香港新浪網 MySinaBlog
*♡♡小肥豬♡♡* | 30th Jun 2012 | 靚太廚房 | (90 Reads)
27 JUNE 2012(WED)

今日等我又嚟介紹吓是日晚餐先啦~

 
先嚟西蘭花炒魚鬆~


再嚟好味嘅新鮮菠蘿雞又嚟啦~

 
今日依兩個餸都勁正,全部清晒,十個YUMMY呀!

晚飯過後,今日又挑起個引整甜品,所以我又嚟整啫喱啦~


今次唔係整普通啫喱,我地係整菠蘿雙色啫喱呀~

 
哈哈哈...只係睇個顏色都已經好吸引啦~

 
 
啫喱就整過好多次,不過雙色啫喱再加生果嘅都係第一次,雖然個賣相就幾好,不過唔知係唔係啲菠蘿會出水關係,所以上面嗰層嘅士多啤梨稀左啲啲,所以都唔算成功。

吸收左今次唔多成功經過,我一定會再接再厲,下次一定整到好味又靚嘅生果啫喱。

*♡♡小肥豬♡♡* | 29th Jun 2012 | 小小豬篇 | (12 Reads)
24 JUNE 2012(SUN)

成個月都冇入迪迪尼,原本
打算今日入去玩返轉,不過因為尋日先去左沙灘玩過,小小豬都晒到紅卜卜黑豬仔咁。為怕小小豬會辛苦,所以都係我都主動放棄入迪迪尼,諗住輕輕鬆鬆咁留係屋企抖吓。(雖然我係好鐘意入迪迪尼,不過我都係好理性嘅...HEE HEE)

今朝玩左一朝顏料之後,大肥豬見小小豬情緒仍然好高漲,加上又想帶小小豬出多啲街,所以就話帶小小豬去公園玩,就係咁.....我地今日就出左太古城公園玩吓。其實想帶小小豬去依個公園好耐,因為屋企附近只有依個公園有得玩盪鞦韆嘛。

睇吓個爛玩豬,一見個公園就即刻走去玩啦~


先玩吓滑豬仔先~


玩左一陣就又去玩佢個至愛...轉轉轉,不過小小豬依個POSE好似好有型呀~


之後就去玩鞦韆,可能都係叫懂事後第一次玩,所以個小小豬竟然驚,所以我都唔敢俾佢玩咁耐,只係玩左幾吓~


既然小小豬唔鐘意,所以就帶佢玩返佢鐘意嘅滑豬仔啦~


玩到成身濕水豬豬,不過都係掛住玩,唔肯乖乖地咁俾大肥豬抺汗呀(小朋友有得玩就係咁啦)~


之後仲係公園入面周圍走添~


雖然小小豬玩得好開心,不過因為天氣實在太熱,加上小小豬又不停走嚟走去,成身都濕到呢....有啲嚇人,所以我地玩左半個鐘左右就走人,費時小小豬濕到病嘛!

同場加映:
今晚食完飯就買埋片片返屋企,依個傻仔仔自己扲住包片片同棉花,由停車場扲到返屋企,全程唔洗人幫,真係叻叻又攪笑呀~

*♡♡小肥豬♡♡* | 28th Jun 2012 | 小小豬篇 | (11 Reads)
24 JUNE 2012(SUN)

買左盒顏料俾小小豬都有一段時間,都未同佢玩過,見今日冇乜嘢做,所以大肥豬就建議教小小豬玩吓啲顏料,等佢接觸多啲唔同嘅嘢啦!

可能都唔係第一次接觸,所以小小豬完全都唔怕啲顏料,仲好似好專心咁添~


個傻豬仔仲對個油碌碌好有興趣~




好認真呀~


仲玩到成隻手隻都係添~


不過由於係第一次玩,所以都係等小小豬自由發揮。不過睇佢個過程小小豬都係鐘意玩,仲不停咁邊掃顏色邊讀COLOUR。

雖然玩到污穢豬咁,不過依隻顏料都係非常安全,仲係易於水洗,所以都真係非常好,有時間都多啲同佢玩先得。
 




*♡♡小肥豬♡♡* | 27th Jun 2012 | 小小豬篇 | (8 Reads)
23 JUNE 2012(SAT)


端午節又到啦!

雖然依家都唔多覺有端午節氣氛,我就連糉都冇食過,不過有一樣節目我就一定會記得去做,就係一定會記得帶小小豬去沙灘玩吓沙同游龍舟水去應吓節啦!(其實又係一個藉口等我帶小小豬去玩....呵呵呵!)

昨晚嘅天氣都真係唔係幾好,所以都好擔心冇得去玩。不過好在一早起身天氣都幾好,所以就如期出發,今次我地同埋LULU妹,一行四人去石澳玩啦!

我地等小小豬飲左第一餐奶之後就出發,所以去到都尚算早,好快就幫小小豬換件戰衣,準備去玩啦!

原本我地都打算即刻落水玩,點知小小豬好似仲好驚水,所以一見到個海就攬到我地實一實,唔肯落水呀~

 
既然小小豬仲驚驚地,我地都唔迫佢,唯有玩返去玩住沙先,睇吓佢玩得幾開心~




玩玩吓....仲係度ONE TO TEN咁數手指~


個傻豬仔真係玩得好開心,睇佢做埋幾多古靈精怪動作~

玩完沙就同LULU妹玩陣波波先~


仲係個沙灘周圍走呀~

見佢開始冇咁驚,就慢慢一步步咁引佢行出海邊~


之後大肥豬就先同佢係海邊浸吓水(超鐘意依一張相...勁有MOOD呀)~


開頭小小豬都仲係驚驚地,不過浸左一陣之後,開始好似冇咁驚,仲用手拍啲水,所以大肥豬就帶少少咁同佢行出啲...行出啲,仲玩跳浪添!(不過因為今日用左支短鏡,所以留係岸邊嘅我影唔到佢地玩嘅情況)

玩到最後,小小豬都叫做肯坐落水泡,玩左一陣水咁啦~


雖然都只係游左幾分鐘,不過叫做落過水,應吓節啦!

今次都已經好大進步,下次希望可以再好啲,等我都著泳衣,同小小豬開開心心咁玩水...哈哈哈!

*♡♡小肥豬♡♡* | 26th Jun 2012 | 小小豬篇 | (13 Reads)
22 JUNE 2012(FRI)

小小豬真係一隻傻豬仔嚟,佢真係超鐘意洗白白。每一次見到我為佢準備水盆時,唔洗我地講,佢都已經識得自動自覺咁去拎玩具放落水盆。

近期就鐘意玩嗰套沙灘玩具,可能上次去完沙灘之後就愛上左佢地啦...哈哈哈~


睇吓依個心急嘅小小豬,衫都未除就已經想跳入水啦~


玩得好認真咁哦~




仲玩得好開心添,笑到嗡晒面,真係引C人啦~



小小豬真係好鐘意洗白白,有時都會玩到唔肯起身,一叫佢起身就會扭計,所以有時都真係會俾佢激C呀!

話雖如此,不過一見佢啲古靈精怪攪笑樣,真係...即刻都嬲唔落啦...呵呵呵!

*♡♡小肥豬♡♡* | 25th Jun 2012 | 靚太廚房 | (104 Reads)
21 JUNE 2012(THU)

係今日未講我地嘅晚餐嘅時候,先嚟介紹小豬媽買俾我嘅新戰衣先~


哈哈哈...小豬媽真係廿四孝婆婆,買嘢都係買小小豬至鐘意嘅MICKEY。當我一著上身時,小小豬就跟住我,仲不停叫MICKEY...MICKEY,又係度數我啲MICKEY,真係俾佢笑C呀!

今晚就簡簡單單嘅晚餐~


薑蔥雞~

麵豉豆角炆排骨~

今晚雖然就簡單左少少,只係煮左兩個餸,不過大家都食得飽飽好滿足咁呀!

晚飯過後,小豬媽就俾左個SURPRISE俾我地,就係整左個飯後甜品...西瓜/芒果涼粉~

涼粉我就真係麻麻地,因為次次食完都會頭暈,所以都真係唔敢食太多,通常係屋企先敢食,因為食完可以即刻跳上床瞓嘛!

不過今次啲涼粉小豬媽主要都唔係整俾我食,因為佢知道大肥豬鐘意食就整俾佢,所以話呢......其實我都係猛車邊...哈哈哈!

*♡♡小肥豬♡♡* | 24th Jun 2012 | 博客分享 | (10 Reads)
21 JUNE 2012(THU)

早係好多個月前,見屈臣氏Facebook有個「屈臣氏美容Bloggers大招募」,師奶仔嘅我當然都報名參加啦。不過一直都冇收到任何回覆,所以都以為已經冇左機會。

點知上星期就收到佢地嘅電郵邀請,試用佢地本季人氣產品 - 燕窩淨白緊緻精華露~



 
精華露帶有少許香味,都唔算太濃,可以接受。質地雖則比想像中杰左少許,乾爽度就屬一般,需推耐少少先可以完全俾皮膚吸收~

雖然要用耐少少時間推開,不過在推嘅時候同時加以按摩,用後感覺皮膚好像足滿水份,面仔都覺得滑左呀。

使用一星期後都感覺都幾好,由於都只係用左一個星期左右,美白方面就暫時唔多發覺有明顯嘅改變,不過緊緻方面就覺得有成效,現最明顯改善既係毛孔比之前收細左,皮膚有返啲光澤,額頭嘅細紋都減淡左啲啲。不過我就覺得唯一較失色嘅地方,就係用後有少許覺得笠笠地,如果於秋冬天用應該會更好。

*♡♡小肥豬♡♡* | 23rd Jun 2012 | 小小豬篇 | (10 Reads)
20 JUNE 2012(WED)

今日放工見個天氣又幾好,加上大肥豬今日請左半日假幫我陪小豬媽去覆診返嚟,時間真係剛剛好,所以我地就一行四人帶小小豬落公園仔玩吓放放電。

有咁多人陪小小豬一齊去公園玩,佢緊係開心啦~



好古惑嘅樣子哦~

睇吓佢地兩父子玩得幾開心~





今日個傻豬仔心情超好,玩滑梯時仲好多表情添~



玩左來來回回都唔知幾多次,攰到佢呢....~


玩到攰去小豬媽度飲啖水先~

超鐘意佢同LULU妹依幾張相,好似好有FEEL咁呀~


大肥豬又要學人影返張親子FEEL相呀...哈哈哈~


個傻豬仔又學人行石仔路添~


玩左半個鐘左右,多佢都面仔紅紅,又出晒汗,個傻豬仔仲自己走上去坐底休息,所以我地都返屋企啦~

今日有咁多人陪小小豬一齊玩,感覺上佢都特別玩得開心,仲特別傻豬豬添...哈哈哈!

*♡♡小肥豬♡♡* | 22nd Jun 2012 | 靚太廚房 | (154 Reads)
18 JUNE 2012(MON)

今晚真係好好餸,睇吓我地食啲乜先~


先嚟一個簡單冬瓜湯,夏天飲依個湯真係消暑呀~

醬汁炆雞,依個我用左日式山薑汁嚟炆,所以好夠味呀~


蕃茄炒蛋,依個就主要係煮俾小豬媽食呀~

最後一樣就係青瓜炒蜆肉,依啲
蜆仔肉係新鮮,係小豬媽係街市睇住啲人即開,所以特別鮮甜呀~


雖然今日好似多左少少餸,不過我地都可以全部KO晒,真係勁滿足呀!

題外話:之前嘅晚餐食譜我都已經打好晒,所以如果有興趣嘅朋友都可以睇返之前嘅POST指教指教一吓呀!



青瓜炒蜆肉

材料: 
青瓜   兩條
蜆肉   半斤
蒜茸   少許

製法:
1.青瓜切片﹐加鹽及生粉稍醃好備用
2.蜆肉洗乾淨,加入醃5分鐘,之後泡水煮約三分鐘,飛水過冷
3.熱鍋下油爆香蒜茸,加入青瓜及蜆肉炒好,炒至完全熟透後埋入芡汁,完成啦!





*♡♡小肥豬♡♡* | 21st Jun 2012 | 小小豬篇 | (10 Reads)
18 JUNE 2012(MON)

基本上小小豬係越大就越百厭(不過小豬爸成日都話咁係正常...唔通要佢坐定定),仲越嚟越古靈精怪,只要遇到佢情緒極度高漲時,佢嘅古怪表情真係多到呢....有時真係笑C你呀!

就係似今日,小豬媽餵食粥粥時,可能啲粥實在太好味,攪到小小豬極度開心,擺出好多古怪表情添。

先嚟CHOK吓先~

嘩....冇眼睇呀~


錫啖手仔先~


睇緊乜呢...咁緊張~


開心到笑到矇矇眼~


依個小小豬真係表情多多,見到佢啲古靈精怪樣真係人都開心啲呀!

題外話:唔知大家有冇發現小小豬有乜唔同左呢?哈哈哈...就係佢個前額嘅頭髮剪短左啲啲,依個頭係由小豬媽操刀,事緣因為小小豬啲前額頭髮實在太長,仲有小小拮眼睛添。

小豬媽話見到小小豬今朝早不停咁掃眼睛,攪到眼睛都紅晒,所以就即刻同佢剪少少頭髮,等佢可以舒服返。我覺得剪左之後真係仲似女仔,咁即係仲似我啦...呵呵呵呵!

*♡♡小肥豬♡♡* | 20th Jun 2012 | 靚太廚房 | (78 Reads)
17 JUNE 2012(SUN)

雖然尋日我地一家人已經去食自助餐慶祝左父親節,不過
今日係父親節正日,所以應該要去慶祝一吓啦!

不過,因為小豬媽話今日出面啲食市都好多人,所以都係提意依屋企自己煮,咁可以舒舒服服
,唔洗同人迫又唔洗等位,所以今晚就嚟一個簡單嘅家常便飯嚟慶祝父親節啦~


先嚟嚟豉油乳鴿~


再嚟炒節瓜~


好滑又靚仔嘅蒸水蛋~


雖然係簡簡單單嘅晚餐,不過食乜都冇所謂,最重要係一家人食得開開心心嘛!

同場加映:大肥豬為我準備嘅甜品~



依個品牌嘅朱古力都係曾經食過,新出埋雪糕添。我今次試左焦糖味,LULU妹就食朱古力味,真係好好食,雪糖好滑唔太甜又好香朱古力,真係食一杯都唔夠呀!

*♡♡小肥豬♡♡* | 19th Jun 2012 | 小小豬篇 | (16 Reads)
17 JUNE 2012(SUN) 

原本打算入迪迪尼玩嚟慶祝父親節,不過因為間唔中又落雨,所以最後都係博唔過,乖乖地留係屋企啦!

放假當然我係不甘於留係屋企,要同小小豬去放吸吓電嘛,所以我地就決定近近地去個室內泳池游吓水。

不過公家泳池都有一個唔好地方,就係唔可以影相,所以唯有係更衣室影底小小豬個泳裝LOOK啦~


其實今年小小豬都唔係第一次去游水,早係一個月前都已經嚟過一次,不過上次係玩玩吓水嘅時候浸親,成個身都落晒水,雖然冇喊,不過之後就唔肯繼續落水玩。

以為隔左一個月,小小豬會唔記得上次浸親經過,點知.....一入到泳池小小豬就已經要大肥豬抱實,當大肥豬打算抱佢落水玩時,佢就捉到實一實,真係俾佢嚇親添。

經過好幾次邊玩邊行,小小豬都叫做開始唔多怕,仲用隻手拍吓水咁啦(當然佢仲係好驚咁嘅樣)。為左唔好嚇得佢太緊要,所以我地都冇迫佢,落一陣水就又同攬返實佢,希望等佢慢慢適應返啦!

睇吓個傻豬仔,真係好似驚到冇表情呀(哈哈哈...依張相係我用九秒九咁偷影呀)~


雖然小小豬今日個表現唔多好,慢慢嚟啦....可能真係上次浸過嚇親。不過,我同大肥豬都話一有時間就帶佢去游吓水,等佢可以克服,快啲可以好似上年咁係個海度玩得好開心呀!

*♡♡小肥豬♡♡* | 18th Jun 2012 | 生活點滴, 小小豬篇 | (21 Reads)
16 JUNE 2012(SAT) 

好啦...到分享我地嘅開心晚餐嘅為食樣啦!

先嚟爸爸節主角....小豬爸&小豬媽先~


另一個主角...大肥豬~


我地真係食左好多嘢,第一ROUND就已經拎左成枱嘢食啦~


個傻豬仔食食吓生果變身嗲豬仔呀~


雖然依張唔望鏡頭,不過感覺好WARM,多謝小豬媽幫我地影呀~



唔好以為小小豬冇嘢食,佢都不知幾利害,可以話由頭食到尾,因為場地有好多生果,可以俾小小豬慢慢食呀!

先嚟好斯文地食士多啤梨先~


之後就食火龍果,依個佢係第一次食,可能就係咁就食得特別滋味(仲特別醜怪)~


食左一輪,小小豬又點會甘於坐定定係度,所以就帶佢出去行吓,個傻豬仲要自己拎嘢食添~


睇佢拎到個租品之後幾開心~


睇吓個傻豬仔,行嚟行去都可以咁開心~

兩父子仲去玩陣行樓梯,幾溫馨~


休息過後,小小豬當然一坐定定就係食啦!今次仲利害,食雪糕呀!佢個食雪糕樣真係好攪笑,因為都算係第一次食,所以又要食又驚咁。當然...佢都只係食左幾啖,因為始終唔敢俾佢食太多呀~

在場所以父親都有一杯酒COFFEE送,不過味道就....唔太好呀~


睇吓個為食豬,自己拎嘢食個狼C樣~


就連飲水都玩得一餐,就係因為依杯水,攪到倒瀉左,要清潔姐姐抺地,真係唔好意思呀~

就係咁我地又過左一個開開心心又好飽飽嘅晚上!

*♡♡小肥豬♡♡* | 17th Jun 2012 | 生活點滴 | (27 Reads)
16 JUNE 2012(SAT) 

一個星期前,小豬爸竟然話想去食自助餐嚟慶祝今年嘅父親節。雖然我都唔你好想,因為自助餐對小豬媽嚟講真係好慘,佢只可以睇住我地食好嘢,自己又冇乜嘢可以食到。不過既然小豬爸咁興致勃勃,小豬媽又話OK,加上又係爸爸節,爸爸大晒嘛,所以去食自助餐,等大家開開心心啦!

雖然我地提早一日食,不過好多都FULL左,如果有位嗰啲都要差唔多六百蚊一位(好似貴貴地嘛)。最後,我係BK討論區見到有啲媽媽介紹,話北角城市花園酒店嗰間「綠茵閣」的自助餐都算幾抵食,平均都係四百蚊一位,啲嘢食都話幾好,所以我就決定BOOK依間啦!

其實當初我決定去依間我地驚驚地,雖然睇到啲介紹都話OK,不過始終感覺城市花園酒店印像好似舊左啲,同埋好多強國朋友住,所以都好驚影響個質量,如果食得唔好又怕屋企人會唔開心。

可能冇期望反而更好,我地一到去都覺得個地方環境好好,都算幾舒服,啲服務員都好好,尤其係佢地幫我換碟嘅速度,同埋佢地個態度真食唔錯。因為依個百厭嘅小小豬係臨走時唔小心倒瀉水,個清潔姐姐仲笑笑口咁掃,當我同佢講唔好意思時,佢仲話:『唔緊要,小朋友係咁啦!』。

好啦等我講返啲嘢食先,冷盤都有好多:魚生【尤其係帶子,勁甜呀(唔記得影相)】、凍大頭蝦、長腳蟹、冰螺、青口、原隻麵包蟹,樣樣都唔錯,仲好新鮮添~


 熱盤都算多選擇,不過因為我冇乜點食,所以唔多知味道如何。不過佢地都過幾好,尤其係鐵板燒大蝦同帶子、羊脾同西冷都唔錯呀~

蛋糕種類都唔算多,不過都OK,雪糕仲係Haagen-Daz嚟添(不過又係掛住食冇影相)呀~

仲有飲品供應添~

 今日依餐都真係算唔錯(雖然冇生蠔食),不過以四百蚊一位嚟講都算係咁OK啦!最重要就係我地個個都食得好飽飽,仲食左一個開開心心嘅晚餐嘛!

今個POST就我主要講食物,等我呃吓POST先(HEE....HEE),下個POST先同大家分享小小豬嘅我地嘅開心食相!

*♡♡小肥豬♡♡* | 16th Jun 2012 | 生活點滴, 小小豬篇 | (36 Reads)
15 JUNE 2012(FRI) 

繼昨日小豬媽生日之後,今日又到我另一位至愛生日....就係我嘅大肥豬老公啦!

其實我地都冇乜特別嘅慶祝活動,只係晚上二口子去左PIZZA HUT食左一個簡單晚餐,之後行左一陣吉吉島就返屋企(因為有個Daddy掛住仔仔嘛)

雖然話係簡單,不過我都有俾個小驚喜大肥豬,就係同LuLu妹預先夾好左,請佢買左個小蛋糕返屋企,等大肥豬生日可以切蛋糕嚟個小慶祝~


話就係大肥豬生日,不過個主角位好似去左小小豬度,因為由佢第一眼見到個蛋糕時,佢就已經隻眼睛冇離開過蛋糕,攪到冇一張三口子相係似樣,真係激C人啦~


睇吓個為食豬...仲要自己切蛋糕添~


基本上因為小小豬對蛋有敏感,所以一向我地都好少...好少....好少俾蛋糕佢食,不過今日係大肥豬生日,破例一次食少少啦,睇佢食得幾滋味~




大家係睇小小豬個為食樣之餘,都留意一吓大肥豬個樣,佢真係同仔仔一齊時笑得特別開心同甜,真係有仔萬事足咁呀...哈哈哈!

*♡♡小肥豬♡♡* | 15th Jun 2012 | 生活點滴 | (49 Reads)
14 JUNE 2012(THU) 

一年一度小豬媽生日又嚟啦!
 
為讓小豬媽有一個開心愉快嘅生日,所以今年小豬爸係酒樓擺左三圍,請晒小豬媽嘅親人同朋友,陪佢一齊慶祝,等小豬媽開心一吓。除左我地家人之外,仲有我兩個好姊妹糖糖同小肥肥都一齊嚟食飯開心吓呀!

依個就係小小豬送俾婆婆嘅生日蛋糕,我就覺得好靚,尤其係啲字,寫得好有力,感覺好澎湃呀.....哈哈哈~

 
睇吓小豬媽幾開心~

 
順帶一提...小豬媽身上件衫係我送俾佢嘅生日禮物嚟,靚唔靚呢?HEE HEE

今晚傾傾、講講、笑笑...就係咁就過左一個好開心嘅晚上,睇見小豬媽咁開心,我都覺得特別開心。希望小豬媽可以KEEP住日日都係咁開心最重要就係身體越嚟越健康!

同場加映:有個BABY見到啲大大個嘅壽包,係度偷食呀~


其實我地今晚真係影左好多相,不過因為啲相係我地預用攝影師 – 小肥肥部相機度,所以要等佢寄左啲相俾我地先可以再同大家分享啦!

小肥肥:今晚真係辛苦你啦,不過......小豬媽好心急呀.......你好快啲俾啲相佢睇啦..呵呵呵!

*♡♡小肥豬♡♡* | 14th Jun 2012 | 小小豬篇 | (17 Reads)
12 JUNE 2012(TUE) 

依個小小豬真係超級為食豬,平日都唔多願意同我地分享佢嘅食物(有時直頭唔肯添) 。教左好多次都係唔多願意同人分享,有時都真係俾佢激親呀!(不過依啲亦都可能係小朋友嘅天性,有鐘意食嘅嘢又點會同人分享呀...所以繼續努力改善吓小小豬先得)

不過唔知仲乜,今晚食生果嘅時時候,隻豬豬情緒都不知幾高脹,我地都完全冇叫佢同我地分享,就不停咁餵我地食佢食嘅嗰啲蘋果,真係冧到我地呢……暈晒依度呀!

第一個受益人.....大肥豬,小小豬個樣真係好攪笑呀~

雖然大肥豬含蓄少少,不過小小豬個樣真係好認真呀~

咁開心嘅親子活動,又點會少得我呢,真係冧C左啦~

睇埋條片,小小豬真係極度興趣,好攪笑呀~

今日真係俾小小豬冧都暈左,失驚無神俾佢冧一冧,真係人都興奮啲,愛C佢啦......哈哈哈!

*♡♡小肥豬♡♡* | 13th Jun 2012 | 靚太廚房 | (99 Reads)
12 JUNE 2012(TUE) 

都有好幾日冇出過煮飯POST,星期六日就返左去同老爺奶奶食,又或者因為要OT,所以唔遲返屋企,所以計吓都有四日冇煮飯,真係唔係幾好咁,又要辛苦小豬媽了。

偷懶左幾日,今日又可以繼續煮,睇吓我地食乜啲乜嘅晚餐~

簡簡單單先煎個午餐肉....大肥豬至愛嚟呀~


再嚟多個節瓜炒魚鬆~

最後一個就係浸白切雞~

小豬媽教用滾水慢慢浸熟隻雞,咁就比一般蒸煮就可以滑好多,啲雞肉又可以香好多,最好就係.....易煮好多嘛,哈哈哈!



浸白切雞

材料: 
雞   一隻
鹽    兩湯匙

製法:
1. 先用鹽擦勻雞內外,醃至少30分鐘 (時間許可可醃耐啲,會入味啲)
2. 準備一鍋滾水(水的高度一定要浸過雞身),水滾後把雞小心地放入滾水中,待水再度滾起後立即熄火,把雞密蓋浸泡約45分鐘(浸雞期間不要打開鍋蓋也不要再加火)
3. 之後用冰水浸涼,斬件就食得

*♡♡小肥豬♡♡* | 13th Jun 2012 | 小小豬篇 | (13 Reads)
10 JUNE 2012(SUN)

趁今日係小小豬二十二個大,所以就買左少少嘅嚟慶祝一吓(其實係買嘢嘅借口...哈哈哈),就係我想買左好耐嘅親子裝啦~

依套我係屋企樓下一間小店買,當時係做緊結業優惠,三件加埋都係三百蚊多少少。雖然我唔肯定係唔係真係正版,不過個質地都幾就OK,最重要就係我鐘意嘅親子裝嚟嘛!

我就好鐘意,不過小豬媽話我唔應該買黑色俾小小豬,因為依隻豬實在太怕熱,黑色又吸熱嘅,怕小小豬著上身會唔舒服。雖然我都知道黑色係吸熱,不過佢嗰句『I LOVE MUM』真係好啱我心水,所以自私少少都要啦,最多等太陽伯伯唔多勤力時先著啦...HEE HEE!

同場加映:

早前托朋友買嘅兩套波衫父子裝,送俾大肥豬做父親節禮物呀~

不過因為係朋友清貨價,所以就係冇乜款揀囉,其實我都唔知依兩隊係乜球隊,總之有啱佢地兩個嘅SIZE就買!

哈哈哈.....兩父子一齊著去公園玩肯定型爆,希望今個星期日會好天,咁佢地就可以一齊!

*♡♡小肥豬♡♡* | 12th Jun 2012 | 小小豬篇 | (16 Reads)
10 JUNE 2012(SUN)

時間真係過得勁快,話咁快小小豬就已經係二十二個月啦~


依個傻豬仔真係越大越古靈精怪,雖然有時都好百厭,出街街永遠都唔可以好乖咁坐定定,最鐘意周圍走周圍八卦,有時都真係幾嬲。不過佢又會識得整啲開心樣/攪笑樣咁,見到即刻好快就會開心返,真係嬲都嬲佢唔落,依個亦都個傻仔仔殺食之處,等個個就錫晒佢嘛~


話晒今日都係二十二個月大,冇理由成日都留係屋企唔去玩呀?原本都打算買小小豬近近地去海濱公園玩,不過天氣就真係唔係咁穩定,間唔中又落雨,真係邊度都唔敢去呀!

想去玩又唔敢去咁遠,唯有去附近嘅冒險樂園啦!

必玩之一....去揸車車,小小豬玩得好專心哦~



玩玩吓,小小豬見到有其他人玩緊拋籃球,佢睇到眼仔都唔轉,所以我地又玩吓啦~


我地仲玩打鼓添,小小豬真係有板有眼,好激動咁打呀~


開開心心玩左半個鐘左右,我地就走啦,因為要返屋企嚟個午睡,準備今晚去同爺爺食父親節晚飯呀!

Next