香港新浪網 MySinaBlog
*♡♡小肥豬♡♡* | 29th Apr 2011 | 小小豬篇 | (13 Reads)

28 APRIL 2011 (THU)

前排同大肥豬PLAN吓帶小小豬去邊度玩時,大肥豬就建議等天氣熱啲嘅時候,帶小小豬去沙灘,可以去玩吓沙、踢吓水同陽光玩遊戲。

雖然都唔會咁快去沙灘玩,不過都要做啲準備,就係搵件泳衣仔俾小小豬啦!

唉....可能小小豬都仲細,真係勁難搵到一件啱佢身嘅泳衣。已經行晒APPITA、吉吉島、H&M….都係冇咁細件,最細嘅都只係得95碼(不過唔明白點解女孩子就會咁細件哦),小小豬又點會啱著呢,所以我地都買定左套背心短褲,等去沙灘玩水時都叫有啲夏天LOOK著呀!

就係我地買左套衫仔,唔打算再搵泳衣嘅時候,小豬媽就俾左個驚喜我地。佢今日係屋企附近嘅小店舖,搵左件細細件嘅小蜜蜂泳衣俾小小豬呀~

 

一見到件泳衣真係超鐘意,勁可愛呀,所以就係小小豬準備洗白白前扮吓B模,試吓件泳衣仔先~

小小豬著左上身之後,真係勁攪笑,勁可愛,真係冧C人呀!依家個SIZE就啲啲大,咁等多一個月左右,去沙灘時就會好FIT身。

依家見都咁可愛,去到沙灘真係唔得掂呀....哈哈哈!


*♡♡小肥豬♡♡* | 28th Apr 2011 | 小小豬篇 | (25 Reads)

27 APRIL 2011 (WED)

曾幾何時小小豬都係一個好乖嘅BB,當飲完夜晚十點幾嗰餐奶之後槑幾吓就訓著左啦!

不過唔知依排佢係唔係精力旺盛左好多,飲完最後一餐奶之後就唔願訓,放佢訓係床係度,好快就會自己爬起身企係度,之後仲不停咁傻笑,好似想搵人同佢玩傾計咁~

玩都唔止,小小豬精力多到想呢,企圖想爬上去上格床,真係俾佢既激C又笑C呀~

 

見小小豬叻叻識得自己搵嘢扶起身又笑又跳,都應該係開心。

不過,依幾晚都要玩到成點幾先肯去訓,真係有啲俾佢激親呀...哈哈哈!


*♡♡小肥豬♡♡* | 26th Apr 2011 | 小小豬篇 | (17 Reads)

24 APRIL 2011 (SUN)

難得放假又有好天氣,點可以留係屋企咁浪費呢?所以又係去玩嘅時候。

我地都一早先去同爺爺嫲嫲飲茶,之後就近近地過左鑽石山個南蓮園池行個圈,散吓步影吓相啦!

行左一陣,小小豬開始扭眼訓,所以都只係可以影到幾張相呀~

睇到依幾張相,發覺小小豬個樣真係唔同左,大個仔左好多(當然依然係好可愛啦...哈哈哈)。


*♡♡小肥豬♡♡* | 24th Apr 2011 | 小小豬篇 | (40 Reads)

22 APRIL 2011 (FRI)

復活節嘅第一天,當然係要去玩吓,所以一早就約埋一班同事一行七大兩細入數碼港行吓影吓相啦!

HIT左咁耐今次我都係第一次入數碼港,開頭仲以為交通好麻煩,不過原來有小巴係由太古直到,都算幾方便,車程都係大半個鐘左右。

數碼港個環境真係幾舒服,又唔算多人,所以都真係一個不錯嘅地方。我地邊行邊影相,都幾開心呀!

先係室內影影~

再係室外又影影~

其實我地影左唔止咁少相,因為我地影左好多兩個BB一齊嘅相,仲有啲係其他同事嘅,不過好似唔太方便放上嚟,為有只係睇我地啲靚相啦!

一大班朋友一齊玩真係好開心,所以有機會一定要再約埋去玩過呀!


*♡♡小肥豬♡♡* | 23rd Apr 2011 | 小小豬篇 | (10 Reads)

21 APRIL 2011 (THU)

有個朋友仔買左WORLD FAMILY嘅教材,佢俾左一隻PLAY ALONG小小豬睇。

我地基本上每日都會播一次俾小小豬睇,估唔到小小豬睇左一排就愛上左面嘅FOGRRY & BUNNY,一見依兩個卡通人物嘅出現,就會好興奮咁又跳又叫好開心咁呀!

見小小豬咁鐘意FOGRRY & BUNNY,所以我好想買嚟俾小小豬玩,等佢地陪小小豬一齊學習呀~

不過,我搵左一排都搵唔到,已經搵左好耐都唔覺得有。所以就想請大家幫一幫助,睇吓邊度有得買,有就記得話我知,等我買嚟送俾小小豬呀!


*♡♡小肥豬♡♡* | 22nd Apr 2011 | 小小豬篇 | (36 Reads)

21 APRIL 2011 (THU)

今日小豬媽要嚟柴灣整啲嘢,見仲有時間加上又知道我地學校放緊假,所以就帶左仔仔嚟學校探班呀!

哈哈...探班就係其次,小小豬嚟搗亂就真,佢一見到我枱面,就起勢咁拍,見嘢就拎起手就玩,見到真係唔知好嬲定好笑呀~

之後又同糖糖姐姐玩得好開心呀~

玩左半個鐘頭都冇,小豬媽就帶埋小小豬走啦!

唔知下次係幾時小小豬又可以嚟探我呢?哈哈哈~


*♡♡小肥豬♡♡* | 21st Apr 2011 | 小小豬篇 | (18 Reads)

20 APRIL 2011 (WED)

由於小小豬嘅濕疹關係,我都唔敢再係淘寶買衫俾佢,怕啲質地唔好會令佢嘅濕疹又嚟過。

不過今次我破例係淘寶買左兩件衫仔俾小小豬,因為.....依兩件就係我地嘅親子裝嚟呀!

依件係打算入迪迪尼著嘅~

依套原本都係一家三口子嘅親子裝,打算遲啲出街影相時著。點知落到嚟女裝個SIZE細左一個碼,我唔啱身,所以就轉成左佢地嘅父子裝啦~

雖然依兩件衫仔都唔係全棉,不過間唔中先著一兩次,應該唔會影響到小小豬。

真係好想快啲一家三口著住去影相,一定好SWEET呀!


*♡♡小肥豬♡♡* | 20th Apr 2011 | 好友與我 | (18 Reads)

19 APRIL 2011 (TUE)

當糖糖知道太古城中心有個LEGO展之後,就俾佢慫恿今日放工一齊去影相。

我見到近近地,加上又要幫小小豬買嘢,所以就出去影左一轉啦!

我地出到去都成五點鐘,已經唔係繁忙時段,不過都算多人(可能比起星期六日算少啦~),有啲靚嘅佈置都要等一陣先影到。

其實我都影左成百幾張相,不過我真係唔知出大家分享邊啲好,以下嘅就係我鐘意嘅模型呀~

中國式的~

香港式的~




其他世界名勝~

啲LEGO實在砌得好靚又似,真係好佩服啲人有咁多心機砌得咁靚呀!

大家如果出開太古城,真係可以行去睇一睇,值得推介俾大家呀!


*♡♡小肥豬♡♡* | 19th Apr 2011 | 小小豬篇 | (18 Reads)

14 APRIL 2011 (THU)

自從發現左小小豬識得月亮眼睛之後,總之一見到有人想撩佢玩時,佢就會整個月亮眼嚟迷人,想搵人同佢玩。

就係今日,當小豬媽睇電視嘅時候,小小豬又嚟發揮佢個迷人月亮眼,想撩婆婆同佢玩呀~

哈哈...小小豬笑起嚟對眼睛真係越嚟越矇,又越嚟越彎,所以大肥豬幫佢改左名叫『月亮王子』呀!

一見佢依個迷人月亮眼,真係俾佢電到暈得一陣陣呀!


*♡♡小肥豬♡♡* | 16th Apr 2011 | 小小豬篇 | (30 Reads)

13 APRIL 2011 (WED)

為左要培養小小豬與我地同枱食飯嘅習慣,所以如果我地食晚飯嘅時間小小豬係冇訓覺,我地就會將佢坐埋食飯枱等佢感受吓。

當然如果我地有食緊嘢而佢冇得食,依個為食嘅小小豬又點會肯呀!所以今日係我地晚飯嘅時候,小豬媽就預備左幾條菜芯俾小小豬咬,等佢可以練習咬嘢時又可以食啲菜。

睇小小豬個樣,都好似唔係好鐘意咁,仲整左啲古靈精怪樣添~

雖然話唔鐘意,不過咬咬吓,佢又食左成大半條菜啦!


*♡♡小肥豬♡♡* | 15th Apr 2011 | 小小豬篇 | (30 Reads)

13 APRIL 2011 (WED)

小小豬真係越嚟越識嘢(當然係啲曳嘢多啦),依排開始就識得嗲人同埋好痴物,尤其當我地話佢曳曳嘅時候,佢就會即刻扮晒乖咁伏係你心口,等你唔話佢。

就好似今日小豬媽同小小豬玩到攰時,訓左係梳化,小小豬又嚟。不過睇佢地兩婆孫個樣,都知佢地都係好冧啦....哈哈~

係小豬媽身上,小小豬即刻變成一隻純情小羔羊呀~

小小豬真係好痴小豬媽,總之小豬媽唔洗罵只係抱起身,就即刻伏係小豬媽身上,仲要勁乖咁唔郁。我都只係間唔中可以有依個情況出現,攪到我都有少少呷醋(只係少少)呀!

不過....小豬媽唔錫小小豬,小小豬又點會咁痴身呢?所以我其實係應該開心先真...哈哈哈!


*♡♡小肥豬♡♡* | 14th Apr 2011 | 好友與我 | (19 Reads)

13 APRIL 2011 (WED)

話說前幾日我係朋友仔CARMEN個FACEBOOK見到佢去左影ANGRY BIRD,之後係LUNCH時同糖糖提起,得佢證實之下,原來個場地就係藍灣半島。

雖然我就冇玩ANGRY BIRD,不過依家咁HIT我當然識佢啦,見個場地近近地,所以今日放工就蛇左一陣,唔返屋企照顧小小豬住,同糖糖走左一轉,影吓相啦~

影完相之後,糖糖仲帶我去食自助乳酪添~

哈哈...我真係大鄉理,因為HIT左咁耐,我都係第一次食。自己『畢畢吓』都幾好玩呀!


*♡♡小肥豬♡♡* | 13th Apr 2011 | 小小豬篇 | (75 Reads)

12 APRIL 2011 (TUE)

之前都有俾過餅仔小小豬食,依個為食嘅小小豬仲不知幾叻,唔洗十分鐘就KO左塊餅仔。

為左可以係小小豬既食餅仔之餘,又可以牙痕咬嘢,所以我同佢轉左另一隻餅仔,依隻餅真係可以用嚟練牙力,因為真係勁硬,就連我都咬唔開呀!

係初初小小豬拎起放入口時,都有啲唔鐘意~

不過『妹』左一陣,知道係食得嘅就鐘意返,仲食得好開心添~

睇佢食得幾滋味~

又肉緊~

當然...最後都係食唔晒成條,因為真係勁硬。不過間唔中俾佢食吓練習吓,等佢可以快啲出牙仔嘛!


*♡♡小肥豬♡♡* | 12th Apr 2011 | 小小豬篇 | (28 Reads)

11 APRIL 2011 (MON)

病左幾日嘅小小豬,雖然尋日開始都叫做好返好多,有返啲精神但就冇晒笑容。

唔知係唔係藥力過哂,今日小小豬即刻唔同晒,回復佢個活潑搗蛋樣,仲有返啲笑容啦~

再嚟多個得戚樣添~

 哈哈...見返小小豬咁個開心嘅樣,真係即刻安心晒呀!


*♡♡小肥豬♡♡* | 10th Apr 2011 | 小小豬篇 | (38 Reads)

10 APRIL 2011 (SUN)

今日係小小豬八個月大,真係睇佢唔覺唔覺又大一個月,睇住小小豬嘅成長,真係唔可以唔覺得時間過得好快呀!

依個月可以話有喜有悲,開心既係小小豬成日都鐘意傻笑,一見佢個月亮眼,真係乜嘢唔開心事都唔記得。

唔開心就係佢啲濕疹仲係時好時壞,加上前兩日發燒,真係好擔心佢個健康。睇見小小豬病時嗰個辛苦樣,真係寧願有事有病痛嗰個係我呀!

好在小小豬都係燒左一日,食左退燒藥就好左好多,只不過可以係啲藥影響,全日都吽吽哣哣冇晒神氣。

係屋企休息左兩日,都叫做好返好多,加上小小豬可能知道今日係佢八個月人仔嘅好日子,所以都俾返個精神我地睇,識得笑又識得玩,睇見佢玩ABC玩得咁開心,都安心晒啦~

 

睇到依幾張相,我覺得小小豬個樣大個仔左好多,同佢BB個樣好唔同,唔知係真係大個仔左定係病左幾日影響到。

不過點都好,希望小小豬唔好再有病痛,唔好再要我地擔心,可以健康咁繼續成長就好啦!


*♡♡小肥豬♡♡* | 9th Apr 2011 | 小小豬篇 | (27 Reads)

8 APRIL 2011 (FRI)

小小豬除左係打第四個月針時曾經發燒之外,都未曾有唔舒服,不過啲唔開心嘅事今日就要發生,因為小小豬發燒了。

一早起身抱起仔仔時,開頭都只以為小小豬係剛剛訓醒,所以全身都好熱。之後小豬媽一摸,就話唔對過似係發燒,所以即刻探熱,原來有成39度幾呀!

知道小小豬發燒,真係想即刻連工都唔返,留係屋企照顧小小豬。不過現實係唔容許我咁做,所以都係要返工。雖然有小豬媽照顧小小豬,不過始終都係勁擔心,成朝都冇晒心機做嘢呀!

一朝早就打電話去BOOK醫生,等到十點半先小小豬睇。終於我都忍唔住同老細講提早我個食飯時間,利用我LUNCH嗰一個鐘時間,帶小小豬去睇醫生。

開頭都以為係準備出牙仔或者係出疹先會發燒,一見到醫生就幫小小豬探熱,嘩....燒到103度,真係勁擔心。

醫生話小小豬唔係牙仔或者係出疹,係感冒引起,我都唔明白,小小豬又冇流鼻水、又冇咳,我地又冇痛帶佢去過邊,都唔知點解係感冒。不過醫生講得都要信,所以都係要乖乖咁同小小豬食藥,希望快啲好啦!

陪小小豬睇完醫生,我都安心左啲,起碼知道係乜原因。之後我就繼續返工,小豬爸就嚟車小小豬同小豬媽返屋企休息。

雖然好多人都話:小朋友唔病又點得大!不過,睇見小小豬個辛苦樣,真係勁肉痛。嚟緊真係要加陪好好咁照顧小小豬,唔好再令佢生病啦!

 


*♡♡小肥豬♡♡* | 8th Apr 2011 | 生活點滴 | (26 Reads)

6 APRIL 2011 (WED)

自買左個MORE送嘅大袋袋之後,話過要停止再買雜誌袋,留返啲錢買嘢俾小小豬。

我都忍左手半年,不過今日終於都破誡,因為又買左本NOOON啦~

哈哈..睇NONNO都係其次,主要都係為依個ANNI SUI袋袋~

個袋真係好得又大又靚,最好就係個質地厚身之餘又有拉鍊,要俾10個GOOD先得呀!


*♡♡小肥豬♡♡* | 7th Apr 2011 | 小小豬篇 | (34 Reads)

5 APRIL 2011 (TUE)

今日係清明節,原本都以為要帶埋小小豬一齊去拜山,盡吓做子孫嘅孝道。不過係前幾日,小豬爸就話小小豬仲細,加上拜山嘅地方又熱又焗,為免小小豬辛苦,所以我地就唔洗去。雖然唔洗去拜山,但我地都有係出發前去飲茶,享受一吓家庭樂嘛!

其實小小豬都唔係第一次去飲茶,之前次次都唔係坐係BB車就要我地抱住。不過佢越嚟越大個仔,就開始不甘於坐定定鐘意搗蛋。

今次當然唔例外,好想四周圍攪,所以小豬媽就建議試吓俾小小豬坐BB椅,等佢有啲新琉意開心一吓!

第一次坐椅仔,小小豬都算坐得幾穩,仲坐得好開心添~

哈哈..坐得好就有得獎勵食包包呀~

 

又嚟一張溫馨三口子先~

 

係依個幾鐘嘅飲茶時間,小小豬都係好乖乖咁坐定定,真係要俾個叻叻佢呀!

下次再去飲茶又可以俾小小豬坐椅仔啦!


*♡♡小肥豬♡♡* | 6th Apr 2011 | 小小豬篇 | (17 Reads)

4 APRIL 2011 (MON)

今日一早起身飲完奶奶,小小豬唔知仲乜心情勁興奮,小豬媽同佢隨便咁玩,小小豬就不停傻笑,所以小豬媽就捉緊依個機會,同小小豬影左好多哈哈笑相呀~


係睇相嘅時候,我發現小小豬一開心大笑起上嚟,佢對眼睛就會濛濛咁彎曲起嚟,好似掛住一對月亮係眼睛度,真係好攪笑,所以我就改左佢個名叫『月亮眼』啦!

哈哈哈...睇到依啲開心笑笑相,真係即刻開心晒。


*♡♡小肥豬♡♡* | 4th Apr 2011 | 小小豬篇 | (24 Reads)

3 APRIL 2011 (SUN)

今日難得嘅好天氣,原本打算同埋小小豬去街街影相,不過因為依隻豬豬訓晏左(平時想佢訓又唔訓,想帶佢去街街時又咁好訓,真係激C我啦!),為免趕時間,所以都係取消左個活動。

當我同小小豬都訓醒之後(因為槑小小豬時連自己都訓埋一份..哈哈),大肥豬就已經執好晒間屋,因為話要嚟個HOME STUDIO,幫我同小小豬影返啲靚相啦!

訓醒嘅小小豬特別醒神呀~

當然唔少得我地同小小豬嘅相啦~



 

超鐘意依兩張呀~

最後嚟個自拍一家三口,係自拍嘅情況吓,出奇地都算影得幾好哦~

雖然係一個簡單嘅地方,不過依幾張相我真係好鐘意,尤其係我同小小豬影嗰幾張,影得我地幾溫馨...哈哈哈!

就係因為咁,大肥豬就話平日係屋企都影到靚相,可以唔洗出去影樓影哦。真係激C我,係屋企影又點會有人幫我地影到啲一家三口嘅溫馨相哦,都唔知係唔係啲識影相嘅人都有咁嘅想法,唔鐘意俾人影!

唉..算啦..小小豬都仲細,只要大肥豬用心幫我地影,HOME STUDIO都一樣咁好,如果想影啲一家三口相,就搵啲朋友仔幫吓手,咁都未嘗唔係一個好辦法。等小小豬再大啲,先再考慮過出去影樓影啦!(不過相信機會都好微啦!)


Next