香港新浪網 MySinaBlog
*♡♡小肥豬♡♡* | 31st Aug 2011 | 小小豬篇 | (36 Reads)
27 AUGUST 2011(SAT)

因為大肥豬想小小豬讀N班,所以我地依排都好忙咁周圍睇吓啲幼稚園嘅網址,睇吓佢地啲簡介同埋幾時招生等資料。好多幼兒園都係一年前要交定入學申請表,所以我地都開始為小小豬準備,等夠時間就去交表。

就係準備文件時,原來每一間幼稚園都要交係交表時交埋學生相,但我地都從未同小小豬影過啲正正經經嘅相,所以為小小豬為申請表第一件準備嘅事,就係要影証件相啦!
 
開頭我都有打算帶小小豬出去啲影相鋪頭影,諗住好似專業啲,應該會靚啲。不過諗深一層,小小豬又點會乖乖咁一TAKE過同我影到張靚相,所以最後都決定係屋企用相機慢慢影到靚為止,先再用SOFTWARE整成証件相嘅SIZE。

所以前幾晚我地動用全屋所以人,一啲負責引小小豬笑,我地就負責影。不過依個小小豬都唔多合作,唔多願意坐係椅子度,又點引都唔肯笑,真係激C我呀!
 
最後經過我地嘅努力,係影左幾十張之後,終於都搵到一張叫幾好嘅,雖然唔係大笑,不過眼仔碌碌咁,都幾精靈啦~


依張我都覺得唔錯,所以都晒左一批嚟用。唔知啲老師見到依張証件相,會唔會就咁就鐘意小小豬呢…哈哈!
 
 

 

*♡♡小肥豬♡♡* | 30th Aug 2011 | 生活點滴 | (31 Reads)
26 AUGUST 2011(FRI)

雖然今日係生日,不過啲感冒菌朋友嚟同我慶祝,加上又俾啲唔開心事困擾住,所以基本上都冇乜心情。

原本都認為今個生日都係平平淡淡咁過,不過估唔到我啲同事為我準備左一個蛋糕同我慶祝,又送生日禮物俾我,嗰一刻都真係可以叫做回復返心情。

個牛乳蛋糕真係好好味~
 

仲有好幾份禮物添,每一份都好好好,真係要多謝佢地呀~




其實今年生日都冇諗過點慶祝,一嚟唔可以請假去玩,二嚟小小豬仲細,我同大肥豬又唔想再佢去夜街,所以只係打算今晚我地兩個人出街食個飯,之後就返屋企三口子睇大結局啦!

今日大肥豬嚟左接我放工,之後就去行街食晚餐,不過因為我唔舒服關係,所以唔想行咁遠,所以又出左吉吉島食飯。今次我地去左火頭山度食,依間我之前都好想去試,不過次次都係好多人要排隊,今日早早地終於都唔洗等就有位啦~

我地每ORDER左一份定食,真係幾好食,啲魚生好新鮮,個麵又好彈牙,仲有個湯底又好正,完全同XX拉麵嗰啲冇得比呀~


食飽飽之後就去左行一陣,之後就接埋小小豬返屋企睇大結局啦!

當我返到屋企打開信箱,又有另一個驚喜,就係MIYUKI寄左禮物俾我同小小豬,依兩份仲係佢去日本旅行時買呀~

兩份都好鐘意,真係好靚,多謝晒呀!其實我最開心嘅係小M去旅行都記得我同小小豬,就係依份心意都令我好感動呀!

今年我嘅生日就係咁....勁簡單...勁平凡地過左啦!不過平凡是福,有時可能簡簡單單咁先識合我呢!

 
 

*♡♡小肥豬♡♡* | 29th Aug 2011 | 好友與我 | (18 Reads)
25 AUGUST 2011(THU)

今日同CARMEN食我嘅生日飯,近近地去左太古吉吉島入面間夢見屋入面食日式嘢。我都成日行嗰層嘅吉吉島(因為對面就係嬰兒部),不過依間都係第一次去,如果唔係CARMEN提議,我依個大鄉理都唔知有一間餐廳呀!

依間啲嘢食真係幾好食,真係冇介紹錯呀~

晚飯之後,我地就過去左HAAGEN DAZS食雪糕繼續傾計。今次我地兩個叫左香蕉船嚟食~
 
不過好奇怪,唔知點解依間HAAGEN DAZS好多款雪糕味都冇得供應,只係得返啲普通嘅,攪到我最愛食嘅草莓乳酪都冇得食,有機會一定要再去食過先得呀!

除左食飯之外,CARMEN仲送左一大袋禮物俾我同小小豬~


今次真係又食又拎,攪到真係唔好意思添!

 其實我今日嘅心情都真係唔係咁好,不過同CARMEN食左個開心飯局之後,開開心心咁傾左成晚,成個人都好似放鬆左啲,心情都好左好多啦!

最後當然要再一次多謝CARMEN,等我又食又拎,又過左一個開心晚上。
 
 

*♡♡小肥豬♡♡* | 28th Aug 2011 | 小小豬篇 | (48 Reads)
23 AUGUST 2011(TUE)

小小豬生日嘅時候,小豬媽訂左份大禮物俾小小豬,等左一個星期左右,份禮物終於係今日嚟到啦!

打開嚟睇...真係勁靚,唔止小小豬就連我都好鐘意依套動物嘅廚房呀~

 ]

成套都係木製,所以手感真係好好,再加上啲物料同設備都好得,總之一個字形容依套廚房 - 『正』呀!

依個小小豬一見到新玩具就急不及待咁要玩,仲玩到好似模似樣咁哦~
 
除左依套廚房之外,仲有一SET蛋糕套餐,都係一樣咁靚,不過因為就比較細少,所以暫時都唔會俾小小豬玩晒,只係俾啲杯仔、蛋糕仔俾佢切嚟玩,大多啲啲先多啲啦~

 

依兩套加埋都真係幾貴,不過因為依套係木製,都應該可以玩好幾年,加上又可以訓練小小豬手力(俾啲魚..蛋糕佢切),所以小豬媽話值得。

*♡♡小肥豬♡♡* | 27th Aug 2011 | 好友與我 | (22 Reads)
23 AUGUST 2011(TUE)

今日約左三位妹妹食飯局,因為糖糖同另一個同事係今學學期就離開學校,有一個好嘅發展,所以就約埋之後已經離職嘅同事,四個人食飯敘吓啦!

今次我地去左銅鑼灣間風月堂食~


依間我地係第一次去,個環境都真係幾舒服,又唔趕人走,所以都幾好。我地ORDER左一個PIZZA,一個鵝肝炒飯同埋三文魚意粉,都只係一般~

 
不過佢啲甜品真係勁好味,我地ORDER左四份甜品,每一份都好味之餘,個賣相仲好靚添~



其實今日主要目的都係為兩個妹妹有新發展而去敘一敘,不過估唔到ZOE為左我地三個八月生日嘅壽星準備左一個生日蛋糕,真係好驚喜,依一個亦都係我今年第一個切嘅生日蛋糕,雖然只係三分一主角,不過我都已經好開心啦~

 
除左蛋糕,仲有禮物添,依兩份就係ZOE送俾我同小小豬嘅生日禮物~
]

 
另外糖糖都有送生日禮物俾我同小小豬添~

 
今個飯局之後,都唔知幾時先再有機會見可以再約埋一齊食飯敘吓 (相信糖糖會多啲)。希望佢地三位妹妹係新環境都可以一樣開開心心,順順利利啦!

*♡♡小肥豬♡♡* | 26th Aug 2011 | 生活點滴 | (25 Reads)
26 AUGUST 2011(FRI)

八月嚟講我真係好多節目,其實仲有好幾篇未出,不過今日依個一定要打尖出左先,因為......今日係我N歲生日嘛!(哈哈..已經要用個N字嚟形容,因為就連我自己都唔想記得自己幾多歲)

往年都會一早PLAN定今晚去邊度慶祝,不過今晚都相信係兩口子去簡簡單單食個飯,之後就返去接小小豬返屋企。明年啦...明年等小小豬大個啲,就可以一齊去慶祝啦!

講真,一踏入八月,雖然係我嘅生日月,不過唔知點解接二連三咁好多唔開心事發生,心情唔多唔少都會影響到,攪到個人都DOWN DOWN地。不過...每當我見到小小豬既相,我動力又會返嚟(少少啦)~

不過,隨住生日來臨,希望唔開心事可以快啲離開,好似彩虹咁,人生係五光十色的,每日都開開心心,依個亦都係我今年嘅生日願意之一。

當然,我另一個願意就係小小豬可以快快樂樂、健健康康咁成長啦!
 

*♡♡小肥豬♡♡* | 25th Aug 2011 | 生活點滴 | (17 Reads)
24 AUGUST 2011(WED)

早前經糖糖通知,知道FACEBOOK入面有個淘寶網群組,有一個活動,就係每日最快留言嘅30位朋友就會得到當日的禮物。一直以為依啲活動都係做馬多居多,主辦單位多數都係俾返佢地嘅朋友。

不過當糖糖曾經拎到個IPHONE電話殼之後,我就發覺應該係真有其活動,所以我又玩埋一份啦!

當活動進行嗰幾日,糖糖一見到佢地出新物品時,就會即刻叫埋我一齊參加。其實當時我都唔知自己係唔係首30名,都係志有參與吓,睇吓自己有冇運咁。

不過當前排出左個得獎結果出左之後,發現原來我有兩份得左獎, 因為我要湊住小小豬唔方便去拎,所以早排就叫糖糖幫我去拎埋,趁今日同糖糖有飯局,所以拎俾我啦!

我的獎品,一條連身裙之後~

仲同糖糖、小肥肥一齊中左嗰兒童水池添~
 

依兩份禮物都好似幾好咁,質量都唔係差,我都幾滿意(最好就係FREE嘛..呵呵呵!)

依家我打算將個水池改成為波波池,買啲波波俾小小豬係入面玩,應該好開心..哈哈哈!
 
 

*♡♡小肥豬♡♡* | 24th Aug 2011 | 小小豬篇 | (25 Reads)
19 AUGUST 2011(FRI)

今日第一次帶左小小豬去返PLAYGROUP,開頭我仲以為全班同學仔都係一齊開始第一堂。原來佢地個COURSE係循環制,所以好多同學仔都已經上過幾堂,不過因為今次係循環嘅第一堂,所以我地就JOIN到啦!

一入到課室,導師就俾啲玩具玩吓,等佢地WARM-UP吓
依個小小豬完全唔怕羞,一見玩具就爬去玩啦~


係玩嘅時候,啲同學仔就分批返嚟,依班係全男班九人一齊上堂,依班係FOR 12-15個月,所以好多同學仔都已經識行,最細嗰個就應該係小小豬啦!大家一齊玩左一陣玩具,就開始上堂。不過就係開始上堂嘅時候,小小豬真失禮,開左大大添,所以要即刻出去清潔同換衫。

我地用九秒九時間就幫小小豬整理好,返入去課室繼續上堂。

第一PART,導師就同小朋友唱遊郁吓手仔、腳仔,同埋教佢地指出眼睛位置~


依一PART因為我地中途入課室,所以小小豬唔太專心,做得唔係咁好!

第二PART就係叫小朋友係個紙巾盒入面拎起條紗巾,之後家長就同佢地PEEKABOO,仲叫佢地同朋友仔握手識新朋友~



依一PART小小豬表現幾好,都叫做識得拎張紗巾出嚟,同埋好肯去同朋友仔握手呀!

第三PART就係行路,導師俾唔同物質嘅物件叫小朋友赤腳行,等佢地行路時接觸一吓唔同感覺~

依一PART開頭我都好擔心,因為始終小小豬仲未識行,所以開頭我都好擔心佢會完成唔到。不過慢慢扶住嚟行,行吓行吓又真係幾好,仲越行越得戚呀!

玩左一陣就食餅仔時間啦,估唔到到有茶點呀~


其實食餅餅就係其次,導師話主要都係訓練小朋友用匙羹拎餅餅,同埋等齊人先開始食。依個為食小小豬都叫做OK啦,阻佢偷食兩次,都冇發睥氣,最後都叫做可以等埋其他小朋友一齊食啦!

最後一PART,就係將啲長通粉放入個水樽度,以訓練小朋友專住力同手指靈活。不過因為小小豬開始攰扭眼訓,所以要食奶咀啦~


雖然係開始扭眼訓,不過小小豬都好專心咁完成個習作,教左兩三次就識得自己放手將通粉入個樽度。依個小小豬真係好攪笑,想將啲長通粉想塞入口,真係俾佢笑C呀!

之後,導師係同家長講解今日活動時,又係玩具時間。依個小小豬有得玩就會精神返啦~

今日係第一次返PLAYGROUP,不過小小豬表現都唔錯,完全冇怕羞又唔怕生保,成日都爬嚟爬去,好似想去發掘新事物咁,就連導師都有讚小小豬依一點.....哈哈!

*♡♡小肥豬♡♡* | 23rd Aug 2011 | 小小豬篇 | (20 Reads)
19 AUGUST 2011(FRI)

小小豬由出世開始都未剪過頭髮,因為覺得佢都係得幾條頭髮毛,所以成日都覺得唔洗剪住。

雖然係得幾條毛毛,不過啲頭髮都已經可以蓋過耳仔同頸位,加上天氣一熱起上嚟,佢就會變身成為濕水豬仔咁,成個頭都濕晒。每一次大肥豬見到依隻濕水豬仔嘅出現,都要嘈住話同小小豬剪頭髮,不過就唔係出去SALON剪,係大肥豬幫小小豬自己剪,話第一次剪當然要由爸爸負責同埋要親子咁話哦!

其實我都想早啲幫佢地剪,不過又有一個擔心就係怕大肥豬剪得唔好,咁就會影響我地去STUDIO影靚相,所以一直都唔俾剪。直到上星期都去晒影相,所以就開始著手幫小小豬剪頭髮啦! 買日終於都買左把剪頭髮較剪,所以可以開工剪..剪…剪啦!

依個小小豬真係曳曳,幫佢剪嘅時間就周身郁,攪到我地都唔敢剪落手,經過一輪掙扎,終於都成功完成,睇吓小小豬剪左頭髮之後個樣,雖然唔係剪好多,不過剪完之後總係覺得個樣唔同左,好大個仔......同埋男仔頭左好多呀,應該出街唔會再俾人叫『妹妹』啦! 
 
大家睇吓個新LOOK先啦~

背面~


兩個側面~



哈哈...剪得都算幾好啦,起碼都叫做見得吓人,咁都要俾個叻叻大肥豬!

*♡♡小肥豬♡♡* | 22nd Aug 2011 | 小小豬篇 | (14 Reads)
18 AUGUST 2011(THU)

之前買左個彩虹圈俾小小豬,打算教佢正確咁一個個圈放入到柱上面。

不過依個小小豬都只係識得將啲圈圈放係地下拋,一係就當係東甩咁放入口咬,真係俾佢激C呀!不過今日真係俾左個驚喜我,因為見到小豬爸同小小豬玩圈圈玩得好開心,仲識得放啲圈圈啦~

開頭都唔可以相信,雖然個次序俾小豬爸俾小小豬放,小小豬攪笑到一隻手唔得就兩隻手一齊玩,依一刻真係要俾好多個叻叻佢呀!不過,最攪笑就係每放完一個就要拍手讚好,唔止佢一個拍,係要圍觀者都一齊拍拍手讚佢叻叻,真係俾佢笑C呀!不過佢咁叻叻又真係要俾適當讚賞,咁佢先有心機繼續學嘛!期待下一次可以佢自己一個唔洗人提示都可以自己一個正確地完成個彩虹圈啦!

原來平日下午小豬媽同小豬爸一有時間就會教小小豬玩依個彩虹圈,仲已經係前幾日已經學識,只係唔係我地面前表演俾我地睇。

哈哈....依個小小豬真鬼馬!

*♡♡小肥豬♡♡* | 21st Aug 2011 | 生活點滴, 博客分享 | (23 Reads)
17 AUGUST 2011(WED)

早前成為家樂牌榮譽Blog友之後,我同小豬媽合力參加左佢地『星級家廚大招募』。我地都係以支持依個活動為主,一早都預左唔會勝出。

雖然最後我地都係輸左,不過上星期家樂牌市務部場策劃部公關小姐打俾我,話多謝我支持佢地嘅活動,所以送少少禮物以作答謝。

今日收到個禮物包,嘩....原來都有好多產品,一啲都唔係少少嘅,好豐富呀~

當然…所以產品都已經去左小豬媽廚房啦!不過咁多產品當中我都留左一樣俾自己,就係依個新出嘅方便通粉啦~
 
哈哈...我睇個介紹好似好簡單易煮,只要幾分鐘就可以煮好,真係最啱拎嚟做夜宵。依個我就未食,等我食完之後再同大家分享吓啦!

另外,樂牌推出星級家廚-第二階段(下半部):投選星級家廚,每週賞120$50超市禮劵(3) http://www.knorrtips.com/starchef.php。即日起至九月十五日,準星級家廚每週用短片解決煮食難題,由家樂牌會員每週投選最能解決難題的星級家廚,每週獲最高票數的星級家廚可得$1000現金獎,120名支持勝出家廚的會員可得$50超市禮劵,所有參與投票的會員可獲20分會員積分。

第一週煮食難題:煮帶子太久會出水,太短時間又不夠入味和韌,如何可以煮得有鮮味又能保持口感
第一週投票時間:826日至91日中午12時正

第二週煮食難題:請留意家樂牌網站
第二週投票時間:92日至98日中午12時正

第二週煮食難題:請留意家樂牌網站
第三週投票時間:99日至915日中午12時正

大家有興趣都快啲上去參加贏獎品啦!


*♡♡小肥豬♡♡* | 20th Aug 2011 | 小小豬篇 | (27 Reads)
16 AUGUST 2011(TUE)

隨住日子一天一天咁過去,小小豬就越嚟越大個仔(我指係佢個樣),真係可以話都已經冇乜BB樣,所以就成日都數依個有少少BB樣時,去影啲造型照,等留為一個紀念。

恨左好耐、又等左好耐,終於等到大肥豬答應(因為大肥豬成日都怕啲造型衫會DIRTY,怕小小豬著左會敏感,所以一直都唔太建議我去影),又搵到一間有朋友影過都話幾好嘅STUDIO,所以就係今日同小豬媽一齊帶小小豬去玩啦!

幫小小豬BOOK左個套餐係有四個造型,原本個職員都再SELL我加多啲錢可以有多個造型,不過因為知道以小小豬狀態都應該冇可能應乎到,所以都冇加到,維持四個都夠玩啦!

第一個造型....洗白白LOOK~
 

 


第二個造型....野人LOOK~
 
 



第三個造型....西瓜LOOK,依個係小豬媽揀,真係勁似女仔呀~
 




最後一個鴨仔造型,原本我都打定輸數依個會影得唔靚,因為小小豬又怕熱又唔鐘意戴帽。不過出奇地依個造型係咁多個入面影得最靚,最鐘意依個呀~
 
 


其實都唔只咁少相,一共有七十幾張,不過好難一次過POST晒出嚟。所以如果大家有興趣睇,可以去依個ONLINE相簿睇啦:http://photo.mybb.hk/KinseyNg
 
睇完記得要讚小小豬呀...哈哈哈!

整體上我都覺得依間幾好,都算幾乾淨,攝影師哥哥都幾好。最好就係可以即日拎相,唔洗等嘛!

不過影埋依一輯相,相信暫時都唔會再帶小小豬去影樓啦,因為大大話話都已經影左一輯造型同兩輯家庭照,我都已經好滿足。或者等明年小小豬二歲時,我地再去影樓影家庭照啦!

*♡♡小肥豬♡♡* | 19th Aug 2011 | 小小豬篇 | (23 Reads)
15 AUGUST 2011(MON)

一年一度嘅慰勞宴又嚟啦!話明係慰勞宴,當然主要係多謝小豬媽同小豬爸係依一年咁用心咁照顧小小豬啦,不過...亦都可以話係趁我放大假時,搵個藉口走去玩..哈哈!

今次我地請小豬爸同小豬媽去尖沙咀Royal Pacific Hotel食Lunch Buffet,依間我都未食過,只係Openrice見有好多人都讚好,加上今期又有折扣優惠,所以就去試吓依間啦! 先講啲嘢食,整體上都真係唔錯,款式又多,仲要不停咁加添。不過講到正,佢地啲甜品真係好味,種類多之餘仲款款都好食,真係要俾個Good呀~


仲有Dreyer’s雪糕同炒雪糕添呀~
 

唔好以為小小豬嚟食Buffet會冇嘢食,我地俾左啲生果佢食。先嚟食哈蜜瓜,依個佢就係第一次食,睇佢食得幾滋味呀~

仲同小豬媽影左張超靚嘅相添呀~

之後我地見有蘋果,所以拎個俾小小豬,依個傻仔仔一見到個蘋果就勁開心,仲擺左好古靈精怪樣,真係勁攪笑呀~

玩左一陣,小小豬就話要食,因為冇帶佢嘅餐具係身,所以冇得切嚟食。說時遲那時快,就係小小豬開始扭計時,小豬媽已經去清乾淨左個蘋果,俾小小豬成個食,有得食時小小豬就係最開心。其實開頭我地都唔預小小豬食到,始終蘋果皮都幾硬,所以我都嘅心態都係玩多啲。

不過原來小小豬嘅牙力都幾驚人,拎住個蘋果唔夠幾分鐘,就咬到個皮,又食到啲肉,真係要俾個叻叻佢呀~


睇佢拎住個蘋果食到個樣幾滿足~

今日依個Lunch Buffet又真係食得好開心,期待明年我地又嚟過,到時小小豬都應該可以食好多嘢啦…哈哈!
 

*♡♡小肥豬♡♡* | 18th Aug 2011 | 小小豬篇 | (29 Reads)
14 AUGUST 2011(SUN)

今日係小豬爸嘅生日,一如過往我地都會約埋啲親友去酒樓食飯,同小豬爸慶祝。不過,今年係有少少唔同,因為今年有埋小小豬份嘛!

由於係第一年同小豬爸過生日,所以緊係要扮靚仔啲去出席啦!之前買左好得意嘅帽仔俾小小豬,終於趁今日依個機會戴,戴左仲好可愛添,不過就勁似女仔呀...哈哈哈~



小小豬都有送個小禮物俾小豬爸,就係依個靚靚蛋糕啦~


點解下款係寫『乖孫椗椗』,因為椗椗就係我地幫小小豬改嘅別名,就即係代表佢係我地嘅心肝椗呀!

當然唔少得用小豬爸小豬媽影返張靚相啦,睇吓佢地抱住小小豬笑得幾開心~


平日出街食飯小小豬都一定係會攪攪陣..冇幫襯,不過今日佢竟然可以乖乖咁坐係BB椅玩左大半晚,只係臨走住都悶時開始有少少扭計。好在只係咁,都冇失禮,咁都要俾個小叻佢啦!

*♡♡小肥豬♡♡* | 17th Aug 2011 | 小小豬篇 | (19 Reads)
13 AUGUST 2011(SAT)

今日係信箱收到一份禮物,原來係新西蘭的同學仔VIRGINIA送俾我同小小豬嘅生日禮物,係母子裝冷帽嚟呀~

我嗰頂就係黑色
畫家帽,我一向都係鐘意依類型嘅帽呀~


小小豬依頂就係型仔款~


依兩頂都真係好鐘意,今個冬天實行要嚟個型格兩母子先得呀...哈哈哈!






*♡♡小肥豬♡♡* | 16th Aug 2011 | 好友與我 | (21 Reads)
13 AUGUST 2011(SAT)

因為小小豬尋日先打左針,所以我地都冇PLAN去邊度玩,打算乖乖地留係屋企。不過因為糖糖有啲嘢要拎俾我,所以就約埋小肥肥一齊上嚟我地屋企,俾嘢我之餘,當然係上嚟同小小豬玩啦!

睇吓,有人陪小小豬玩佢幾開心,仲傾盡所有玩具嚟招待兩位姐姐,真係何其莊觀呀~

剛好糖糖係下星期就生日,所以就買左個小小蛋糕,同佢預先慶祝生日~


 

食飽飽就繼續玩,依兩個姐姐真係教壞哂,教小小豬坐膠車。不過依個小小豬有新奇嘅玩意,當然玩得好開心啦~
 

雖然今日只係簡簡單單玩吓、食吓、傾吓,不過咁就過左一個好愉快晚上。

係度,老土啲都要再講:糖糖,生日快樂!又大一歲之餘又有一個新開始,之後嘅日子好事繼續會接二連三咁嚟到你身上,凡事在心中呀!

*♡♡小肥豬♡♡* | 15th Aug 2011 | 小小豬篇 | (22 Reads)
12 AUGUST 2011(FRI)

早係小小豬剛剛出世時,有一位朋友仔送左依份禮物俾我~
 

因為當時小小豬仲細細個,暫時都唔會有機會可以玩到,所以我就先收埋佢,打算等佢大個啲先拎出嚟俾佢玩。

不過......原來一收就收埋到小小豬已經一歲時先記得拎出嚟,見今日有時間所以就貪得意吹左佢,等小小豬玩吓,嚟個HOME SWIMMING啦!

原本我打算係浴缸玩,不過大肥豬話要係廳度玩,咁等小小豬可以多啲地方活動,可以玩得舒服啲!

依個小小豬真係完全唔怕水,仲玩到不知幾開心添~
 

係玩水嘅時候,大肥豬又發揮佢廿四孝Daddy本色,不停為小小豬加暖水,驚凍親呀~
 

大肥豬話小小豬個頭髮太正經,一啲都唔似玩水,所以就幫佢整左個獅子頭,真係勁攪笑呀~


由於小小豬都係剛剛打完針,所以我地都唔敢玩太耐,大約玩左十分鐘左右就唔玩,等搵日天氣好時就再玩過!

不過因為鴨仔個座位都比較細,今日小小豬坐落都係剛剛好,所以要等依排天氣好時就玩多啲, 唔好浪費嘛!

*♡♡小肥豬♡♡* | 14th Aug 2011 | 小小豬篇 | (56 Reads)
12 AUGUST 2011(FRI)

過左小小豬一歲生日之後,又係時間去健康院打一歲針啦!

今日我地一早就去健康院,所以都唔算太多人,都唔洗等太耐就可以去磅重同見姑娘。

今次見姑娘除左問左一啲平日飲食同說話能力問題之外,仲做左手仔能力測試,整體上小小豬嘅表現都幾好,好多都部分都係合格,不過因為係拎起星星餅嘅測試入面,有幾次小小豬都係將手指公收埋,只係用食指嚟拎起粒餅餅。姑娘話為安全起見,叫我地兩個月後再去見佢地,睇吓有冇改善。其實我都唔覺得有問題,不過有人跟進吓都係好事,所以兩個月後又要返嚟啦!

之後我地就等見醫生,原本都唔需要,不過因為我地發見小小豬對蛋係有敏感,食完蛋之後都又會起濕疹,但今次其中有一支針係有蛋嘅成份,所以要見吓醫生睇吓打唔打得。 醫生問左小小豬嘅病徵之後,都係決定唔好打住,寫左封信轉介左我地去聯合兒科,到時再由佢地醫生決定。

原本我都唔願意,因為我總係覺得小小豬個情況唔係佢地講到咁嚴重,不過大肥豬話小心都係好事,所以就又要搵日去聯合啦!

由於有一支針唔打得,所以今次都只係打一支。依個小小豬一入到姑娘房,之後我將佢抱實係個心口時,佢就已經喊定先,不過我知佢喊唔係因為痛,係因為佢唔鐘意俾人捉住。當行出個房門時,已經冇喊,仲識得同大肥豬開心咁玩,真係俾佢激C呀!

原本都以為打完針之後就走得,原來我俾抽樣抽中去做中文大學有關流行性感冒嘅調查,所以又要等多一陣先走得。不過原來做問卷調查都有好處,就係佢地送左張COUPON俾我,真係好攪笑呀~


離開左健康院之後,大肥豬就即刻拎封轉介信去聯合排期。嘩....一排之下要去到九月底先可以去見醫生,真係誇張呀!

唉....依家真係唔知幾時先可以打到嗰支針,希望唔洗又要再等好耐啦,因為總覺得針係要跟進度嚟打,遲打真係怕會有問題呀!

*♡♡小肥豬♡♡* | 13th Aug 2011 | 小小豬篇 | (13 Reads)
10 AUGUST 2011(WED)

其實計計吓之前小小豬都已經收左五份禮物,不過今日話晒係正日生日,當然又要收吓先開心啦啦!

當然除左小豬爸同小豬媽大利是之外, LULU妹送俾小小豬嘅學習杯~


其實小小豬都已經有一隻,不過都係嗰句:邊個叫小小豬有兩頭住家,所以買多一隻方便兩邊屋都有得用啦!

另外仲有兩份都係尋日收到,係我兩位同事送嘅,先嚟史迪哥哥送嘅BB福袋~


史迪哥哥話佢係去BB展度買,真係估唔到佢都會去行呀!

另一份係B小姐送嘅積木車車~


雖然依份禮物係送俾小小豬,不過當拆開個禮物包時,大肥豬好似比小小豬仲鐘意,因為大肥豬鐘意砌砌砌嘛….哈哈哈!

*♡♡小肥豬♡♡* | 12th Aug 2011 | 小小豬篇 | (33 Reads)
10 AUGUST 2011(WED)

小小豬第一年生日,當然要隆重攪攪佢啦!除左我地一家三口之外,我地仲同埋小豬媽、小豬爸同埋LULU妹一齊為小小豬慶祝。因為依一年嚟佢地都好用心咁幫我照顧小小豬,所以趁今日同小小豬慶祝之餘,亦係慰勞佢地呀!

我地個目的地就係去迪迪尼酒店食自助餐啦!其實食嘢我都係其次,最主要都係為左同公仔影相呀...哈哈哈!

一歲嘅小小豬真係好似有啲唔同,好似大個仔左好多呀~


 

 等左一陣,終於可以入餐廳食嘢,首先係MINNIE過嚟同我地玩呀~

 

之後就到MICKEY啦~

 

等多一陣,為小小豬準備左嘅蛋糕嚟啦~
 

有MICKEY同小小豬一齊慶祝呀~
 

一齊唱生日歌,睇吓小小豬幾開心~
 

之後PLUTO嚟玩啦~



當高飛嚟到,小小豬個情緒真係勁興奮,玩到勁開心,不停咁攪高飛,攪到我都唔係幾好意思呀~
 

除左同公仔玩之外,依個為食小小豬見到我食雪糕,就扮左可愛樣出嚟。原本大肥豬都唔俾佢食,不過生日就可以食少少啦~



 

開心嘅兩個鐘BUFFET就快完,係臨走又見到MICKEY同MINNIE,佢地仲錫錫添呀~
 

今日公公婆婆除左俾左封大利是仔仔之外,仲買左四張即場相俾仔仔,等佢可以好好紀念今日依個一歲生日會呀~
 

同場加映:切蛋糕時小小豬真係好開心呀~

Next