香港新浪網 MySinaBlog
*♡♡小肥豬♡♡* | 30th Dec 2011 | 博客分享 | (123 Reads)
30 DECEMBER 2011(FRI)

其實依一個POST應該早一個月前出,不過一直都掛住分享小小豬嘅生活事,直到今日睇返IPHONE啲相先發現原來仲未出依個分享,真係自己都覺得自己有啲過分呀...哈哈哈!

早前參加左一個METAMUCIL美施達天然纖維素嘅試用活動,好幸運地俾我抽中左,可以得到一盒試飲呀~

 
其實我一向都好抗拒啲飲飲食食嘅產品試用,所以好多嗰啲活動我都冇JOIN。因為自己身體唔好,所以唔敢亂試啲健康食品。但依一個我就有參加,原因係因為係未生小小豬之後,我嘅腸胃都唔多好,成日都有便便問題,當時都曾經去過睇醫生,最後醫生都係介紹依個產品俾我,話對腸胃有改善咁話,所以有醫生嘅介紹,所以都好放心咁飲用。

METAMUCIL美施達天然纖維素,內含車前子成份,有水溶性及非水溶性纖維, 可平衡血脂水平及有助排便。而且個味就似橙汁,都算易入口。

每日飲兩次,一盒可以飲兩星期左右,我就選擇係早餐及LUNCH後各一杯~


 
飲完之後,唔會令人肚痾或肚痛,每日都有一次便便,不過就比平日嘅量多少少同埋味道勁少少,我估都係將身體積存了的毒素排出所致。而且飲用後有會飽肚感,唔會覺得肚餓,唔洗食零食醫肚,咁都算係可以有減肥功能啦...哈哈哈!
 
不過唯一個缺點就係比較難開,需要用和暖水慢慢攪拌,如果唔係就會起橙粒粒,同埋有好多啫喱狀物體黏係杯底度,浪費左啲纖維啦!

整體上依個產品都唔錯,都值得同大家推介呀!

*♡♡小肥豬♡♡* | 29th Dec 2011 | 小小豬篇 | (47 Reads)
27 DECEMBER 2011(TUE)

今晚要返小豬媽屋企食飯,大肥豬見天氣都幾好,所以就提意去三家村搭街渡過海,等小小豬可以搭船、吹吓海風、認識個海。

點知我地去到碼頭時,剛剛走左班船,要等半個鐘先有下一班,所以唯有係附近行吓。我地行行吓發現碼頭附近有個好靚嘅小公園,仲有條海濱徑,最好就係冇乜人,所以我地就係度玩一陣,等搭下一班船。

依個小小豬一有得周圍行就係最開心呀~




我地仲玩BUBBLES玩添(哈哈..見小小豬咁鐘意玩BUBBLES,所以真係隨身帶備呀)~


 
有得玩嘅小小豬真係好開心呀~







兩父子又嚟玩拋豬仔啦~


 
仲係條海濱徑度跑嚟跑去~
 
唔覺唔覺真係話咁快就半個鐘,我地要去搭船。

小小豬都算係第二次搭船,不過都仲係好新奇咁,全程都望住個海,仲望到入晒神咁~




今日去嗰個三家村公園仔雖然就細細地,不過勝在環境好舒服,又乾淨,我地嚟依度都算好方便,所以大肥豬話下次可以再嚟依度玩呀!

*♡♡小肥豬♡♡* | 28th Dec 2011 | 小小豬篇 | (20 Reads)
26 DECEMBER 2011(MON)

平安夜同聖誕節都因為天氣凍凍地關係,日日都係屋企渡過,雖然有小小豬係度都唔會悶。不過放假冇理由放假都唔去吓街嘛,所以就近近地出左APM行個圈,睇吓啲聖誕佈置,簡簡單單咁迎吓聖誕節啦!

真係俾依個小小豬激C,一出到街就好似個八卦豬咁周圍望,想同佢影張靚靚地嘅相都真係好難呀~




 
一放佢落地就周圍行,見到啲鏡又即刻行埋去自戀一番~




 
可能見到啲閃閃球好靚,要我抱佢上去玩呀~



 
玩完一輪之後,我地就去小小豬另一至愛嘅地方,就係去扭蛋機,依個傻豬仔一見啲扭蛋就真係好興奮咁,急急腳咁行嚟行去,仲成日整個得戚樣出嚟呀~
 
之後我地就去食晚餐,不過就要等一陣位~



 
之前係銅鑼灣食過甘味讚岐手打烏冬覺得幾好,所以就打算帶大肥豬去試吓。點知原來依兩間係唔同,APM依間就只係得烏冬,冇刺身壽司嗰啲。不過既然入到嚟,所以都算啦!

我地ORDER左啲兩碗烏冬同小食,我地都覺得麻麻,尤其大肥豬個豬骨烏冬只係微暖都唔熱,啲嘢食又冇銅鑼灣嗰間咁好食,所以都應該唔會再有下一次啦~
 
食完我地就去食甜品,去HAZZAN DAZ叫左個聖誕雪人食(不過都好似唔多似雪人哦..哈哈)~
 
小小豬一見到枱面個雪糕時,就不停好大聲咁叫『NANA』『NANA』,原來佢識得碟入面嘅香蕉。雖然佢一早就已經可以認得有皮包住嘅香蕉,叫識叫佢地做『NANA』,但搣左皮嘅香蕉我地都冇俾佢見過食過,所以佢竟然將切開兩邊嘅都認得到,所以當時我地都好既驚訝又開心。為左獎勵叻叻小小豬,我地都俾左少少『NANA』佢試啦。



*♡♡小肥豬♡♡* | 27th Dec 2011 | 小小豬篇, 好友與我 | (25 Reads)
25 DECEMBER 2011(SUN)

今個聖誕真係好凍,為免小小豬凍親,所以我地都留係屋企過。不過今日話晒都係聖誕節,所以糖糖同小肥肥上左嚟我地屋企同小小豬玩,一齊過一個開心聖誕夜。其實兩個妹妹仔上嚟都係主要送份聖誕禮物俾小小豬....哈哈哈!

佢地話為左培養小小豬個音樂天份,所以送左個玩具鼓俾小小豬。呵呵...其實係佢地睇得天與地多,所以想叫小小豬一齊夾BAND呀!

依個小小豬一見到個鼓都不知幾開心,教佢玩過一次之後,就好似識得玩咁,有文有路咁打鼓呀~


玩左一陣,我地就開餐啦....小小地叫啲外賣嚟個聖誕小PARTY啦~


食完之後,我地又有玩另一樣玩意,亦都係兩位妹妹仔帶上嚟送俾小小豬。就係小小豬至愛嘅BUBBLES,睇吓傻豬仔玩得幾開心~


我地當然都玩埋一份啦~

玩到最後,依個小小豬直頭好似傻左咁,見到糖糖吹BUBBLES吹爆啲泡泡時,真係笑到傻左咁。就係因為咁,糖糖不停泡泡嚟引小小豬笑,仲整到成口都係泡,真係用心良苦啦!不過見到小小豬笑得咁開心,相信佢都唔介意呀~

雖然只係簡簡單單係屋企渡過依個聖誕節,不過大家都好開心,咁都不失為一個愉快嘅聖誕!

*♡♡小肥豬♡♡* | 26th Dec 2011 | 生活點滴 | (15 Reads)
25 DECEMBER 2011(SUN)

之前分享左好幾份收到嘅聖誕禮物,不過其實我都為自己準備左禮物,當係逗吓自己開心。

哈哈哈....首先就係我個DUFFY依一套靚衫仔,仲好型仔添~


其實隻DUFFY係之前大肥豬買,不過就冇買衫仔俾DUFFY著。原本都打算入迪迪尼買衫仔,不過依個月都冇時間再入去買,感覺上冇衫著嘅DUFFY又冇好似冇咁可愛,所以就上YAHOO拍賣場睇,就係咁就BID左佢套靚衫返嚟。仲要時間剛剛好係平安夜收到,所以就當左係其中一份給自己的聖誕禮物啦!

另外一份就係紫色靚靚羽绒褸~


原本我係想買UNI嗰款薄羽絨,不過可能依排天氣實在太凍,所以好多都已經碼同色都已經冇晒,所以最後去左佐記買。依件雖然冇UNI咁薄,不過著上身都唔太腫,仲好暖添。






*♡♡小肥豬♡♡* | 25th Dec 2011 | 生活點滴 | (14 Reads)

25 DECEMBER 2011(SUN)

哈哈哈…一年一度最開心嘅節日又到啦

係度我地三口子祝大家聖誕快樂!

最重要係每日都開開心心,身體健健康康

總之就係都想嗰樣得嗰樣!

Merry Christmas~~


 

 


*♡♡小肥豬♡♡* | 24th Dec 2011 | 甜蜜生活 | (84 Reads)
22 DECEMBER 2011(THU)

哈哈哈…今日我又收到大肥豬送俾我嘅小禮物,就係依一個史迪仔電話殼啦~


其實當佢剛剛推出嘅時候,我都已經好想買嚟玩,不過因為我曾經係街上面見過有朋友仔用過,見到都覺得好大舊,怕會用起上嚟唔方便,加上見都成三百幾蚊,所以最後都打消左個念頭。

之後因為有一個朋友仔識人,可以平平咁幫我訂,見咁抵就當然都貪得意買返個,就算真係用落之後發覺唔好用,都冇咁肉痛嘛。 就係咁...今日大肥豬放工就幫我去拎返嚟啦!(因為大肥豬幫我俾埋錢,所以都當係大肥豬送嘅啦..呵呵呵!)

有新嘢當然要即刻換左佢啦,所以就貪新忘舊咁暫別小小豬個電話殼先,等我聖誕節新史迪仔嚟迎吓節先~


哈哈...又真係幾靚哦!
 
 
 


*♡♡小肥豬♡♡* | 23rd Dec 2011 | 小小豬篇 | (18 Reads)
21 DECEMBER 2011(WED)

由於正日要返奶奶屋企做節,所以都已經習慣左我地會提前一日係小豬媽屋企食團年飯。

今日我地提早食冬至飯局,就變成左小小豬收聖誕禮物嘅日子,因為今日收到三份聖誕禮物呀!

第一份就係小豬爸送嘅聖誕士的,當然小小豬只係可以要支士的嚟玩,成晚都拎住係屋企篤..篤..篤,仲間唔中串包裝紙上面啲英文字俾我地聽。就係因為咁,原本入面啲棉花糖係將會俾我佔有,但都冇得食,因為小豬媽話要等仔仔玩完先可以拆得嚟食,都唔知要等幾耐啦..哈哈哈~
 
第二份就係LULU妹送嘅~
 

第三份就係未來舅母送嘅~


估唔到佢地兩個都分別送米奇頸巾仔俾小小豬,兩條嘅質地都好軟屬,真係啱晒皮膚敏感嘅小小豬,嚟緊依幾日都會凍,到時一定大派用場呀!

*♡♡小肥豬♡♡* | 22nd Dec 2011 | 小小豬篇 | (36 Reads)
20 DECEMBER 2011(TUE)

今日百厭嘅小小豬做咗業主,因為起左一層千二百尺豪宅呀~


睇佢喊得幾可憐,真係見到都心痛C呀~

不過堅強嘅小小豬嗲左小豬媽一陣之後,好快冇事,仲又重現佢個古靈精怪樣,只不過係多層豪宅係個額頭上~

點解小小豬會有依層豪宅,咪就係因為佢以為自己識得行,但又唔係自己行得唔係好穩陣,成日都急急腳咁。今次就因為想走入廚房搵小豬媽,就急急腳跣到,之後就成個頭撞落個地板,所以就攪成咁啦!

雖然見到小小豬個樣又真係好可憐,不過佢識行咁耐都到依家先撞成咁,都係比我預期中好好多啦!

學小豬爸話,小朋友唔跌親撞親,又點會識得長大,只要唔太影響,咁就唔就太擔心,依啲都係成長嘅見証呀!




*♡♡小肥豬♡♡* | 21st Dec 2011 | 小小豬篇 | (16 Reads)
19 DECEMBER 2011(MON)

食飽飽之後,我地就去最後一個目的地,就係上凌宵閭睇風景。

記得NNNN年前我同大肥豬拍拖時我地都上過去,當時仲係免費。不過今次我地上去係要俾錢,每人$25入場費,又真係貴左啲啲。

要俾錢入去以為會有啲新嘢或者有維修過,點知同我地之前見嘅都係一樣,所以都真係有啲想叫回水。不過都唔係成日去,所以都算啦,或者有收費目的就係唔想太多人係上面,咁可以等我地慢慢欣賞風景啦!

今日天氣都幾好冇乜煙霧,只係風大左啲啲,所以都可以好清楚睇到維港~

 試好位就可以同埋小小豬一齊影相啦~

不甘坐係BB車嘅小小豬要落地行啦~


小小豬仲學人寫心意咭添~


哈哈...後面其中一張係小小豬寫呀,大家如果有機會上山頂可以睇吓見唔見到呀~

行埋依景點,大家都開始攰,所以就搭返纜車落山回家了。

今日真係玩得好開心,小小豬係山頂條小路真係行得好開心,所以小豬媽都話會再帶小小豬上去再行過呀!

*♡♡小肥豬♡♡* | 20th Dec 2011 | 小小豬篇 | (13 Reads)
19 DECEMBER 2011(MON)

行左咁耐,唔好話小小豬,就連我地三個大人都餓餓地,所以就要揀地方醫肚啦!

我地今次就去左間意大利餐廳嘆我地嘅下午茶~


可能今日係平日關係,所以成個餐廳都係得我地一枱,所以都真係勁FREE,加上個環境都好正,所以都好舒服。

先嚟講吓啲嘢食先,我都ORDER左三個餐,樣樣都好好食,啲嘢食都好似係即叫即整,所以好新鮮又熱騰騰呀~


不過我真係要特別推介佢地個酥皮湯,真係有十個正,個皮超脆,仲一啲都唔油笠笠咁,個湯飲到最後都係熱騰騰,真係可以話係我飲過咁多個最好飲嘅就係依一個呀~


哈哈....早係我地啲食物未到時,小小豬就已經開餐啦,睇吓個豬仔食粥粥個古靈精怪樣~


睇吓大肥豬幾有心機餵小小豬食粥粥~


大肥豬餵粥粥,小小豬就餵飲檸檬茶,睇吓佢地兩父子幾SWEET~


大家都食飽飽啦,所以就去出發去我地第三個目的地啦!











*♡♡小肥豬♡♡* | 19th Dec 2011 | 小小豬篇 | (17 Reads)
19 DECEMBER 2011(MON)

由於上星期六因為OT返工幫手做學校嘉年華會,所以就換嚟今日補假一天。見有假期,當然叫埋大肥豬一齊放,帶小小豬去玩啦!

我地見今日係平日,山頂都應該唔會太多人,所以就約埋小豬媽一齊帶小小豬去搭嫌纜車上山頂玩啦~

一上到車,小小豬就好新奇咁周圍望,不過唔知係唔係第一次搭關係,所以都好似好緊張咁,冇乜表情~

望左一陣,因為啲叮叮聲關係,小小豬開始驚驚地,就要伏係小豬媽身體上面,睇吓佢地兩婆孫幾冧~

哈哈....上到山頂之後,我地就開始我地個行山活動,依個小小豬一落到地就好興奮咁行行行,邊行邊傻笑,真係好攪笑。不過睇佢今日咁行,真係好大個仔,仲好有型添~

好辛苦咁先捉到佢影幾張合照,影完之後又要落地行呀~

繼續行...繼續行~



行行吓仲走埋大肥豬度幫手推車車~

行到攰就坐一陣休息~


途中有一個小公園,小小豬好叻咁自己玩單竿,我都只係扶少少,佢自己用力上升呀~


玩完依個,小小豬個能量都已經用完,所以終於肯乖乖咁坐返係BB車等我地推~

基本上我地都沿路都行左成個幾鐘,都大約行左有成2200米,全程都係小小豬自己行,所以都真係幾叻叻。不過依個都係我地帶小小豬上去山頂行山嘅目的,因為等佢行多啲,練吓腳骨力嘛!

*♡♡小肥豬♡♡* | 18th Dec 2011 | 小小豬篇 | (15 Reads)
18 DECEMBER 2011(SUN)

之前成日都好想去買對正正經經嘅學步鞋俾小小豬,等佢可以行得好啲之餘,期望對腳型都可以生得好啲。成日都係得個想字,好耐都未加以行動,因為小小豬著緊對波鞋仔仲啱,
所以未心急去買。

不過,今日行開DR.KONG,見佢地做緊特價,所以入去買返對俾小小豬。其實佢地個款式都真係唔多,所以好快就揀啱一對,仲係小小豬至愛嘅GREEN呀~


哈哈...依對鞋仔仲係大肥豬送俾小小豬嘅聖誕禮物嚟呀!

唔知係心理作用定係真係有作用,我覺得小小豬著起依對鞋仔時,行得好似好啲,希望真係有用啦!


*♡♡小肥豬♡♡* | 17th Dec 2011 | 小小豬篇 | (18 Reads)
16 DECEMBER 2011(FRI)

今日放工約埋大肥豬去我地平日睇開嗰位醫生度,幫小小豬打打水痘針。

其實早係上星期都已經想帶佢去打針,不過剛好準備嗰日小小豬發燒,所以唯有改到今日先打啦!

先同醫生傾一陣計,了解吓小小豬最近個身體狀況,之後就入打針房等姑娘幫手打針。我睇到支針都只係細細支,但當支針打落去嗰吓,即刻喊左,仲要係有史以來最慘的一次。我見住佢由掙扎到冇力再反抗,真係心都痛埋呀!

姑娘見小小豬喊得咁可憐,所以就即刻俾左啲維他命糖仔佢,依個為食小小豬一見包粒就即刻收晒,真係唔知好嬲定好笑啦~


依住糖糖當然情緒好快平復,當我地等緊藥嘅時間,佢又回復古靈精怪樣,睇佢咁都真係放心晒啦!

醫生話打完之後,都會有機會有可能發燒,唉又要令人擔心過。

希望順順利利唔好發燒啦,因為我真係好驚小小豬發燒呀!

*♡♡小肥豬♡♡* | 16th Dec 2011 | 小小豬篇 | (17 Reads)
16 DECEMBER 2011(FRI)

自上次係其他BLOG友仔見到啲印有自己相嘅汽球之後,都好想貪得意整返個留為紀念。

正當我準備去訂嘅時候
,知道學校嘉年華會其中一個攤位都有得整,我地啲STAFF仲可以幫我地優先整,所以我就訂左三個,其中一個仲係送俾小豬媽嘅聖誕小禮物嚟添。

負責老師仲好好人咁幫我即刻整,所以好快我就可以收到個製成品啦!

正面~

背面~


哈哈....真係好靚好鐘意呀!

*♡♡小肥豬♡♡* | 15th Dec 2011 | 甜蜜生活 | (61 Reads)
15 DECEMBER 2011(THU)

今日大肥豬返到屋企,即刻俾左一個BIG SURPRISE 我,就係買左今期Steady雜誌俾我,因為係送Agnes.B大袋呀~





其實依個袋我都係今日下午係BABY KINGDOM見有媽媽分享我先知出左,當時仲考慮買唔買好,打算放工先去OK便利店睇過先決定。不過放左工就已經冇左件事,唔記得左個袋件事,一支箭咁飛左返屋企。

我之前都冇同大肥豬講出左個新袋,更加冇同佢講過話考慮買唔買,所以真係估佢唔到佢會買嚟效俾我。一嚟大肥豬一向佢都唔鼓勵我買雜誌袋,佢成日都話買買埋埋咁多都足夠買個好好地嘅靚袋。二嚟佢都唔會留意平日啲雜誌,就算連啲八卦周刊佢地唔會睇,所以佢識得買依個新袋都真係好SURPRISE。

哈哈…雖然只係一個小小嘅雜誌袋,不過真係超級開心…仲有啲感動添!

多謝您..老公大人!


*♡♡小肥豬♡♡* | 14th Dec 2011 | 生活點滴 | (29 Reads)
14 DECEMBER 2011(WED)

一直都打算用完屋企嗰一SET護膚品之後,就轉用SOFINA新出嗰一套高效保濕護膚品。不過,因為近依個星期啲天氣真係勁乾燥,塗完原有嗰套之後,成塊面都好仲係好乾,所以都唔慳得,應該係時間要轉過一SET冬天用嘅護膚品啦!

原本都想轉用SOFINA,不過今日LUNCH時
去SKINFOOD買自己及小豬媽支洗面奶嘅時候,個計劃打就消左,因為我又敗左成大袋護膚品同面膜啦~

就係為左依兩支洗面(我係用白米,小豬媽媽用蜜糖紅茶),所以又做敗家媽媽啦~

先嚟就係新出嘅皇室蜂蜜活妍SET裝,依家有聖誕優惠,三件加埋平成幾百蚊,真係勁抵。其實當初我都唔太鐘意蜂蜜嘅產品,因為早係幾年前都試過佢地出嘅產品,用完之後真係勁笠唔舒服,所以都有少少抗拒。不過當售貨員姐姐幫我試依SET新產品時,我又唔覺得笠之餘,仲FEEL到好潤,塗完之後個手背仲好滑添,所以忍唔到手啦~

之後就買埋同系列嘅面膜,依個面膜真係啱晒我依啲又懶又貪靚嘅人,因為每星期只係用兩次,每次都只係五分鐘,真係一個沖涼嘅時候就攪掂。用另一隻手背試時,都只係一分鐘多少少,就FEEL到好滑,啲乾紋都冇晒添~

見買開嘢,所以買返啲用開嘅面膜先~

買左咁多嘢當然有返啲小禮物送,不過我就用唔著,所以就送俾LULU妹試用啦~

唉...雖然就肉痛左少少,不過都係嗰句啦...護膚品嘅錢真係唔慳得,因為我唔想咁快做黃面媽,我要做一個靚媽媽呀!

*♡♡小肥豬♡♡* | 12th Dec 2011 | 小小豬篇 | (18 Reads)
12 DECEMBER 2011(MON)

哈哈...等我繼續同大家分享我們的自家STUDIO先。

由於小小豬著住件MICKEY衫實在太可愛,所以就繼續著住佢嚟影相。

正當我地準備換個海景時,唔知係邊度俾小小豬搵到一個叉道具,拎住玩又唔肯放心,所以就將計就計拎埋嚟影,實行嚟返一個惡魔版MICKEY~


之後我地就換過另一個造型,就係中國LOOK,其實係我之後係屋企執衫時見到,原本打算今件新年先著出嚟,不過見有得影相,所以當一件親子衫啦!不過依個時候嘅小小豬可能開始攰,所以開始唔多合作,所以唔係影得好多呀~

最後就係我地嘅親子便服,其實開頭我都係覺得依套衫麻麻地,不過原來影相出嚟都真係幾靚呀!雖然件衫就靚,不過因為小小豬開始扭眼瞓,加上都已經影左成個幾鐘攰啦,所以都影得唔係咁多。下次有機會一定要再著依套衫影過呀~


其實都真係唔止咁少相,不過依啲就係我最鐘意,真係要再一次多謝GARY用心幫我地影左咁多靚相呀!


*♡♡小肥豬♡♡* | 11th Dec 2011 | 小小豬篇 | (21 Reads)
10 DECEMBER 2011(SAT)

上星期日朋友仔同我去影樓影嘅相,早係前兩日就已經收到朋友仔寄返嚟我嘅碟,不過....懶散左少少,所以要等今日先同大家分享!

第一個造型...官仔骨骨打領呔,其實之前完全冇打算用依個LOOK,就因為係影相前兩日收到CARMEN送嘅靚靚MICKEY呔,所以就我即刻去搵件恤衫襯返,睇依個LOOK,小小豬真係好有型...好大個仔呀!

先係白底試機先,不過試機到影得好靚呀~


開始...用黃色背景仲突出小小豬件衫,先嚟搵電單車做個道具先~


至愛依張三口子~


有汽球玩嘅小小豬幾開心~

小小豬話要練吓拳毛~


好鐘意依張兩口子合照呀~


之後換上米奇造型衫玩波波池,睇吓小小豬玩得幾開心~

續待.....(因為太眼瞓要ZZZ...哈哈哈~)

*♡♡小肥豬♡♡* | 10th Dec 2011 | 小小豬篇 | (21 Reads)
10 DECEMBER 2011(SAT)

小小豬又長大多一個月,已經係十六個月啦!時間真係過得好快,今日睇住小小豬嘅活動,佢嘅行經都表現得成個人仔咁,真係大個仔左多!(唉..真係開始覺得自己年紀大啦!)

依一個月我覺得一大進步嘅就係放膽行路,上一個月時仲係一步步慢慢咁拖住你行,到依家一出到街就要自己落地行,仲好似好急趕咁行得又急又快,有時候仲唔肯俾人拖住要自已行,有時都真係既擔心又激C。不過小豬媽話係正常,因為佢地剛剛學識行所以要扮叻咁自己行,到過多一兩個月行厭左,就自自然然咁要抱抱啦!依家唯有每當佢要自已行時,睇緊啲,唔好俾佢整襯啦!

另一件進步事就係小小豬除左學識晒A-Z 26個英文字母外,仲學識左0-9同分別到圖形及顏色。有時係街上面見到數字同英文字,佢都好會突然間讀出嚟俾我地聽,真係令我不得不讚賞吓佢叻叻呀!

除左學嘢之外,依個小小豬仲越嚟越古靈精怪,成日都做埋啲搞笑,所以有時攪到見住佢啲百厭嘢都唔記得要罵佢,都唔知話佢古惑定醒目好。

見佢一天一天咁長大,一日比一日懂事了,所以都真係要花多啲心機教好佢,等佢成為一個好乖乖!

同場加映:今日小小豬好痴大肥豬,就連睇電視都要伏係大肥豬個身上,睇吓佢地兩父子幾冧,真令我依個媽媽有少少妒忌添…哈哈哈~

 
 

Next