香港新浪網 MySinaBlog
*♡♡小肥豬♡♡* | 28th Feb 2013 | 小小豬篇 | (18 Reads)
28 FEBRUARY 2013(THU)

今日係我同小小豬洗白白嘅時候,LULU妹拎左一樣玩具出嚟,就係LULU好一位朋友仔送俾小小豬嘅水槍。

見小小豬玩得咁興奮,所以同佢影返輯開心出浴照啦(大家放心...我一定會緊守第三點,以免小小豬大個時怪責我呀...哈哈哈)~


之前都未玩過水槍,好有興趣究竟咁哦~



不過因為天氣都仲係凍凍地,所以都只係俾小小豬玩左一陣,等遲多少少熱天嘅時候,到時可以俾小小豬玩耐啲,又可以教吓佢點玩,等第日去沙灘玩時都可以帶埋去玩都幾好呀!





**我的微博..關注吧**

*♡♡小肥豬♡♡* | 27th Feb 2013 | 小小豬篇 | (19 Reads)
27 FEBRUARY 2013(WED)

今日都小豬媽為依個為食嘅小小豬準備左一個好豐富嘅飯後果。

一戴上口水肩小小豬已經既心急又興趣啦~



嘩...一見到碟又大又靚嘅士多啤梨&桑子,就即刻要搶住拎啦~

開始時都食得好斯文~




不過....好快就變成狼吞虎嚥啦,但小小豬個為食樣又真係幾古靈精怪呀~

食到單晒眼咁...哈哈哈~


基本上依一碟生果我地都只係食左幾粒士多啤梨,大大話話小小豬自己都食左一大半(不過小小豬對桑子又不太有興趣,都只係食左幾粒),小小豬真係一個士多啤梨怪嚟呀!





**我的微博..關注吧**

*♡♡小肥豬♡♡* | 26th Feb 2013 | 小小豬篇 | (17 Reads)
26 FEBRUARY 2013(TUE)

早排小小豬放學之後,都會要求去學校附近個公園仔玩。之後我都會俾佢玩幾次先走,不過自從有一日老師話佢上堂又嚟攪事時,所以我就懲罰佢,冇再俾佢去玩。當然每日小小豬如常扭扭計咁要求,我就同佢講因為佢返學唔乖,所以冇得玩!

餓左咁多日,小小豬今日終於可以有得去公園仔玩啦!

睇佢有得玩幾開心~

點解可以有得玩,就係因為老師讚小小豬有少少進步,上堂攪事情況就少左(只係少左....即係仲有攪事啦...真係激C人啦)。

見佢有乖左啲啲,所以就俾佢玩一陣,等佢知道做乖乖就可以有獎勵。

希望佢可以KEEP住越嚟越乖,係學校唔好再攪事啦!





**我的微博..關注吧**

*♡♡小肥豬♡♡* | 25th Feb 2013 | 小小豬篇 | (17 Reads)
25 FEBRUARY 2013(MON)

今日都唔知發生乜事,依個小小豬由放學開始,情緒都高漲到頂點,成個下午都不停係度好開心咁唱歌跳舞,就連瞓覺時都係度唱歌,攪到一直都唔肯瞓,幾經辛苦,終於都俾我捉到佢瞓著左。

瞓醒就繼續攪事,仲大膽到走上小豬媽張床,明意上就係陪休息緊嘅小豬媽,實際就係鐘意係張床上面跳跳扎。

近期成日都整依個扮嘢樣....好醜樣呀...哈哈哈~

一瞓底就係LULU妹捉住左~


捉住個百厭仔仲乜...咪就係俾LULU妹"吱..吱"啦~


最後小豬媽仲加入戰場添~

三個都想到傻晒,仲以為小小豬瞓醒會平靜啲,瞓醒就仲有足夠能量係度繼續高漲,真係冇佢收。不過見佢玩得咁開心,真係會令人開心返晒呀!





**我的微博..關注吧**

*♡♡小肥豬♡♡* | 24th Feb 2013 | 生活點滴, 小小豬篇 | (49 Reads)
24 FEBRUARY 2013(SUN)

正月十五除左係元宵節之外,亦都係另一個節日,就係奶奶嘅生日。所以每一年元宵節嘅慶祝活動,就係同奶奶食晚飯慶祝啦!

今年當然唔例外,一家人同奶奶去酒樓食餐豐富嘅晚餐慶生日。由於奶奶唔食得蛋糕,少左切蛋糕依個環節,但壽包就一定唔可以少,所以我地就以壽包嚟慶祝。

睇吓依個為食小小豬,一見啲壽包幾咁興奮,成個急不及待嘅樣呀~


小小豬真係太愛啲壽包,就連我地影大合照時,佢都只係掛住拎個壽包,所以完完全全俾啲包包遮掩左呀~

今餐我地去左淘大稻香食,話時話依家稻香啲水準又真係好似好返啲,啲嘢食都算抵食又大碟,味道都算OK,價錢又唔貴,唯一美中不足就係啲職員服務就麻麻地,或者佢地真係太忙,所以要叫左佢地成四次先幫我拎張BB椅,後加碗白飯又係要叫好多次,最後啲餸都差唔多食晒,碗飯先到。如果可以改善埋依啲,咁就非常好啦!

就係咁,我地又開開心心過左一個晚上啦!





**我的微博..關注吧**

*♡♡小肥豬♡♡* | 23rd Feb 2013 | 小小豬篇 | (20 Reads)
23 FEBRUARY 2013(SAT)

今日見天氣都幾好,所以又係時候帶小小豬去放電啦!

由於今日要返小豬媽度食飯,所以就去左鰂魚涌海濱公園,等小小豬可以係條海濱長廊度跑吓、跳吓,極速放電。

當行過7-11,我突然好想食雪糕,就係咁小小豬又有機會食,睇佢食得幾滋味~

食完雪糕,見附近有個石卵路,所以就想俾小小豬試吓行,等佢感受一吓。原本都預計佢只係行幾步,點知依個大膽小小豬既然可以行晒成程,仲要唔係慢慢行(同平日行路速度一樣啦),真係俾佢嚇親呀~

一到海濱長廊就開始跑啦~

行到去長者活動地方時,個傻仔又要玩埋一份添~

依個百厭仔又俾左另一驚嚇我,都唔知佢係邊度學返嚟,係度玩單槓,仲識得將個身體向前拋,真係嚇C呀(不過又幾攪笑)~

話佢危險嘅時候又係度傻笑~

依個仔真係大膽到冇朋友,都係去返兒童樂園啱佢啲~





**我的微博..關注吧**

*♡♡小肥豬♡♡* | 22nd Feb 2013 | 博客分享 | (17 Reads)
22 FEBRUARY 2013(FRI)

早前係《iMORE.hk》全港最強 iTRiAL試用專區登記,抽中左可以試用《Neutrogena 抗皺緊緻活膚水》~


依支活膚水感覺就好似係Lotion狀的一個爽膚水,感覺有啲似乳液,仲有少少香味添~


輕輕按摩就好快吸收晒~

倒出適量的份量於化妝棉上~

利用化妝棉輕抹在肌膚上~


再以輕拍的方式,就可以將抗皺緊緻活膚水深入滲透肌膚。

使用差唔多一星期,抗皺緊緻活膚水較其他水狀的爽膚水為潤,它的爽膚水把肌膚的滋潤度提高,可以補充到洗面時流失的水份,做到潤而不笠的一個感覺,肌膚好似得到修護並強化左,肌膚都有返少少彈性。

抗皺方面,因為都只係用左一個星期,所以暫時都唔太覺得有好明顯嘅改善,不過都感覺皮膚緊緻左,整體上效果都不錯呀!





**我的微博..關注吧**

*♡♡小肥豬♡♡* | 21st Feb 2013 | 小小豬篇 | (14 Reads)
21 FEBRUARY 2013(THU)

繼之前小小豬鐘意坐膠盒之後,今日又有新攪作,就係坐筲箕~


坐係度玩都唔夠,仲要唔識危險咁企係個筲箕上面添~


原本啲筲箕係俾個百厭豬一份份玩具咁放好,真係唔知佢係邊度學返嚟,拎起哂啲玩具,坐係個筲箕上面,真係俾佢激C呀!

依個百厭仔真係多人錫,當我想罵佢玩筲箕同成地都係玩具時,小豬爸又係度幫小小豬話好說話:小朋友就係咁,佢自己咁有創意地玩,唔好罵佢啦!

有小豬爸幫口,不過我當然係唔容許小小豬咁百厭啦!所以,小小豬之後既下場就係,俾我罵住嚟執返晒啲玩具。雖然小小豬係喊住咁執,但我都唔俾其他人幫,要佢自己做返晒,等佢知道自己係有錯。

趁依家仲細慢慢教,到佢怕會變成習慣之後,就好難改返啦!





**我的微博..關注吧**

*♡♡小肥豬♡♡* | 20th Feb 2013 | 博客分享 | (12 Reads)
20 FEBRUARY 2013(WED)

PR姐姐又送上二月號嘅《樂活。家 FAM》俾我啦!不過真係唔好意思,其實本雜誌係新年前已經寄到去小豬媽屋企,但因為新年關係,我到尋日先收到,所以到依家先可以分享呀!

可能因為新年關係,小朋友會收到好多利是錢,所以今次個主題係教理財呀~


就依個題目,訪問左三位嘉賓,我對吳家樂嗰個就比較有興趣,因為係電視上佢都係比較攪笑,估唔到佢又幾到POINT,都學到啲嘢呀~


另外有一篇係講解兒童濕疹~


仲有一個題目係Q&A,今次係講TERRIBLE TWO。雖然小小豬已經兩歲半,不過仍然係處於TERRBLE TWO,有時都真係好難教,所以睇多啲專家教路,希望可以有更好方法教好依個百厭小小豬啦~

有興趣知多啲《樂活。家 FAM》嘅內容,可以去佢地網址睇吓:http://famworld.com.hk/





**我的微博..關注吧**

*♡♡小肥豬♡♡* | 19th Feb 2013 | 小小豬篇, 博客分享 | (17 Reads)
16 FEBRUARY 2013(SAT)

今日真係好榮幸,因為可以得到美素佳兒PR姐姐邀請,參加美素佳兒新春人日生日派對呀~


今日係初七人日,人人都生日,當然要同小小豬著靚靚去參加啦~


原來今日都有好多BLOG友仔參加,以西式BUFFET舉行,大約有五圍,真係好熱鬧~

係自助餐開始前,一眾姐姐同我地拜年,熱情咁歡迎我地呀~


之後就介紹左一個美素佳兒最新活動俾我地,就係係佢地個facebook專頁將會進行一個『共享成長歷程』微影集活動,只需要好簡單咁係電腦選取一啲親子照片,之後利用佢地嘅APP,就可以變成一輯珍貴的成長片段。即場睇左佢地一個DEMO,真係覺得好溫馨,所以到時都會幫小小豬整返個。

依個活動會係2月27日在 FrisoHK個Facebook專頁推出,有興趣嘅朋友就記得到時去睇吓啦~

睇完介紹,就係食嘢時間,睇吓小小豬有嘢食幾開心~

場內安排左一部即影即有嘅微影集相機,我地當然都玩吓啦~

係食嘢時候,都係大家傾計時間,大家介紹一吓自己家庭咁啦~

仲有兩位魔術哥哥同表演添~

不過依個百厭嘅小小豬對魔術興趣不大,反而對場內牛牛車就好有興趣~


要走上車度玩汽球呀~


玩左一陣又繼續返埋位食嘢,係食嘢時有位派對姐姐嚟同小小豬玩呀~


不過依個為食小小豬一於少理,姐姐係度貼面仔,佢就繼續食~


最後就係影大合照時候啦~


生日派對當然要有生日蛋糕啦~


我地仲收到好多禮物,樣樣都好合用,當然最啱心水就係罐奶粉,啱晒剛剛轉飲美素佳兒嘅小小豬呀~

係兩個半鐘嘅活動真係玩得開心,不過依個百厭仔有少少鬧情緒,加上尾段時又扭眼瞓,所以扭扭計計咁,真係失禮晒,希望大家唔好介意依個百厭仔啦!

再一次多謝美素佳兒嘅安排,另我地過左一個既開心又豐富嘅下午。





**我的微博..關注吧**

*♡♡小肥豬♡♡* | 18th Feb 2013 | 小小豬篇 | (12 Reads)
15 FEBRUARY 2013(FRI)

唔知係唔係新年依幾日都去左街街,攪到小小豬都冇瞓午覺。所以今日小小豬都唔肯瞓覺,同佢博鬥左成個鐘都仍然未有睡意,仲精神過我,真係俾佢激C呀!

既然唔瞓覺,見天氣又好好,所以就帶佢落公園放吓電啦~

佢自己玩左一陣,我地就玩BUBBLES啦~


好耐都冇玩過BUBBLES,睇吓小小豬玩得幾開心。不過.....其實揸住相機同BUBBLE槍嘅我係仲開心,因為我真係好鐘意BUBBLES呀!





**我的微博..關注吧**

*♡♡小肥豬♡♡* | 17th Feb 2013 | 博客分享 | (67 Reads)
14 FEBRUARY 2013(THU)

早前我又係Lady Qooza登記參與試用活動,好榮幸咁又抽到有得參加試用啦!

今次試用嘅產品就係『Biotherm全新水瀅光感美白精華』~


Biotherm產品我之前就未用過,原來依美白精華都已經去到第三代啦!依支升UP版除左去除皮膚暗啞和一次過對抗造成膚色暗啞的膚色障礙(灰色及黃色),仲首度成功對抗的 - 紅色。

滴管式設計,方便又衛生,仲好容易控制份量添~


淡粉紅色精華質地乳液狀,感覺比較水潤,香味並不濃烈~


滋潤不油膩易於吸收保濕也恰到好處,輕輕按摩很快便吸收了~


由暗瘡印演變成的紅印,就係我面上的一個重災區,加上毛孔粗大,所以都唔算有好膚色。使用前的皮膚近鏡(希望冇嚇親大家)~


用左差唔多兩星期,依兩星期我都只係將美白精華加入我平日的護膚步驟,當中亦都冇做任何面膜,想睇清楚產品嘅成效。依兩星期早晚都用約三泵份量全面塗勻肌膚,另外再用一泵份量重點在面頰的紅印上加強按摩,作重點打擊。

使用兩星期後~


我覺得皮膚質感平滑左,亦都有返少少光澤。不過最開心就係見到面上嘅紅印已經少左同開始變淡了。畢竟只用了兩星期,應該再需要點時間的才能看去黃及淡黑的功效。

美白係一場持久戰,睇見自己有少少成效,所以我都會繼續使用,希望可以KEEP住白白滑滑啦!





**我的微博..關注吧**

*♡♡小肥豬♡♡* | 16th Feb 2013 | 小小豬篇 | (15 Reads)
14 FEBRUARY 2013(THU)

今日一朝早起身我個小情人就俾左個小驚喜我,就係自動自覺走埋去個琴仔度,自彈自唱一首歌仔,好歌送我情人節~


哈哈哈....佢真係好專心咁亂彈同唱呀,雖然都唔太知佢唱乜,不過都算係一份好好嘅情人節禮物啦!

原本都PLAN左啲小節目同大肥豬兩個去慶祝,不過之後有另一個更好嘅節目,所以就更改行程。我地做左啲乜呢?咪就係一家親友嚟我家拜年兼打邊邊,雖然唔係二人世界,不過可以一家人係依個重要日子開開心心咁食飯,比起其他節目仲溫馨及溫暖啦~

話晒都係情人節,點到有少少慶祝活動。就係大肥豬放工返屋企時,買左兩件小蛋糕返嚟,等我地夜宵慶祝呀!

睇吓依個為食豬,一見到件小蛋糕就要食,完全冇諗過等埋我呀~



情深的一吻...冧C啦~

雖然就簡單左少少,不過學大肥豬話『簡單就是幸福!』,有咁多親人同我一齊過,所以我都已經覺得好開心、好幸福啦!





**我的微博..關注吧**

*♡♡小肥豬♡♡* | 15th Feb 2013 | 小小豬篇 | (15 Reads)
13 FEBRUARY 2013(WED)

尋日小小豬係士多啤梨場好開心咁自己揀嚟摘,我地摘左一磅左右,小豬媽話小小豬鐘意食,所以就全部俾佢拎晒返屋企,所以今日就有自己親手摘的士多啤梨食啦!

睇吓佢...CHOK到呢~


擺完POSE,開始食啦,開頭都食得好斯文~


終於忍受唔住,要狼吞虎嚥啦~


小小豬一向都鐘意食嘢,不過一見到鐘意食嘅嘢真係乜都唔理,完全唔顧污穢,有時真係俾佢澈C呀!不過,小朋友鐘意食嘢都係一件好事,只要唔係啲唔健康食物,真係俾多啲佢食都唔怕。

依個小小豬為食程度真係有十粒星呀!希望佢嘅狼C食相冇嚇親大家啦!(有時睇佢污穢豬嘅食相,都幾開心呀...哈哈哈!)





**我的微博..關注吧**

*♡♡小肥豬♡♡* | 14th Feb 2013 | 小小豬篇 | (14 Reads)
12 FEBRUARY 2013(TUE)

到左今日最後一個節目,就係入流浮山食海鮮啦!

不過時間尚早,所以我地先周圍行吓。次次入嚟都一定會係依棵靚花影吓,因為真係好靚呀~

之後就去海邊行吓~


小豬媽就去買金蠔。正呀....我地又有好嘢食。小豬媽整嘅蜜糖金蠔真係好好食呀~


好啦,等左成日我地嘅豐富晚餐就嚟啦~


睇吓我地食得幾開心~

一人一隻大鮑魚~


小小豬都有份食....一啖咁多啦~


為食仔食到成個污穢豬呀~


依餐真係勁豐富,不過味道就麻麻,我地都覺得淡左少少,同埋好似細份左啲啲。可能新年關係啦,所以趕啲就差少少啦!不過唔緊要,最重要係一家人個個食得飽飽,開開心心嘛!





**我的微博..關注吧**

*♡♡小肥豬♡♡* | 13th Feb 2013 | 小小豬篇 | (14 Reads)
12 FEBRUARY 2013(TUE)

我地第二個目的地,就係去摘士多啤梨啦!

其實我一早係PLAN去錦田鄉村俱樂部,諗住除左有得摘士多啤梨之外,仲有其他活動可以俾小小豬玩。不過佢地初四先開工,所以都去唔到。最後就上網周圍搵吓,就係咁就搵到依個係流浮山嘅士多啤梨場。

一入到個士多啤梨場,小小豬就急不及待周圍走啦~


仲識得自己揀士多啤梨添~


就係咁....小小豬就負責揀,我地就幫佢剪~


睇吓個傻豬仔,識得自己摘到士多啤梨幾開心~


開頭我都好驚依個為食小小豬一見到啲士多啤梨會失控(因為佢真係好鐘意食呀)。不過小小豬都算乖,只係識得揀啲紅卜卜嘅,之後等我地幫佢剪左先拎起。拎到上手又冇即刻放入口,只係嗅吓粒士多啤梨。最攪笑就係佢每一行都只係揀一粒,就算同一行我地見到粒又大又紅,佢都唔肯行埋去,真係唔知好嬲定好笑呀!

當然唔止小小豬摘得開心,我地都有份摘呀~


場入面除左有士多啤梨之後,仲有蕃茄可以摘。小豬媽好鐘意食蕃茄,所以都摘埋一份啦~


小小豬真係摘得好認真呀~


摘完就自動自覺交俾小豬爸呀~


玩左都有成個鐘,睇吓我地收獲幾豐富~


依個場都幾好玩,有埋蕃茄摘都算多少少元化。啲士多啤梨雖然就唔算大粒,不過就好多都係紅卜卜,都應該幾甜。

小豬媽話見小小豬摘得咁開心,仲話搵日再去其他士多啤梨場再等小小豬再揀過...再玩過呀!





**我的微博..關注吧**

*♡♡小肥豬♡♡* | 12th Feb 2013 | 小小豬篇 | (23 Reads)
12 FEBRUARY 2013(TUE)

今日我地節目真係超級豐富,就係由小豬爸車我地去遊新界呀!

第一個目的地就係大埔林村啦!

其實我地都有幾年冇入去林村,原來佢地已經係攪得大型左好多。除左許願樹之外,仲有好多新年佈置,靚左好多呀~


行左一陣,我地就去拋許願樹。小小豬見人拋,佢又學埋一份,真係好似識咁哦~



當然小小豬係唔夠高,拋唔到啦!最後就要大肥豬騎馬仔咁,等小小豬將個許願小吉放係樹上面呀~

小小豬拋完就到我地啦~


嘉汶表妹同LULU妹一拋就中,小豬爸同小豬媽都拋幾次就完成。我都係貫徹一向黑仔王仔風,拋究廿次有多先成功...真失敗呢!

拋完樹,我地就四周圍行下,小小豬一見到啲風車就走埋去睇~


就係咁....小豬媽就買左一個風車俾依個百厭豬啦~


行左一陣,大家都見攰攰地,所以就去食啲小吃啦(不過人真係太多,依兩個位都係好唔容易先搵到呀)~


原本都有打算身行埋入去睇花車,不過真係實在太多人,唔係好想迫,加上小小豬又扭扭地計,所以都放棄左,行多一陣就走啦!

係我地等小豬爸揸車出嚟時,見到有一隻好得意嘅狗仔,估唔到小小豬唔驚之餘,仲可以夠瞻摸佢呀~

第一站就順利完成,想知我地之後去左邊,咁就要繼續留意啦...哈哈哈!





**我的微博..關注吧**

*♡♡小肥豬♡♡* | 11th Feb 2013 | 小小豬篇 | (22 Reads)
10 FEBRUARY 2013(SUN)

今日係年初一之外,亦都係一個重要日子,就係小小豬剛好兩歲半嘅大日子。所以我地返小豬媽屋企拜年時,都買個蛋糕一齊嚟個小小的慶祝活動啦!

好在今日美心都有開門,不過款式就唔多,最後小豬媽話買返上次食完之後每每都讚好味嘅彩虹蛋糕啦!

未開始個為食豬又準備偷食啦~


影吓相先....不過得不承認小小豬係擦鞋仔一名,次次同小豬媽影相佢都特別靚呀~


幾經辛苦先影到張比較似樣嘅三口子~


切蛋糕之際,小小豬已經忍唔住要食啦!小豬爸當然好錫依個為食豬,即刻餵粒棉花糖俾佢食~


嘩.....真係何奇為食的小小豬呀~


我地又過左一個好開心嘅年初一啦!

不過唔知點解,我總係覺得小小豬唔多似兩歲半,成日都似係一個BB(仲要係攪事的BB),希望踏入新年,新嘅開始,希望小小豬可以更加乖乖,唔好成日扭計,最重要係開心健康咁成長啦!





**我的微博..關注吧**

*♡♡小肥豬♡♡* | 10th Feb 2013 | 生活點滴 | (21 Reads)
10 FEBRUARY 2013(SUN)

大年初一到啦!

今年年初一亦都有另一個意義,
就係小小豬兩歲半啦!

我們這一家祝大家蛇年快樂、
身體健康、一團和氣、笑口常開
財源滾滾、心想事成、萬事亨通 

最緊要係....每日都開開心心....健康快樂...恭喜!恭喜!



*♡♡小肥豬♡♡* | 9th Feb 2013 | 小小豬篇 | (21 Reads)
9 FEBRUARY 2013(SAT)

今日係年廿九,聽日就年初一,亦即係要派利是啦!

依排都忙忙地,所以都左今日中午先有時間入利是,依個八卦嘅小小豬又走埋嚟,又話要幫手咁話。

開頭都係攪攪陣~


不過係大肥豬指引下,真係好似好認真咁呀~


小小豬都真係有幫手入左幾張,不過入完之後個封就係皺皺咁,所以最後我地都只係俾佢入幾個,都冇再俾佢幫手,因真係怕整到全部都皺晒呀......哈哈哈!

如果有親戚朋友收到一個皺皺嘅利是,嗰個一定係小小豬幫手包,係好好運嚟呀!





**我的微博..關注吧**

Next