香港新浪網 MySinaBlog
*♡♡小肥豬♡♡* | 30th Sep 2012 | 小小豬篇 | (18 Reads)
27 SEPTEMBER 2012(THU)

今日小小豬學校又有活動,就係舉行一個慶祝國慶活動,學生可以自由穿著中國民族服裝返學校慶祝。

就因為依個原因,前幾日係床下底嘅冬天衫埋中,搵返佢件型仔中國衫,等佢今日可以著返學啦~


幫小小豬著靚衫,等佢可以開開心心咁參加學校嘅國慶活動。原本滿心歡喜,但放學一聽到老師打嚟嘅電話,心情就即刻好沮喪。

其實老師主要打嚟係問小小豬個書包仔有冇其他小朋友嘅毛巾盒,不過就講埋小小豬今日鬧情緒事件俾我聽。原來今日活動內,小小豬唔肯係大堂坐定定聽老師講解,老師抱佢打算等佢都可以參加埋一份,但個百厭豬又唔肯,要自己行埋一邊自己玩。老師估可能係因為今日上課個程序有唔同,所以導致小小豬唔習慣,因而鬧情緒。

聽到老師咁講,成個人都真係DOWN晒,點解小小豬會咁百厭,唔乖乖聽老師話呢?雖然老師話小小豬係學校表現進步中,不過....幾時佢先可以做到一個好乖乖,係學校可以聽聽話話呢?依家我只能做就係係屋企多啲訓練佢,等小小豬可以聽多啲熟習多啲指令,咁可以係學校更加好啦!

沮喪一陣咁多啦,加油...加油...我同小小豬都一齊加油啦!

BTW....(等我幫小小豬話返句好話)其實今日鬧情緒事件,我估可能係因為今朝食左咳藥水,所以扭計,下次真係唔敢再食藥返學啦!

*♡♡小肥豬♡♡* | 29th Sep 2012 | 小小豬篇, 博客分享 | (12 Reads)
26 SEPTEMBER 2012(WED)
 
早前好榮幸得到係美素佳兒邀請參加佢地個「共享成長歷程」派對,我地三口子都好期待依個活動。

不過....真係唔好意思,因為我係活動當日個頭痛到爆,原本都考慮頂硬上去參加,但出門口時真係頭痛得十級咁,最後都真係不得不放棄依個咁好嘅派對活動。

雖然我冇去參加,前日美素佳兒公關姐姐打電話俾我,話想送返原本為我準備嘅小禮物,就係咁....PR姐姐就好快手咁送左啲小禮物嚟屋企啦!

哈哈哈...真係好豐富哦~


係咁多小禮物中,小小豬就係最鐘意個收納盒,一見到就.......又爬左入去坐啦~


真係要再一次多謝美素佳兒公關姐姐,雖然我未出席,佢都記得我,送返啲小禮物俾我,真係好啦!

上次真係唔好意思,下次再有活動記得預埋我地三口子,我都一定會出席一齊玩呀!

*♡♡小肥豬♡♡* | 28th Sep 2012 | 小小豬篇 | (18 Reads)
25 SEPTEMBER 2012(TUE)
 
早係上星期,見YAHOO團購有DR.KONG鞋仔做優惠$149一對,見好似好抵咁,加上啲鞋仔個款又幾OK,所以我又團購買左一對。

趁今日有時間,就同埋大肥豬去屋企附近嗰間睇,換返對新鞋仔俾小小豬著。

不過可以因為團購關係,好多靚鞋都冇小小豬個SIZE,就算我想買大一個碼都冇,只係得返啲細碼SIZE,終於好唔容易先搵到對啱小小豬個SIZE。

唔係話依一對唔靚,小小豬著上腳都幾有型呀,但就唔多係我鐘意嘅款式,因為....太深色啦~

雖然唔係太鐘意,不過DR KONG都係SELL健康,所以都可以接受呀!

*♡♡小肥豬♡♡* | 27th Sep 2012 | 小小豬篇, 博客分享 | (25 Reads)
25 SEPTEMBER 2012(TUE)
 
早前收到一有機食品公司公關小姐邀請小小豬試食啲有機天然小食,有得嘗試新嘢,當然都想試吓。

PR姐姐仲好快手咁送左啲小食俾小小豬啦~


其實當初收到啲小食時,我都15/16,係唔係真係俾小小豬食,因為始終都係食落肚,當然要小心啲啦。所以當我收到啲小食時,我地上網睇左啲資料,知道依 間公司係用主力做有機小食系列,係用啲天然有機水果及材料,唔會添加其他化學劑,所以都叫做安全。就係因為依個安全原因,大肥豬先批准小小豬做今次嘅試食呀~

先嚟一盒有機果味脆脆~

產品介紹:糙米(有機)、黑米(有機)、糯米(有機)、大麥(有機)、高梁(有機)、有機糖、有機牛奶、草莓粉﹐南瓜粉、仙人掌粉、洋蔥粉、蜂蜜、核桃、葵花籽、松子、芝麻、竹鹽。3種不同味道、形狀與顏色;星星(粉紅:草莓味)、球形(紫色:黑米﹑堅湧類)、環形(黃色:南瓜﹑洋蔥)。以不同的形狀勾起孩子們視覺上的興趣,進而促進食慾。

依一盒其實係類似早餐嘅片咁,加奶嚟食嘅。不過我就冇俾小小豬加奶當早餐食,只是當係啲小食俾小小豬食。我自己都有試過個味,口感脆脆唔算太甜,個味道都唔算太差(可能大人食會覺得淡左少少,不過俾小朋友食都應該啱啱好),都幾好食,我見小小豬都食得幾開心呀!不過唯一有個缺點就係,因為小小豬濕疹關係唔可以依南瓜,所以每一次我俾小小豬食時都要做一輪功夫,挑走晒啲圈圈形,對我嚟講就有少少麻煩(不過...只係對我個人己言)。

另一種就係三種唔同味嘅有機小食~

**有機香蕉味小食 - 產品介紹:有機玉米、糯米(有機)、有機大米、有機糖、香蕉粉、有機牛奶、核桃、葵花籽油、竹鹽。
**有機芝士味小食 - 產品介紹:糙米(有機)、切達芝士(有機)、糯米(有機)、有機牛奶、有機糖、大麥(有機)、,高梁(有機)、有機大米槳、高達芝士、大豆、紅薯淀粉、竹鹽。採用百分百的天然芝士制成,於制作過程中選用天然發酵的高達芝士,倍添滋味。
**有機草莓味小食 - 產品介紹:糙米(有機)、草莓(有機)、有機糖、草莓粉、有機牛奶、山茱萸粉、竹鹽。制作中不使用草莓醬,而是將有機鮮草莓榨針後加入,與有機糖和有機米完美融合,形成柔和香甜的味道。

上星期六我地去街街,都有帶一包草莓味俾小小豬食,睇佢食得幾開心~

(其實仲有啲小小豬食其他食品嘅為食樣,不過我唔小心FORMAT左部相機...所以就得返依幾張...唉真失敗!)

三隻味我都有試食過,整體上個味都OK,感覺上有啲似食緊桃哈多,不過我就覺得淡味左少少,不過可能就因為咁先啱小朋友食。難得有云零食食,小小豬當然都好鐘意啦,不過佢就比較鐘意食草莓味,每次俾佢之後好快都食晒,仲不停叫我地添食呀!

整體上都幾好,不過依啲始終都係零食,所以每次小小豬食完之後,我都要佢飲一大杯水,感覺好似好啲呀!

如果大家有興趣可以去全線吉之島同荷花,買返包俾你地小朋友試吓啦!

*♡♡小肥豬♡♡* | 26th Sep 2012 | 靚太廚房 | (80 Reads)
24 SEPTEMBER 2012(MON)
 
光波機都相信已經HIT左一段時間,當初初推出時,我都已經好想買部嚟玩,奈何大肥豬話阻地方之際又怕我係三分鐘熱度,所以一直都只係得個想字,不過今日終於有得玩啦!

因為嘉汶表妹轉贈左部光波機俾我地呀~


YEAH...我同小豬媽都有新玩具玩啦~




因為要試機關係,所以今日就先嚟整個簡簡單單嘅『光波雞翼』作為開機之作啦~


雞翼進行中~


完成啦,個賣相都真係唔係差呀~

某程序上光波機真係幾方便,我只係好簡單咁先用左叉燒醬醃一個鐘,之後焗左八分鐘一面,到一面就再焗五分鐘,咁就完成啦!整出嚟個味又真係唔差,熟得嚟又唔算太乾身,都有少少汁係啲肉入面,仲有啲BBQ嘅味道添。

我見介紹話光波機仲可以烤、煮、燒、煎、蒸、焗、烘、炸、燉甚至解凍,我就未試,有機會可以一樣樣咁試吓先。不過,我同小豬媽都話下次試吓整豬頸肉or燒肉,一於向難度挑戰,希望到時都可以成功啦...哈哈哈!

*♡♡小肥豬♡♡* | 25th Sep 2012 | 小小豬篇 | (11 Reads)
24 SEPTEMBER 2012(MON)
 
今日小小豬學校有個中秋提燈會活動預祝中秋節,所以要每個小朋友都帶燈籠返學一齊玩。

小小豬當然帶左舅母買俾佢嘅MICKEY燈籠啦~


哈哈哈...學校真係多活動,希望小小豬係學校都玩得開心啦!

標題話係冧爆,當然唔係依一件事啦,係乜呢?哈哈....

事緣今日因為要陪小豬媽覆診,趕唔切返嚟去車站接小小豬放學,所以依個重任就交左俾LULU妹。點知....LULU妹話個傻仔一到車站唔見我,就捉實個褓姆唔肯落車,到姨姨抱落車時,就不停叫『MaMi』『MaMi』。

哈哈哈....聽返都真係勁冧呀!

可能依家做左FTM,對小小豬嘅時間多左,所以小小豬依家痴我好多,成日都會叫『MaMi』『MaMi』咁,雖然有時小小豬係好百厭,見到佢啲百厭嘢都會好忟憎唔開心(有時都會覺得做FTM比返工真係辛苦好多陪),不過當小小豬好深情咁叫『MaMi』,又拖實你手仔冧你時,真係覺得幾辛苦都值得呀!

*♡♡小肥豬♡♡* | 24th Sep 2012 | 小小豬篇 | (17 Reads)
23 SEPTEMBER 2012(SUN)
 
好耐都冇再帶小小豬去沙灘玩啦,趁今日天氣都幾好,所以就帶小小豬去玩返轉啦!

我地個目的地就係清水灣第二灘,上年都嚟過兩次(因為係最近我地嘅海灘,今次計過時間,原來都真係勁方便,由屋企出發到目的地,一個鐘頭都唔洗,所以話都真係幾啱我地嚟玩呀。

天氣都幾好,都算有太陽,不過因為都已經開始踏入初秋,怕啲水會凍,所以我地今天都冇俾小小豬落水,主力都係玩吓沙啦!

雖然冇落水,不過我都有同小小豬換條游褲仔,加件小背心,嚟個型仔沙灘LOOK呀~


開始玩啦~


個傻豬仔玩都幾開心~


開心到佢呢....真係好少見小小豬笑得咁燦爛呀~



仲拖住大肥豬出去拎水返入嚟玩添~


熟習左個沙灘環境之後,就周圍走啦~



行到出個海邊好情深咁望海,唔知佢諗緊乜呢..哈哈哈~


行左一陣海邊,個傻仔自己行返去個位度繼續玩沙,仲係度邊唱歌..邊指身體,大家知唔知小小豬唱緊乜歌呢~


唔覺唔覺,原來我地係沙灘都玩左兩個鐘,由於個太陽開始強勁,為免小小豬又再晒成黑豬仔,所以我地就執嘢走啦!

今日小小豬真係好開心,情緒都真係勁HIGH,可能佢鐘意去沙灘玩啦。所以我地都決定,趁未到秋天,天氣好嘅時候帶多佢嚟幾次,等小小豬開心多啲!

*♡♡小肥豬♡♡* | 23rd Sep 2012 | 生活點滴 | (26 Reads)
22 SEPTEMBER 2012(SAT)
 
其實我一向都唔太好月餅,不過每一年中秋節,我都好想食朱古力流心月餅,不過我年年都好遲先記得去買,所以成日都買唔到。不過,我今年終於都可以食到啦!

事緣我有一個朋友仔送左張COUPON我,所以趁今日路過美心,我就早少少去換啲冰皮返屋企啦~
\\

可能我都算早換,所以可以買到心太軟啦!除左換左心太軟之外,我仲換左楊支甘露、同埋最新出嘅魔鬼脆脆,仲有一盒紅豆味俾小小豬食呀~


想食咁耐.....當然第一時間就食個心太軟先啦~


不過可能我溶得唔夠耐,所以個心都未流得出嚟,仲係一舊咁呀~


雖然未做到流心個感覺,不過整體上都真係好好味,唔甜得嚟又好香朱古力味,所以話好在今年早左買,可以食到好嘢啦!




*♡♡小肥豬♡♡* | 22nd Sep 2012 | 小小豬篇 | (21 Reads)
22 SEPTEMBER 2012(SAT)
 
中秋將至,好多地方都會有花燈,大肥豬知道尖東海旁都有一個花燈展,所以就帶我地去行吓睇吓花燈,感受一吓中秋氣氛。

點知,原來係鐘樓下的花燈展覽係算細型,都只係得一組花燈,同埋都覺得唔係咁靚(可能我對中國歷史唔多吸引,所以興趣不大啦),所以都係影幾張,到此一遊啦~



由於鐘樓下真係太多人(我指強國人),所以我地改行去上層,俾小小豬睇吓維港景色~


行左一陣,我地見有音樂表演,所以就帶小小豬去睇吓。個傻豬仔見到人地唱歌,佢個身體都跟住嚟搖擺,好似跳舞咁呀!

個活動仲有FREE COKE贈送,所以小小豬都有一罐。睇吓個傻仔見到罐可樂個狼C樣,緊係啦...平日佢都冇可能會接觸到,今日竟然可以拎住哦(當然....我係唔會俾佢飲,小小豬都只係能夠拎住....一陣,好快就俾我地拎返啦)~


係海旁都行左一個鐘就走,係走嘅時候見到好耐冇見嘅雪糕車,所以就買左一杯嚟食啦~


平日冇得食雪糕嘅小小豬,今日難得有得食....幾啖,睇吓個傻仔食得幾滋味~

雖然今日我地話去影花燈都影唔到,不過間唔中去尖東海旁行吓,吹吓風睇吓夜景,都真係幾舒服呀!

*♡♡小肥豬♡♡* | 21st Sep 2012 | 小小豬篇 | (22 Reads)
21 SEPTEMBER 2012(FRI)
 
尋日同小豬媽覆診,之後我地過經CITYSUPER,小豬媽就話想入去行吓。我見佢精神都幾好,加上醫生都叫佢行多啲,所以就入去行左一個圈。

就係因為行左一陣,小豬媽就買左樣嘢俾小小豬,就係依包ABC粉粉啦~


小豬媽知道小小豬好鐘意啲英文字,所以就即刻買左一包,話小小豬見到一定好鐘意食~


小豬媽仲好有心機咁,買左啲魚魚瘦肉煲湯,等啲粉粉甜啲,小小豬可以食得開心啲~


點知....小小豬放學返嚟見到啲粉粉,係就係好開心,仲咁邊睇啲字嚟讀,不過佢就完全唔肯放入口食,餵佢時都完全唔肯張開個咀~


最後,我地用盡方法,小小豬都係唔肯食,為左唔好要佢餓親,所以小豬媽就話要即刻煮碗飯俾佢食。真係俾依個小小豬激C,小豬媽一番心機煮個新款式俾佢食,點知佢又唔肯食。

都真係唔明白,一向小小豬都係好鐘意食嘢,平日閒閒地都食完一大碗粥粥之後,都可以再食一電通心粉(因為見到我地食通心粉午餐,又要食埋一份),點知見到啲英文字母粉佢就唔食。小豬媽話估計佢都以為嗰啲係唔食得,以為係玩具,所以點都唔肯食。

經過今次,之後真係唔敢再買啲新嘗試俾小小豬試啦!

*♡♡小肥豬♡♡* | 20th Sep 2012 | 小小豬篇 | (22 Reads)
19 SEPTEMBER 2012(WED)
 
小小豬返左學都可以話就嚟兩個月啦,某程度上小小豬嘅表現都有好明顯嘅改善,都已經冇扭計,返學見到啲老師都識得笑。班主任老師都話小小豬已經開始適應校園生活,各樣學習都進步中。聽到都真係好開心,起碼知道小小豬已經開始知道乜係返學嘛!

一切都仍在進步中,不過班主任老師都話小小豬係專汪力方面就弱少少,尤其係塗顏色方面,塗幾吓就會唔塗,要老師慢慢教佢先肯再塗多啲。

雖話有老師教,不過班中仲有其他小朋友,老師又點可以長時間咁只係教小小豬呢?所以當知道左小小豬依個問題之後,我地都開始集中依一方面進行訓練,等佢平日係屋企習慣多啲塗多啲,返學就會好好多啦!

經過大肥豬訓練,依家小小豬塗顏色專心左同埋塗多左啦~


讚賞佢嘅時候,個傻豬仔仲笑得好開心呀~


小小豬都好努力咁塗顏色呀~


雖然出界,不過係我地冇題示同指引之下,小小豬都可以自己依住啲顏色塗係圈入面,塗都算多左顏色,所以都叫做進步左好多啦!

我地都會KEEP住繼續俾小小豬多啲練習,希望小小豬可以繼續叻叻咁進步,係學校都會有好表現啦!


*♡♡小肥豬♡♡* | 19th Sep 2012 | 小小豬篇 | (20 Reads)
15 SEPTEMBER 2012(SAT)
 
上星期因為落錯車,所以冇入到迪迪尼。今個星期我地冇咁大頭蝦啦,終於到入到迪迪尼啦!

一入到迪迪尼,第一時間就當然係同著左新HALLOWEEN衫嘅MICKEY影相啦(當日真係唔算人多,我地排左半個鐘左右就影到啦)~


之後就係大街周圍行吓啦~


見冇乜人,又加上想坐吓抖吓涼吓冷氣,所以大肥豬就建議入去畫廊,等小小豬學吓畫畫。其實開頭我都好擔心,因為小小豬都係坐唔定嘅人,好驚佢攪攪陣冇幫襯咁嘈住晒,影響其他人。不過,小小豬個表現真係好好,好留心睇住個教畫畫嘅哥哥之餘,又好似識得跟住畫,好有文有路呀~


佢吓佢兩父子畫得幾投入~



依一幅就係我地三口子嘅傑作,靚唔靚呢(邊啲係小小豬畫,相信大家都睇到啦...哈哈哈)~


畫完JACK,我地就去影HALLOWEEN佈置啦~


跟住我地就去醫肚,之後就到小小豬放電時間,俾佢走走走啦~

上幾次佢都唔係咁鐘意係TOYSTORYLAND個字母板度玩,今日竟然好鐘意嗰度,一邊行一邊讀啲英文字,玩到唔捨得走呀~


係迪迪尼都差唔多HEA左四個鐘,見小小豬都玩到好攰,所以都係時候回程啦!不過係臨走時,我地又再影吓南瓜先~

唉....今年啲南瓜真係好靚,不過最衰就係小小豬唔合作,所以都唔係影得咁好,真係激C我啦!

不過唔緊要,依家HALLOWEEN都未正式開始,我一定會再入過嚟慢慢影返夠本呀!

我仲要同兩個好姊妹入嚟玩夜場嘛,一齊去驚嚇鬼呀。所以話,嚟緊我都應該會入多幾次呀...哈哈哈哈!

*♡♡小肥豬♡♡* | 18th Sep 2012 | 好友與我 | (24 Reads)
15 SEPTEMBER 2012(SAT)
 
我個好姊妹糖糖一向都好鐘意整啲小手作,每次整都一定會預埋我一份。今次佢仲向難度挑戰,又有新攪作啦!

事緣唔知係唔係我成日買啲閃閃電話殼用,所以引誘糖糖買左啲DIY電話殼閃石返嚟,打算自己貼。

原本糖糖話等佢有心情先開始整,點知....佢有一日心血來潮,用左5個幾鐘DIY整俾我嘅IPhone Case製成品,仲SEND左幾張相俾我睇~

(以上圖片COPY BY糖糖微博)

睇到張相嘅時間,真係都已經勁鐘意....勁靚呀!不過因為近排少左見面,所以都要等下一次出街時先可以見到佢嚟拎。

點知,今日開信箱時,收到盒小包裹。我估糖糖知我心急,所以專登寄俾我呀~


個實物真係勁靚呀~


依份小禮物真係又靚又鐘意,仲充滿左愛心,因為每一粒都係糖糖用心咁貼上去,真係唔捨得用呀!

老土啲都要講:我能夠識到依一個好姊妹,真係我嘅福氣,其實我都係一個好幸運嘅人嚟呀!

*♡♡小肥豬♡♡* | 17th Sep 2012 | 小小豬篇 | (16 Reads)
14 SEPTEMBER 2012(FRI)
 
今日小豬媽又為小小豬準備左一盒YOGURT,等佢放學返嚟食啦!

睇吓個為食豬,真係得都食得古靈精怪個人呀~



佢真係食到成隻污穢豬咁,所以最後都俾左支飲管佢~


除左自己飲之後,仲餵我飲添~

以前都間唔中先肯同我地分享,仲要係叫好多次先肯。依家同我地分享嘅次數多左之外,有時仲唔洗我地出聲,佢都會主動同我地分享,有時真係俾佢嘅行動冧C左呀!

唔知係唔係返學之後,老師有教呢。不過睇佢今日表現,真係唔可以唔講句:個傻豬真係大個仔啦!希望佢繼續KEEP住咁啦!

*♡♡小肥豬♡♡* | 16th Sep 2012 | 小小豬篇 | (20 Reads)
13 SEPTEMBER 2012(THU)
 
相信依一排大家嘅FACEBOOK都會俾啲大大杯嘅杯麵洗版,當然我見到啲朋友影嘅相咁得意,都有啲興趣買返個俾小小豬玩啦!

不過,我就遲左一步,因為小豬媽已經一早係佢啲FACEBOOK朋友仔相入面見到,仲問好晒係邊度買,就係咁...小小豬又有得玩啦~


睇吓...個大杯麵真係好大個呀~


不過小小豬好似對入面啲杯麵仲大興趣哦~


哈哈...真係不得不讚吓合味道依個包裝設計,就係因為佢咁特別嘅包裝,先會令好多家長都會買嚟俾佢地啲小朋友玩(相信佢地都會好似我地咁,為左個大大大杯麵先會去買呀),就係咁亦都成功左,大賣啦!

個大大大杯麵包裝雖然係好,不過實在太薄啦,都係比較普通嘅硬紙包裝,玩幾玩就會爛(小小豬玩左一陣,嗰個杯底都已經爛左啦),所以話如果個包裝硬身啲,咁就應該會更好,起碼可以俾小朋友玩耐啲嘛!

*♡♡小肥豬♡♡* | 15th Sep 2012 | 小小豬篇 | (19 Reads)
12 SEPTEMBER 2012(WED)
 
今日同小小豬放學之後,係返屋企之前就去街市買埋餸,就係今日買完餸嘅時候,小小豬今日就俾左個驚喜我。

當我行到去屋苑部接駁電梯時,小小豬突然見我手上兩袋餸,就話要幫我拎。見佢咁乖仔,我就打算俾包細嘅佢拎啦。

點知,小小豬話要幫我拎晒啦~


哈哈哈...依啲係唔係叫做...三斤拎兩斤~



小小豬都唔係玩玩吓,真係好認真咁呀~


好一個乖乖傻豬豬呀~


雖然俾小小豬拎完啲餸之後,薑就斷左一舊仔,包菜就有啲菜甩左,不過都係冇傷大雅,仍然都可以食到,所以話小小豬都真係一個好幫手嚟呀!

既然小小豬願意又主動,我都會繼續俾佢做小幫手,等佢由細個開始學習一吓幫手做家務嘛!

*♡♡小肥豬♡♡* | 14th Sep 2012 | 小小豬篇 | (12 Reads)
10 SEPTEMBER 2012(MON)
 
又過多一個月,小小豬已經25個月大啦!

為左慶祝依一個好日子,小豬媽買左盒小小豬至愛嘅士多啤梨等佢放學返嚟食,睇吓個為食豬食得幾滋味~


仲招招積積添~


個傻豬仔唔知諗緊乜呢~


依個小小豬真係好識冧小豬媽, 好SWEET呀~


小小豬又大一個月,即表示佢已經返左學有一個月啦!

初初小小豬好似未太識應返學咁,係學校都會扭計同唔多聽老師話,每日送佢返學都係喊住入學校,都講真.....開頭都真係有啲咀喪,唔知有乜方法先可以令小小豬乖乖,唯有就日日都多啲同佢講學校好開心嘅嘢,希望有改善啦!

不過返左一個月,小小豬已經開始習慣學校生活,起碼依家送佢返學時都冇喊(不過我仲未可以同佢好開心咁SAY BYEBYE,次次都係偷偷地走),剛剛班主任老師都打電話同我講小小豬個學校生活,佢都已經有好大改善,已經可以坐定定,又唔洗扭老師抱抱,上音樂堂又可以跟住一齊跳舞,遇到鐘意嘅活動都識得好開心咁去做。

不過,小小豬有進步都要多謝老師耐心咁教導。講真,我開頭都有擔心過一班有咁多小朋友,老師又點可以個個都照顧到呢?不過自從我係學校見過老師照顧小朋友嘅情況,再加上老師每星期都幾個電話同我傾,令我知道老師真係有去了解小小豬所面對嘅問題,亦都會同我傾點解決,所以我都好放心將小小豬交俾老師呀!

聽到老師都算讚小小豬,真係放下心頭大石,雖然仍然有需改善嘅地方,不過知道小小豬係有進步,真係一種好大嘅鼓舞,我要繼續努力教好小小豬呀!希望小小豬KEEP住可以繼續有進步,慢慢咁愛上返學啦!

*♡♡小肥豬♡♡* | 13th Sep 2012 | 小小豬篇 | (13 Reads)
8 SEPTEMBER 2012(SAT)
 
原本係打算三口子入迪迪尼,點知係巴士上我地都實在太好瞓,瞓到過左車站。原來佢地啲車站真係一過就可以去好遠,係我地介諗緊點搭車返入迪迪尼之前,見到下一個車站就係機場,所以就改左去機場行個圈啦~


睇吓小小豬係機場跑跑跑,幾開心~

我依個POSE有唔有型呢~


睇吓我搭邊班機先~


之後就去機場周圍影吓~



係時候要去醫吓個肚,我地係機場入面間翡翠食小籠包呀!開頭仲以為係機場食會貴啲,不過原來同出面係一樣價錢,又冇加一,只係收多左每人三蚊茶錢。係機場入面食都叫抵啦!

睇吓小小豬食得幾滋味~


個傻仔仔要拖住我地,所以就冇人推車之情況下,拖住嚟行啦~

哈哈哈..我地去邊,咪就係去機場嘅一邊睇飛機。睇吓小小豬睇得幾入神~


等飛機時,三口子傻傻地玩自拍~


睇吓個傻仔係度跑跑跑,玩得幾開心(好在當日冇人係度呀)~


走啦...要去搭車啦~


乖乖坐定定搭巴士~

唔覺唔覺原來我地係機場都玩左成三個鐘,今日真係錯有錯著,係機場行吓都幾好玩幾開心呀!

相信下次再嚟機場時,就係我地真真正正去搭飛機嘅時候,希望可以快啲再嚟啦!

*♡♡小肥豬♡♡* | 12th Sep 2012 | 小小豬篇 | (13 Reads)
8 SEPTEMBER 2012(SAT)
 
趁今日有少少時間,所以就一早出左APM行吓,睇吓有冇啱心水嘅嘢送俾朋友。

行親APM都一定會去扭蛋鋪頭,當然我地唔係去扭蛋(小小豬仲未識要扭),只係俾小小豬去行吓睇吓啲扭蛋機,因為咁佢都已經好開心啦!

不過今日就有少少唔同,因為大肥豬竟然話不如扭返支珍寶珠(依個Daddy見個仔大,開始俾多少少唔同種類嘢俾小小豬試啦),就係咁....我地就去扭糖糖食啦~


可能之前完全冇食過,所以見到粒糖都好似冇反應咁哦~


之後仲只係識得俾大肥豬食呀~


之後我嘗試俾佢食一啖,不過都係唔鐘意食(加有少少抗拒),仲放返入我個口度添~


小小豬雖然係一名為食豬,真係冇諗過係會唔鐘意食糖糖,不過咁亦都未嘗唔係一件好事,始終糖都係俾一種唔太健康嘅零食嘛!

希望佢慢慢大個時都可以KEEP住唔太『好』啲糖啦!






*♡♡小肥豬♡♡* | 11th Sep 2012 | 小小豬篇 | (17 Reads)
3 SEPTEMBER 2012(MON)
 
今日放工,大肥豬又拎左一大盒嘢返嚟,係買俾小小豬嘅,原來係一部大型電子琴嚟呀!

如果有見證小小豬成長嘅朋友,都應該記得我曾經講過話係小小豬未出世之前,大肥豬都已經想買部琴俾佢,俾小小豬學吓彈琴。當然俾我反對左啦,因為小小豬仲細,都未知係唔係對彈琴有興趣,所以當時(小小豬約八個月時)就買左個玩具琴仔俾小小豬玩,睇吓佢個情況先慢慢決定。

唔覺唔覺部玩具琴仔都玩左一年有多,最近都開始壞壞地,大肥豬見小小豬都好鐘意玩,所以都話要買過一部。

開頭我估都係買過另一款玩具琴,不過估唔到效率何其高嘅大肥豬隔左一日就買左返嚟,仲係買左一部大人用嘅琴俾小小豬玩呀!

雖然有啲驚訝(咁大部),不過見小小豬玩得咁入神,所以都未嘗唔係一件好事嚟呀~

坐係度真係好認真咁呀~


哈哈哈...依家屋企又多一個地方俾小小豬佔有左啦!

買依部琴都有另一個好處,就係除左俾小小豬彈之外,我都可以彈吓,咁可以係我彈琴時小小豬唱歌又跳舞,都係另一種親子活動呀!

Next