香港新浪網 MySinaBlog
*♡♡小肥豬♡♡* | 20th Aug 2012 | 小小豬篇 | (21 Reads)
17 AUGUST 2012(FRI)
 
哈哈哈...今日我地又為小小豬開左一個小PARTY,慶祝小小豬農曆生日啦!

我地今日都可以話人強馬壯,因為除左我地一家之外,仲請埋糖糖同小肥肥,仲有LULU妹一位朋友,一屋十二人為小小豬慶祝呀!

之前都講左我個同事好有心思咁送左個蛋糕俾小小豬做農曆生日禮物,今日見到個蛋糕.....好靚呀~


話明係生日PARTY,當然唔少得好多嘢食,大部分嘢食都係小豬媽為左同小小豬慶祝生日已整,真係辛苦晒小豬媽,亦都證明小豬媽係錫到小小豬燶呀!

冷麵~


糖糖想食嘅醉雞~


豉油乳鴿&雞翼~


黑椒牛仔骨~

鮮什果沙津~


基本上小豬媽上述嘢食物都係唔食得,所以佢自己準備左一碟蕃茄肉片~


除左整之外,為怕唔夠食,仲ORDER左PIZZA添~


當然唔少得解渴之最啦~


開餐之前當然唔少得切蛋糕啦~


唱生日歌啦~


糖糖同小肥肥仲買左啲好正嘅提子上嚟做飯後果呀~


睇吓個壽星仔食得幾滋味~


除左食又點少得玩呢?糖糖送左盒米奇玩具俾小小豬,所以即刻拆嚟玩,大家都玩得好開心呀~


就係咁,我地又過左一個又開心又飽飽嘅晚上。希望大家都係一樣,有機會再一齊玩過食過開心過!

話明係生日派對,又點少得生日禮物呢?糖糖同小肥肥都分別送左禮物俾我同小小豬呀!

糖糖送俾小小豬嘅米奇玩具~


小肥肥送嘅美勞用品~


糖糖送俾我嘅禮物,仲一次過滿足左三個願望呀~


小肥肥送嘅DIY電話袋同閃閃百達通~

真係多謝兩位好姊姊,佢地真係好錫小小豬同我,好開心亦好感動,好朋友.....一切都在心中啦!

*♡♡小肥豬♡♡* | 19th Aug 2012 | 小小豬篇 | (29 Reads)
16 AUGUST 2012(THU)
 
經過三日由我地帶返學校之後,今日小小豬又有一個新挑戰,就係自己搭校車返學啦!

其實今日都仲係親子返學,不過就俾小朋友自己嘗試搭校車返學,家長就自己去學校。

睇吓小小豬等校車個樣,都好似幾醒目哦(不過話唔埋係佢係唔知乜事...哈哈哈)~

上校車啦~

由於之後有朋友教落,唔可以同小小豬SAY BYEBYE,放左佢上車之後就唔好回頭望,咁就唔會有拉扯。所以我就照做,放低之後就即走,行到好遠遠先敢裝佢。

到左學校,我地又搵個位置嚟裝佢,只見小小豬傻吓傻吓咁跟老師入學校,仲唔洗老師抱,自己行入課室添。

小小豬第一次自己搭車返學,係上車同落車過程都好叻仔,完全冇喊冇扭計,真係要俾個叻叻佢呀!

不過.....當小小豬上校車時,喊嘅竟然係佢MaMi我,因為見到小小豬大個仔自己返學,仲要第一次身邊冇親人在身邊都可以咁乖,一時感觸先眼

Alice講得啱,仔仔冇親人係身邊係正常啲呀!

*♡♡小肥豬♡♡* | 18th Aug 2012 | 小小豬篇 | (28 Reads)
13 AUGUST 2012(MON)
 
萬眾期待嘅日子終於來臨,今日就係小小豬第一日返學嘅大日子啦!

今個星期都係親子課,所以今日我就同小豬媽一齊陪小小豬上堂,睇吓佢著住套校服幾醒目~


睇吓小小豬一見到學校就自己行左入去,好似好鐘意返學咁哦~


入到學校就返課室自己拎玩具玩啦~


其實今日都係返一個鐘頭,等小朋友感受一吓學校生活。小小豬上半部都做得幾好,識得自己拎玩具返埋位玩,又識得收拾玩具放回原處(當然就唔係全程玩同一種玩具,仲有時唔坐底要起身玩),不過都係冇扭計嘅。當做體操時都有趕住老師一齊做(不過就比較慢左兩拍),玩大型車車時又肯自己去玩。

但一到下半部分,入課室聽老師講故事時就開始出事,班入面十個小朋友,都只係得三個需要家長陪入課室(當然係有我份啦),依個小小豬要陪都不止,仲要坐上我大脾上面,痴到實一實,真係俾佢激C呀!

之後食茶點都叫做OK啲,不過因為依個為食豬實在太為食,一見啲餅餅就要即刻食,未識等埋其他小朋友(已經係屋企教過好多次,不過都仍然係咁,真係冇佢收呀)。

整體上今日小小豬表現都真係麻麻地,唔知係唔係全班佢最細嘅關係,感覺上其他小朋友真係叻好多,又唔見佢地有喊同扭計,又好似識講好多嘢咁,都有一刻驚小小豬同其他同學未必可以一齊玩。

不過,今日都係第一日返學,嚟緊仲有成年時間,可能到最後小小豬會好叻叻,同其他同學仔會一齊學習得好開心啦!

希望小小豬可以快啲適應,鐘意校園生活,咁就可以開開心心咁學習啦!

*♡♡小肥豬♡♡* | 17th Aug 2012 | 小小豬篇 | (9 Reads)
11 AUGUST 2012(SAT)
 
話說好耐之前都買左一隻DUFFY俾自己,打算搵一次帶埋佢入迪迪尼影相。但....都小小豬同行時,又點可以帶到DUFFY呢?所以DUFFY一直都係我地張床上面,做左一個陪襯品。

小小豬唔知係唔鐘意DUFFY,定係唔識佢,所以擺左係床尾都有一段時間,佢都冇同DUFFY有親密接觸(亦都可能佢係太愛MICKEY,第二個佢睇唔上眼)....哈哈!

不過,事情有變,今晚臨瞓時,佢竟然主動係走去床尾拎DUFFY嚟玩,仲笑得好開心添~


仲坐定定用佢嘅外星話同DUFFY傾左好耐計添~


真係好少見小小豬笑得咁燦爛,唔通佢開始鐘意DUFFY?大家放心,小小豬都好乖,同DUFFY玩之後就放回原位,係一個好有手尾嘅小朋友嚟呀!

玩完DUFFY,又離不開......CHOK~

*♡♡小肥豬♡♡* | 16th Aug 2012 | 小小豬篇 | (11 Reads)
10 AUGUST 2012(FRI)
 
小小豬兩歲生日依個大日子,當然要大事慶祝一吓啦!

其實今年因為小豬媽唔舒服,我原本都唔打算入迪迪尼,不過見小豬媽精神都好好,小豬爸又想等小豬媽開開心心玩返日,所以最後都係決定一家人入去迪迪尼酒店食自助餐為小小豬慶祝。

為左小小豬唔好夜晚扭計,所以我地就佢晏覺瞓耐少少,不過亦都因為依個原因,我地遲左十五分鐘先入到去。

係大家都出左去拎嘢食時,小小豬都未坐定定,MICKEY同MINNIE就行左嚟同我地影相啦(就係因為咁..都係得我地三口子影住先)~
 
之後我地就出去拎嘢食,睇吓個為食豬,一見到士多啤梨就即刻食啦~



 
食左一陣間,MICKEY就嚟同我地切蛋糕啦~

 
小小豬食個雪糕筒幾滋味~
 
 
仲同小豬媽嚟個深情KISS KISS添~

 
到PLUTO嚟同我地影相啦~

 
有個BABY係度偷飲檸檬茶呀~

 
就係因為玩緊杯檸檬茶,所以唔肯乖乖同小豬爸小豬媽影相~
 
幾經辛苦先引到個傻仔影到一張,真係激C人啦~

因為之前MICKEY同MINNIE嚟嘅時候大家都去左拎嘢食,所以就同個職員講,最後都安排佢地嚟多次同大家影相~


不過話時話,今年食得真係唔係咁開心,依間餐廳嘅安排差左。仲記得上年啲卡通人物嚟同我地影相時,佢地都好熱情,會同小小豬玩一陣先影,仲可以慢慢咁同我地一個個人,仲一個人物行幾轉嚟同我地影呀。

相反今年,好似趕頭趕命咁,如果唔係我要求,MICKEY都唔會再行嚟我地張枱,我地三口子影完之後,就即刻叫晒我地影合照,就連小豬媽想同MICKEY單人影都冇機會。最慘就係同我地切生日蛋糕嗰隻MICKEY,冇熱情我唔怪佢(可能辛苦),不過洗唔洗企到咁開,話晒都係小小豬生日切蛋糕時刻,係唔係可以同佢玩多一陣,影多啲相呢!

作為FANS嘅我,當然好鐘意入嚟迪迪尼慶祝,有得食又可以舒舒服服等卡通人物嚟同我地影相同玩。不過經過今次,都真係要諗諗出年會唔會再入嚟!
 
唉...呻完,講返啲開心事先,生日當然唔少得有生日禮物啦!首先就係小豬爸同小豬媽送嘅生日大大大大大利是(啲字係小豬爸寫嘅,係唔係好靚呢)~
 
 
仲有嘉汶表姨送嘅學習教材~

 
 
同埋舅父舅母送嘅MICKEY雨具~

 
 
隨著生日過去,小小豬踏入兩歲仔啦,希望佢聽聽話話、健健康康、最重要係開開心心,做一個人見人愛嘅好寶寶!

*♡♡小肥豬♡♡* | 15th Aug 2012 | 小小豬篇 | (27 Reads)
10 AUGUST 2012(FRI)
 
今日除左係小小豬兩歲生日嘅大日子,亦都有另一個重要活動,就係返幼兒園見老師同拎書包啦!為左迎接依一個咁重要嘅日子,所以我地一行四人(同行者仲有小豬媽同LULU妹)一齊陪小小豬返學,等佢熟習吓環境先。

一入到學校,我地第一時間就入課室,睇吓小小豬好似好新奇咁樣哦~

去睇吓有乜玩具玩先~

拎返埋自己個位玩吓先~



我就同班主任老師傾計小小豬個近況,等佢了解多啲依個百厭豬~


好乖嘅小小豬玩完識得自己放回原位呀~


同老師傾完計,我地就出去大堂玩吓車仔,等小小豬熟習吓學校環境,佢玩得好開心呀~



最後當然要嚟張三口子相做個紀念啦~


小小豬大個仔要返學啦!某程度上都真係有啲唔習慣,不過希望小小豬可以好快適應學校生活,日日返學都開開心心啦!

*♡♡小肥豬♡♡* | 14th Aug 2012 | 小小豬篇 | (16 Reads)
10 AUGUST 2012(FRI)
 
今日小小豬兩歲仔,一起身又俾左一場歡樂我地啦!

事緣今早起身,見我地係洗手間刷牙洗面,所以佢又拎住張櫈入嚟,要洗手哦(其實係玩水先真)~



玩水都係其次,其實佢係想照鋼就真。依個小小豬係見到鏡入面嘅自己真係好開心,對住鏡中嘅佢仲整左好多古靈精怪嘅攪笑樣,又嚟啲可愛樣,真係引C人呀~


依個小小豬都真係勁可愛,經佢今日嘅表現,我地都已然話小小豬係一名不拆不扣嘅自戀狂嚟呀!

*♡♡小肥豬♡♡* | 13th Aug 2012 | 小小豬篇 | (13 Reads)
9 AUGUST 2012(THU)
 
今日小小豬心情勁好,緊係啦.....因為有新地方俾佢去玩嘛,就係上小豬爸張床玩啦!

依個豬仔真係越嚟越大膽,小豬爸張床基本上都有成兩個櫃咁高,佢依家都可以自由上落,仲唔洗人扶佢。張床都算高,所以有時我都真係好驚佢會趺倒呀!(不過...小朋友唔人趺吓又點會識大呢?)

睇吓....個傻仔真係好開心呀~

嘩...又嚟CHOK王上身啦~

依張勁LIKE呀,CHOK之餘仲表現出好有自信咁呀~

CHOK完就嚟扮可愛~

玩到攰就瞓陣坐陣先~


最後又嚟古靈精怪啦,依個表情都唔知佢係邊度學返嚟,我地都冇人係佢面前咁整過,不過又真係好攪笑呀~

請容許我唔知醜咁再講多一次:仔仔...你真係好有型呀...勁愛你呀!

*♡♡小肥豬♡♡* | 12th Aug 2012 | 小小豬篇 | (16 Reads)
7 AUGUST 2012(TUE)
 
今日又幫小小豬收到一份生日禮物啦!(其實應該係尋日收到至啱,因為尋日去街街,所以今日先拎返旺屋企俾小小豬)

依一份係我一位同事送俾小小豬嘅,佢真係好有心思,睇吓張花紙,都貼小小豬至愛MICKEY係度呀~

係一部學習電腦嚟呀~


睇吓個心急嘅豬仔,盒都未拆就即刻要拎嚟玩,仲玩得好開心添~

除左買禮物之外,我同事仲訂左個蛋糕送俾小小豬呀~


真係唔好意思,不過最令我感動係,佢好利害安排左係17/8拎蛋糕,嗰日係小小豬嘅農曆生日嚟呀!原本我都打算當日買個小蛋糕同小小豬慶祝,依家唔洗買啦!

我依位同事咁細心,其實我地親人都未必會知道小小豬邊日係農曆生日(當然...我一定知道啦...哈哈),何況朋友呢?就係依一份心意都令我非常感動呀!

*♡♡小肥豬♡♡* | 11th Aug 2012 | 好友與我 | (31 Reads)
6 AUGUST 2012(MON)
 
雖然我嘅生日係月尾,不過今日CARMEN就已經約左我食飯,同我預祝生日啦!

其實........因為月中小小豬就要返學,月尾我又有啲特別事要做會好忙,所以就好急趕咁約左今日嘅晚飯,我唔好意思就真呀!

今次CARMEN又帶我去食新嘢(其實間餐廳唔係新,只不過係我第一次去依一間.....諗返起都有少少大鄉理呀)~


睇吓我地個豐富晚餐~


CARMEN真係冇介紹錯,啲嘢食真係好好味,尤其係個RIBS,真係有十個GOOD呀!

其實過尖沙咀食飯,一嚟係就CARMEN返工地點,另一個原因就係想去THE ONE影鬆弘熊。所以我地食飽飽之後,我去影相啦~

影完相就係甜品時間,我地嘅至愛哈根大師~


CARMEN除左請我食飯之外,仲送左生日禮物俾我同小小豬!

有小小豬至愛嘅MICKEY靚衫~


依份係我嘅~


個袋係LeSportsac同小小世紀CROSSOVER新出嘅,靚得嚟又啱用,十個LIKE呀~


除此之外,CARMEN仲轉贈左張阿信屋會員卡俾我,等我可以去掃平貨啦(因為我次次LUNCH入去都買唔夠$100做會員)~


今日真係多謝CARMEN,請我食飯又送禮物,仲陪我去影相,等我過左一個開心偷快嘅晚上。

*♡♡小肥豬♡♡* | 10th Aug 2012 | 小小豬篇 | (28 Reads)
10 AUGUST 2012(FRI)

其實仲有好幾篇網誌排隊準備出,不過依一篇係要打個尖先,因為今日係一個非常重要日子,因為........今日係小小豬生日.......大個仔.......兩歲仔啦!

HAPPY BIRTHDAY TO YOU 
HAPPY BIRTHDAY TO YOU
HAPPY BIRTHDAY TO KINSEY
HAPPY BIRTHDAY TO YOU 



轉眼間小小豬都已經兩歲,由一個BABY變成一個小朋友,即將亦都要步入人生另一個階段,就係要返學,時間真係過得好快,快到有啲驚添呀.....哈哈哈!

兩歲既小小豬仍然好有童真、好可愛,成日都會做啲古靈精怪嘢引你笑,係我地屋企嘅開心果。當然佢扭計時係會變成一隻小魔怪,所以對住佢有時都真係又愛又恨呀!

小小豬真係我嘅心肝椗,我一定會好好咁教好佢,等佢可以開開心心,繼續快樂地過每一天。

*♡♡小肥豬♡♡* | 9th Aug 2012 | 小小豬篇 | (17 Reads)
5 AUGUST 2012(SUN)
 
今日我地又入左迪迪尼行一轉啦!(有年票當然唔好浪費,有時間就入去嘛!)

出門口時個天氣係幾好,好天得嚟又唔太熱又唔晒,所以都以為入迪迪尼會好舒服。點知...一入到樂園個天氣都真係轉晒,勁熱又晒,所以我都即刻去同小小豬換返件小背心,等佢唔好熱親呀!

因為實在太熱,同埋又多人,所以我地都唔周圍走,主要都係入SHOP行吓。依個小小豬一見到啲MICKEY都不知幾開心,仲企定定好似等大肥豬同佢影相咁呀~


睇吓小小豬玩依個小風篇玩得幾開心~




就係因為佢笑得咁開心,大肥豬就買左俾佢玩,仲去到餐廳都拎住嚟玩呀(BTW...我好鐘意依一張相...影得好有FEEL呀)~


食飽飽之後,我就就向灰熊山谷進發,依個小小豬唔知係唔係話我推得慢,要幫我手推車仔呀~

平日唔鐘意帶帽嘅小小豬,既然係依一刻肯帶住周圍走。小小豬著左帽個樣又真係幾型仔呀~




走完一輪就濕晒,幾大粒汗~


個傻豬仔以為個金弊機係車車,玩住個『呔盤』唔肯走呀~


玩到攰就自己行返上去坐車車,坐車之餘又嚟CHOK樣~


灰熊山谷有一個地方專係俾小朋友玩水,不過依個小小豬唔敢行去,所以大肥豬就抱佢去感受吓啦~

又要驚又要睇嘅小小豬經過今次有大肥豬陪入去之後,開始都唔太驚,下一次入嚟應該可以自己玩啦!

原本我地打算等灰熊山谷版MICKEY&MINNIE影相,不過等左好耐都唔見,所以就轉去TOYSTORYLAND,等小小豬去同佢啲至愛ABC玩吓~


小小豬係留心睇緊玩『U型車』嘅朋友,因為俾佢地嘅叫聲吸引住呀~


玩到差唔多,我地先同小小豬去BABYROOM休息一陣,換吓片片食吓水果(其實係想過冷河)。

休息過後我地又返去灰熊山谷,因為知道MICKEY就出嚟,我地去排隊等佢地啦~


MICKEY & MINNIE IS COMING,依個造型嘅MICKEY真係好靚呀~


真係勁鐘意依一張,小小豬好少同公仔&我影相係會咁情深咁望鏡頭呀~


不過...我地三口子嗰一張,個職員影到真係..................勁嬲囉!好在大肥豬醒目,見到個職員影完之後個表情都FEEL到唔對路,所以即時提意用電話再影,所以咁先有三口子相呀~


影埋MICKEY我地就走啦!一嚟小小豬實在太攰,二嚟個天色都開始唔好,間唔中有一滴滴雨,所以都係早走早著。係我地離開時撞到好友CARMEN,後來聽佢講返原來我地走左之後,間一陣就落大雨,所以都真係幾好彩,如果係入面落雨一定好狼狽,話唔埋會整病小小豬添!

今日熱到爆都要入迪迪尼,其實除左唔好蝕左張AP之餘,都係為左扲生日月禮物,我仲好唔知醜咁問個職員拎左兩個襟章,等我同小小豬依兩個八月壽星一人一個呀~

*♡♡小肥豬♡♡* | 8th Aug 2012 | 小小豬篇 | (32 Reads)
4 AUGUST 2012(SAT) 

係BB展我地唔係留左好耐,因為要趕去下一個節目,就係去同小小豬買校服啦!

依幾套就係小小豬嘅校服,型唔型呢?

校服~


運動服~


冷外套~

其實我都真係算遲,小小豬八月中就要返學,我都今日先抽到時間同佢出去買,都真係有一刻擔心冇小小豬個SIZE,好在都仲買到,即刻放心晒!

依一間校服公司可以話係自助式,佢擺左唔同學校嘅校服同尺碼係一個位置,要你自己揀啱個SIZE嚟試(好在有帶埋小小豬嚟,如果唔係都唔知點試)。

就係依一刻,眼前嘅小小豬著好晒成套校服係我面前,雖然唔算係整齊(因為套衫好皺),不過我個心情真係好沉重,又喜又驚。喜嘅係小小豬大個仔終於有學返啦!驚嘅係唔知小小豬返學會係點,會唔會喊,會唔會同其他小朋友相處唔到,會唔會俾老師罵唔得老師鐘意......好多個問題係我腦入面。

再加上返學之後,小小豬每日都會有幾個鐘唔係我身邊,雖然話我返工嘅時候佢都唔係同我一齊,不過知道佢係屋企有小豬媽睇住,間唔中又有WHATAPP相俾我睇,都知道佢做緊乜。但返學之後,嗰幾個鐘頭真係唔知佢做緊乜,佢又要搭校車返學放學,雖然話係要對學校嘅老師同校車姨姨有信心,不過都總係好驚咁,所以都真係幾擔心呀。(大件事....依一刻...覺得自己有啲似怪獸家長添)

希望小小豬返學可以乖乖,順順利利,唔好太扭計啦!我都要好好調節吓自己心情,學會放心,同小小豬一齊迎接新環境!

為左保護小小豬嘅返學生活,我都唔講係小小豬係讀邊一間,同埋啲相會做少少手腳先同大家分享。如果大家憑一啲蛛絲馬跡睇得出係邊間嘅時候,都希望大家幫幫手唔好講出嚟,好讓小小豬有一個愉快同安全嘅校園生活呀!


*♡♡小肥豬♡♡* | 7th Aug 2012 | 小小豬篇, 博客分享 | (18 Reads)
4 AUGUST 2012(SAT) 

因為YAHOO BLOG關係,令美素佳兒嘅公關姐姐有留意我依個小小嘅BLOG,所以就送我四張入場卷,邀請我入去今年嘅BB展,多謝呀~


其實BB展我都真係好少去,對上一次入都係因為嗰次小小豬有份參加爬行比賽,所以先會入去玩。因為真係好怕迫人嘅感覺,不過今次有免費門票,所以我地就一行五人入去行個圈,睇吓有冇啲平嘢買吓啦~


未入場見到雅培BEAR BEAR,我又點會放過依個機會影吓啦~


得到美素佳兒嘅邀請,當然第一站就要去參觀一吓先啦~


公關姐姐真係好好,雖然佢知道小小豬唔係食佢依一隻奶粉,不過佢都好細心咁向我講解佢地奶粉嘅成份同埋新改良嗰個包裝~


奶粉成份我想都唔洗我點講解返,因為每一位媽咪都有佢地心目中認為好嘅奶粉,所以我就唔多介紹,不過我想講嘅就係佢地個新包裝~


我覺得佢地依個新『保衛蓋』真係做得幾好,入面有一個密實扣,蓋好左之後就會CLICK一聲,咁就可以等我地知道已經蓋好左,唔怕漏氣。另外我覺得設計最好就係可以將個量匙固定係個架,唔洗係啲奶粉入面周圍找個匙,乾淨好多啲。佢地仲引入左日本奶粉嘅設計加設左一塊平片,可以比較易撥平同量奶粉。

整體上新裝都真係唔錯,咁沖奶應該會方便好多,奈何小小豬食唔到依隻奶粉(因為佢啲濕疹仲未清得晒,唔敢隨意幫佢轉呀),所以我就試唔到依個新設計。希望其他奶粉商都可以參考吓啦!依個新設計係八月下旬就會推出,有興趣轉飲或者飲開嘅媽媽記得到時買嚟試吓個新設計啦!

除左介紹之外,公關姐姐仲送左一大袋禮物俾我呀~


真係好豐富呀~


當中仲有陳倩揚親筆簽名本新書添~


啲禮物都真係好多種類,尤其係個媽媽袋,真係好啱用呀!因為有部分係FOR孕媽媽同初生媽媽參考,所以我已經將佢轉贈左俾我朋友。另外,佢仲送左四盒八包嘅3號仔奶粉俾小小豬,不過因為小小豬唔係飲依隻奶粉,所以如果有媽媽啱用,我可以轉贈呀~

不過因為數量都多,我唔想郵寄,所以只可以安排嚟筲箕灣拎,有興趣嘅媽媽請私人留言俾我啦!(有好嘢唔好浪費嘛!)

參觀完美素佳兒攤位,我地就周圍行吓,小小豬仲好留心咁周圍望呀(其實係八卦豬就真)~


仲係場地入面拎左個汽球玩添~


我見好多人都一袋二袋,拎左好多贈品,唔知點解我地係冇乜點拎,啲攤位實在太迫人,我地都唔敢迫入去。不過,我地有小小收獲,就係買左十幾包清潔棉花、兩包游水片片、兩盒開奶茶仲有一盒保嬰丹,比出面係平啲,咁都叫做唔空手而回(因為返到屋企已經俾大肥豬收埋晒,所以冇影相呀)。

*♡♡小肥豬♡♡* | 6th Aug 2012 | 小小豬篇 | (20 Reads)
4 AUGUST 2012(SAT) 

小小豬剪左個新型仔髮型都唔夠一個月,佢啲頭髮又長返晒(真係唔明點解啲頭髮長得咁快呀!),原本都打算係返學前同佢去髮型屋再剪一剪先,不過前幾日大肥豬就買左依個工具返嚟,話都係鏟短啲頭髮,所以可以自己同小小豬試鏟吓先,如果唔得先出去再剪過呀~


就係咁....趁今日放假,我地就嚟個自家髮型屋啦!

係未開始之前個傻豬都冇事,仲古靈精怪添~



不過之前,一聽到個鏟發出嘅聲音,就開始不安~


要開始捉住佢嚟鏟啦~


睇吓佢個可憐樣~


因為小小豬實在太大力,又郁得利害,所以我地要夾手夾腳咁捉住佢先鏟到,依家睇返啲相先覺得小小豬好慘呀~


成個頭都係大肥豬操刀,不過我都有份幫手執一執呀~


幾經辛苦,終於都鏟好左,又真係唔差哦~


總括嚟講今次幫小小豬鏟後面啲頭髮係非常成功,依家只係差前額嗰啲頭髮未剪,不過今日剪唔到啦,因為唔想小小豬驚太耐,所以過多兩日再剪埋佢,咁就又變返個型仔啦!

今次成功都要俾個LIKE大肥豬,佢仲話今次成功之後,以後都會係屋企同小小豬剪,咁又可以慳啲剪髮錢啦!(因為依個小小豬出去剪都要成百幾蚊,依家慳返就可以用嚟買衫仔啦...呵呵呵)


*♡♡小肥豬♡♡* | 5th Aug 2012 | 小小豬篇 | (16 Reads)
4 AUGUST 2012(SAT) 

今朝起身拎部單反出嚟,原本係打算幫小小豬影底之後個活動(哈哈...係乜?等我先買個關子先,下一個POST就會講到。),不過當小小豬一見到部相機嘅時候,即刻好開心,又話要拎嚟玩。大肥豬話見佢咁開心,所以就俾佢玩一陣(放心...全程大肥豬都睇住佢,所以都唔會整爛部機呀!

睇吓佢兩父子玩得幾開心~


依個小小豬仲好似有文有路咁,仲好似好專業呀~


真係唔係講笑,小小豬啲技巧真係唔差,等我同大家分享吓吳大師嘅傑作先,先嚟生果系列~

數字系列~


仲幫我地影添~


哈哈哈...係唔係真係幾好呢?

其實大肥豬唔係寵仔咁將部單反俾小小豬玩,其實係另類教學(大肥豬話係呀),事緣每當俾一樣嘢小小豬影前,一定要佢講出物件係乜,我地係邊個,仲要佢係個螢幕上指我地啲眼耳口鼻,佢要答對晒先可以繼續影(當然....小小豬係全部都答對晒啦....哈哈!)。

雖然大肥豬出依一個教學法出發點係好,不過都係嗰句:我真係好驚小小豬唔覺意好整爛個鏡頭,如果係....到時真係肉痛C啦!




*♡♡小肥豬♡♡* | 4th Aug 2012 | 好友與我 | (20 Reads)
3 AUGUST 2012(FRI) 

離開左簡介會之後,我地落到時代廣場,見有啲好特別嘅書做成嘅擺設,所以我地又影埋一份啦~


之後樓下空地又有啲倫敦嘅佈置迎奧運,所以又嚟影吓啦~


影左一陣,我地就去醫肚先啦!今次去返上次糖糖帶過我去食嘅甘味~


睇吓我地個晚餐幾豐富~


不過整體上在冇上次咁好食,份量好似細左之餘,味又唔係咁好,尤其係個雞扒真係好差,所以我估下次都係要轉個嗰環境啦!

食飽飽之後,見樓下有冰河世紀嘅卡通係度,當然又影埋一份啦~


就係咁...我今日就過左一個好愉快又興奮嘅一個晚上!

我真係好耐都冇試過去影商場公仔啦...哈哈哈!


*♡♡小肥豬♡♡* | 3rd Aug 2012 | 博客分享, 好友與我 | (18 Reads)
3 AUGUST 2012(FRI) 

今日真係好榮幸亦都好開心,因為可以參與由迪士尼主辦嘅活動:與彼思動畫製作人-林敬雄先生(Patrick Lin)會面。由於活動可以帶同一位朋友參加,所以就叫左好姊妹糖糖陪我一齊參加啦!

Patrick係香港出生
嘅攝影構圖指導師,佢係Dinsey Pixar入面工作(當然係負責攝影構圖)。聽佢講解,原來Pixar申請一個職位,通常都有三千幾人申請一個位,面試期仲要長達四個月,所以話可以入到Pixar都真係好利害呀!

今次簡介會主要都聽
Patrick講解一下佢有份與製作Pixar電影《勇敢傳說之幻險森林》嘅製作過程,等我地對嚟緊九號上畫嘅電影加深了解呀~

今日依個活動場地係迪士尼香港區總部嘅辦公室內的休息室裡面,個環境同氣氛都真係好正,俾人一種好輕鬆嘅感覺。佢地仲好細心咁安排左食物等我地等侍活動開始呀~


場內當然都有少少Brave嘅玩具擺設~


係未開始之前,我地俾場內一隻大三眼仔吸引左,所以就好唔知醜咁走埋去影相啦~


簡介會開始啦~


Patrick為我地準備咗PowerPoint嚟介紹Brave嘅製作及攝影指導過程,不過由於電影未上影,大會唔俾我地影相,所以唔可以同大家分享詳細嘅過程。

憑我小小記憶講解吓先(希望冇記錯);原來一部電影動畫,第一步就係要先做好個Storyboards(即係劇本),Patrick話一般都需要成兩年時間先可以完成整個故事嘅Storyboards,因為佢地係要將故事的每一部分嘅細節都要畫好,有時如果個故事唔順暢,有機會係會由頭再畫過呀!

第二部分就係Camera & Staging(即Patrick負責的環節),主要係構思環境以及設定拍攝的角度,睇吓用邊個角度嘅鏡頭可以令動畫更精彩。

之後嗰幾part個名我就唔記得了(真係唔好意思,希望唔好怪我啦…Sorry),做好左鏡頭攝影之後,就開始處理角色嘅造型,Patrick話動畫初期所有角色都係冇頭髮、冇造衫(甚至係無著衫),就係依個步驟慢慢加返,等佢地變成有突出嘅造型,最後經過Lighting,一部精彩嘅電影動畫就誕生啦!

透過依次簡介會,令我明白到製作一部電影動畫並非一件簡單嘅事情,當中所涉及嘅環節、技術以及人力真係好大(Patrick話Pixar電影每一套都需要大約由300多名員工製作),一般都需要四年先可以完成上影,不過Brave所花的時間仲長,需要六年時間才能上畫呀!

短短大約一個鐘嘅簡介會真係聽得好精彩,我對電影動畫加深左好多,真係好期待入場睇佢地依一個六年嘅成果呀!

活動尾聲嘅時候,仲有一個特別環節,就係介紹香港迪士尼樂園月尾新推出嘅一個新遊樂設施:Bibbidi Bobbidi Boutique<魔法化妝廳>(唔好意思..因為張單張俾小小豬睇過,所以皺左少少)~

嘩睇見啲公主裝扮真係靚,不過….公主又點會有小小豬份呀?點解佢地唔整啲皇子打扮呀!

同場仲安排左一位小妹妹穿上將會推出嘅Merida服裝同大家影相,佢真係好精靈好可愛呀~

Merida與Patrick~

當然唔少得我地啦~

再次多謝Dinsey&Pixar今次嘅邀請,佢地仲送左好多禮物俾我地呀(最好就係有張換票卷…可以入場睇啦)~

希望嚟緊佢地多啲舉行唔同類形嘅Fans活動,等我地可以更加了解Dinsey。(當然最好就多啲邀請我啦..我好樂意出席呀...哈哈哈哈!)

*♡♡小肥豬♡♡* | 2nd Aug 2012 | 小小豬篇 | (14 Reads)
2 AUGUST 2012(THU) 

曾經都有一排我都好熱衷參加FACEBOOK嘅『讚好』遊戲,亦都有諗過可能會有機會會贏。不過隨著參加次次都俾人大拋離,所以我都再冇心機玩啦!(真係好唔明白佢地點可以有成五百幾個LIKE....或者我真係唔足佢地多朋友啦...哈哈哈!)

不過,今日我又嚟出賣小小豬嘅靚相去參加比賽啦!

事緣前幾日係BABY KINDOM見到有一個活動『Toonsland小代言人大招募- 8月份 』,係師奶仔嘅心態下,所以就SEND左依張相去玩吓啦~
 

所以.........唔知大家可唔可以幫一幫手,只要你有玩開FACEBOOK,咁你只需要CLICK下面你LINK,之後按個『讚好』,咁就可以支持一吓小小豬啦~
https://www.facebook.com/#!/photo.php?fbid=243340589120331&set=a.243335169120873.55288.141527339301657&type=1&theater

其實我都知勝出嘅機會唔多大,不過既然玩得就要有體育精神,所以係時候要做啲嘢啦........希望唔好輸得咁醜怪嘛!(又或者有千分之一機會會贏呢.....又有人係度發夢哦)



Photobucket 

*♡♡小肥豬♡♡* | 1st Aug 2012 | 小小豬篇 | (17 Reads)
1 AUGUST 2012(WED) 

我成日都講小小豬係一名為食仔(唔係...係超級為食仔先真),個口真係可以唔停咀,不過佢又唔係食啲唔健康食物,多數都係麵包..生果..嗰啲食物,所以我都隨佢,食得是福嘛!

不過一講起食,尤其係食佢鐘意啲食物,依個傻豬仔就會不期然咁做好多古靈精怪表情。

就好似今晚我地食橙時,個傻豬唔知仲乜個情緒特別高漲,做左好多古古怪怪表情,真係引到我地個個都哈哈大笑呀!

未開始食時見到碟橙都已經笑晒啦~

先嚟好平靜咁拎起粒橙先~


開始攪笑啦~

招拓積積咁哦~


個食樣真係......雖然係食得污衊啲啲,不過真係好可愛呀~


勁鐘意依兩張,真係容許我大叫一聲:仔仔....真係愛C你呀~

睇小小豬個可愛食相之餘,唔知大家有冇留意都個夾仔呢?今次唔係我刻意要同佢夾嚟扮女仔呀,其實係小小豬平日見我成日都用個夾嚟夾住啲頭髮,所以就有樣學樣自己拎嚟夾呀!


Photobucket