香港新浪網 MySinaBlog
*♡♡小肥豬♡♡* | 30th Nov 2012 | 小小豬篇, 博客分享 | (25 Reads)
30 NOVEMBER 2012(FRI)

早起上星期收到PR姐姐嘅電郵,話想送一部TV CAM俾我地試用。嘩...咁名貴真係有少少受寵若驚呀!

因為其實都想買左好耐,由我仲返緊工嘅時候開始,都已經好想係屋企裝返部,咁就可以冇時冇刻睇地小小豬係屋企做緊乜嘛,所以我唔客氣咁收左份禮物啦!

PR姐姐仲好好,第二日就已經送到我地手上啦~


有新嘢玩就當然要即刻玩啦!


我地安裝左係電視機上面~


安裝真係好簡單,大肥豬唔洗三分鐘就已經整好。佢係用左HD配合蔡司鏡頭,所以個畫面真係好清呀~


不過.....原來佢係要配合SKYPE先可以用到,但我地整左幾日都開唔到個SKYPE戶口,所以唔可以即刻玩。

到左今日,大肥豬終於究竟到,仲幫我地個個開晒戶口,所以終於都可以玩啦!

我地先用小豬媽部IPAD試吓先~


個效果真係唔錯,收音都好清楚,就算小小豬坐係廳嘅最後,都可以好清晰咁聽到佢講乜。廣角的 HD 加上2x 變焦鏡頭,所以畫面非常清晰,就連小小豬嘅表情,都可以好清楚睇到~


係屋企試完,當然到同大肥豬玩,等佢可以見吓個寶貝仔係屋企玩嘅情況啦!

因為大肥豬唔方便用手機玩,所以佢就用左公司電腦嚟安SKYPE,由於冇鏡頭,所以就唔可以見到佢個樣,只係望到個白框框~

係個就係大肥豬係公司見到嘅畫面~

整體上依個TV CAM真係幾好,大肥豬直頭已經愛上左佢,因為可以俾佢係返工時見到我地兩母子嘛....哈哈哈!

依我地所有人嘅電話都已經安裝左SKYPE,當心血來潮嘅時候就可以經SKYPE程式打返屋企,咁就可以隨時隨地都見到小小豬啦!

如果大家想了解多啲依部TV CAM,可以去依個網址睇吓呀:http://www.logitech.com/en-hk/webcam-communications/webcams/tvcam-hd





**我的微博..關注吧**

*♡♡小肥豬♡♡* | 29th Nov 2012 | 甜蜜生活 | (45 Reads)
29 NOVEMBER 2012(THU)

LITTLE TWIN STARS都可以算係我兒時喜愛公仔之一(哈哈哈...我細細個時都幾花心呀),當知道新蒲崗個新商場 - MIKIKI 有佢地佈置,仲要係第一次佢地做主角,所以真係勁想去影呀!

我想左好耐,不過因為都遠遠地,加上又唔多識路,所以都係得個PLAN字。

今日下午出左去聽講座,原來個商場就係附近,所以就JOIN埋大肥豬,行去影左一轉啦~



雖然都係得五組佈置,都靚到唔識講,所以不停係度影...影...影呀!鐘意LITTLE TWIN STARS嘅朋友真係唔好錯過,極力推介依個佈置俾大家去影呀!

哈哈哈...點解得我地兩個去都可以有咁多合照相?咪就係因為影嘅時候我地撞到一位BLOG友,佢好好人主動幫我地影,所以先有咁合照,唔該晒呀!







**我的微博..關注吧**

*♡♡小肥豬♡♡* | 28th Nov 2012 | 小小豬篇, 好友與我 | (41 Reads)
25 NOVEMBER 2012(SUN)

同糖糖整完ANGRY BIRDS便當之後,返到屋企見到小小豬,個傻仔就勁開心又興奮咁~

佢仲乜咁開心,咪就係因為糖糖上左嚟同佢玩,佢地仲係度玩釣魚添~


帶住小小豬出街食飯都唔係好方便,所以我就提意整完便當之後,買少少餸上嚟打邊爐,等小小豬可以邊食邊玩,仲可以有姐姐陪佢玩嘛!

因為時間唔多,所以簡簡單單咁買啲方便餸,不過都叫做簡單得嚟又豐富啦~

準備好晒就開餐啦~


可能係我地開餐前小小豬都已經食飽飽,所以都冇攪攪陣。不過就成日都係糖糖前面行嚟行去,仲帶埋RODY係糖糖前面坐住玩呀~


我地都冇專登引佢,個傻豬仔全晚都笑得好開心、好燦爛,真係成個傻豬仔咁呀~


見到小小豬笑得咁開心,真係令到我地個個都好開心。

真係要叫糖糖多啲上嚟陪小小豬玩,等佢又可以做個開心傻秧小小豬先得!





**我的微博..關注吧**

*♡♡小肥豬♡♡* | 27th Nov 2012 | 博客分享 | (17 Reads)
25 NOVEMBER 2012(SUN)

今日好榮幸可以得到刀嘜PR姐姐姐姐邀請參加刀嘜xANGRY BIRDS彈入你屋企烹飪班BLOGGER EVENT,由於活動仲未適合小小豬參加,所以就叫左好姊姊-糖糖陪我一齊去學整ANGRY BIRDS便當啦~


今日活動就係觀塘某商廈入面嘅烹飪中心(哈哈哈...真係啱晒我),一上到去四周都已經佈置左好多ANGRY BIRDS仲有CROSSOVER刀嘜新出嘅家品啦~


大會為我地準備嘅圍裙~


一陣整便當嘅材料~


主角之一.....刀嘜最新推出嘅「刀嘜奧米加3芥花亞麻籽油」,依支油主要成份係用亞麻籽油,裏含大量有植物奧米加3的脂肪酸,對發肓中的小朋友最好,亦有助提升腦部發展,所以都好啱小朋友食用呀~


未開之前,有好精美嘅茶點招待~


樣樣都好好食,尤其係個綠茶紅豆卷,真係勁好味,有得再食就好啦!

開始整便當啦!今日係由日籍家庭料理導師田中太太教我地整~


由於田中太太係講日文,所以在場有一位女仕為我地翻譯,等我地邊睇邊聽學整呀~

其實田中太太稍後會同刀嘜合作出全港首部中文版刀嘜xANGRY BIRDS親子食譜,今日我地學整嘅ANGRY BIRDS便當,就係親子食譜中其中一個菜色。

好啦...開始做便當啦,睇吓我幾留心...哈哈哈~



先煮好啲配菜~


煲滾啲油先~


開始整炸雞球啦~


都幾似樣啦..呵呵呵~


所有配菜準備好,開始捏飯團啦~


努力中~


完成飯團之後,加埋啲配菜,做埋個裝飾,我地個ANGRY BIRDS完成啦~

我同糖糖合力做嘅製成品,唔知係唔係隻眼睛整細左,所以好似唔多似ANGRY BIRDS,我地都覺得似孖寶兄弟入面既蘑菇多啲呀...哈哈哈~


離開嘅時候,大會仲送左一袋禮物俾我地添(個紙袋都好靚呀)~


係呀.....其實刀嘜依家都有一個活動開始,只要購買任何刀嘜產品滿$50就可以打電話登記參加抽獎,獎品都非常豐富,有興趣~


真係要再一次多謝PR姐姐邀請,等我地又食又拎又學嘢咁,過左一個好愉快嘅下午,希望再有機會可以參加佢地嘅活動啦!





**我的微博..關注吧**

*♡♡小肥豬♡♡* | 26th Nov 2012 | 小小豬篇 | (19 Reads)
23 NOVEMBER 2012(FRI)

今日小豬爸約左姑媽下午飲茶,有得去食嘢,當然係有小小豬有份啦,所以放學之後,快快手食完午餐,快快手洗白白,一齊出發啦!

到唔知係唔係平日玩茶壺玩得好開心,所以一去到茶樓見到啲茶壺就要拎嚟自斟自飲咁,仲似模似樣咁呀~



飲杯~


為食豬本色又嚟啦~


來自澳洲的朱古力,姑媽買俾仔仔嘅手信~

依個傻豬仔真係越嚟越古靈精怪,我亦都發覺佢開始模仿我地嘅行為,所以真係要更加要小心,唔可以俾小小豬學到啲唔好嘅事呀!





**我的微博..關注吧**

*♡♡小肥豬♡♡* | 25th Nov 2012 | 生活點滴 | (18 Reads)
22 NOVEMBER 2012(THU)

影完LEGO之後,就行左去皇室堡,因為之前又係見到小豬媽影左啲好得意公仔,所以又想去影埋一份。原來依個公仔係叫做大耳查布,唔係睇佢介紹我地唔識佢添。

今次比起上次影MICKEY好好多,因為公仔旁冇嘢欄住,咁樣影得靚好多呀~


哈哈哈....真係好鐘意聖誕,因為一到聖誕好多商場都佈置得好靚,又係一個影相嘅好機會,真係啱晒我依啲影相怪呀!

我已經睇中左幾個商場佈置,希望可以夾到時間帶埋小小豬一齊去影啦!





**我的微博..關注吧**

*♡♡小肥豬♡♡* | 24th Nov 2012 | 好友與我 | (25 Reads)
22 NOVEMBER 2012(THU)

食飽飽之後,我地就即刻出發去下一個目的地,就係去時代廣場影LEGO展啦!

其實未開始做展覽時,見到雜誌介紹,都真係十個勁想去。見埋早一個星期小豬媽啲相,真係好想即刻飛去影添,所以就趁今次飯局機會,去影返轉啦!

雖然人都算多,不過個個影相嘅朋友仔都好禮讓,所以都影左好多相呀!

先嚟樓下空地嘅~


再入商場繼續影~


啲LEGO真係砌得好靚呀~

依個LEGO展真係勁靚,如果有機會都好想嚟多次,或者帶埋小小豬一齊嚟玩,因為啲公仔同小小豬差唔多高,相信佢見到一定會好開心呀!

等天氣好返啲,一於再小小豬嚟再影過!





**我的微博..關注吧**

*♡♡小肥豬♡♡* | 23rd Nov 2012 | 好友與我 | (33 Reads)
22 NOVEMBER 2012(THU)

早前同糖糖吹水咁話想去食放題,隔左幾日糖糖就係團購網見到有放題專門店做緊優惠,只係@$98,見咁抵所以就買張COUPON,約埋小肥肥一齊去食啦~


ORDER紙一堆~


除左任食之外,原來係任飲呀~

根據之前食個團購經驗,加上又認為平嘅冇好,所以都唔敢抱太大期望。點知真係喜出望外,啲嘢食種類都算多,個味道都OK,魚生都幾新鮮,以咁嘅價錢嚟講,真係唔錯啦~



除左熟食,甜品都唔差呀~


三個傻人係度玩甜品~


依一餐真係好豐富,俾我預期好好多,加上啲服務員都嘅服務都好好,所以都真係可以再考慮嚟食多次呀!





**我的微博..關注吧**

*♡♡小肥豬♡♡* | 22nd Nov 2012 | 小小豬篇 | (25 Reads)
22 NOVEMBER 2012(THU)

今日第一次以家長身份去參加啲講座~

事緣上次去健康院時,因為我同姑娘提及小小豬說話方面好似弱左少少,所以姑娘就建議我去聽吓啲講座,聽吓資深姑娘嘅講解,等我聽吓啲技巧,睇吓可唔可以係平日生活中用返,從中多啲幫吓小小豬。

雖然我地都覺得小小豬唔係特別嚴重,不過既然有時間,又可以去聽吓,學多啲啲都冇壞,最重要就係學多啲嘢都係對小小豬有益,所以今日就去睇講座啦!

開頭都以為好悶,不過兩個鐘嘅講座,我又覺得好似過得好快,因為姑娘講解都真係好好,講嘅嘢都好有理據。雖然佢嘅內容我都已經做緊,不過就提左好多平日遺忘嘅簡單事,等我地可以更加了解小朋友嘅表達,從而提升小朋友嘅語言技巧。

今日學多左啲啲,所以亦都會開始用多啲姑娘教嘅技巧,希望小小豬講嘢可以進步快啲,快啲口齒伶俐啦!





**我的微博..關注吧**

*♡♡小肥豬♡♡* | 21st Nov 2012 | 小小豬篇 | (17 Reads)
21 NOVEMBER 2012(WED)

有時真係覺得小小豬都比較女仔,基本上都唔算太鐘意玩車仔,反而鐘意玩啲女仔玩具,好似公仔...茶杯咁。

繼之前成日都帶住PURPLE(即紫色砂糖兔)周圍去之後,真係可以話一見到PURPLE之後,係兔不離手,就算去面試,入迪迪尼或者係落街買餸,都一定要帶埋佢出門口呀!

早幾日大肥豬買左個新公仔返嚟,今日洗乾淨晒俾小小豬玩時,佢又好似好鐘意咁抱住嚟玩啦~


仲錫錫BEAR BEAR呀~


依個樣真係好攪笑呀~

唔知點解....我有少少覺得依隻BEAR BEAR同小小豬有啲似樣,哈哈哈!

雖然有新公仔,不過我都覺得小小豬個熱愛程序好似冇PURPLE咁多,起碼唔會成日都抱住周圍走。咁都好,起碼證明小小豬係一個專一嘅人,唔會見異思遷,大個仔都要係咁呀...呵呵呵!





**我的微博..關注吧**

*♡♡小肥豬♡♡* | 20th Nov 2012 | 生活點滴, 小小豬篇 | (19 Reads)
20 NOVEMBER 2012(TUE)

今日朝早陪小豬媽返醫院覆診,大家可以放心,一切安好,只要KEEP住睇住就OK啦!

原本以為趕唔切接小小豬放學,所以叫左LULU妹去接放學。不過好在覆診時間都算順利,又唔洗等得太耐,所以就可以同埋小豬媽接小小豬放學啦!

成支軍隊咁去接個傻豬仔佢當然開心,難得一齊去接小小豬,所以我地都繼續開心事,就係一齊去食餐好嘅。

其實學校附近都唔係太多好嘢食,所以入商場見到有間日本嘢食,所以就去豪豪地食個富貴LUNCH啦!

我嘅壽司飯~

LULU妹嘅壽司~

小豬媽嘅鰻魚炒飯~


有好嘢食,個小小豬又點會唔想食呀?睇吓個為食豬,食得幾招積,又古靈精怪~

依間啲嘢食都唔錯,啲服務員哥哥又好NICE,成日都同小小豬玩,所以都應該有下次。

食飽飽之後,小豬媽見附近有冒險樂園,所以就話要帶小小豬去玩番轉啦~


哈哈哈....有得食又有得玩,小小豬就當然開心啦!搵機會再一支軍隊出發接小小豬放學時,可以再嚟啦!





**我的微博..關注吧**

*♡♡小肥豬♡♡* | 19th Nov 2012 | 生活點滴, 小小豬篇 | (24 Reads)
19 NOVEMBER 2012(MON)

今早小豬媽去超市買完餸返嚟,買左兩大粒白蘿蔔~


真係抵到唔識講,依兩大條都只係......~


就係因為實在太抵,所以小豬媽先忍唔到手,買返嚟煮滷水蘿蔔俾我地做下午茶~


有得食又點少得隻為食小小豬呀!原本都打算俾個叉仔佢自己食少少,點知個傻豬仔要學我地用筷子食。

開頭都估佢唔成功,點知....有板有眼,仲食得好滋味添~

依個為食豬真係就連食相都可愛過人呀!(哈哈哈...又有人唔知醜成日讚自己個仔呀)

今次小豬媽都只係煮左一條,等過兩日就整咖哩蘿蔔,我地又有口福啦!





**我的微博..關注吧**

*♡♡小肥豬♡♡* | 18th Nov 2012 | 生活點滴, 小小豬篇 | (22 Reads)
18 NOVEMBER 2012(SUN)

曾經何時,小忌廉都真係我嘅至愛,還記得當時熱播卡通片時,我都一定會追看,亦會當變身時跟埋佢一齊拎支棒就當係神位棒咁一齊玩變身(大件事....咁講咪俾人估到我幾歲..呵呵呵)。

所以當知道開左小忌廉限定餐廳時,真係好想嚟朝聖一吓,重回兒時嘅回憶。

想去左好耐,終於今日抽到時間可以去依個LUNCH啦~


不過,真係勁多人,我地等左成半個鐘先有位~

成間餐廳都係小忌廉佈置,真係好靚呀~



食嘅方面,我覺得都叫做OK唔錯,都係一般日式餐廳咁,不過相信入得嚟嘅都唔係志在食嘢,係影相就真。不過我地都叫左一個日式咖哩豬扒飯(因為小小豬要食,所以掛住俾飯佢食就唔記得影相)同埋一個壽司飯~


今日影相真係唔多,其實都仲有好多佈置,不過人太多,加上又帶住小小豬,所以都真係唔多方便影。另外,我見朋友仔去左食,睇佢地啲甜品都好似好好味咁,所以如果有機會都想嚟多一次,影多啲相之餘,又可以食吓啲甜品。

依間餐廳每期都有一個主題人物,唔知下一次會係邊個做主角呢?





**我的微博..關注吧**

*♡♡小肥豬♡♡* | 17th Nov 2012 | 小小豬篇 | (40 Reads)
17 NOVEMBER 2012(SAT)

今日我地繼續同小小豬去作戰啦!原本今日我都係有兩間要去IN,不過兩間啲時間都好接近,為免令小小豬趕住去會辛苦,所以我地都只係揀左一間去。

依一間就係西營盤龍校,雖然遠就好似遠左啲,不過依間學校環境都幾好,加上又有好嘅升中網,所以大肥豬都好鐘意依一間呀!

去面試當然要著靚仔啦,今次著埋件西裝外套,係唔係好型仔呢~


個傻仔真係太愛PURPLE,去面試都要帶埋佢去呀~


好啦...講返個面試先。因為前幾次都係我同小小豬入去,所以今次就將依個重任交俾大肥豬,睇吓會唔會引導到小小豬有唔同表現。

其實面試同之後嘅都係差唔多,都係小組玩遊戲之後就同老師傾計,今次小小豬嘅表現真係...『好曳』,老師問嘅所有問題全部都『唔答』『唔識答』,總之佢個表現係我地比我地想像中『衰』。

小小豬有咁嘅表現,所以都有一絲絲期望。不過始終依間學校真係太大競爭,所以雖然期望,不過都唔敢抱太大,都係嗰句;平常心啦!

不過,最開心嘅係小小豬嘅表現有改善,希望之後幾間嘅面試都可以越嚟越『衰』,越戰越勇啦!

***小朋友真係唔可以讚嘅,所以以上我係講乜........聰明嘅朋友仔一定知...哈哈哈***





**我的微博..關注吧**

*♡♡小肥豬♡♡* | 15th Nov 2012 | 小小豬篇 | (9 Reads)
14 NOVEMBER 2012(WED)

今日下午茶時間,原本好好地我同小小豬每人一個麵包,嚟個為食兩母子LOOK~


點知....當小小豬食完佢自己個提子麵包之後,既然開始對我個包好有興趣~


之後就用九秒九時間....搶食呀~


搶到之後,睇吓小小豬食得幾開心~

哈哈哈...依個小小豬真係出名為食豬嚟,仲要好似係一條金魚咁,唔識飽呀。一有得食佢就可以好乖乖咁坐定定,真係俾佢激C呀!

不過,食得是福,只要係有益嘅健康食物,小小豬鐘意我都會俾佢食,等佢食多啲變隻肥肥肥肥嘅小小豬。





**我的微博..關注吧**

*♡♡小肥豬♡♡* | 14th Nov 2012 | 小小豬篇 | (12 Reads)
12 NOVEMBER 2012(MON)

今日小豬媽去完針灸返嚟,帶埋一份禮物俾小小豬~


依份就係小豬媽送俾小小豬嘅聖誕禮物~

未到十二月,小小豬就已經收到第一份聖誕禮物啦!

一件好靚嘅外套,小豬媽買嚟等小小豬聖誕時著住去影相呀~

件衫仔都真係好靚,質地真係好好,摸上手勁柔軟(靚嘢真係質地都好啲呀),又夠厚,冬天著住就真係一件都OK呀!!!

我睇個價錢,嘩.....俾我真係會唔捨得買(仲貴過一件大人冷衫),小豬媽真係勁錫個傻豬仔呀!





**我的微博..關注吧**

*♡♡小肥豬♡♡* | 13th Nov 2012 | 小小豬篇 | (12 Reads)
11 NOVEMBER 2012(SUN)

趁天氣仲幾好,唔太晒又清清涼涼咁,所以我地就打算帶小小豬去郊外玩吓,享受一吓大自然。原本想都去遠少少,不過因為時間關係,最後我地都係近近地去左石澳一轉,等小小豬去沙灘玩吓沙啦!

雖然我地一點幾鐘先去到,不過個天一啲都唔晒,又冇乜風,加上又冇乜人,所以真係超啱玩呀!

搵到個有利位置,開始玩啦~


超鐘意依張自拍照,估唔到小小豬都識得玩自拍,肯望鏡頭呀~


為博小小豬一笑,整個攪笑POST先~


哈哈哈...小小豬真係會跟住做~


睇吓我同小小豬玩得幾開心~


又同大肥豬一齊去拎水玩呀~

激C....玩到冇嘢玩,連鞋仔都拎嚟玩沙~

又嚟扮憂鬱小生呀~


好大個仔嘅小小豬呀~

之後我地仲出去岸邊吹吓海風~


SO SWEET....超愛依張相呀~

唔覺唔覺,我地都係沙灘玩左兩個鐘,係走嘅時間又嚟自拍一吓。不過,小小豬好似想講:你地唔好迫埋嚟啦~

其實去埋依次沙灘,相信都要等到下個夏天先可以再去沙灘玩啦!





**我的微博..關注吧**

*♡♡小肥豬♡♡* | 12th Nov 2012 | 小小豬篇 | (9 Reads)
10 NOVEMBER 2012(SAT)

今日去兩間幼稚園面試中有一個鐘左右嘅空檔時間,都唔知去邊度渡過好,最後大肥豬就話不如去灣仔修頓球場坐吓,俾小小豬休息吓,睇吓啲哥哥踢足球,等到夠鐘就去搭下午間幼稚園安排嘅穿梭巴士上去。

原本以為一個鐘會好難過,點知原來一轉眼就過左,因為開心嘅時間係會過得特別快嘛!

睇佢係度幾開心咁周圍走~


由於之前我買左杯芒果珍珠綠茶,所以就想打杯飲品主意啦~


小小豬:等我扮個可愛樣,引吓媽咪先~


小小豬:嘩...發達啦...有得飲到啦~


小小豬:等我用力啜先~


依個情景來來回回都有四、五次,不過次次都係啜唔到,一嚟支飲管咁粗,所以小小豬係啜唔到,二嚟大肥豬係俾小小豬飲依啲街外嘢呀唔會(尤甚係依啲即沖飲品),所以大家可以放心,個傻豬仔係飲唔到,只係度係扮飲...哈哈哈!






**我的微博..關注吧**

*♡♡小肥豬♡♡* | 11th Nov 2012 | 小小豬篇 | (25 Reads)
10 NOVEMBER 2012(SAT)

又到每月十號,即小小豬又大一個月,唔經唔覺小小豬都已經27個月啦!

今日慶祝27個月嘅活動,就係去兩間幼稚園面試。去面試就當然要著靚仔啲啦,依個裝扮醒目嗎~


今日依兩都係香港龍校,上午嗰間就係西環,下午嗰間就係灣仔半山區。其實兩間嘅面試同之前都係差唔多,都係老師同小小豬傾計,睇吓佢玩玩具嘅情況,睇吓佢可唔可以依老師指令。整體上同預計一樣,小小豬都係怕怕羞羞咁完成老師指令,又唔多肯講嘢。不過佢完全冇扭計,又可以乖乖咁坐定定嚟完成個面試,我都覺得佢好叻仔啦!

但有一件事令我唔開心,事緣下午我地去嗰間就係我由PN班都已經好想小小豬入到嘅DREAM校。

我地入到課室,一樣係坐定定玩住玩具等老師嚟同我地傾計,等左兩轉,終於都小小豬啦!老師第一時間就問小小豬叫乜名,小小豬係識答嘅,不過就勁細聲,老師當然聽唔到啦!

老師問即刻問小小豬係唔係唔識講嘢?平日點同我地溝通?我就話小小豬可能係怕羞,平日多數講英文係會多少少.........。我都仲未講完我想講嘅嘢,老師就即刻話:得啦...咁叫個英文老師嚟佢IN啦!(佢就即刻走左去另一位小朋友度IN)

最後,我地等左好耐英文老師先嚟(當時英文老師都係課室入面嘅,不過唔知點解咁遲先嚟),由於係最後傾計,加上又€要趕住小組一齊跳舞,所以就只係勁簡單咁問左啲問題就完成。

那老師知道小小豬係講嘢唔叻時,我都FEEL到佢已經採取半放棄態度,但又真係冇諗過佢會係咁快就叫其他人接手。

不過依件事唔係我唔開心,我地離開課室時,老師負責送禮物俾小小豬,當收禮物時我就引導仔仔say thank you,點知那老師只係講左句:唉...你唔識講嘢點頭就算啦!!!

聽完之後真係唔開心,係面試過程對小小豬採取放棄態度,我唔可以怪你,只可以當依個係你地老師面試嘅技巧,當然係會集中火力去IN有機會入學嘅學生啦!不過作為一個老師係唔係唔應該咁講嘢呢?咩叫做唔識講嘢點頭就算呢???係唔係小小豬唔叻講嘢就要俾歧視!!!! 老師唔係要有愛心嘛????如果小小豬識聽,咁咪會好傷自專心????

其實係未發生今日事件前,我都真係極度恨入到依間,不過依家真係唔多想,名氣大嘅學校老師就可以咁,唔洗理人感受呢?老師唔係應該鼓勵小朋友,點解可以打激小朋友呢?如果小小豬日後俾佢教,咁咪日日俾佢歧視,又點會開心呢?我只想小小豬開開心心咁渡過佢嘅學校生活!!

我發洩完心情已經好返晒,我亦都唔會俾啲咁嘅人影響到,因為只要我知道小小豬係叻叻就已經足夠!






**我的微博..關注吧**

*♡♡小肥豬♡♡* | 10th Nov 2012 | 靚太廚房 | (401 Reads)
9 NOVEMBER 2012(FRI)

好耐都冇出過有關煮餸嘅POST,今日終於都可以出番篇啦!

其實依家小豬媽精神都好返晒,所以煮飯仔依個重任就交番俾小豬媽。我間唔中都有客串一吓,不過煮嚟煮去到係嗰幾樣,都係唔好獻醜,所以一就唔出POST啦!

今日整左個新餸,所以就同大家分享吓。

事緣今日睇啲網上食譜,見到有朋友介紹整依個餸,我見啲材料又簡單又易整,所以就煮嘢食個引又嚟,所以就著手去煮啦!

材料真係好簡單~


將牛油加入鹽與蒜蓉撈勻,再鋪上青口上面~


入光波爐焗五分鐘先~


之後再落芝士焗兩分鐘就完成啦~


整成品...係唔係好靚呢~


第一次煮真係超有成功感,因為真係好好食,就連平日唔多愛好青口嘅大肥豬都不停讚好味,食左四大隻呀...呵呵呵!

光波機真係勁方便又好用,等我學多幾樣餸,俾多啲驚喜屋企人先得!





**我的微博..關注吧**

Next