香港新浪網 MySinaBlog
*♡♡小肥豬♡♡* | 22nd Oct 2011 | 好友與我 | (18 Reads)
16 OCTOBER 2011(SUN)

今日放學之後,我地就急急腳咁走人,因為我地有另一個節目,就係約左Brenda係地鐵站拎嘢啦!

對上一次見Brenda應該係小小豬剛剛滿月,佢專登嚟藍田探我地,估唔到咁耐先有機會見第二次,真係可以話......我地成年冇見啦~


事緣我屋企係明年三月有喜慶事,原本我都有諗過去租衫著吓,不過諗諗吓..嗰時小小豬都只係歲半左右,都仲係要好貼心照顧,如果我有乜唔小心整污穢條裙,都唔知點賠好,所以我都係決定自己買衫啦!

早係上個月Brenda係Facebook Post左佢弟弟結婚當日嘅相,我見到佢條裙仔都幾靚,所以就問吓佢係邊度買,諗住去睇吓有冇啲心水款啱。當我地之後繼續傾計時,Brenda話條裙其實佢都唔會再著,所以就話唔好浪費俾我咁話。

Brenda肯割愛,我當要唔介意,因為可以買一條靚靚嘅裙都起碼要五百幾蚊,依家可以摼左,我緊係開心。再加上條裙又真係好靚,我好鐘意呀~

不過....因為我個身型就仲係肥左少少,條裙著上身就窄窄地,應該就要拎去改。依家等我慢慢咁開始減少食量(我指係零食),等到明年二月應該都可以唔洗改太多,希望到時會著得靚,唔係就浪費左Brenda嘅心意啦!