香港新浪網 MySinaBlog
*♡♡小肥豬♡♡* | 31st Jan 2013 | 小小豬篇 | (18 Reads)
30 JANUARY 2013(WED)

今晚因為小豬媽去太古城買少少嘢,所以我地又跟埋一齊去,順便去小小豬至愛嘅冒險樂園玩返轉啦!

依間冒險樂園都係第一次去,不過唔知點解依個小小豬好似識得去咁,第一時間就周圍搵個碌保齡機,一見到就勁開心,仲即刻問我拎金幣要玩啦~

雖然係貪玩,不過小小豬都好乖仔,玩完一個GAME之後,就乖乖咁同保齡球SAY GOODBYE,冇扭計要繼續玩呀!

見仲有幾個金幣,所以我地又去擲彩虹啦~


哈哈...我地幾個人玩左十幾個,都只係擲中左兩個紅色(即係40分),都真係幾失敗!唔緊要啦,玩嘅過程我地每個人都開開心心,咁就最重要啦!





**我的微博..關注吧**

*♡♡小肥豬♡♡* | 30th Jan 2013 | 好友與我 | (37 Reads)
29 JANUARY 2013(TUE)

今日大肥豬放工拎左個郵包俾我,原來係好友CARMEN寄嚟呀!

因為CARMEN前排去左日本,買左啲手信俾我地呀~


一包好靚嘅米奇頭糖糖,真係勁靚,唔捨得食呀~

一條靚靚手巾仔~


哈哈哈....毛巾仔真係多多都唔怕收,因為小小豬用得真係好快呀!

再一次多謝CARMEN,佢真係好錫我地,去旅行都有掛住我地呀!





**我的微博..關注吧**

*♡♡小肥豬♡♡* | 29th Jan 2013 | 小小豬篇 | (28 Reads)
28 JANUARY 2013(MON)

因為有朋友嘅小朋友就嚟生日,所以趁今日我地出太古城買嘢時,就出去反斗城行一陣,睇吓有冇啱心水禮物買俾那位小朋友。

次次去反斗城,小小豬都一定玩塊磁石板。今日當然唔例外,我就自己去睇玩具,小小豬就同小豬媽一齊玩磁石板。

就係我地買完嘢去食TEA嘅時候,小豬媽就同LULU妹『借啲異』行開一陣,話去洗手間咁,佢地返嚟嘅時候就俾左個驚喜小小豬,就係買左依個俾小小豬啦~


一面係可以用粉筆寫字~


另一面就係白板~


返到屋企先唔俾小小豬見到,等佢瞓左覺先。

當瞓醒覺時間,一行出廳小小豬就見到依塊板,都不知幾開心,仲即刻行去玩磁石ABC呀~


個傻豬仔真係玩得好開心呀~


小豬媽同LULU妹真係錫到個百厭仔燶呀!





**我的微博..關注吧**

*♡♡小肥豬♡♡* | 28th Jan 2013 | 小小豬篇 | (20 Reads)
25 JANUARY 2013(FRI)

話說學校依個單元係教緊衣服,所以學校就係今日舉行左一個小小嘅時裝表演,叫各位小朋友著啲特式服飾返去表演。

特式服飾....小小豬平日又唔多依啲衫,最多都係新年嗰一件中國服就最特式,不過上次慶祝國慶都已經著過,但我又唔想為左一日活動走去買新衫。

最後終於俾我諗到上年小豬爸同小豬媽新年去旅行時買過件可愛熊貓衫,曾經都著過去影影樓相(不過嗰時就大好多)。之後收埋左,到今年找返出嚟著就啱晒身,可以著返學玩啦!

係學校個情況我就見到唔,不過依個爛玩嘅小小豬,一放學又要去學校旁個小公園玩一陣先肯走,所以就又嚟上演一場『熊。出沒』~


有隻傻熊貓係度滑豬仔呀~


哈哈哈...小小豬著住件衫仔真係好攪笑又可愛,有機會都可以同佢著多啲去街街呀!





**我的微博..關注吧**



*♡♡小肥豬♡♡* | 27th Jan 2013 | 小小豬篇, 博客分享 | (21 Reads)
22 JANUARY 2013(TUE)

早前收到《黃巴士Light》編輯嘅留言,邀請小小豬的照片刊登在黃巴士Ligh親子月報上。

有機會俾小小豬留下回憶我當然好樂意提供相片啦,即刻搵左張小小豬笑得好開心嘅相俾編輯姐姐啦!

就係咁,小小豬係十二月號《黃巴士Light》出現呀~


哈哈哈.....又一虛榮心的媽媽,見到自己個仔相開係雜誌度就會開心呀!

其實依個開心都係遲左,原來本雜誌早係大半個月前編輯姐姐已經寄左俾我地做留念,不過,大肥豬收到信後就連埋啲文件一齊收埋左,到今日搵文件先見到本雜誌,所以到依家先可以同大家分方享,真係激C人呀!





**我的微博..關注吧**

*♡♡小肥豬♡♡* | 26th Jan 2013 | 小小豬篇 | (18 Reads)
22 JANUARY 2013(TUE)

早前大肥豬公司有親子賣旗活動,大肥豬話想參加,等小小豬可以見識多啲。

依啲有益又好玩嘅活動我當然好有興趣參加啦,所以大肥豬就即刻報名,仲係今日拎埋啲旗袋同貼紙返嚟啦~


為免小小豬到時唔識叫人賣旗,所以今日就先嚟做個預備,叫小豬媽買旗呀~


好似似模似樣咁哦,仲識得入錢錢添~


到我買啦,不過小小豬似搶我手上錢錢多啲哦...哈哈哈~


經過今日預演,相信小小豬都已經識得賣旗個程序。依家個反應就幾好,希望到真正賣旗嗰日小小豬都可以一樣做到,唔好怕羞扭計啦!

我地三口子二月二號就會出動啦,預計會係藍田啟田商場附近賣旗,各位如果見到我地記得嚟支持吓呀!





**我的微博..關注吧**

*♡♡小肥豬♡♡* | 25th Jan 2013 | 小小豬篇 | (20 Reads)
22 JANUARY 2013(TUE)

今日放學出嚟,竟然俾我見到一個奇景,就係小小豬著口罩呀~

老師話因為小小豬今日勁流鼻水又打噴嚏,所以老師就幫小小豬帶口罩啦!

依個百厭仔,帶住口罩都可以玩,真係一名爛玩豬呀~

大家可以放心,我之後已經帶左小小豬去睇醫生,醫生話佢係傷風,希望食左藥之後可以好快好返啦!

奇景嘅係.....小小豬之前病嘅時候,我地都想叫小小豬帶口罩返學,不過依個百厭小小豬點都唔肯帶口罩,估唔到老師有辦法可以令佢乖乖就範,唔怪得好多人話小朋友係要外人教先會乖啦!




**我的微博..關注吧**

*♡♡小肥豬♡♡* | 24th Jan 2013 | 生活點滴, 好友與我 | (47 Reads)
21 JANUARY 2013(MON)

由結婚開始,今一年小豬媽都一定會提我擺盆水仙花係屋佐,旺夫咁話哦!

其實我都幾迷你,既然係旺夫我當要係好乖乖照做,所以每一年臨近新年時小豬媽都會幫我揀盆靚靚水仙,旺一旺大肥豬呀!

年年都係出街周圍搵盆靚花,終於唔洗係街買,因為有多謝好姊妹糖糖幫我整左盆靚花呀~


事緣之前我抽起條根想自己學界水仙,打算自己整返一盆。之後糖糖話佢公司有得訂,加上又有高人指導,所以就話幫我整啦!

啲水仙頭真係又大粒又多仔,應該會生得幾好啦...希望可以花開富貴啦....哈哈哈!(係就好啦....旺吓大肥豬嘛)

今年依盆就交由糖糖負責,依家我地學識左個技巧,明年嗰盆就可以自己界啦!(希望一年後我仲記得啦...呵呵呵)





**我的微博..關注吧**


*♡♡小肥豬♡♡* | 22nd Jan 2013 | 生活點滴, 小小豬篇 | (38 Reads)
19 JANUARY 2013(SAT)

早排小豬媽見到雜誌介紹左鴻星嗰啲好可愛嘅公仔點心,佢又話好想去試吓,所以我地離開左學校之後,就向銅鑼灣出發,去鴻星嘆茶啦!

嘩....好得意嘅點心呀~


唔止得個樣,個味道都唔差,睇吓小小豬食得幾滋味~


小豬媽至愛...棉花糖小白兔呀~


真係超級好味呀~


雖然係好味,比起一般茶樓收費就真係貴左少少。不過唔緊要啦,最重要係小豬媽食得開心,間唔中嚟玩吓食吓,都幾好呀!





**我的微博..關注吧**

*♡♡小肥豬♡♡* | 21st Jan 2013 | 小小豬篇 | (27 Reads)
19 JANUARY 2013(SAT)

今日係小小豬學校嘅開放日,我地同埋小豬媽一齊返去參加玩吓遊戲,支持一吓嘛!

一入到學校,當然要先入小小豬個課室參觀吓先。係課室門口有個學生活動相片區,係咁多學生照入面,終於都搵到一張有小小豬份啦(不過...點解個傻豬個樣咁傻呀...哈哈哈)~

課室入面仲有一幅勞作貼堂呀~

參觀完課室,我地就去玩遊戲啦!先嚟去整親子飯團先,啱晒依個為食仔呀~


食得啦~


之後就去玩波波~


再去踢足球~

動態遊戲過後,玩啲文靜啲,同埋小豬媽一齊去整揮春呀~

仲去拎左個三眼仔氣球添~

個三眼仔真係好得意,我都忍唔住影返張相添~


原本都仲有好幾個遊戲,但都好似啱啲大個少少嘅同學仔玩多啲,所以我地都冇玩,就走啦!

雖然都有玩左大半個鐘左右,我就日日都入學校見老師,大肥豬正式嘅都係第一次,不過佢都覺得啲同學仔好有秩序同禮貌,老師都好好,又有愛心,所以我估我地都冇揀錯學校,希望嚟緊小小豬都可以繼續開開心心係度學習啦!





**我的微博..關注吧**

*♡♡小肥豬♡♡* | 20th Jan 2013 | 小小豬篇 | (17 Reads)
18 JANUARY 2013(FRI)

今日放學食飽飽之後,就換件靚衫,跟小豬爸同小豬媽去遊車河啦~


其實係因為年頭嘅時候我地曾經嚟過荃灣拜神,希望小小豬身體健康同有間好學校。到左年尾當然要嚟還神,多謝保佑啦!

還完神之後見時間尚早,所以小豬爸就帶我地去圓玄學院行個圈,食吓齋啦!

小豬媽話我細細時係好鐘意係依個花園仔周圍走,仲影左好多相添,所以就帶小小豬嚟玩吓啦~


睇吓佢同小豬爸玩得幾開心~


玩左一陣,食嘢啦~



我地叫左一個套餐,講真.....味道就真係麻麻,不過依啲地方食嘢都預左。但我覺得最過分就係....佢地竟然收埋小小豬茶芥費用,我地帶左小小豬去食店咁多次,都係第一次有依個情況。可能係之前嗰啲店舖好人唔收我地,我都應該要慢慢習慣,小小豬都係時間要茶芥費啦!

點解依個POST係叫做快遊,咪就係因為係我地入餐廳坐低左之後,小小豬偷食左一粒仔花生,之後面仔就開始紅腫又扭計,我地估佢係因為對花生敏感所至。小豬爸見小小豬咁辛苦樣,所以食左一半之後,就即刻走,全部都打包返屋企食,仲開快左少少車(當然係安全情況下啦)等小小豬可以快啲返屋企添!(小豬爸真係勁錫小小豬呀)

返到屋企小小豬情況又好左好多,已經消晒紅腫啦!

唉....我真係失敗,咁都可以俾小小豬偷食到,下次我一定要好小心先得,唔可以再有咁情況發生呀!





**我的微博..關注吧**

*♡♡小肥豬♡♡* | 19th Jan 2013 | 生活點滴, 小小豬篇 | (38 Reads)
16 JANUARY 2013(WED)

今日係小小豬太嫲生日(即係我嫲嫲),我地一齊去左酒樓食晚飯慶祝。

哈哈哈...我地最早去到酒樓,所以就俾小小豬玩一陣,WARM-UP吓先~


有嚟拎姨姨頂帽嚟玩,都係超有型啦~


依個為食仔,一見到個蛋糕幾興奮,唔知道仲以為生日嗰個係佢呀~

陪太嫲一齊切蛋糕~


係未開飯之前,大肥豬買左份小玩具俾小小豬,睇佢玩得幾專心~


開餐啦~

十指緊扣嘅兩父子~


繼續~


嘩....為食豬又嚟啦~


哈哈哈...依一個小小豬真係不拆不扣嘅為食豬嚟呀!





**我的微博..關注吧**

*♡♡小肥豬♡♡* | 18th Jan 2013 | 小小豬篇 | (18 Reads)
12 JANUARY 2013(SAT)

今日好天氣,所以就帶左小小豬去附近球場踢波波啦!

有姿勢又有實際~

有得玩嘅仔仔幾開心~


睇我嘅衝力射球~


開心兩父子~

依個小小豬有得玩就開心,不過見佢玩得開心,人都會開心啲呀!





**我的微博..關注吧**

*♡♡小肥豬♡♡* | 17th Jan 2013 | 生活點滴, 小小豬篇 | (32 Reads)
10 JANUARY 2013(THU)

話咁快又一個月,小小豬已經係29個月人仔啦!

每大一個月我都冇特別同小小豬攪啲慶祝活動,不過今日嘉汶表妹嚟食飯,加上見美心出左個新嘅彩虹蛋糕我又好想試吓,所以就做就左依個小型派對,亦可以等小小豬唱吓生日歌開心吓。有新嘢試,當然叫埋好姊妹糖糖一齊上嚟試啦!

今日小豬媽為我地準備左一個豐富邊爐宴~




開餐啦~

食飽飽邊爐宴之後,主角出場啦~


睇吓小小豬見到個蛋糕幾開心~

我見到小小豬個興奮實在太開心啦,攪到影相都唔記得執執個樣同頭髮,希望唔好嚇親大家啦~


對面頭啲棉花糖好有興趣,準備偷食啦~


好一個開心為食豬,偷食到成口都係CREAM啦~


個為食豬仲要霸住成個蛋糕呀~


勁鐘意依張相,依個擦鞋豬同小豬爸小豬媽影相就好合作呀~


切蛋糕啦~


睇吓個為食樣~


因為我個刀功唔係咁好,所以切得冇咁靚添,不過都算睇得清楚以彩虹呀~


講吓個蛋糕味道先,入面啲蛋糕係有驚喜,真係食得出係乜味,尤其係個柚子同奇異果味真係唔差,所以都幾好味。唯一就係覺得啲CREAM實在太厚同甜,影響左個口感,扣左啲分啦!

就係咁我地又過左一個開心嘅





**我的微博..關注吧**

*♡♡小肥豬♡♡* | 16th Jan 2013 | 小小豬篇 | (17 Reads)
9 JANUARY 2013(WED)

每一日LULU妹放工返屋企時,小小豬總會係LULU妹房門口等一等,因為每一次都睇吓姨姨有冇帶帽,如果有就一定會搶嚟戴一陣。(LULU妹係有一個戴帽習慣哦)

今日當小小豬叫到LULU妹戴住頂新帽返嚟時,即刻急不及待咁要拎嚟玩一陣,戴住依頂帽,小小豬真係好有型呀~


再加埋依個可愛表情,真係殺C人啦~


依個小小豬又真係奇奇怪怪,自己帽仔就唔鐘意,總係鐘意戴大人啲帽,有時都真係俾佢激C呀!

不過.....我總係覺得戴左帽嘅小小豬似我多啲,所以.......繼續戴多啲啦....哈哈哈!





**我的微博..關注吧**

*♡♡小肥豬♡♡* | 15th Jan 2013 | 生活點滴 | (21 Reads)
9 JANUARY 2013(WED)

早前係FACEBOOK刀嘜專頁有一個比賽<<刀嘜送你Angry Birds限量版家品>>,只要提供一張在家用餐的開心相片,就有機會得到Angry Birds限量版家品。原本我參加興趣都不太大,不過一同小豬媽講,佢就話好想參加,想贏套Angry Birds俾小小豬。

就係咁,小豬媽就揀左依一張相叫我幫佢去參加啦~

小豬媽好落力咁向朋友仔拉票,終於我地係十名勝出者其中一份子,今日仲收到啲禮物啦!

嘩....好靚嘅Angry Birds呀~

上次去工展會我都拎唔到,我終於都有刀嘜x Angry Birds 親子食譜啦~

奧米加3芥花亞麻籽油2支~

微波陶瓷盒~

微波陶瓷碟~

精美陶瓷碗~

型格陶瓷杯~

輕便水樽~

雖然我都已經唔係太唔太熱衷參加依啲多LIKE比賽,不過間中參加吓啲比賽都幾好....哈哈哈!

係度我都要多謝有份投我地一票嘅朋友仔呀!



**我的微博..關注吧**

*♡♡小肥豬♡♡* | 14th Jan 2013 | 好友與我 | (32 Reads)

8 JANUARY 2013(TUE)

早係十一月尾時,糖糖見到有整曲奇嘅團購,所以就約埋我一齊去學整。不過,可能團購關係,實在太FULL,要等到今日先有堂去學呀!

今次就係用依啲曲奇模整餅啦~


周圍環境~

好啦....開始啦~


經過一輪努力,我地成功整好啲曲奇麵團啦!

依份係我嘅~


糖糖嘅~

入爐啦~


大家一齊入爐,不過糖糖嗰份仲比我早成十分鐘焗好~


所以佢就有時間可以塗吓顏色~


我嘅終於都出爐啦~


專為小小豬而設嘅MICKEY & MINNIE~


都叫做OK,似樣啦~


我們的製成品~


臨離開時,終於都可以俾到張食譜我地啦~


係全個整曲奇嘅過程,我地自己就整得好開心。不過依間店舖真係好唔得,既不專業又唔理人,只係睇那位所謂老師做一次示範,又冇講啲粉團要幾厚,印餅模個技巧,點叫倏焗好。就咁就叫我地自己整。全程唔理我地,既冇周圍睇吓我地整成點作跟進,只係見佢成日行埋電腦旁,唔係打電腦就按電話。

我覺得最過分就係,係個廣告上係話包所有材料及工具,及冇話要帶圍裙。但原來佢地係冇提供,要俾$5清潔費借用。都唔係大數目,俾錢唔係問題,不過可唔可以俾啲真係清潔左嘅我地呀,我同糖糖好辛苦先叫做搵到條比較乾淨,其他.....DO DIRTY~

製成品又點,小豬爸同大肥豬一般都話唔夠鬆脆,同埋個心好似唔多熟,攪到我都唔敢俾小小豬食呀。唉...那位所謂老師.......勁唔PRO啦!所以我都真係唔多建議再去依一間呀!

經個今次,我同糖糖都話買啲曲奇印仔返嚟自己整,分分鐘整得仲好過佢呀!





**我的微博..關注吧**

*♡♡小肥豬♡♡* | 13th Jan 2013 | 小小豬篇 | (15 Reads)
6 JANUARY 2013(SUN)

難得好天氣,當然要帶小小豬去遠少少地方放吓電,最後大肥豬就帶我地去九龍公園啦!

去到公園第一站就係去睇雀仔先啦~


之後我地繼續周圍行,行過有人表演功夫就睇埋一份啦~


睇到眼仔都定晒呀~


睇完功夫就係公園周圍去啦~


行行吓,見到有個叫做漫畫星光大道,有得意嘢當然唔放過,影吓啦(依一個亦都係今日行公園嘅小驚喜)。不過因為小小豬食緊飽飽,所以唔好打擾佢,等我自己影啦~



小小豬幾有型~

最後我地行左上平台,原來都有個小草地,又可以俾小小豬跑..跑..跑啦~


今日相信小小豬一定玩得好開心,因為平日好少係街瞓著嘅佢,既然係我地未去到巴士站就已經熟睡了,返到屋企都仲未醒呀!





**我的微博..關注吧**

*♡♡小肥豬♡♡* | 12th Jan 2013 | 小小豬篇 | (22 Reads)
5 JANUARY 2013(SAT)

今朝早我地落街食完早餐,之後就行左尸旁邊嘅文具店睇吓嘢,就係咁....小小豬又有新玩具啦!

話說小小豬早前係冒險樂園玩碌保齡玩符既開心又投入,可能就係咁佢對保齡球有左印象,一入到文具店見到那一套保齡就好鐘意咁,大肥豬見又唔係貴,廿蚊都唔洗,所以就買左俾小小豬啦!

小小豬係返屋企全程都攬到實,唔俾我地幫佢拎呀~


返到屋企當然要即刻玩啦,不過開頭都係俾啲樽吸引住~




自己玩樽仔都玩得好開心,拍晒手仔咁~


大肥豬話要等小小豬自己探索,隨佢鐘意自己玩吓先。個傻豬仔真係好專心咁慢慢一支支咁排定定啲樽仔呀~


就連行都好小心,唔想整跌樽仔呀~

自己玩左一陣,大肥豬就教小小豬碌波波啦~


好神氣哦...似模似樣呢~


哈哈哈....估唔到廿蚊就可以令小小豬玩得咁開心,仲玩左大半日都唔肯停添。














**我的微博..關注吧**

*♡♡小肥豬♡♡* | 11th Jan 2013 | 生活點滴 | (17 Reads)
4 JANUARY 2013(FRI)

早係十二月頭我就已經開始準備啲聖誕禮物,仲一早已經訂好晒添。不過因為一個誤會,再加上我冇時間去拎,所以到左元旦日,我先收到之後所訂嘅禮物。

雖然遲就遲左啲,不過都唔會緊要,因為啲禮物真係好CUTE,等吓都抵呀!

我講緊嘅係乜?咪就係依啲可愛嘅卡通披肩啦~


我是一隻可愛的小象~


小豬媽是化身成可愛龍貓~


我再化身比卡超...不過依個其實係送俾LULU妹,借嚟影下啦~


嘩哈哈....我地係唔係好可愛呢?啲卡通公仔披肩真係勁CUTE,真係勁愛呀!不過就俾小豬爸同大肥豬話我地無聊,買埋啲唔實用嘢返嚟!

其實條披肩係屋企披住嚟睇電視嘅時間都會覺得暖呀,所以絕對係有用嘅嘢嚟,加上著得咁可愛,人都開心啲啦(哈哈哈...又係一個為買嘢嘅借口)!





**我的微博..關注吧**

Next