香港新浪網 MySinaBlog
*♡♡小肥豬♡♡* | 1st Oct 2011 | 小小豬篇, 博客分享 | (12 Reads)
28 SEPTEMBER 2011(WED)

係未有小小豬嘅時候,我都好鐘意RODY跳跳馬,嗰時仲打算小小豬出世之後買一隻俾佢玩。

到小小豬出左世之後,我已經好想買,不過當時大肥豬話等小小豬大個啲先考慮買唔買。,到小小豬已經一歲時,我又再提出,結果今次係因為小豬媽同大肥豬都話唔安全,所以最後都冇買到。

雖然係種種阻礙之下,今日小小豬終於都擁有一隻屬於佢嘅RODY啦!

哈哈...點解依家又會有?事緣早係上星期,,收到之前聯絡開那位公關姐姐打嚟嘅電話,我地傾左一陣之後,問我有冇興趣接收一隻RODY馬仔,因為佢地想送一隻俾小小豬玩。嘩.....我都唔知想買幾耐,所以聽到話送俾小小豬,我當即刻SAY YES啦(師奶仔本色又嚟啦)!

原本話一個星期後先送到,不過唔知姐姐係唔係知道我心急,所以等左幾日,就收到隻RODY,係一隻粉綠色嘅馬仔,好靚呀~


等大肥豬返到嚟,即刻叫佢整好隻馬仔俾小小豬玩。睇佢玩得幾開心,笑到見耳唔見眼呀~


睇見小小豬玩得咁開心,攪到我都好開心,依啲係唔係就係『你快樂所以我快樂』呢!哈哈哈~~~

最後...都要多謝公關姐姐送依份大禮物俾小小豬,等佢可以咁開心!