香港新浪網 MySinaBlog
*♡♡小肥豬♡♡* | 30th Jun 2011 | 小小豬篇 | (14 Reads)

20 JUNE 2011 (MON)

今日因為小豬媽屋企大廈進行五年例檢大型工程,攪到冇水又冇電,為免影響小小豬正常活動,所以就小豬媽嚟左我地屋企照顧小小豬。

我地返工之後就同左小豬媽一齊去商場入面元祿食DINNER。

開頭都好地地,小小豬都乖乖咁坐定定,不過點知過左一陣,小小豬俾對面冒險樂園啲燈光吸引左,好想過去睇咁,所以我地食完之後就過左冒險樂園陪小小豬行個圈。

其實我地之前都帶過小小豬去冒險樂園行幾次,仲放佢落去啲車仔入面玩,不過當時佢好似傻吓傻吓咁唔識得玩,只係識坐係度,但今次小豬媽教左一次之後,佢就識得揸住個呔盤,仲玩得好開心添~

玩左幾部車仔,依個貪玩嘅小小豬仲唔肯走呀~

哈哈...真係唔知好嬲定好笑啦!


*♡♡小肥豬♡♡* | 29th Jun 2011 | 小小豬篇 | (13 Reads)

20 JUNE 2011 (MON)

今日食完LUNCH之後,由於糖糖話想去買衫,所以我地就係個商場入面行陣。係依個時間我俾一間買DINSEY童裝吸引左(其實我地都好少去依個商場,所以都唔知有依間嘢),所以就入去睇睇。

原來依家做緊大特價,有部分夾仔做緊$ 150兩件,實在太抵啦,我又忍唔住幫小小豬買左兩件靚衫啦~


其實藍白色嗰件之前小豬媽係銅鑼灣都睇中左已經勁想買,不過當時要賣成$299,我又覺得唔太值得,所以阻止左小豬媽買。 今次見到都只係$150,仲要有兩件,咁抵又點可以唔買呢...哈哈哈!

原本我都想買多幾件,不過我都算遲去,所以啱SIZE同靚款嘅唔多。依家我知道依度有間童裝店,所以每星期都捉糖糖去LUNCH行一次,睇吓有冇又平又靚嘅嘢執先得。


*♡♡小肥豬♡♡* | 28th Jun 2011 | 小小豬篇 | (13 Reads)

19 JUNE 2011 (SUN)

繼早前小小豬有一個月亮眼之後,近依排佢都冇再展示出嚟,正當我擔心佢唔識得月亮眼嘅時候,小小豬就俾左一個驚喜我,就係將月亮眼升級,將對眼睛、鼻仔同個咀都嗡埋一齊,嗰個樣真係極度攪笑。

每當佢興奮加上極度開心時就會SHOW出依個樣,我地成日都好想影低佢依個攪笑樣,不過就好難捕捉佢,一拎起部相機佢就唔會咁,拎手機影個快門又唔夠快。

不過,今日趁大肥豬同小小豬玩車車玩得極度興奮時,終於都俾小豬媽影低左啦~

 

哈哈....依個小小豬真係勁攪笑,見到佢依個嗡眼樣,真係迷C人啦!


*♡♡小肥豬♡♡* | 27th Jun 2011 | 小小豬篇 | (16 Reads)

19 JUNE 2011 (SUN)

今個父親節對大肥豬嚟講都幾有意義,因為係第一次過嘅父親節嘛,佢就當然係好開心啦!

尤其係我幫佢地安排左一個父子裝去街街,佢仲更加歡喜啦~

今日我地個節目真係好豐富,先去同大肥豬一家去飲茶,同老爺慶祝父親節。飲完茶之後,原本想帶小小豬入玩具反斗地搗蛋,點知佢又訓左覺,所以最後行左一陣我地就返屋企,進行第二個慶祝活動。

我地返到屋企就已經見到小豬媽同小豬爸係屋企等緊我地,同小小豬玩左一陣,我地就早早地去食晚飯,諗住唔洗等位嘛!

我地去左屋企附近間餐廳食,開頭都以為係普通小菜,點知原來嗰度晚市係有潮州打冷,我地見好耐都冇食過,所以就嚟左一個潮式晚飯,一齊打冷啦~

 

啲嘢食都幾得,個味又OK,所以我地都話下次要再嚟依度打冷呀!

雖然今個父親節,都只係同屋企人飲茶同食飯,冇乜特別係同大肥豬慶祝,不過有小小豬陪佢一齊過,佢都已經係勁開心啦!


*♡♡小肥豬♡♡* | 26th Jun 2011 | 小小豬篇 | (16 Reads)

18 JUNE 2011 (SAT)

自從小小豬開始識爬同鐘意周圍爬之後,大肥豬就間唔中拎佢部珍藏嘅遙控車仔出嚟,邊玩車仔就邊引小小豬爬爬,等佢爬多啲,對四肢發展都好啲咁。

今日大肥豬如常開部遙控車仔同小小豬玩,開頭都玩得幾開心,車仔去邊就好開心咁爬去車仔嗰度。

點知...玩玩吓小小豬就嚟左轉左個方式玩,大家睇吓條片就知啦~

 

哈哈...睇吓小小豬催殘部車仔,係唔係好似超人卡通入面啲怪獸,真係俾佢笑C呀!


*♡♡小肥豬♡♡* | 25th Jun 2011 | 生活點滴, 博客分享 | (21 Reads)

21 JUNE 2011 (TUE)

原本都仲有好幾篇有關小小豬嘅網誌要出,不過依一篇係需要打尖出左先,因為我收到份禮物包呀!

前排收到家樂牌市務部場策劃部嘅電郵,邀請我成為佢哋嘅榮譽BLOG友,仲話會送我一袋家樂牌禮品包,等我試用佢地嘅產品。

 一聽到依個好消息,其實最開心嘅係小豬媽,因為佢一向都係家樂牌嘅FANS,凡係新出嘅產品佢都會買嚟試,仲會KEEP住用嚟煮餸添,所以話屋企都已經有唔少家樂牌嘅產品啦!

今日都收到個禮物包,真係估唔到會有咁多產品送,仲有埋本食譜添~

 

依啲產品已經歸小豬媽所擁有,因為佢話要用嚟跟住本食譜煮啲好餸俾我地食。嘩...咁我地就嚟又有好嘢食啦!

真係要再一次多謝家樂牌嘅厚愛,揀選我成為佢地嘅榮譽Blog友呀!


*♡♡小肥豬♡♡* | 24th Jun 2011 | 小小豬篇 | (12 Reads)

18 JUNE 2011 (SAT)

今日放工因為要去太古城拎少少嘢,攪掂之後就偷雞一陣去行吓(因為大肥豬今日OFF,所以佢負責照顧小小豬,兩父子係屋企博鬥...哈哈~)。

其實我都主要係為小小豬而SHOPPING,因為上次去完游龍舟水之後,雖然我地都已經避左個陽光,不過小小豬都晒到手臂有兩截色,導致小豬爸見親小小豬個手臂,都會話我晒親小小豬(我知道佢都係緊張小小豬..哈哈)。

其實我之後都冇諗過要買防晒,一嚟就覺得好似冇咁需要,二嚟又怕小小豬有濕疹唔塗得,最重要係...我冇意識要買...呵呵呵!

所以見今日出開太古城,就想決定買返支防晒俾小小豬,等佢可以再去沙灘時塗,咁就唔會變黑豬仔啦!

原來BB 防晒都有好幾種,揀左一陣,最後都係決定買依款(希望冇買錯啦)~

除左防晒之外,我今日仲買左一支西梅汁~

上次係BB展小小豬試過,佢都好鐘意飲,仲追住嚟飲添。我地試過都OK,唔太甜所以都想買,不過當日現場冇得賣,所以冇買到。今日行過見到就,所以就即刻買左佢,等小小豬有得飲呀!


*♡♡小肥豬♡♡* | 23rd Jun 2011 | 小小豬篇 | (12 Reads)

17 JUNE 2011 (FRI)

上次去游龍舟水嘅時候,到已經好想買對鞋仔俾小小豬等佢可以係沙灘著,不過一過到搵唔到咁細隻,所以冇買到。

係前幾日去食小豬媽生飯時,路過CROSS見到有一對鞋係好細隻,所以就入去試吓,小小豬又啱晒SIZE。正當我考慮想買時,一見到成四百蚊,即刻唔敢買,因為小小豬對腳又大得好快,唔想咁貴買對鞋只係著到一陣。

今日放工去左屋企樓下商場啲鋪頭仔又見到啲CROSS鞋仔(當然係A貨啦),咁我就入去八卦一吓,見到有對係啱小小豬個SIZE,不過就只係得番HELLO KITTY款,當時我都15/16買唔買好,會唔會太女仔呢?

不過最後經小豬媽引誘之下,終於都買左(其實係小豬媽叫我搵對鞋俾小小豬去沙灘著,因為怕小小豬企係啲沙上面會唔小心整親腳呀)~

雖然好女仔,不過去沙灘著都OK冇所謂啦!等小小豬大個多少少,對腳大定左,到時先再去專門店買過對男仔款俾佢啦!

哈哈...我知道依款係有出大人SIZE等我又去買返對咁就可以母子裝啦!


*♡♡小肥豬♡♡* | 22nd Jun 2011 | 生活點滴 | (31 Reads)

17 JUNE 2011 (FRI)

今日LUNCH原本同糖糖PLAN好左去食麥當當,點知當我地行到去附近嘅時候,糖糖就俾俾一間日式餐廳吸引左。

就係咁,我地個LUNCH就改左去依間食啦~

睇佢個門口好似好細咁,但原來行入去都幾大間呀!我地每人ORDER左一個便當~

個樣都幾OK,咁多嘢食都算豐富啦~

依個便當個味道都唔錯,不過唯一唔好嘅就係等得太耐,我地等左差唔多十幾分鐘先到,攪到我地食完之後要急急腳走人,仲差啲啲遲返工添。

我地今日係一點前結賑,所以有七折,折左都係三十六蚊,都算OK抵啦!你去普通茶餐廳食個茶餐依家都要三十幾蚊,多少少就可以食到壽司都算係咁,所以依間將會係我地嚟緊食LUNCH嘅考慮範圍之一。

 


*♡♡小肥豬♡♡* | 21st Jun 2011 | 小小豬篇 | (12 Reads)

16 JUNE 2011 (THU)

上排小豬媽買左件好得意嘅衫仔俾小小豬,今日洗乾淨晒,加上小小豬個精神狀態又勁好,所以小豬媽就幫佢換左件靚衫,影左輯好得意嘅相啦!

睇吓...悟空嚟啦~

哈哈...做得悟空又點可以冇金剛棒呢!小豬媽真係好勁,係屋企攪到張花紙,咁就整左支金剛棒啦~

雖然依兩張相檬左啲啲,不過真係好攪笑呀!

哦......筋斗雲快啲出嚟,我地要去打妖精呀~

打妖精打到幾開心~

企定定任人影~

其實我鐘意個背面多啲,仲型呀~


件衫真係好得,不過就好似細件左啲啲,下次可以買大一個碼啦...YEAH!


*♡♡小肥豬♡♡* | 20th Jun 2011 | 生活點滴 | (19 Reads)

15 JUNE 2011 (WED)

今早係史迪哥哥介紹笨NANA俾我地嘅時候,佢就將今日報紙介紹最新7-11推介嘅產品頁俾我地睇,除左有新食物介紹之外,仲俾我見到有馬仔IPHONE電話殼買。

雖然我依家都已然係用緊印有小小豬樣嘅電話殼,不過見依款又幾靚,加上又唔太貴,五十蚊唔洗仲有三支糖仔,所以就想買返一個嚟玩吓,所以今日食完LUNCH買完香水,就去左7-11想買返一個啦!

當我地入到7-11時,原本都只係見到另一個黑色款,不過當時有一位小姐將佢原拎起嘅粉紅色款放低左,見佢放低左,所以就買左佢啦~

 

哈哈...某程度上都覺得自己幾好彩,如果唔係嗰位小姐放低左,我都買唔到呀! 依排就等我用吓先,等用幾日先再換返小小豬啦!


*♡♡小肥豬♡♡* | 19th Jun 2011 | 生活點滴 | (51 Reads)

15 JUNE 2011 (WED)

早幾日糖糖同我講話小肥肥介紹左一支勁香嘅香水俾佢,攪到佢都好想買,所以就趁LUNCH時我地去商場入面嗰兩間化妝鋪度睇。當時因為糖糖唔太印得個樣,所以冇買到。

事隔幾日,糖糖終於都買到支香水辦,仲帶左返嚟俾我睇。一嗅之吓,我又覺得幾好,個味香得嚟又唔太濃,所以攪到我都心思思想買支嚟試。

今日我同糖糖食完LUNCH之後,見有時間就即刻去化妝鋪八卦吓,我就買到糖糖介紹嗰支香水辦~

除此之外,我地仲見到同牌子另一款個香水辦個樽幾靚,剛好嗰度又有得試噴,我地又覺得幾香,所以又買左~

真係覺得自己幾誇張,一嚟就買兩支,不過都只係幾十蚊一支,都OK抵啦!

如果大家有睇開我個BLOG,都知道我係ANNA SUI嘅FANS,基本上一出就會買即刻買嚟用兼儲。不過因為之後有左小小豬之後,我唔敢塗香水,怕會影響到小小豬氣管,加上話過自己唔會再買啲唔等洗嘢,所以就冇乜點繼續留意出新款,亦已經停止左儲嗰個念頭啦!

今次糖糖依個介紹又真係幾好,細細支又唔太貴,可以平日放係手袋返工時用,咁咪唔怕影響到小小豬囉,所以下次再買都可以考慮買香水辦,當要都係要糖糖有好嘢引誘我先得啦....哈哈哈!


*♡♡小肥豬♡♡* | 18th Jun 2011 | 生活點滴 | (15 Reads)

15 JUNE 2011 (WED)

今日史迪哥哥一買左新嘢返嚟請我地食,原來就係雀巢新出可以搣嘅雪條 - 笨NA NA~

依支雪條真係勁攪鬼,一打開個包裝袋只係一條平平冇奇~

 

搣開左黃色皮之後,就好似成條香蕉咁啦~

 

哈哈....除左得意之外,唔好以為佢似香蕉就有香蕉味。佢個皮係類似提子味嘅啫喱,入面就係呍喱拿雪糕,個味道仲唔錯。不過只係覺得細條左啲啲,幾啖就已經食晒啦!

俾個搣皮小貼示,大家先咬小小最頂比較硬嘅地方,之後用手(或者牙籤)跟住條界慢慢開,就好會似香啦!

由於係新推出,所以暫時都只係7-11有得賣,大家有興趣都可以買嚟試!


*♡♡小肥豬♡♡* | 17th Jun 2011 | 甜蜜生活 | (60 Reads)

15 JUNE 2011 (WED)

繼尋日係小豬媽生日之後,今日就嚟到大肥豬生日啦!哈哈...真係忙啦,連去兩日街,不過依啲就係忙都忙得開心。

由於尋日小小豬都已經去左一日街,為免佢太辛苦,所以今日我地就冇帶佢去街,留佢係屋企等小豬媽睇住,我地就去過一個二人世界。

大肥豬係生日一定會放自己假,所以佢就嚟左接我放工,之後我地就去左鰂魚涌公園行吓海旁溫馨一吓。

講起行海旁,大肥豬都不知幾鐘意,成日都話要同我去吹海風,雖然今日都幾熱,不過佢生日就就佢一次咁多啦!

原本都打算去SOHO區搵間餐廳食飯,不過我地去到時都時間尚早,好多都未開晒,加上我地又行到過去太古城,所以最後都取消左依個念頭,最後我地都係簡簡單單咁去左板長食壽司 (哈哈..係大肥豬決定..唔係我建議呀)~

 

食飽飽之後,我地就過左玩具反斗城行,睇吓有乜嘢啱小小豬玩,最後就買左個吹泡泡俾小小豬,等佢下次去公園時有得玩~

 

其實今日我地都真係唔係做啲咩慶祝,只係去行吓街,食個簡單飯,之後就返屋企同小小豬玩咁,雖然係好似簡單左啲,不過我地過得開心就夠。

今年就冇預小小豬,等佢出年大個仔啲,我地就可以帶埋佢一齊去玩慶祝啦!


*♡♡小肥豬♡♡* | 16th Jun 2011 | 生活點滴 | (31 Reads)

14 JUNE 2011 (TUE)

今日係小豬媽嘅生日,當然要一家人開開心心咁去食飯慶祝啦!

我地今日帶左小豬媽去尖 沙咀 君怡海店食自助餐慶祝。其實依個係我上個月係團購網見到有優惠,見都平平地,所以就買COUPON去試食。

先講啲嘢食先,都只可以話係一般,種類又唔算多,有啲貴價食物都只係出兩次,不過以二百蚊嚟講都算係咁,都唔好要求咁多啦!

雖然啲嘢食就麻麻地,不過我地都食左好多嘢,邊食邊傾,再加埋小小豬係度攪事(依個為食仔仔見我地個個都係度食嘢,自己又冇嗰啲嘢食,又點會唔嘈呀...哈哈),所以都食得好開心呀~

 

(間酒店都SET得比較黑,所以影啲相出嚟較暗呀!)

今日真係過左一個愉快嘅晚上,希望小豬媽都過得開心,鐘意今晚依個自助餐啦!


*♡♡小肥豬♡♡* | 15th Jun 2011 | 小小豬篇 | (21 Reads)

12 JUNE 2011 (SUN)

繼尋日去左會展參加爬行大賽之後,今日又有得去去玩。因為知道MegaBox依幾日都有爬行比賽,見個地方到近近地,所以都帶小小豬去玩吓。

一早起身見個天都落緊雨,所以原本都打消左依個念頭,不過當小小豬瞓醒覺之後,個天已經冇有落雨,仲出埋太陽添,所以我地就出發啦!

去到MegaBox第一時間就先去報名拎個籌先,之後就要等一個鐘先可以去比賽。我地食完個LUNCH,之後又入宜家行左一陣,夠鐘去比賽啦!

由於個場係即場報名先到先爬,冇份月份,所以同場爬爬嘅BB年紀都好差次,與小小豬同組嘅都有幾個識得行,所以都已經預左唔會爬第一。其實我地都係志在參與一吓,做吓善事之餘,等佢見識多啲。

好啦...等左一陣,終於都開始啦!

今次就由大肥豬負責引小小豬爬,睇佢個樣仲開心過小小豬呀~

今日小小豬個狀態真係幾好,準備嘅時候已經開始想周圍爬啦~

開始爬爬啦~

大件事,俾其他嘢引誘左,爬過隔離呀~

小小豬今日真係好開心,邊笑邊爬呀~

最後小小豬以第三名過終點,今日對手咁強(佢地都已經識得行啦),所以可以拎到第三名,我都覺得好叻,都叫做衰敗猶榮啦!

今日比賽完送嘅禮物包~

錄左條攪笑爬爬片,大家嚟睇吓啦~


*♡♡小肥豬♡♡* | 14th Jun 2011 | 小小豬篇 | (29 Reads)

11 JUNE 2011 (SAT)

除左去參加爬行大賽之外,其實都仲有一個目的,就係之前參加左Baby-mo嘅「至型Expo Baby選舉」,要去搵返小小豬張相嚟做個紀念啦!

張巨型Poster好靚呀~

哈哈...小小豬個位置都幾好,所以都好易搵到佢呀~

之後就去左「至型Expo Baby選舉」個攝影棚影相,去CASTING做小模特兒。我當時都只係掛住引小小豬笑,原來小豬媽幫我影左好幾張相呀~

唉..依個小小豬都唔識笑,又點可以做B模呀!(我都只係貪得意去影吓,一早知唔得啦..哈哈。)

不過,原來影完相都有禮物送,就係星星餅,咁都幾好哦..哈哈(有一支係爬爬比賽嘅禮物嚟呀)~

之後就係SHOPPING時間,我地都真係大入貨,買左好多嘢呀!

首先就係小豬媽送俾仔仔嘅餐具~

LULU妹話小小豬小組第一名,所以買禮物獎勵一吓哦~

嗰個係一個可坐式的水泡,因為男仔款已經冇晒,所以話女仔款都照買,等小小豬去泳池有得玩呀!

之後我就開始上倉,先嚟買兩包游水片片~

兩包汗巾~

乾同濕嘅棉花~

依一堆就係送嘅贈品~

除左買嘅,我都拎左兩支BB食物呀(不過我仲未食,唔知好唔好味呢)~

依個嬰兒展我地都真係大豐收,就係咁過左一個勁開心嘅下午呀!

仲要多謝糖糖同小肥肥陪我地一齊去玩,陪我地SHOPPING又幫小小豬打氣同影相呀! 


*♡♡小肥豬♡♡* | 13th Jun 2011 | 小小豬篇 | (20 Reads)

11 JUNE 2011 (SAT)

去會展嘅展覽會我都係去過兩次,嗰兩次就係去JOIN影婚紗相。係大肚嘅時候都有諗過去,不過見啲媽媽講冇乜嘢買,所以就打消左個念頭。不過今日終於都可以去入去八卦一吓啦!

今次入去主要目的就係帶小小豬去參加爬行大賽呀!

其實小小豬都係近依個星期先叫做可以正正經經咁去爬,所以開頭知道有得報名都心大心細。不過最後都決定報名,我都打算俾小小豬見識一吓。

終於都等到今日去比賽啦!雖然話志在參與,不過話晒小小豬都係第一次去比賽,所以都真係有啲緊張。

我地今日人強馬強,除左我同大肥豬之外,仲有小豬媽、LULU妹、小肥肥同埋糖糖一齊去。

等到夠鐘,我地開始入去比賽。負責引小小豬工作我地就交左俾小豬媽。

係開始時小小豬都好似唔多願意~

我地嘅秘密武器出場啦~

一見到包檸檬茶就開始發狂啦~

開始比賽~

真係完全冇諗過,小小豬贏左依場比賽,可以小組第一名進入決賽。嘩...依個時候我地都真係開心到傻左,仲興奮過小小豬呀!

當我地入到後台時,因為我地唔知幾時開始進入決賽,再上小小豬又開始扭計,所以我地就開奶奶俾小小豬飲。

點知當飲左一半奶奶之後,竟然就要開始決賽,所以我地唯有停止飲奶奶去比賽。

以小小豬當時嘅狀態,我地都估佢唔會贏到,不過既然參加得,當然要去爬爬~

決賽嘅BB真係好利害,用左四秒幾就爬完。雖然明知道已經有人勝出左,不過小小豬都繼續爬埋佢,因為做人要有體育精神嘛!

嬴唔到大獎,都有份小紀念品,都幾好呀...哈哈哈~


其實小小豬可以由小組第一名進入決賽,我都已經覺得好難得。我真係完全冇諗過,係去參加比賽時我仲話如果小小豬可以爬完全程我已經好開心呀!

阿Q啲咁諗,小小豬人生第一場比賽(就即係初賽)已經可以拎第一名,已經好叻仔啦!

我地錄左小小豬第一次爬爬嘅短片,因為實在太緊張,所以有少少搖晃,所以大家唔好介意呀~


*♡♡小肥豬♡♡* | 12th Jun 2011 | 小小豬篇 | (17 Reads)

11 JUNE 2011 (SAT)

之前同大家講過話小小豬入選左成為「Friso 130年傳承信賴家庭照大募集」嘅六月之星,張相會SHOW係荃灣嘅「美素佳兒寶寶用品旗艦店」入面。

因為真係實在太遠太唔方便,所以都打消左帶埋小小豬一齊去影相留依個紀念。

雖然我地去唔到同小小豬一齊影相,不過我都可以有幾張相留為紀念呀!

依幾張相係BLOG友仔WOODSTOCK幫我去影低小小豬嘅蹤跡。其實我都唔好意思,因為WOODSTOCK其實係幫我去過兩次,第一次時因為佢地未完全SETUP好,見唔到小小豬。之後佢又再幫我去影,真係好感激佢嘅幫忙呀!

依度就係個旗艦店入口~

入面嗰環境~

終於見到小小豬啦~

因為佢地將130張BB相放晒落42吋大電視播放,所以WOODSTOCK要等成10分鐘先見到小小豬幾秒呀!

另一個地方,就係旗艦店內嘅「天空」中上面嘅雲出現呀~

不過小小豬張相唔知點解佢地晒出嚟好暗呀!

真係要再一次同WOODSTOCK講聲多謝,因為有你嘅幫忙,我先可以幫小小豬留低依個回憶呀!


*♡♡小肥豬♡♡* | 11th Jun 2011 | 小小豬篇 | (41 Reads)

10 JUNE 2011 (FRI)

踏入十個月嘅小小豬,又有一件新玩具。繼早前有部豬仔車之後,今日就多部勁可愛嘅叮噹三輪車呀!

大家都知道小小豬係有兩頭住家,原本我打算拎部豬仔車返自己屋企,等我地假期時可以帶佢落公園玩。不過大肥豬就唔讚成,話小小豬係小豬媽屋企時間長啲,咁等佢可以多啲玩具玩。

依個時候小豬媽就話不如買多一部,等佢兩邊都有得玩,加上當時我細路又係度話會贊助吓,就係咁就開始物色多一部車仔。

既然買多一部,當然唔好又買豬仔車,所以我地就決定買部三輪車,諗住可以玩多幾年嘛!

原本都冇打算係淘寶買,不過見有BK媽媽介紹左依部車,見又唔貴都係二百蚊左右,所以就買左佢啦!

等左幾日,今日終於都收到貨。一打開嚟睇,嘩...原來係要自己砌,又覺得好大部,所以都勁擔心買錯嘢。

最後經過小豬爸同大肥豬嘅合力,佢地都砌左成晚,終於都完成啦~

砌好左之後,即刻俾小小豬試玩吓先,開頭佢都好似有少少驚咁~

不過坐多左一陣就識應左,仲玩得好開心添~

好在砌好左都唔太大部,小小豬都玩到。依部車將會拎返去我地屋企,等假期嘅時間可以帶小小豬落公園時玩呀!


Next