香港新浪網 MySinaBlog
*♡♡小肥豬♡♡* | 31st Oct 2012 | 博客分享 | (23 Reads)
31 OCTOBER 2012(WED)

成日都聽話蟲草功效非常之好,可以全面提升個人免疫能力,尤其對改善鼻敏感都有一定的幫助,加上性質不寒不燥,任何體質都啱食。

今次有幸有得PR邀請試用"早稻田蟲草",我當然非常開心,PR姐姐仲好快咁速遞送到我手上啦~

因為我自少都已經被鼻敏感及氣管問題影響,當天氣轉變時,情況亦開始嚴重,打噴嚏...流鼻水無時無刻都會發生,有時都自覺好麻煩。所以趁今次試用,希望可以體驗吓早稻田蟲草嘅好處~


膠囊包裝,都唔算大粒,吞服都算易~

「早稻田蟲草」6大特點 :
1) 培植冬蟲夏草Cs-4本身的功效(補肺益氣)外,特別加入日本專研的槐花精華針對鼻敏感症狀,是市面唯一一隻加強配方針對鼻敏的蟲草產品2
2) 日本的大學專家臨床實證,槐花精華五星期有效改善鼻敏症狀
3) 同時改善睡眠及強化氣管健康
4) 根本調理,無副作用
5) 日本專研。香港GMP認證大藥廠製造
6) 精明經濟選擇,一盒90粒

此外,據日本大學專家邀請真實鼻敏患者參於研究,服食槐花精華僅五星期即已見鼻敏症狀有明顯改善,鼻敏症狀指數減低超越兩倍。說明書內亦有提及它是以極級自然培埴蟲草菌絲體提煉,再加入日本大學專家臨床實證的槐花精華,能夠減輕鼻敏感等症狀,幫助提升睡眠質素。

睇介紹就覺得好似幾好,唔知服食之後會點呢?今天開始我就開始「早稻田蟲草の優先體驗」之旅,早晚各兩粒,等我用5-6星期後,再同大家分享一下我的感覺啦!

有興趣了解多啲依個產品,可以去下列網址瀏覽;http://www.wasedahealth.com/





**我的微博..關注吧**

*♡♡小肥豬♡♡* | 30th Oct 2012 | 生活點滴, 小小豬篇 | (37 Reads)
28 OCTOBER 2012(SUN)

好耐都冇去過行街街,今日趁有時間路過啲小店舖,就係咁...又嚟左個母子換季大出血啦!

其實開頭行到冇諗過買嘢,只係打算EYE-SHOPPING,不過依家天氣開始涼涼地,好多店舖都已經換左啲冬天衫,見到啲靚衫實在忍唔到手,所以就敗了!

小小豬總共買左六件戰利品。

買左四件可愛TEE俾小小豬~


四件都真係好可愛,好多公仔正合我心水呀!其實背後都一樣有好多唔同公仔,不過唔記得左影,等有機會著嘅時候影俾大家睇啦!

仲有兩件POLO衫,唔知點解覺得小小豬著POLO特別型仔,所以有碼就買晒兩隻色俾佢啦~


哈哈哈...我自己就買左兩件,開頭都冇留意,原來我兩件都係斗蓬嚟呀!其實我真係好鐘意著斗蓬,覺得好靚好高貴之餘,又可以遮到啲肥肉位。

第一件係我超愛嘅冷斗蓬~


另一件斗蓬可以兩著,好靚呀~

哈哈哈...好耐都冇試過一日買咁多嘢,就用換季名義,放縱一次咁多啦!






**我的微博..關注吧**

*♡♡小肥豬♡♡* | 29th Oct 2012 | 小小豬篇 | (16 Reads)
28 OCTOBER 2012(SUN)

十月已經先後入左兩次迪迪尼黑色世界,原本都以為冇得再入去玩萬勝節活動,不過大肥豬話十一月開始我地都要為小小豬去面試準備,所以趁今日仲未咁忙,就話帶我地入去玩一陣啦!

一入到樂園先去BABY ROOM俾小小豬醫吓肚先,之後我地就開始玩啦!

行到出嚟,見到樂團表演咁,所以就帶小小豬去睇吓啲音樂表演。不過,當我地行到去時就完左表演,只好就影相留念吓啦~


原本打算去排隊影公仔,不過話咁快就截龍,所以就去行吓SHOP攪攪陣一番~


上次帶左小小豬去學畫圖畫,佢都好開心,所以今次又再帶佢去玩吓,小小豬真係好留心姐姐教學,同埋好專心呀~


哈哈哈...依個就係我個傑作,不過我覺得~~~~~好醜怪呀,真係失禮C人啦~


周圍影吓相先~


萬勝節活動有得派糖糖,我地當然帶小小豬去拎糖糖啦!開頭都好怕怕羞羞,不過教左幾次之後,小小豬已經大膽左,識得問哥哥姐姐拎啦~


拎住個袋仔周圍問人拎糖糖啦~


平日小小豬都唔可以食糖糖,不過大肥豬為左獎勵佢叻叻識得同姐姐溝通,所以批准食一糖,睇吓豬仔幾開心~


唔覺唔覺,原來真係拎左好多糖呀!當然都係因為姐姐們好爽手,一次過俾左好粒小小豬呀~


到影公仔時間啦!因為上次入園已經影左MICKEY,加上又勁多人排隊,所以今次都冇影到MICKEY。當小小豬見到MICKEY係身邊行過時,小小豬跟住佢地後面行,好似個小FANS目送偶像離開,好唔捨得呀~


終於可以同DONALD影相啦~


之後我地仲去左玩POOH POOH添~


仲同哥哥姐姐玩遊戲~


玩左成日,依度就係小小豬嘅戰利品,大部分佢自己問哥哥姐姐拎呀...好勁呀~


其實我地帶小小豬去拎糖糖,最主要目的就係想訓練佢排隊同埋各陌生人交流。因為我地覺得小小豬對陌生人好似好驚咁,所以就希望等佢見多啲唔識嘅人,樂園入面啲哥哥姐姐個個都係好NICE,所以真係好啱用嚟訓練小小豬呀!

初時佢都表現得怕怕羞羞,不過好快就已經可以好主動咁行去問姐姐拎,都叫做改善左好多啦!







**我的微博..關注吧**

*♡♡小肥豬♡♡* | 28th Oct 2012 | 小小豬篇 | (14 Reads)
27 OCTOBER 2012(SAT)

唔知大家有冇買11月號嗰本BABY-MO呢?平日冇買開雜誌嘅我,今期都有買返本呀~


咪就係因為係入面嘅成長日記部分,又有小小豬出沒呀~


今次唔再係細細格,係全版呀~




哈哈哈...又一個虛榮心的媽媽,見到自己個仔係雜誌上出現,心情真係如常興奮呀!







**我的微博..關注吧**
 

*♡♡小肥豬♡♡* | 27th Oct 2012 | 小小豬篇 | (26 Reads)
27 OCTOBER 2012(SAT)

話說半個月前先開始為小小豬K1填入學申請表努力,咁快到左今日就開始要去面試,今日我地去左深水埗區某龍校IN呀!

回想起上年第一次去IN,我都真係非常緊張,仲記得入課室時成個人都震晒咁。不過今日帶小小豬去面試時,心情真係輕鬆左好多,本著帶小小豬去玩嘅心情,真係完全冇壓力呀!

面試嘅小朋友實在太多,雖然我地都有登記到,不過都要係門口等左二十分鐘左右先可以入到校門,真係覺得有少少誇張。入到學校,仲要等老師叫NO先可以入課室。不過好在可以係個小操場上玩吓,睇吓有得玩嘅小小豬幾開心~

大約再等多二十分鐘,終於都到我地入課室面試啦!今次面試可以兩位家長陪,以小朋友玩玩具,老師從旁問問題及觀察小朋友反應。

講真....小小豬嘅表現都唔係太好,係玩玩具方面都叫做OK,玩兩種玩具都可以玩到。不過佢啲 怕羞就成為佢嘅弱點,有時老師問佢問題時,都好似怕怕羞羞咁好細聲咁答,我地就話對得佢耐知道佢講乜,不過老師就好似聽唔到小小豬講乜(依度實行扣晒分啦)。

面試大約三分鐘左右就完,如果你問我,我都覺得可以取錄小小豬機會都唔係太大,始終面試時未能發揮佢最好嘅一面,反而俾老師見到佢怕羞一面。加上我地周圍嘅小朋友都好似比小小豬大個啲同醒啲,學位又唔多,所以都真係可以打定輸數啦!

今次都係第一次面試,仲有好幾個嚟緊,我地要吸收今次嘅經驗,希望可以同小小豬補救一吓,下次再去其他學校面試時一定會有好表現呀!

不過...話事話,等入課室面試時,加加埋埋都等左半個鐘有多,而面試時間又只係得三分鐘。小朋友等咁耐先去IN,真係等到等到悶,又點會有耐性係同老師見面時有好表現呀!有冇啲媽咪朋友仔可以教吓我,點可以係依幾分鐘將小小豬嘅能量爆發出嚟呢?

當然都係嗰句:平常心....當去玩,唔好有咁大壓力俾自己同小小豬呀!







**我的微博..關注吧**

*♡♡小肥豬♡♡* | 26th Oct 2012 | 小小豬篇 | (15 Reads)
25 OCTOBER 2012(THU)

其實我地一向都覺得小小豬個專注都比較弱,就依個問題我地都有調整過日常生活教導,我地都已經開始用唔同種類嘅教具或玩具,希望可以吸引小小豬,等訓練一吓佢嘅專注力呀。雖然都有少少嘅改善,不過都仍需努力。(我睇左好多BK討論區,原來好多兩歲小朋友都有依個問題,希望真係因為TROUBLE TWO關係,唔係因為小小豬有問題啦!)

今日大肥豬返工番嚟,買左份小玩具俾小小豬,話係可以訓練佢嘅專注力,依份玩具咪就係電動釣魚機啦!(哈哈哈...其實我細細個嘅時候有玩過依啲釣魚機呀!)

睇吓小小豬,一見到個有新玩具就急不及待要玩啦~


某程度上我地都冇教過小小豬玩,只係小小豬見到LULU妹玩左一次之後,佢就自動自覺咁拎支魚竿嚟釣魚,仲好專心咁釣魚呀~


唔係講笑,真係識得釣魚呀~


部釣魚機除左可以好好訓練小小豬嘅專注力之外,仲係一個好好親子活動嚟呀~


見小小豬玩依個玩具都好專心又投入,仲識得將釣完嘅魚仔一條條咁排好,都真係好似好有系統呀!

整體上依份玩具都可以達到從遊戲中學習,小小豬都好鐘意玩,希望可以好好訓練吓佢嘅專注力啦!







**我的微博..關注吧**


*♡♡小肥豬♡♡* | 25th Oct 2012 | 小小豬篇 | (24 Reads)
23 OCTOBER 2012(TUE)

今日天氣好好,所以我地決定去遠少少嘅地方俾小小豬放吓電,順便要去試新相機嘛!

係諗緊去邊嘅時候,大肥豬仲話帶我地去新地方,有好多設施同一個大草地,一定啱小小豬玩。哈哈哈....依個地方就係佐敦谷公園。原來我地由屋企去真係好方便,因為樓下就有小巴去到附近,再行十五分鐘左右就到啦!

睇吓小小豬見到個大草地幾開心~


周圍走...走...走呀~



哈哈哈...依張相影得小小豬幾似女仔~


今日除左去新公園玩之外,我地仲玩左個新玩意,就係竹蜻蜓啦。我地都只係教左佢一次,就已經識得玩,仲玩得好投入添呀~



玩得實狂太興奮,成身都濕晒,面仔又紅卜卜,所以玩一陣就要走~


換完衫之後,見有個室內值物館(正確名唔記得),所以我地就入去行一陣,其實都主要係想涼啦吓冷氣呀~


由於都係玩左一陣,所以我地基本上都未行晒個公園,另一邊仲有其他設施都係好好,所以有機會就一定會再嚟玩過呀!

大家見小小豬著住『無良MaMi』嘅母子裝,但又點解唔見我地嘅合照呢?咪就係因為個天氣實在太好,加上草地上又冇嘢遮,所以小小豬玩左一輪說已經成身濕晒,未嚟得切同我影相就會換衫,所以今次就冇母子裝睇。不過小小豬著依件衫都幾好睇呀...哈哈哈,下次一定要再著嚟齊齊影先得!

今日用左新相機嚟影,整體上都真係幾好,我都只係用AUTO就已經影左好多小小豬嘅動態相,都冇乜點OUT FOCUS。不過我就覺得個色唔多夠,大肥豬話可能係我SETTING問題,所以我一定要俾多幾錢肉緊去咪熟部相機,咁就可以幫小小豬影多啲靚相啦!





**我的微博..關注吧**


*♡♡小肥豬♡♡* | 24th Oct 2012 | 甜蜜生活 | (71 Reads)
23 OCTOBER 2012(TUE)

如果大家好早就已經開始睇我個BLOG,都知道我恨左買部可換鏡頭傻瓜機,不過一直都因為覺得我地已經有兩部單反(一部初階/一部中階),所以都好似唔多需要,因為平日都多數用IPHONE影,如果出去玩就一定同大肥豬一齊,咁都係用單反,所以一直都只係得個想字。

不過....直到上次同CARMEN入迪迪尼黑色世界時,發覺我部傻瓜機已經C吓C吓咁影唔到嘢,加上部初階單反又開始唔多聽話,快門好似唔多足夠嚟影小小豬(因為依個小小豬啲動作實在太快,成日都OUT FOCUS),所以又係時候要考慮買俾相機仔俾我用啦!

今日返到屋企就見到大肥豬買俾我嘅禮物,我想買好耐嘅新相機呀~


係我想買左好耐嘅SONY NEX-5N嚟呀~


真係超級開心,依部機賣點就係快,對焦快...連拍快...總之就係快,用嚟影小小豬就一定冇走雞。我試過部機,真係好快,擦擦擦咁就話影左十張,所以真係好啱用嚟影成日周身郁嘅小小豬呀!

不過,我仲未有時間研究部機,但我見好多BLOGGER媽媽都係用依部機影左好多靚相,希望我都可以一樣影得咁好啦!


**我的微博..關注啦**
   



*♡♡小肥豬♡♡* | 23rd Oct 2012 | 小小豬篇 | (18 Reads)
21 OCTOBER 2012(SUN)

話說上個星期我幫屋企啲毛毛公仔洗白白,洗好左之後一隻隻咁晾左係個夾夾架度,就係因為咁...小小豬就發現左佢地,要求同啲公仔玩,當然濕濕咁又點可以玩呢?終於到左今日,公仔終於都乾透,所以可以俾小小豬玩啦!

其實係啲公仔堆中,係有三隻唔同顏色嘅砂糖兔仲有DUFFY,不過唔知點解小小豬對粉紅色嘅隻砂糖兔特別有好感,成朝早都係要抱住,仲幫佢改左個名叫PURPLE添。

哈哈哈...點解叫PURPLE,就係因為砂糖兔著住件紫色衫,所以小小豬一見到不停叫PURPLE..PURPLE,個名就咁嚟啦!

個傻豬仔愛PURPLE嘅程度真係好利害,就連我地去行超級市場都要帶埋佢去呀(之前玩咁多種玩具都未試過自己話要帶落街呀)~


行完超級市場,見天氣都OK,所以又去公園仔玩一陣,個傻仔都帶埋PURPLE去,仲同佢一齊玩呀~


真係玩到邊抱到邊,都幾攪笑呀~

係同PURPLE玩之餘,個小小豬真係越嚟越大膽,開始玩繩索啦~


係大肥豬同小小豬玩繩索嘅時候,我拎住PURPLE影吓相~


哈哈哈...真係好耐冇拎啲公仔去影相啦!其實有時都真係好想帶啲公仔出去影吓相,不過依家要照顧小小豬又點會有時間呢?就算有時間都用晒嚟影小小豬啦!不過其實影公仔都真係幾好玩,所以等小小豬大個啲嘅時間,都可以帶啲公仔去影吓相,自己玩吓先得!


**我的微博..關注啦**
   

*♡♡小肥豬♡♡* | 22nd Oct 2012 | 小小豬篇, 博客分享 | (27 Reads)
21 OCTOBER 2012(SUN)

早幾日幫小小豬收到PR姐姐送嘅禮物,係一SET泥膠同工具嚟呀~


實不相瞞,我都想買泥膠俾小小豬玩好耐,不過就仲未揀啱買邊個牌子,始終覺得泥膠係用手仔嚟玩,如果一不小心就放入口,就係好危險啦(當然...我地陪小小豬玩時都一定好小心睇住佢,所以發生機會都應該唔大。不過小心為上,都一定要好好考慮嘛)!後來得到PR姐姐邀請,我又上網睇過,知道依個牌子係德國牌子,外國出品都應該安全,所以我都好放心俾小小豬玩啦!

見今日有時間,所以就開工玩泥膠~


可能小小豬都係初接觸,所以初時都唔太願意玩。不過對啲工具就好有興趣,拎住嚟玩呀~

經大肥豬教左一陣,終於都肯玩啦~




睇吓小小豬玩得幾投入,仲吹埋口水波添~


今日都係第一次俾小小豬,所以都係俾佢猜吓、搣吓咁,接觸吓泥膠,打算都係下次先開始教佢整公仔。當大肥豬整過一次圖形俾小小豬睇之後,小小豬都可以自己整啲圖形出嚟。依個三角形係小小豬自己整呀,都算叻叻啦(不過...其他圖形就仍需努力)~


今次第一次玩,雖然小小豬都未係好完全識玩,不過都叫做鐘意玩,等佢慢慢玩多啲就可以開始教佢砌多啲唔同嘅嘢,希望可以發展一吓佢嘅創意同腦力啦!

真係要再一次多謝PR姐姐對小小豬嘅厚愛!


**我的微博..關注啦**
   

*♡♡小肥豬♡♡* | 21st Oct 2012 | 甜蜜生活 | (55 Reads)
19 OCTOBER 2012(FRI)

原本都以為今年迪迪尼黑色世界都只會入一次,不過前兩日大肥豬突然問我想唔想再入去玩,有得入當然即刻SAY YES啦!就係咁...今日大肥豬放工之後,就同我入左迪迪尼玩左一轉啦!

一入到樂園就見到JACK,即刻走去影相啦~


大肥豬講好左係唔會同我入鬼屋,所以今日主要目的都係入嚟影相。哈哈哈...唔入到好,因為排鬼屋真係勁多人,龍尾都要排成90分鐘先入到去呀!

原本打算第一時間就係去排公仔,不過又係好快咁截左,所以我地就先去飛轉灰熊過山車,之後就周圍玩吓相先。

好耐都冇係城堡前影相啦~


周圍影吓南瓜~


原來今日出嚟嘅公仔同我上次入嚟嘅一樣(即係又冇DUFFY...嗚嗚嗚),所以我地都只係排左一個,就揀左高飛影呀~

見木馬冇乜人唔洗排隊,又上去玩一轉啦~


原本打算去同啲狼人影相,不過剛好巡遊緊,所以就入SHOP去倒亂一番啦~




勁鐘意依個MARIE毛毛,不過太貴唔捨得,唯有戴住不停影啦~


其實大街係有啲彊屍同狼人,不過我就唔多鐘意啲彊屍,所以就只係同狼人影相啦~

好耐冇試過兩公婆拍拖去街街啦,不過就因為咁,我地麻煩左小豬媽同LULU妹幫我地照顧小小豬。好在,聽小豬媽講返,小小豬都好乖仔,非常合作又冇扭計。

小豬媽仲話佢可以攪到小小豬,叫我地兩公婆去多啲街添。不過....都只係今次啦(因為入去玩鬼怕小小豬驚嘛),下次去街街都會帶埋小小豬一齊去玩,亦都唔洗小豬媽咁辛苦嘛!


**我的微博..關注啦**
   

*♡♡小肥豬♡♡* | 20th Oct 2012 | 小小豬篇 | (23 Reads)
13 OCTOBER 2012(SAT)

其中一間小小豬所報嘅幼稚園有進行開放日,所以就帶小小豬去玩吓,順便可以參觀吓學校環境~

由於係小學部同幼稚園部一齊舉行開放日,小學部嘅攤位遊戲都唔太啱小小豬玩,所以我地集中都係去幼稚園部遊戲玩,不過都得三個GAME玩,雖然係少左啲,不過個傻豬他都玩得幾投入呀~


玩完仲有禮物收添...好味棉花糖一支~


玩完遊戲,就俾小小豬周圍行吓,等小小豬對環境熟悉一吓,到佢下次嚟面試時都唔會咁生保嘛~


整體上依間學校個環境我都覺得幾好,正係我鐘意有室外大操場嘅地方,唔洗成日困係室內。所以以環境嚟講,我對依間學校感覺都幾好呀!


**我的微博..關注啦**
   

*♡♡小肥豬♡♡* | 19th Oct 2012 | 小小豬篇 | (50 Reads)
12 OCTOBER 2012(FRI)

小小豬返左N都未夠兩個月,我地又要開始為K1作戰啦!

講真....我覺得小小豬依家讀緊嗰間都真係幾好,感覺幾位班主任老師都好有愛心又錫小小豬,從小小豬嘅表現都覺得佢好鐘意返學。

既然咁好,點解又要嚟大作戰呢?其實最主要原因係因為小小豬依家讀緊嗰間幼稚園聯繫嘅小學將會停辦四年進行校舍維修,到小小豬升小一時,都應該仲未可以直升,所以大肥豬就打算趁依個升K1時段,搵定啲可以有小學嘅幼稚園,買一個安心。

其次就係,當然仲希望小小豬可以入到啲更好嘅學校(當然我仍然都係最想入到我PN時最心儀嗰間啦),課程可以全面啲,等到時升小一唔會咁辛苦。(因為大肥豬始終覺得依家嗰間課程比較淺)

就係咁...又嚟開始填填填,填報名表啦~


今次依個選校工程我全權交晒俾大肥豬負責,大大話話都幫小小豬報左十幾間,即係又嚟好多間要去面試啦!

唉...又嚟緊張嘅過程開始啦,仲有機會一日走幾場(因為有幾間都註明左面試日期),唔好話小朋友,就算大人都覺得趕啦,可唔可以唔好夾埋一齊IN呀!其實我有時會諗....都係用幾分鐘嚟IN,係依幾分鐘係唔係就可以咁快睇到小朋友係唔係合佢地心水呢?

不過,今次反而我又冇PN面試時咁緊張,本著平常心啦,當帶小小豬去玩一場。取錄與否都唔到我地控制,只希望小小豬係面試時唔好扭計,可以依面試老師嘅指令做好面試就好啦!


**我的微博..關注啦**
   

*♡♡小肥豬♡♡* | 18th Oct 2012 | 小小豬篇 | (21 Reads)
11 OCTOBER 2012(THU)

上一篇講過我同小豬媽行皇室堡時上左反斗城買左套玩具茶壺俾小小豬玩,可能大家都會諗....一個男仔又點會鐘意玩茶壺呢?

哈哈哈...原因好簡單,咁係因為小豬媽上次親子課時陪過小小豬返學,見小小豬玩依個茶壺茶杯玩得開心又投入,所以就話要買返一套俾,等佢係屋企都有得玩呀!

當我地返到屋企,小小豬見到套玩具,已經急不及待要玩,睇吓個傻豬仔幾開心~

真係好認真呀~


等我試吓杯茶好唔好飲先~


又嚟CHOK一番~


哈哈哈...個傻仔真係好愛依套新玩具,平日玩玩具佢都唔會一日玩好多次,不過依套玩具佢真係全程冇離過手,就算洗白白都要帶埋個茶壺一齊,真係俾佢笑C呀!


**關注我地啦**


*♡♡小肥豬♡♡* | 17th Oct 2012 | 生活點滴 | (47 Reads)
11 OCTOBER 2012(THU)

今日小豬媽下午先去做針灸,所以小小豬放學之後食好午飯,等佢瞓好午覺嘅時候,我就可以陪小豬媽去睇醫生啦!

做完針灸,小豬媽話想行一陣,加上見LULU妹係皇室堡影左啲HALLOWEEN米奇,小豬媽就話想去影吓,所以我地就去影啦~


影完相就同小豬媽TEA一TEA,之後就去反斗城行吓,行得反斗城,當然係為小小豬而行啦!就係咁...小豬媽又買左兩份禮物俾小小豬啦~


牙刷就知道啦,點解買套荼煲呢?依啲都係女仔玩意,點解會買俾小小豬?哈哈哈...係下一篇網誌就開估啦!

行完街街時,我就經TIMES SQUARE搭車返屋企,就見到有怪誕復活狗佈置,所以又影一番啦~


雖然都只係短短兩個鐘,不過有得行街、食嘢又可以影相,都真係好開心呀!

平日因為要湊小小豬,所以每日都係著TEE同牛仔褲,冇得扮靚。所以就趁今日陪媽咪去覆診,可以著新衫扮靚靚啦!我套新衫靚嗎?


**我的微博...快啲嚟關注我地啦**

*♡♡小肥豬♡♡* | 16th Oct 2012 | 小小豬篇 | (24 Reads)
11 OCTOBER 2012(THU)

病左咁多日,見小小豬今日都OK晒, 所以終於可以返學啦!

係上學途中仲係巴士上好開心咁係度唱拍手歌仔添~



請左三日病假,加埋星期六日,都一共有五日冇返學,開頭我都好驚小小豬會變返扭計豬,一定扭爆啦!

結果呢......我送返學過程就冇扭計,當我準備離開課室時,小小豬只係用唔捨得嘅表情望住我,好快就識得拎玩具返埋自己位坐好玩。放學之後問返老師,老師都話小小豬表現都好好,冇因為冇返幾日學而扭多左計。

唉...都唔明白小小豬都已經返左兩個月學,話佢唔鐘意返學又唔係,成日都係屋企做返學校教嘅嘢出嚟,又成日唱老師教嘅兒歌俾我地聽。但到依家仍然都會間唔中係學校扭計,雖然老師都話係啲少扭,唔算好嚴重,不過都真係有時俾佢激C呀!


**我的微博...快啲嚟關注我地啦**

*♡♡小肥豬♡♡* | 15th Oct 2012 | 小小豬篇 | (21 Reads)
10 OCTOBER 2012(WED)

又嚟到10號,即小小豬又大一個月,依家已經係第26個月啦!今日小小豬都未算完全好返晒,見佢都仍然攰攰地,又仲有少少痌,所以安全起見都係冇返學,等佢休息埋今日啦!

雖然未精神晒,不過見佢都算OK,所以帶佢落公園仔玩一陣,玩吓晒吓太陽,睇下有冇生猛返~


平日嘅小小豬一落到公園都唔係玩到唔願走,仲會好開心咁周圍走,自己玩滑梯。不過今日見佢都真係玩得唔多起勁,玩一陣就自動自覺同公園SAY GOODBYE,之後就拖我走。

依幾日小小豬都食得唔好,唔多願意食,真係話咁快瘦晒,睇吓佢,塊面即刻凹哂,仲細左成個碼,成個人都好似縮左水咁,真係肉痛C人啦!

唔怪之得人地話一病少三斤(尤其係腸胃炎,真係唔知少幾多斤啦),等小小豬好返晒之後,一定要俾返多啲有益嘅俾佢食,等佢快啲做返個肥肥肥肥肥肥嘅小小豬呀!

**我的微博...快啲嚟關注我地啦**

*♡♡小肥豬♡♡* | 14th Oct 2012 | 小小豬篇 | (19 Reads)
9 OCTOBER 2012(TUE)

小小豬尋日食左一日藥,肚痌嘅情況都已經改善左好多。唔知係唔係啲藥嘅威力好利害,所以小小豬食完藥之後都冇嚟神氣,今朝早食完藥同奶奶之後,完全提唔起勁去玩,只係識瞓左係張梳化度,見到佢個樣都真係好肉赤呀~


基本上隻豬仔依幾日都完全冇胃口,食少少白麵包,食幾啖白粥就唔肯食,今日都叫做好啲啲,放塊麵包係佢張枱仔,都叫做肯自己拎嚟食(不過....都只係限半塊,平日隻為食豬閒閒地都食食一塊面呀)~


依幾日都係食白粥,可能啲粥冇味道,加上小小豬個肚仔又唔舒服,所以都唔肯食。前幾日為左想佢食多少少,我都真係放上對佢嘅規矩,唔洗佢坐定定,俾佢邊玩邊等我餵食。我都知咁係唔啱,不過想佢食多啲都冇辦法啦!

不過,今日小小豬好乖仔,食粥粥時係坐定定自己食呀~

當然,食量真係少左好多,比平時真係少左三分一呀!

唉.....咁樣病一病,冇胃口唔食嘢,加上又落晒型,見到佢咁真係心都痛埋,真係寧願病嗰個係我,唔好要小小豬咁辛苦呀!


**我的微博...快啲嚟關注我地啦**


*♡♡小肥豬♡♡* | 13th Oct 2012 | 小小豬篇 | (20 Reads)
8 OCTOBER 2012(MON)

唉...返學未夠兩個月,都唔知病左幾多次,睇左幾多次醫生,計之前嘅傷風同咳之後,今日小小豬又因為唔舒服所以冇返學啦!

其實佢星期六晚都開始有少系肚痌,不過就唔多算嚴重,我地都冇覺得係啲好嚴重嘅事,以為係啲傷風藥影響。不過到星期日我地都冇俾藥佢食但都KEEP住又有痌,所以就雖然今日小小豬精神都唔係差,不過都係決定今日唔俾小小豬返學,帶佢返去我地之前睇開嗰位醫生度睇。

其實依個醫生都幾好,不過唯一就係.....實在等得太耐,每一次閒閒地都要等三個幾鐘,真係等到等到我地發忟憎呀!

我地今次都算醒目,一早打去BOOK,諗住依返姑娘個時間去就好啲。點知....我地去到時仲要等成十個人,我地又唔想留係診所等,所以我地就去左附近個小公園,等小小豬邊玩邊等,估唔到嗰度係有個氹氹轉玩呀~


仲有一個鴨仔搖搖板,不過小小豬好似唔多鐘意哦~


最後係姑娘俾我地嘅原定時間再要等多個半鐘先到我地,真係等到人都傻,不過....睇得好都冇辦法啦!醫生話小小豬應該係感染病毒性腸胃炎,由於我地依排都冇帶小小豬去公園玩,所以醫生都估計可能係學校感染返嚟呀!

唔怪之得人地話N班係病毒嘅散播地,真係冇得避,唯有希望可以令小小豬身體健康啲,增強抵抗力唔好再病,見到佢個病樣,真係好心痛呀!


**我的微博...快啲嚟關注我地啦**

*♡♡小肥豬♡♡* | 12th Oct 2012 | 好友與我 | (20 Reads)
6 OCTOBER 2012(SAT)

原本迪迪尼MA有兩次優先試玩黑色世界,不過嗰兩次都有入唔到去,所以唯有睇朋友仔啲相嚟止咳先。唔睇都冇事,一睇到啲靚相,真係好心急想快啲入去玩。不過...因為我想入夜場最想都係玩鬼屋、影公仔同埋影啲鬼鬼。就係因為咁,大肥豬就唔俾小小豬入,就話叫我搵朋友入去玩,佢自己就係屋企湊小小豬。所以我就約左同樣有MA嘅好友CARMEN陪我入去玩啦!

入樂園第一時間當然就去新鬼屋玩,人都唔算多,所以我地排左半個鐘左右就玩到,整體上都真係幾好玩(唔講太好啦,因為好多朋友仔未去玩,我講左就冇驚喜啦),雖然唔算太驚,不過我都好冇用咁全程都捉住CARMEN隻手...哈哈哈~

見時間尚早,所以我地就再戰第二間鬼屋,排左十五分鐘左右,不過前前後後都係強國人,感覺真係麻麻地。雖然上年都有玩過,都知道有啲乜出現,不過都總係要捉住CARMEN隻手好安心啲呀~

夠鐘去影公仔啦,不過佢地截龍真係截得好快,所以第一ROUND都只係影到兩隻呀~

第二ROUND要九點幾先有得影,所以我地就先休息一陣醫吓肚,個份就係續MA時送的贈品(不過唔包飲品)~

食飽飽就係影相時間,就周圍行吓,影南瓜同啲鬼鬼先~


仲有時間就飛返轉灰熊山先,CARMEN真係冇介紹錯,夜晚飛真係好FEEL啲呀~

係我地行去等影第二ROUND公仔時,剛剛放煙花,我就貪得意影幾張,估唔到都影得幾靚呀~

第二ROUND嘅公仔~


原來每日都只係出四款特別版公仔,所以就冇得同DUFFY&DONALD影啦!希望仲有機會入嚟,可以同埋佢地影到啦!影埋公仔,我今日想做嘅嘢都已經做晒,真係勁滿足啦!

收獲...貼紙~

收獲...糖糖,不過好似比往年派少左呀~

除左我玩之外,CARMEN仲送左啲禮物俾我同小小豬呀~


真係好感謝CARMEN陪我入去癲,因為今次都已經係CARMEN第四次入黑色世界,仲要充當我攝影師幫我影靚相(因為我部傻瓜機壞壞地影唔到呀...嗚嗚嗚),唔知點報答,唯有叫小小豬咀啖補數啦!

今日影嘅相又點會咁少呀!我先分享由我部C吓C吓嘅傻瓜機同IPHONE影嘅相先,等CARMEN俾啲相我之後,再同大家分享啦!

ANYWAY,真係要再一次多謝CARMEN陪我去玩,如果有機會的話......可以再約埋我一齊入去玩呀!


**我的微博...快啲嚟關注我地啦**


Next