去檸檬皮及薏米,加入檸檬汁和適量的糖拌勻,即成





**我的微博..關注吧**

*♡♡小肥豬♡♡* | 21st Mar 2013 | 小小豬篇 | (92 Reads)
19 MARCH 2013(TUE)

今日係我同大肥豬拍拖紀念日,唔覺唔覺...原來都有十四年啦,真係快樂不知時日過呀!

原本今日大肥豬打算帶我地去食HIGH-TEA,出外玩吓慶祝一番,不過因為要陪小豬媽去做療程,所以就先取消左今日嘅節目,搵日再去玩過啦!

不過,話晒都係一個重要日子,所以點都要有少少慶祝活動,所以大肥豬放工就帶埋個蛋糕一齊返嚟,大家開開心心食蛋糕啦!

講到食蛋糕,當然最開心嗰個就係小小豬啦~


睇吓佢一見到個蛋糕幾咁興奮~


睇吓佢幾咁期待樣.....因為想食蛋糕嘛~


雖然唔係生日,不過有蛋糕都要唱吓生日歌,等小小豬開心吓~


MAKE A WISH先~


吹蠟燭啦~


急不及待要偷食啦~


我都話依個係擦鞋仔嚟啦,有小豬媽在場佢真係笑得靚啲、可愛啲呀,真係勁鐘意依個笑容呀~


仲同小豬媽深情KISS KISS添~


同埋小豬爸影相都好靚,都叫做有啲笑容呢~


我地三口子點都係影得唔夠靚,真係激C我啦~


好啦....切蛋糕啦~

雖然都只係簡單咁慶祝,不過都係貫徹我一向想法:只要一家人開開心心,無論係點慶祝,簡簡單單我都已經好開心啦!





**我的微博..關注吧**

*♡♡小肥豬♡♡* | 20th Mar 2013 | 小小豬篇 | (18 Reads)
19 MARCH 2013(TUE)

話說之前我地去錦田鄉村俱樂部玩撈金魚有八條戰利品,當時小豬媽話想拎返屋企等小小豬多啲睇吓魚仔,等佢可以培養一吓照顧小動物。所以小豬媽就即場買左個小魚缸,帶啲魚仔返屋企。

雖然個魚缸都有啲氧氣珠提供,不過臨走時,我見啲魚仔開始唔係好對路,幾經考慮,大家都覺得啲魚仔俾返個職員會好啲,起碼唔會咁快C嘛!

既然買左個小魚缸,所以小豬爸就話過兩日去買隻烏龜仔,一樣都可以等小小豬培養照顧小動物,又易養啲呢!

過左幾日,小豬爸就買左隻烏龜仔俾小小豬。小小豬見到都不知幾肉緊,成晚都魚缸不離手呀~



不過,大肥豬話怕烏龜仔初初去到新環境唔適應,所以唔俾小小豬照顧住,就交由LULU妹照顧住先。

到左今日,烏龜仔都嚟左屋企成個星期,係時候可以等小小豬同烏龜仔嚟個親密接觸,先嚟等小小豬幫烏龜仔洗白白先啦!

我教左小小豬一次幫烏龜仔刷個殼,個傻仔仔真係好認真,一路唱住刷刷刷歌仔,一路同龜仔洗白白,完全好投入,唔係玩玩吓呀~


哈哈哈....睇吓個傻豬仔刷得幾興奮~


依家先教佢同烏龜仔洗白白,慢慢先再教佢餵食物啦。始終小小豬都仲係細,所以都係一步步咁等佢學習照顧烏龜仔啦!

同場加映:大家有冇留意到小小豬隻豬眼呢?唉....咪就係因為尋晚開窗瞓覺,所以就俾隻蚊咬左一啖,咬到咁腫,相信隻蚊都已經飽到唔識飛啦,真係激C我啦!





**我的微博..關注吧**

*♡♡小肥豬♡♡* | 19th Mar 2013 | 小小豬篇 | (24 Reads)
16 MARCH 2013(SAT)

就因為今朝早冇帶鎖匙關係,原本都有打算將個節目取消,不過大肥豬話既然都執好晒嘢,所以都照入去玩吓啦。

所以我地今次都算遲左入迪迪尼,入到去到已經成一點半,所以先帶小小豬去開餐,之後先再去玩啦!

一離開BABY ROOM,見到好多人同啲汽球影相,我地又去玩埋一份啦~


依個小小豬已經對迪迪尼好熟路,一行到大街就要衝去搵佢偶像影相啦~


不過大街嘅MICKEY真係勁多人排隊,所以我地都冇去排。不過依個小小豬不停叫“MICKEY...MICKEY”,所以我地就轉行入去小亭搵另一個MICKEY啦!

睇吓小小豬見到MICKEY幾開心,仲玩到唔肯影相添!原本小小豬同MICKEY玩左好耐,不過因為有個強國小妹妹突然衝出嚟,阻住左個鏡頭,所以影唔到相,真係勁嬲呀~



影完MICKEY,就夠鐘睇巡遊。上次我地都係企埋一邊睇,小小豬睇得到唔ENJOY,所以今次我地早少少去大街搵個靚位坐定定睇。就係我地食緊士多啤梨等睇巡遊時,有位BLOGGER姐姐走埋嚟同小小豬玩。開頭小小豬都好怕羞,不過玩左一陣就開始熱情,臨走時叫佢飛吻姐姐,小小豬竟然將滿手士多啤梨嘅手摸姐姐個咀,真係唔好意思,不過依個係小小豬熱情嘅表現,相信姐姐都唔會怪佢...哈哈哈~


專心睇巡遊中~


依個怕羞嘅小小豬,原本個表演姐姐想拖佢出去玩,點知佢怕羞唔肯出去,所以冇得出去玩,真係激C呀!我地話下次一定要捉佢出去玩,練吓佢個小膽呀~


睇完巡遊,我地先去醫肚,之後就入灰熊山谷行吓,大肥豬又嚟影剪影啦~


不過我始終都係鐘意影見到小小豬可愛樣嘅相多啲~


原本我都想自己一個人飛返轉,不過單人坐都要等成二十分鐘,所以都係唔玩,留返下次冇咁多人先啦!

最後,我地行返出大街見到DONALD,上幾次去都唔見DONALD,仲要唔係好多人排隊,所以我地又去同DONALD玩啦!

可能唔算多人,所以同DONALD玩左好耐呀~



今日原本都想影埋MINNIE,不過真係勁多人,所以最後都放棄左,不過當小小豬見到MINNIE時,好似好唔捨得咁,仲停講“I WANT MINNIE”。依期佢真係愛MINNIE多少少,所以下次入園一定要同佢MINNIE玩先呀!





**我的微博..關注吧**

*♡♡小肥豬♡♡* | 18th Mar 2013 | 生活點滴 | (24 Reads)
16 MARCH 2013(SAT)

因為都有成個月冇入迪迪尼,大肥豬又見今日天氣都好好,所以就話同我地入迪迪尼行個圈,影吓相開開心心玩返日。

有得入去當然勁開心,所以今日一早起身就做好準備,執好晒相機、小小豬行裝,之後等小小豬個午餐煮好就出發。

離開屋企時,大肥豬先推小小豬出去電梯口,我就負責守尾門,睇吓屋企啲電器..煤氣關好未。

就當我關門之後,我究竟見到大肥豬冇拎到我地個大袋,我地所有銀包..我個電話...相機...小小豬行裝全部都冇帶,就連最重要嘅鎖匙,都係個袋入面。嗰一刻我自己都唔識俾反應,同大肥豬兩個只有眼望望,真係兩個失敗的人呀!

諗左好耐,終於都係得一個選擇,就係打電話搵救星。好在之前我坐月時都有俾屋企鎖匙俾小豬媽,有一條後備匙,如果唔係要CALL師傅嚟開鎖,要俾開鎖費之餘,整爛門匙又要換過晒啦!

原本小豬媽約左朋友飲茶,不過佢知道之後,即刻拎鎖匙過嚟救左我地先呀~


唉....今日可以話係我有生之年,做嘅最失敗嘅事!

其實平日嘅我係好小心,每次出門口都會CHECK清楚帶齊嘢之後先關門,又真係冇諗過會咁失魂,下次出門口真係要小心啲再睇先得啦!





**我的微博..關注吧**

*♡♡小肥豬♡♡* | 17th Mar 2013 | 博客分享 | (22 Reads)
15 MARCH 2013(FRI)

之前聽朋友介紹,都知名Lancome的粉餅不錯,今次多謝imore,終於有機會試用啦~


由於是抽獎關係,我所用的是035號色。幸好這色都貼近我膚色呢~


它的鏡子超大的,拿起來幾乎全臉都可以照~


盒內設有透氣孔,為存放樸透氣而設,既方便又衛生~


粉蕊是背後卡嵌入式的,十分安全~


開始上妝了~


粉質細且服貼,上妝後很自然。雖然毛孔遮得不是太好,隱約仍見到細少的毛孔,但我覺得可以接受~


使用粉餅是因為它既方便、又快速,完全符合我趕時間出門但又要打扮的人。如同時有防曬的便是最好的選擇。

Lancome奇蹟亮白粉餅的粉餅非常貼面,不會讓人覺得塗了厚厚的粉,能做出剔透自然的感覺。粉餅質地柔軟易推,而且緊貼肌膚,非常容易令皮膚均勻服貼。

控油配方,粉餅有助控制油光,經過一天的外出,都不會有太大的溶妝。持久度亦非常好,於外出時我都只是補妝一次。重複補妝也不過有明顯的厚重,於剛補的時侯,確實會有一點點點浮粉,但是等待一下,就整個變回自然了。

另一個特點是SPF係數非常高,也有三個+,所以真係很適合夏天使用呢!

唯一覺得遮瑕度在我身上發揮的未太理想,用後仍會隱約見到少毛孔,或可是我的皮膚問題,但我這我亦覺得可以接受!





**我的微博..關注吧**

*♡♡小肥豬♡♡* | 16th Mar 2013 | 博客分享 | (23 Reads)
15 MARCH 2013(FRI)

自白肌依個牌子我都聽過好耐,佢係台灣都真係好出名,就連『女人我最大』都有介紹過,不過佢地都係主要係台灣內銷,但近依半年開始係香港有得賣,我又好幸運咁可以抽中,所以有得試用啦~


SET裝內還附送洗面CREAM一支~


倒出化妝水,質地不像是清透水狀,而是有點稠像精華液般,聞起來完全沒有味道~


雖然比較黏稠,但很容易就被推開,只要用手輕輕按摩,很快就能被吸收,感覺都很清爽~


我早晚於洗斫後使用,倒在化妝棉上,然後在擦拭全臉~



依支化粧水強調分子小且高滲透力高保濕力,剛好屋企又有面膜紙,所以就利用化粧水做個保濕MASK~


我連續敷左兩晚(敷面膜個樣唔俾大家睇,唔好嚇親大家),敷左大約十分鐘,之後只係簡單咁塗個清爽的乳液就去瞓覺。第二日起身都唔覺得塊面好乾,摸落仲好滑滑添。

整體來講,這款保濕化妝水的質地清爽不黏膩,有點像精華液的感覺,延展性很好。塗抹吸收以後,肌膚馬上有"飲飽水"的感覺,馬上變得細緻有光澤,但是一點都不會感到黏膩。由於我覺得它的保濕度還比一般的乳液更好且更清爽,現在早上洗臉後只用它的化妝水,然後直接塗防晒就出街,整天面仔都唔覺乾呀!





**我的微博..關注吧**

*♡♡小肥豬♡♡* | 15th Mar 2013 | 小小豬篇 | (68 Reads)
11 MARCH 2013(MON)

話說之前我地都有幫小小豬報K1,報嘅都係龍校。因為大肥豬覺得龍校嘅配套好似係好少少,加上小小豬升小一時大抽獎又唔知會派啲乜學校,所以如果幼稚園入到龍校,咁可以唔洗咁頭痛嘛。

報就報左十幾間,不過其實我地都係去左六間左右,唔係面試日期撞晒,就係小小豬唔舒服,所以好多間都冇去(真係浪費晒啲報名費)。

小小豬就係有一個毛病,就係怕怕羞羞,加上仲未好叻咁可以講好多嘢,所以係短短幾分鐘面試時,都唔可以話有好發揮,到佢WARM-UP好就完左個面試,所以我地收嘅信大多係REJECT,不過都有兩間係WAITING,咁都未話失望都頂點。

既然過左一排都未收到CALL WAITING電話,我都打定輸數,小小豬都係轉唔到校。

點知今朝早就收到一個開心電話,叫我下午去交留位費。聽到嗰一刻真係開心都唔識形容,因為依間學校原來係上星期五先收正選學生留位費,完全冇諗過佢會咁快就CALL WAITING,仲咁快打電話俾我地呀!

今日中午我就好乖乖咁即刻去交留位費,就係咁....小小豬KI有新學校讀啦~


睇見張留位費收據,真係成個人都定晒,終於有間好學校收小小豬啦!雖然都只係下午班,不過依間龍校都係區內好有名氣,出名老師嚴格(真係啱晒..因為依個百厭小小豬都唔怕老師,等有啲嚴老師教都係一件好事)。所以 可以入到都已經真係好好運啦!(當然都要讚吓小小豬係面試當日表現比平時的好啦)

雖然係開心,不過依間學校係以國語上堂,我都有少少擔心小小豬會唔習慣,希望佢到時可以快啲適應啦!

依家我都已經寫左信去希望可以轉上午班,如果真係排到轉上午,咁就真係完美啦!(我都知自己係貪心左少少...不過為左小小豬唔緊要啦...哈哈哈!

**如果大家憑一啲蛛絲馬跡睇得出係邊間嘅時候,都請大家幫幫手唔好講出嚟,好讓仔仔有一個愉快同安全嘅校園生活呀!**





**我的微博..關注吧**

*♡♡小肥豬♡♡* | 14th Mar 2013 | 博客分享 | (30 Reads)
11 MARCH 2013(MON)

我本身都算係一個幾懶搽Body Butter嘅人,因為平時係會怕啲質地好厚又好笠,塗完之後總係覺得周身都唔舒服咁。不過一到天氣開始乾燥時,總要需要找Body Butter來急救一吓,等皮膚滋潤一番,唔洗周身痕呀!

好開心imore抽中了我,讓我有機會和大家分享。Boots Extracts Body Butter含有佛手柑實萃取物,乳油木果脂等。強效滋潤及為皮膚補水,用後令皮膚柔軟細滑~


質地是杰中帶有一點油,就就像是淡綠色的乳霜~


使用前手背很乾呀,出現了一些乾紋啊~


很容易就被推開了~


搽完唔駛一分鐘就已經吸收,而且沒有黏稠感,手背的乾紋都沒那麼明顯了~


總括來說,我都覺得依款Boots Extracts Body Butter的效果是很理想的,就好像依幾日天氣都唔算乾燥,但塗完之後覺得他滋潤卻不會油膩,完全沒有笠的感覺,同時亦令皮膚好似有一種光澤感。連續用左都好幾日,皮膚都好似多水同飽滿左,雖然乾紋還在,但就沒有之前那麼明顯。

雖然味道唔算好燶烈,亦不是太刺鼻。可能是我個人關係,我本身就不太喜歡佛手柑那種瓜果的味道,所以在香味方面,我就唔算太喜歡了。





**我的微博..關注吧**

*♡♡小肥豬♡♡* | 13th Mar 2013 | 小小豬篇 | (19 Reads)
10 MARCH 2013(SUN)

離開左錦田之後,我地就向石澳出發,因為約埋細路一齊入去食泰國菜呀!好在有小豬爸揸車車我地去,所以由錦田去石澳都算係好方便,我地好舒服咁係車度坐四十分鐘左右,就到啦!

由於我地比預期中早左入到去,所以去沙灘俾小小豬玩一陣。因為係離開錦田鄉村俱樂部時,小小豬熱到成身濕晒,就係咁...我同小小豬就換左另一套母子裝啦~


依個小小豬真係錫晒小豬媽,每次同小豬媽影相佢都一定好合作咁影得好靚,又會望鏡頭,但同我影嗰啲就唔會哦,真係激C我呀~


天氣開始涼,換返件衫繼續玩。個傻豬仔係沙灘周圍走,都不知幾開心~


向左望、向右望的兩母子~

齊齊望海~


嚟返張SWEET SWEET相先啦...我真係好鐘意依張呀~

係沙灘玩左半個鐘左右,我地就去餐廳食嘢啦!走嘅時候小小豬都好似玩得唔多夠喉,等天氣好時一定要帶佢再嚟沙灘玩過。

好啦...我地豐富晚餐開始,真係勁好味呀~


幾溫馨的小豬爸與小豬媽~

一家人齊齊整整食飯就係最開心啦~

係尾段細路買左杯雪糕係小小豬食,為食豬本色又嚟啦~





**我的微博..關注吧**

*♡♡小肥豬♡♡* | 12th Mar 2013 | 小小豬篇 | (14 Reads)
10 MARCH 2013(SUN)

繼係年初三我地摘士多啤梨摘得好開心,仲有少少唔夠喉添,所以小豬媽就話趁仲係有得摘,想去玩多次。之前又見好多朋友仔去左錦田鄉村俱樂部都有好好嘅收獲,所以就趁今日天氣勁好,我地又去玩過啦!

原來今日係十號啦...即係小小豬又大一個月,已經係31個月大啦!所以趁機又當係一個為小小豬慶祝嘅活動啦!

一入到錦田鄉村俱樂部,當然係即刻去摘士多啤梨啦~


拎住個籃周圍走周圍摘~

我們的親子裝...靚嗎~


小豬媽同小豬爸都著情侶裝~


專心揀士多啤梨的兩婆孫~





可能依個場太旺,加上可能已經係季尾,所以啲士多啤梨都唔算大粒,有好多都生生地,所以我地收獲都唔多豐富,摘左一磅都唔夠呀~


摘完士多啤梨,當我地係俱樂部入面周圍行時,見到有撈金魚,小小豬兩話不說就坐定定咁睇魚,好似好有興趣咁,所以就買幾個撈一齊玩啦~


睇吓大家撈得既專心又開心~


不過最開心都係小小豬,睇佢望住個撈時個樣幾古惑~

我地咁多人一共玩左十四個撈,有八條魚收獲呀!最叻叻就係小豬爸,佢一個人撈左六條魚,其餘兩條就係LULU妹撈嘅~

我地仲即時買埋個小魚缸,小小豬幾專心睇魚仔~


玩完之後就周圍行參觀吓,帶小小豬睇吓動物咁,不過因為天氣實在太好,大家都熱到紅卜卜,要不停飲水。小小豬亦趁機會有得飲佢平日唔可以飲到嘅嘢啦~


行到大家都攰,所以就搵個地方企低休息一吓,食吓新鮮嘅士多啤梨啦~


不過我地都覺得啲士多啤梨唔算好食,既唔甜又冇乜士多啤梨味,都係上次流浮山摘嗰啲好味好多。我之前真係見過好多朋友仔係依間摘完話好正,唔知點解今次我地摘又好似差咁遠,不過可能都係季尾,所以靚嘅一早都俾人摘晒啦!

休息過後,我地就離開錦田鄉村俱樂部,向下一個目的地進發啦!





**我的微博..關注吧**


Next