香港新浪網 MySinaBlog
*♡♡小肥豬♡♡* | 31st Dec 2012 | 博客分享 | (20 Reads)
24 DECEMBER 2012(MON)

早前好幸運地得到PR邀請試用"早稻田蟲草",舊文重溫可按這裡

食左一個月,向大家分享一下效果啦!

首先在提升免疫力方面,我唔可以作比較,因為今個月我曾經感冒病過一次。

不過我覺得鼻敏感方面,狀況明顯改善左。始終都只係食左一個月,唔可以話減鼻敏感完全冇晒,不過明顯就減輕。平日一早起床的打噴嚏及流鼻水都間唔中會有,不過明顯就比之前少了很多。日常生活中的流鼻水都有改善,起碼我唔洗成日都手拎紙巾咁等抺鼻水,另外出入冷氣地方而引起嘅狂打噴嚏的情況亦少左好多。

暫時完全沒有副作用的情況出現,效果尚算滿意啦!





**我的微博..關注吧**

*♡♡小肥豬♡♡* | 30th Dec 2012 | 小小豬篇 | (21 Reads)
24 DECEMBER 2012(MON)

平安夜原本一早PLAN好晒行程,中午帶埋小小豬去接大肥豬放工,之後食個LUNCH就去樂富天神村玩。

PLAN就幾好,不過因為天氣實在太凍,大肥豬怕小小豬會冷親,所以節目都取消晒,我地都只好乖乖咁留係屋企。

話晒係平安夜,冇理由成日都係屋企過,所以我地就近近地出左APM行一陣。

去得APM有一個地方就一定要去,就係扭蛋。個傻豬仔真係認得路,一行到啲扭蛋機就好開心啦~

之前幾次我地都只係俾小小豬係啲扭蛋機行吓睇吓,都冇俾佢扭過,不過大肥豬話今日係平安夜,所以就俾佢扭一隻啦~

不過....小小豬好似唔多鐘意個扭蛋,佢都係比較鐘意嘟八達通嗰個過程。之後就連扭蛋都唔要,不停用張八達通嚟嘟,真係笑C人啦(大家可以放心,張咭當第一次扭完之後,就已經冇晒面值,就係咁我地先放心俾小小豬玩呀)~



估唔到一個小小地方、一個簡單嘅動作,都可以玩成大半個鐘,仲玩到唔願走添!小朋友世界就係咁簡單。

玩完我地就入左UNIQLO,原本都只係打算睇吓有冇減價貨啱小小豬,點知就俾我睇中左件靚靚薄羽絨,就係咁....大肥豬就買左俾我做聖誕禮物。粉紅色...真係大愛呀~


行左一陣就返屋企,我地等小小豬瞓左之後,就又嚟忙碌過。因為大肥豬買左份聖誕禮物俾小小豬,等小小豬聽朝見起身見到有個驚喜呀~


就係咁....我地就過左一個簡簡單單嘅平安夜。雖然平淡左少少,不過只要我地一家三口子係開開心心咁過,我就已經滿足啦!





**我的微博..關注吧**

*♡♡小肥豬♡♡* | 29th Dec 2012 | 博客分享 | (16 Reads)
23 DECEMBER 2012(SUN)

首先真係要講句唔好意思,其實係大半個月前就已經收到PR姐姐送嚟嘅家庭雜誌,不過一直都未有時間坐低慢慢睇,所以攪到今日先可以安安靜靜咁細閱雜誌內容大家分享,希望PR姐姐唔好介意啦!

好啦...講返正題,之後PR姐姐分別送左兩期《樂活。家 FAM》俾我~


一睇個封面,完全唔覺係一本育兒雜誌,俾我一種好WARM感覺~


內容亦好全面,有每月主題故事,其他內容包括教養、健康、樂活、學習及視野,趣味與實用俱備。仲有好似《怪獸家長》作者屈穎妍、陳敏兒、仲有專業兒科專科醫生同校長等專欄~


我自己就比較鐘意睇有關幼兒飲食的部分~


整體嚟講,《樂活。家 FAM》比我覺得係一本比較年輕,話題都比較生活化,專欄部分亦都有共鳴,所表達出嘅都充滿正能量,所以都係一本藉得向大家推薦嘅家庭雜誌呀!

有興趣知多啲《樂活。家 FAM》嘅內容,可以去佢地網址睇吓:http://famworld.com.hk/




**我的微博..關注吧**

*♡♡小肥豬♡♡* | 28th Dec 2012 | 小小豬篇, 好友與我 | (33 Reads)
22 DECEMBER 2012(SAT)

影完CHOCOLATE RAIN之後,糖糖同小肥肥就去行一陣街街,我就返屋企做個小準備,等佢地嚟屋企繼續玩。

其實除左佢兩個之外,我仲邀講左我個同學仔CARMEN一齊上嚟,因為聖誕將至,約班朋友仔上嚟玩吓、開開心心聚吓嘛!(其實係想叫幾位姐姐嚟俾小小豬玩呀...哈哈哈哈!)

未開餐之前當然係等小小豬同幾位姐姐玩吓先啦!睇吓個傻仔有咁多人陪玩得幾開心~


玩嘅時候我就準備小小自家餸,就係光波眭翼啦!不過今次我係用黑椒嚟醃,個味道都唔差呀~


開餐啦!邊食邊講笑真係幾開心呀~


正餐之後,就有CARMEN為我地準備嘅甜品...YUMMY~


就係依個時候,小小豬就發生左件奇怪事。當我地打開啲甜品係度不停影相嘅時候,小小豬一見到啲甜品就突然拍手好興奮咁唱生日歌,我又冇教過佢唱,佢地學校又冇攪生日會依啲活動,所以大家真係好奇怪咁點解佢會識唱呀!見小小豬唱得咁興奮,大肥豬都破例俾佢食少少啫喱呀~


食飽飽又再繼續玩啦~


仲彈手歌仔娛樂大家添(當然係亂彈啦..哈哈哈)~


睇吓個傻豬仔幾痴糖糖,佢自己主動坐係糖糖大脾一齊玩呀~


哈哈哈...話明係聖誕節,當然唔少得我同小小豬收禮物啦!

多謝CARMEN送俾我嘅好味朱古力~

多謝CARMEN送俾小小豬至愛嘅MICKEY~

多謝糖糖,依件衫仔可以話係我老笠嘅,因為係糖糖今日行街街買,係臨走時拎出嚟俾我睇吓,就係咁俾我笠左...呵呵呵~

糖糖仲送左個可愛帽仔俾我,不過...已經係入落小小豬名下。因為平日唔愛戴帽嘅小小豬,竟然愛上依頂帽~

糖糖送俾仔仔玩具,個傻仔兩樣都好鐘意,尤其係部BB車,真係勁愛,仲成日推住周屋走呀~

多謝小肥肥送俾小小豬嘅玩具~

仲有我踲禮物,其實個MARIE包包係之前已經收到,應該係我第一份聖誕禮物嚟呀~


就係咁,我又過左一個開心嘅晚上,希望另外三位朋友仔都一樣玩得開人啦!等新年嘅時候又再上嚟玩過,到時我地一齊打邊邊再開心過!





**我的微博..關注吧**


*♡♡小肥豬♡♡* | 27th Dec 2012 | 好友與我 | (23 Reads)
22 DECEMBER 2012(SAT)

今日約左朋友仔嚟屋企玩吓開心吓,見糖糖同小肥肥過開嚟九龍區,所以就早少少約佢地去德福廣場行一轉,去影吓CHOCOLATR RAIN。原本都想帶埋小小豬一齊出去影,不過臨出門口時見佢開始眼瞓咁,所以都係留係屋企覺覺豬,養足精神今晚玩仲好啦!

CHOCOLATE RAIN真係好得意,一去到我地就已經不停影...影....影啦!

第一個場地影得唔算多,因為有玻璃隔住影得唔太靚呀~


轉戰另一場地,終於可以近距離接觸啦~




轉個位置繼續影~


糖糖用將佢部機SET左特別效果,影出嚟勁有FEEL呀~

之後我地就行過二期,不過原來嗰邊佈置唔多,都只係得幾個呀~

影完相之後,我地就返屋企進行第二場節目啦!





**我的微博..關注吧**


*♡♡小肥豬♡♡* | 26th Dec 2012 | 小小豬篇 | (18 Reads)
22 DECEMBER 2012(SAT)

今朝一早就收到LULU妹嘅WHATAPP,原來佢今日係返工前幫我去影低左小小豬係出沒嘅情況呀!

事緣早前又貪得意將小小豬一張沙灘開心相拎左去參加「HUGGIES®開心BB四圍走」,好好彩咁可以入圍係太古港鐵站內廣告版上。當我正準備係放完假後帶埋小小豬一齊去影嘅時候,LULU妹就已經幫我影左啦!

個廣告版就係太古站D出口~


嘩...好大張....好多BB,紅色圈圈嗰個咪就係小小豬啦~


近啲睇吓~


哈哈哈...小小豬真係好開心,都幾配合主題啦~


依個幕牆廣告會展覽到一月八號,各位朋友仔路經的話,都可以去睇吓個展覽版,又搵吓小小豬個蹤跡呀!





**我的微博..關注吧**


*♡♡小肥豬♡♡* | 25th Dec 2012 | 生活點滴 | (18 Reads)

25 DECEMBER 2012(TUE)


一年一度最開心嘅節日又到啦!

趁呢個普天同慶嘅節日,

祝每個愛我地嘅朋友都健康快樂

繼續開開心心每一天!




*♡♡小肥豬♡♡* | 24th Dec 2012 | 靚太廚房 | (86 Reads)
20 DECEMBER 2012(THU)

嘉汶表妹話佢同事極力推介整光波蕃薯,蕃薯我同小豬媽都好鐘意食,所以都成日好想試吓整。

今日小豬媽買左啲好靚嘅日本蕃薯,所以就可以整嚟做下午小食啦~


整法真係好簡單,只需要洗乾淨之後,浸一陣水,用高架200度溫度,先光15 分鐘,之後反轉再光多15分鐘就得啦~


真係冇介紹錯,好好味,仲好有街邊燴蕃薯Feel呢~


味道就真係非常好,不過我就覺得個皮比較硬左少少,可能你我地浸水時間不足(哈哈哈...因為我地掛住想快啲食嘛), 下次浸耐多啲,我估一定仲好味呀!





**我的微博..關注吧**


*♡♡小肥豬♡♡* | 23rd Dec 2012 | 小小豬篇 | (20 Reads)
19 DECEMBER 2012(WED)

尋日送小小豬返學嘅時候,老師同我講話星期五就係聖誕聯歡會,雖然學校都有準備小型自助餐俾小朋友,不過我地都可以帶啲小食物返學校,同其他同學仔一齊分享。

其實之前睇小小豬手冊都知道有聖誕聯歡會,不過當時就冇為意要帶小食物返學校,今日一經老師提,我先知道:大件事....點解我會冇諗到呢?

由於都真係得幾日時間,買又未必買得切,自己又整得唔好怕嚇親其他小朋友,所以都真係好頭痛。

諗左好耐,都唔知帶乜好,俾小朋友食嘅一定要以健康為主,我又唔想俾糖果佢地,所以都幾煩惱。

最後,經糖糖介紹,去左麵包店買左啲現成牛油曲奇。啲曲奇又真係幾好味,勁脆口之餘又唔油,應該都幾啱小朋友食呀~

我自己就買左啲靚靚包裝袋,整左三大袋俾老師,另外小袋係俾同學仔~

雖然啲曲奇唔係親手整,不過整得咁靚都算係一番心意,希望大家都鐘意啦!

BTW...我睇我係時間學吓整啲蛋糕仔...卡通曲奇餅咁,等第時小小豬學校有活動時,我都可以親手整嘛!




**我的微博..關注吧**

*♡♡小肥豬♡♡* | 22nd Dec 2012 | 好友與我 | (21 Reads)
19 DECEMBER 2012(WED)

早係上星期,糖糖話杏花新城有好靚嘅CHOCOLATE RAIN佈置,仲即時WHATAPP左幾張相俾我睇(真係一隻大魔鬼呀)。

見到咁靚攪到我都好想去影埋一份,最後終於趁今日,可以叫小豬媽幫我睇一睇住小小豬,等糖糖放工之後,就去影番一轉啦!

先去中間位置影一影~


再去另一邊又影吓~







雖然都只係得兩個位置有佈置,係就好似少左啲啲,不過都幾靚,所以都OK啦!

我地都已經約好左搵日出去德福,繼續再影CHOCOLATE RAIN。





**我的微博..關注吧**



*♡♡小肥豬♡♡* | 21st Dec 2012 | 靚太廚房 | (72 Reads)
18 DECEMBER 2012(TUE)

今日又用左光波機整新菜式,就係光波三文魚頭~


開頭都公以為好難,不過原來真係勁容易,第一次整就非常成功,勁好味之餘又脆口,真係VERY GOOD呀!不過唯一就係洗個魚頭我覺得比較麻煩,好多魚鱗,要洗好耐好多次先乾淨晒呀!

等我又分享吓個做法先:

先嚟買個又大又靚嘅魚頭~


洗淨之後,用米酒、胡椒粉、糖、椒鹽及麻油醃半個鐘~


入爐啦~


用高架第一面先用240度烤20分鐘~


反轉又烤15分鐘~


完成啦~


係唔係好易呢?大家有興趣都可以試吓整呀!




**我的微博..關注吧**


*♡♡小肥豬♡♡* | 20th Dec 2012 | 小小豬篇 | (15 Reads)
16 DECEMBER 2012(SUN)

雖然小小豬條工人褲仔真係好有型,不過成日跑幾步就甩晒件衫好狼狽,所以玩完泡泡就幫小小豬換過條褲仔繼續玩~


依個傻仔仔情況真係勁好,就係一個吹氣球,都可以玩得咁開心,好少見佢笑得咁燦爛呀~


好誘人嘅步姿呀~


唔止小小豬,我見佢笑得咁開心,自己都傻埋一份,嚟個開心傻笑兩母子~


如期溫馨的兩母子呢~


小小豬真係玩得好開心呀~


開心兩父子~


玩氣球真係開心呀~

今日我真係勁滿意依一輯相,小小豬開心又興奮,攪到我都開心埋一份,到睇啲相時都仲回味緊當時玩緊嘅情況呀!




**我的微博..關注吧**



*♡♡小肥豬♡♡* | 19th Dec 2012 | 小小豬篇 | (18 Reads)
16 DECEMBER 2012(SUN)

今日真係好天得很,所以真係唔好浪費咁好天,一定要去OUTDOOR玩吓,等小小豬放放電呀!

上次去佐敦谷都只係玩左一陣,所以我地今日又再去草地玩啦!

一去到先嚟搵個好位置先,一身工人褲打扮加剪左新LOOK嘅小小豬可愛嗎~


玩玩吓就咀啖我,真係SO SWEET呀~


先嚟玩吓波波先~


條褲我係上年特價時買大左,以為今年啱身。點知著都.......成日甩,好狼狽呀~


玩玩吓波波,見到旁邊有位姐姐係度玩泡泡,依個傻仔仔又走埋去玩埋一份,仲玩得好開心,笑得勁燦爛呀~


真係俾小小豬激C,平日帶部泡泡機去公園同佢玩,佢都只係玩一陣,仲要冇今次玩得咁開心,唔通真係隔離飯香?不過我估係因為同埋其他小朋友一齊玩,所以開心啲啦!

《續待》





**我的微博..關注吧**

*♡♡小肥豬♡♡* | 18th Dec 2012 | 小小豬篇, 博客分享 | (21 Reads)
15 DECEMBER 2012(SAT)

為小小豬清潔鼻孔真係一件很困難的事,細細個嘅時間當然可以好乖乖咁俾我用棉花棒慢慢咁清潔,不過….愈大個仔就愈難搞,每次想清潔鼻孔時,都會左閃左避咁,唔俾我攪個鼻孔,次次都要捉武力震壓下,先可以叫做清潔少少,又都唔太乾淨咁,真係實在太頭痕啦!

見MY BB.COM試用小隊有得申請試用「嬰兒電動吸鼻器」,當然即刻報名,仲好好彩咁又抽中左啦~

係依個時間試用真係最合適,因為天氣開始轉涼,鼻水開始輕微咁流,可以試到真正效用嘛。

電動吸鼻器專為0歲以上小孩吸取過剩鼻涕而設計,吸力強而溫和(~50kPa),使用方法又簡單,只需要按吓開關鍵就可以吸到鼻涕,真係一個人都可以用到~

佢有3個不同顏色軟矽膠吸咀,適合唔同需要。白色吸咀約2mm闊,用於鼻涕比較結實時使用;藍色色吸咀約1mm闊,用於鼻涕比較液體時使用;粉紅色吸咀比較細,比較適合初生嬰兒使用~


實在相瞞,係俾小小豬試用之前,我自己都有用過。當然我用完後有用消毒劑清潔過再將吸杯同吸咀蒸煮消毒,先再俾小小豬用啦!

我用時都覺得個吸力都算溫和,完全唔覺得好似吸緊鼻涕,但係吸咀又真係可以見到啲鼻涕,所以都真係WORK呀(當然鼻涕依啲相我係唔會POST出嚟,唔好攪到大家反胃嘛)

自己用完就當然幫小小豬用,唔知係唔係我之前嘅武力實在太強力,所以一摸小小豬鼻子佢就開始抗拒,所以我就選擇等小小豬熟睡時使用啦~


依家我每晚都等小小豬熟睡後,幫佢清潔鼻孔,等佢可以呼吸暢順啲,都可以有個好優質嘅睡眠,起身都唔會咁扭計嘛!




**我的微博..關注吧**


*♡♡小肥豬♡♡* | 17th Dec 2012 | 小小豬篇 | (16 Reads)
15 DECEMBER 2012(SAT)

對上一次幫小小豬剪頭髮都有成大半年,其實小小豬啲頭髮都好長,不過前排因為要去幼稚園面試,所以唔好隨意剪(怕唔靚仔影響老師)。

依家都可以話IN得七七八八,加上個前額真係好長,所以係時間要剪,當然又係大肥豬負責操刀啦!

剪前面嘅時候小小豬都好乖乖咁~

不過一到開個鏟機剪後面時,小小豬一聽到
鏟機聲,就開始驚驚失控,所以我又要幫手捉住佢。

經過我地一返努力,小小豬個新LOOK終於完成,可愛嗎~


不過因為大肥豬重手左,所以前面短左啲啲,唉....攪到成個古惑BB咁呀~

雖然真係短左啲,不過都幾好睇呀,短短地...清清爽爽、精精靈靈嘅小小豬呀!





**我的微博..關注吧**


*♡♡小肥豬♡♡* | 16th Dec 2012 | 生活點滴 | (16 Reads)
15 DECEMBER 2012(SAT)

今日上午陪小豬媽覆診之後,路經IFC就入去行吓,影吓啲聖誕佈置啦!

今年個佈置係以動物為主,同埋啲特別聖誕樹,都叫幾靚,不過就冇幾年前個大摩天輪咁吸引呀~


影左幾張之後,因為要SET場做表現,所以我地冇得繼續影。不過,行過少少,有一個幾特別佈置同好靚聖誕樹,所以我地又影吓啦~



突然間見到有聖誕老人出現呀~


我地見到人龍就走埋去影埋一份,不過影完之後,我睇佢地應該唔係商場職員,因為佢地手上係拎住啲一大包包嘅食物,我估可能係佢地嚟買嘢,俾啲遊人見到,所以捉住嚟影相。哈哈哈..原來我地都傻埋一份添!





**我的微博..關注吧**


*♡♡小肥豬♡♡* | 15th Dec 2012 | 小小豬篇 | (15 Reads)
14 DECEMBER 2012(FRI)

今日因為上午要同小小豬去健康院做檢查,所以小小豬同大肥豬就分別請左一日假啦!

出奇地健康院今日唔係好多人,所以好快就可以做完晒檢查就走。難得係平日有假期,見冇乜嘢特別事做,所以大肥豬就建議入迪迪尼行個圈,話可能平日會比較少人,等小小豬可以同MICKEY影。就係咁,我地就向迪迪尼出發啦!

開頭都以為平日唔會好多人,不過原來唔係,今日真係勁多人(尤其係強國人),仲多人過平時星期六日。就係因為太多人,所以我地今次同唔到小小豬影聖誕版MICKEY,有少少失望添!

雖然係咁,不過終於俾我影到新人物...雪人啦!不過話事話好在我唔怕羞咁走得快去排隊,因為實在太多人,好快就截左,如果唔係我地影唔到呀~



行過見到就去影DUFFY~

 
之後我地就去畫公仔,睇吓小小豬幾留心~


休息過後,就去排隊影CHIP N DALE~


影埋依一個,原本我地想入去玩機動遊戲,不過實在太多人,樣樣設施都排晒長龍,終於我地都放棄唔玩,等下次入嚟唔多人先玩啦!

雖然我地入樂園都好似冇乜點玩過,不過我地就有另一種活動,就係帶小小豬去問職員拎貼紙,希望可以訓練一吓佢唔同嘅陌生人交談。小小豬都算叻叻,都拎左好多貼紙呀~

由於我地張金卡唔可以係聖誕期間入嚟,所以話我地應該要過左聖誕先可以再入嚟玩過,到時應該係新年版,希望到時可以影到MICKEY同DONALD啦!





**我的微博..關注吧**

*♡♡小肥豬♡♡* | 14th Dec 2012 | 靚太廚房 | (82 Reads)
13 DECEMBER 2012(THU)

繼早前整左好成功嘅光波燒肉之後,今日我同小豬媽又有新傑作,就係光波叉燒啦!

嘩哈哈....我地嘅光波叉燒當然又係非常成功,肉質又嫩又多汁,真係好有成功感呀~
 
成日都覺得好似好難咁,不過原來真係好簡單又容易,等我都同大家分享吓整嘅過程先。

先嚟準備兩舊靚梅頭~
 
用生抽、老抽、糖、叉燒醬及麥芽糖醃約一小時~
 
入爐啦~

 
用低架以最高溫燒十分鐘~
 
 
之後再反轉燒五分鐘~

 放涼後切件就食得啦~

 
一件好味嘅燒肉就係咁完成啦~

 
味道真係唔錯,不過我覺得如果加多少少蜜糖,可能會好味多少少,等我下次試吓先!

係唔係好簡單呢,我有興趣嘅朋友快啲都試吓整啦!




**我的微博..關注吧**



*♡♡小肥豬♡♡* | 13th Dec 2012 | 博客分享 | (17 Reads)
13 DECEMBER 2012(THU)

早前係《iMORE.hk》全港最強 iTRiAL試用專區登記,估唔到今次可以抽中試用《Metholatum 護唇組合》,包括了豐盈修護潤唇膏-魚子精華、濃潤修護唇膜及水份潤唇膏~


其實Mentholatum依個牌子都唔洗我點介紹,佢推出過好多唔同種類嘅產品,潤唇膏都有好多,相信朋友仔都總係會試過。

今次主要想我地試用嘅就係最新推出嘅豐盈修護潤唇膏 - 魚子精華~


珍貴魚子精華、透明質酸及橄欖油精華天然鎖水因子 (Ceramide) 內含低敏感配方,有效保護乾燥及易敏感的雙唇,提供卓越的滋潤功能,並有效提升細胞修復力,同時形成鎖水保濕層,撫平唇紋及改善唇部輪廓,讓雙唇顯得水潤豐盈,感覺滋潤卻不油膩。

斜角面方便均勻地搽上,中間粉色的就係魚子精華啦~


未用之前,我嘅唇紋都幾嚴重(尤其上唇),加上成日都會覺得咀唇好乾~

使用後,覺得潤唇膏滋潤度不錯,塗後完全唔會感到油膩,而且雙唇都覺得豐盈,鎖水度都算可以接受,用後都唔會覺得好乾,仲可以KEEP到一段時間。但唇紋改善情況就未有明顯改善,只係比未用前好少左啲啲(或許我只是用了一星期左右,未完全發揮功效)~


另一支試用就係Metholatum 濃潤修護唇膜~


依支護唇膜係集唇膜、美容液及潤唇膏三合一嘅功能,含珍貴既蜂皇漿精華、橄欖油等豐富成份,能深層滋潤嫩唇同淡化唇紋。

依支我會於晚間作唇膜用,覺前薄薄塗上~

夜晚薄薄搽一層,到第二日起床都覺得KEEP到好水潤嘅感覺,唔會覺得好乾~


最後一支試用係Mentholatum 水份潤唇膏-薄荷葉~


不過由於我已經用緊魚子精華護潤唇膏,所以我就將依支轉贈大肥豬,等佢可以潤一潤個咀巴。其他護唇唔係女仕專利,因為男士都需要保護呀!

其實大肥豬同我一樣,都係屬於乾唇人仕,咀巴好易乾呀~



問返大肥豬個使用後感覺,佢話整體上都感覺幾潤,塗完之後都覺得好舒服。有淡淡嘅薄荷味,搽上咀後會有一種冰涼既感覺,幾鐘意用哦~


整體上都覺得唔錯,都好適合冬天用,所以我兩都應該會KEEP住用啦!





**我的微博..關注吧**


*♡♡小肥豬♡♡* | 12th Dec 2012 | 小小豬篇 | (11 Reads)
9 DECEMBER 2012(SUN)

上幾個星期天氣都唔好,所以都冇乜點帶小小豬出去放電,極期量都係去商場做啲空內活動。

終於等到今日太陽伯伯又再出嚟,天氣非常好,暖暖地又唔太風,所以一定要做啲OUTDOOR活動,等小小豬放放電先得啦!

原本都打算入迪迪尼,不過因為朝早要去幫老爺整部電視,之後又等小小豬同爺爺玩左一陣,為免趕住入好似好辛苦咁,所以都係唔入,近近地咁去左觀塘海濱公園,等小小豬走走走咁放吓電。

次次去海濱公園都只係前半段玩(即觀眾席位置),所以今次我地就集中係後半段,有啲少少兒童設施地方玩。依個小小豬真係好鐘意音樂,一見到啲可發音嘅設施睇佢玩得幾開心~


小小豬好留心咁望住場內其他小朋友玩汽球,見佢好想玩嗰個樣,當然都俾佢玩吓啦(哈哈哈...係我個同小小豬去街街嘅袋入面,真係隨時都可以有幾汽球,以備不時之需嘛)~


玩左一陣,小小豬又要玩竹蜻蜓呀~

玩得幾投入~


睇住小小豬玩依兩隻竹蜻蜓真係好好笑,佢唔識令到竹蜻蜓飛,但又好想見竹蜻蜓飛嗰個樣,真係好可愛呀!

玩到攰就要休息飲吓水,不過依個小小豬唔飲自己杯水,要拎我地支水嚟飲,真係激C你呀~


成功霸住我地支水,佢就好開心咁乖乖咁坐定定~


睇吓個傻豬仔開心到,好耐都冇見過佢笑得咁燦爛啦~


哈哈哈...俾我偷偷地影到依張,主題係:悠閒兩父子~







**我的微博..關注吧**

Next