香港新浪網 MySinaBlog
*♡♡小肥豬♡♡* | 31st May 2010 | 幸福孕記 | (99 Reads)

29 MAY 2010 (SAT)

早係第一次吉之島做大減價嘅時候,都已經幫小小豬買左張MINIMOTO櫸木嬰兒大床仔,仲係一個月後已經送左嚟屋企啦!

當係送到貨嚟屋企嘅時候,大肥豬就已經好想砌張床仔,不過因為當時我覺得時間尚早,怕太早砌好會好易整污穢,所以都阻止左佢個想法。

直到上個月,我地都覺得係時間砌床仔,因為早啲砌張床仔,就可以散吓啲油漆味,之後再用消毒嘢洗床仔時,又要等一段時間散味,所以我地就決定搵日砌好張床仔啦!

原來砌床仔都有好多學問,話當砌床仔嘅時候我係唔可以在場,所以打算搵個星期六我長週嘅時候,大肥豬就留係屋企砌床仔。

當我地決定左日期之後,係同事傾計過程又知道,原來砌床仔都要搵個好日子好時間先得,最後就要小豬媽幫我搵個好日子。

終於搵到今日依個好日子,既係我長週,係下午又有一個好時間適合砌床仔。

開頭都好驚砌床仔好麻煩,唔可以係指定時間內完成。不過大肥豬話原來係好簡單,唔洗半個鐘就砌好左,真係要俾個叻叻佢先得啦~

望住張BB床,真係覺得時間過得好快,仲有唔夠三個月小小豬就會訓係張床仔度,依家個心情真係既緊張又期待呀!

 

CafeMom Tickers


*♡♡小肥豬♡♡* | 30th May 2010 | 幸福孕記 | (42 Reads)

28 MAY 2010 (FRI)

繼尋日去左聽惠氏媽媽會講座之後,今日又再去聽另一個講座。雖然好似忙左少少咁,不過聽多啲講座對第日照顧小小豬會好啲嘛!

今次依個講座係由BB CARE舉辦,題目係『產前產後60天』。

今次個講座分兩部分,第一部分原來都係尋日主講者林姑娘,由於有部分資料同尋日聽嘅都係差唔多,所以我同大肥豬都覺得有少少悶,攪到冇乜心機聽。

不過第二部分就主要係講孕婦同嬰兒營養,我地就即刻醒晒,仲好比心機聽。係後半部分當講嬰兒打針問題時,雖然知道係SELL佢地私家醫療機構打針服務,不過主講嗰位姑娘又講得好似好有道理咁,所以都攪到我地心思思都想幫小小豬去私家打針呀!

今次講座又有禮物收,就係一罐細SIZE嘅初生奶粉、細細支嘅維他命丸同埋一套手襪仔,都幾豐富呀~



CafeMom Tickers


*♡♡小肥豬♡♡* | 28th May 2010 | 幸福孕記 | (57 Reads)

27 MAY 2010 (THU)

早前係惠氏媽媽會網頁上見到有個『坐月錦囊面面觀』嘅講座,有講座聽當然我又有報名參加埋一份啦,所以今日放工就同埋大肥豬一齊去灣仔聽講座啦!

係入場時就已經收到一大袋禮物,打開嚟睇先知道原來係兩包媽媽奶嘅試飲同埋兩大罐初生嬰兒奶粉(同係街買嗰啲一樣大呀),依份禮物真係超正,又可以慳番幾百蚊呀!另外我地仲即場JOIN左BB CARE,又有一份小禮物送,所以話今日嘅收獲真係勁豐富呀~

今日個講座都講左幾樣嘢,雖然時間好似係短啲同埋唔算講得太深入,不過就完全冇悶場,我仲好比心機聽嚟學嘢添,都學到嘢初步坐月嘅知識,都算冇參加錯個講座啦!

 

CafeMom Tickers


*♡♡小肥豬♡♡* | 27th May 2010 | 幸福孕記 | (256 Reads)

26 MAY 2010 (WED)

雖然係好唔想再去政府做產檢,不過大肥豬話始終係政府醫院留資料會好啲,有起特別事上嚟都方便啲。

我見今次開始係轉介到母嬰健康院做檢查,勁近屋企之餘仲要將上次係醫院拎出嚟嘅資料交俾佢地,所以就乖乖咁又再一次去做政府產檢。

開頭都以為健康院唔洗等太耐,加上知道都係做啲普通檢查,所以今次冇叫大肥豬陪我,等佢可以留返啲假去陪我睇私家嘛!

但原來健康院都一樣都係要等好耐,雖然孕婦唔算多,不過就等嘅過程都幾耐。

我由九點鐘到達,等左成個半鐘先可以見姑娘,同姑娘傾左約五分鐘,主要都係問吓我有冇啲懷孕不適,仲教左我啲防抽筋方法,個姑娘真係勁好人呀!

見完姑娘就要再等見醫生,醫生主要都係都係CHECK吓我個肚,佢先嚟用手按吓我個肚(個醫生都幾大力,有少少痛呀),之後就俾BB個心跳我聽,聽到小小豬個心跳聲。雖然都只係得幾吓,不過聽到真係勁開心呀!

由於有親戚朋友都話我個肚仔算細,所以我成日都好擔心,咁我就問埋醫生個肚SIZE係唔係正常。醫生好好人,即刻用軟尺幫我度肚,仲同我講我肚仔係合比例唔算細,叫我唔好擔心,一聽到就即刻放心晒。

見完醫生又再等約下次覆診時間,終於我要成十一點半先可以離開健康院,足足用左兩個半鐘。

雖然係等得耐左,不過俾我個感覺健康院啲醫護人員係比聯合嗰啲好好多,所以下次都應該會返去健康院做產檢,當去聽吓小小豬心跳都好呀!哈哈~

 

CafeMom Tickers


*♡♡小肥豬♡♡* | 26th May 2010 | 幸福孕記 | (53 Reads)

25 MAY 2010 (TUE)

今日又收到另一份BB會禮物,就俾一大本優惠小冊子同埋一個袋仔啦~

雖然個袋仔唔算大,不過都可以用嚟第日放小小豬嘅濕碎嘢,所以都算係一份唔差嘅禮物嚟呀!

依排收嘅禮物好似越來越大件,唔知下次又會收到邊間公司嘅禮物呢?(哈哈...師奶仔本色又嚟啦!)

 

CafeMom Tickers


*♡♡小肥豬♡♡* | 23rd May 2010 | 幸福孕記 | (118 Reads)

23 MAY 2010 (SUN)

吉之島係依幾日又有八折優惠,雖然都為左小小豬買買埋埋好多嘢,不過都總係覺得好似唔夠咁,所以今日就再去行吓,睇吓有冇得啱心水嘅嘢啦!

其實今次去行吉之島主要都係想睇吓BB車,我地係出面都睇左好多,不過都總係心大心細咁唔知買邊部好。最後大肥豬就不停上網搵資料,終於都決定左買COMBI嘅車仔。

雖然今次COMBI BB車都只係得八五折,但之前都應該唔會再有特別折扣優惠,所以就決定買左佢。不過要等到七月先有貨送到呀~

之後就睇吓衫仔先,同我對上一次買嘅款式都係差唔多,所以就冇買到。不過就買左一包被同睡袋,有得替換嘛~

最後買左啲嬰兒專用嘅清潔用品~

今次血拼之後,好多BB嘢都應該買齊,都只係差啲濕碎嘢,咁就唔洗心掛掛咁諗仲有乜未買啦!

 

CafeMom Tickers


*♡♡小肥豬♡♡* | 22nd May 2010 | 甜蜜生活 | (45 Reads)

21 MAY 2010 (FRI)

今日係三日假期嘅第一日,加上起身時都見個天氣好好,當然好想去玩吓啦!

正當我諗緊去邊度玩嘅時候,大肥豬就話我個肚仔都大左好多,所以就提意帶我入迪迪尼玩兼影大肚相。

記得我剛剛知道有左小小豬之後,同大肥豬講過要等個肚仔好現時入迪迪尼影輯大肚相,估唔到佢仲記得。雖然依家肚仔都唔算勁大,不過有得去玩,仲要係大肥豬主動提出,當時唔放過,所以就向迪迪尼出發啦~

可能係假期關係,今日真係超多人,不過好在多人排隊都只係玩機動遊戲,我都冇得玩,所以對我地都唔係太大影響,好在唔係太多人排隊影公仔,所以我都影左好多呀~

係我地同公仔影完相之後,見到有個CM派星級襟章,我又走埋去拎,位CM仲俾左三個添(有一個係俾BB呀...呵呵呵~

當然唔少得入店舖倒亂一番,攪毛毛公仔影吓相啦~

休息左一陣我地就係城堡前影相,今次我地帶埋腳架,所以影左好多靚靚合照~

雖然已經係邊行邊休息,不過玩左成大半日,都真玩到一半就已經開始跌WATT,所以六點幾就打算走。不過係我地準備離開時,又係大街附近影吓相,仲幫我影左好靚大肚相添~

有得入迪迪尼玩真係好開心,不過真係體質唔同左,玩左成日都好攰呀。

相信今次之後,我都會有一段時段冇得入嚟玩,要等小小豬幾歲時先可以再入嚟啦!


*♡♡小肥豬♡♡* | 21st May 2010 | 幸福孕記 | (51 Reads)

20 MAY 2010 (THU)

今日係信箱又收到一份BB會禮物,就俾惠氏BB會送嘅書仔一本~

雖然份禮物主要唔係俾BB,不過本書仔都唔差,都好詳細講解成個懷孕過程要注意事項,同埋原價都要成$88呀!

哈哈...今日又賺多一份禮物,希望陸陸續續會收到更多禮物啦!

 

CafeMom Tickers


*♡♡小肥豬♡♡* | 20th May 2010 | 生活點滴 | (52 Reads)

20 MAY 2010 (THU)

早前係電視介紹長洲搶包山活動時,大肥豬就話好想同我入長洲行吓,買個平安包俾我食等我平平安安全。

佢依個想法當然係唔可行,因為依段時間長洲一定係會有好多人,咁迫人就唔啱我去,所以都係想吓就算啦!

不過,今日大肥豬放工時就買左份小禮物,就係依一個平安包~

哈哈...估唔到唔洗入長洲都可以食到平安包,真係有啲覺得攪笑添。

依個包包大肥豬係九龍塘MTR入面間榮華餅店買,真係估唔到啲餅店咁識做生意,要俾個叻叻佢地先得啦!


*♡♡小肥豬♡♡* | 18th May 2010 | 幸福孕記 | (69 Reads)

17 MAY 2010 (MON)

之前係WORLD FAMILY迪士尼登記左做會員,嗰間機構就寄左封甜心寶寶禮物包換領信俾我,所以今日趁大肥豬出開旺角整嘢,所以就叫佢去換禮物啦!

嘩...加加埋埋有成廿幾件嘢,好似好豐富咁呀~

不過啱BB用嘅都只係有依啲~

其他就係兩支細細SIZE嘅油同一批宣傳單張啦~

雖然唔算係太合用,不過有禮物收都係一件開心事呀!唔知下次係幾時再有BB會禮物收呢?希望陸續有嚟就好啦...哈哈!

 

CafeMom Tickers


*♡♡小肥豬♡♡* | 16th May 2010 | 幸福孕記 | (106 Reads)

16 MAY 2010 (SUN)

早前係BABY KINGDOM收到風,話PAMPERS係惠康做緊特價,初生用嘅片片都係$79.8/2包。如果用埋之前入BB會送嘅$40 COUPON,即係 $39.8/2包,真係抵到唔知知形容呀!

見咁抵我當然唔放過,所以今日就去左掃貨。加埋之前同事俾我張COUPON,我總共買左四包呀~

雖然好似師奶仔左少少,不過買左四包真係慳左唔少,樣樣慳啲咁先可以買更多啲嘢俾小小豬嘛!

 

CafeMom Tickers


*♡♡小肥豬♡♡* | 15th May 2010 | 幸福孕記 | (51 Reads)

15 MAY 2010 (SAT)

前幾日係信箱收到一封掛號信通知書,由於係通知書上面係寫左我個英文全名,都以為係叫我去投票嗰啲信又或者係政府信件。

今日趁大肥豬放假,所以就叫佢幫我去郵局拎信。佢一收到份包裹就即刻打俾我,講我聽原來封掛號信唔係政府嘢,係我一位朋友寄左啲禮物俾我。

聽完之後真係心思思,估唔到係啲乜,又諗係邊個知我我個英文全名。所以放工一返到屋企就即刻拎開份禮物嚟睇,原來係我個中學同學CARMEN寄俾我呀!

應該係講.......啲禮物係送俾小小豬先真~

真係好鐘意啲禮物,尤其係嗰兩件玩具,好得意仲係小小豬嘅第一份玩具嚟呀。

係度要同CARMEN講多謝,收到依份禮物真係好開心兼驚喜呀!

 

CafeMom Tickers


*♡♡小肥豬♡♡* | 14th May 2010 | 幸福孕記 | (219 Reads)

14 MAY 2010 (FRI)

今日真係好激氣,好唔開心,令我對政府醫院嘅服務進一步失去信心。

事緣我早排收到聯合醫院寄左封信俾我,話我上次抽血做嘅血糖測試數字唔多理想,約我返去飲糖水兼抽多兩次血做測試。

係我上次抽血時我都已經俾抽血嗰位學員攪到我個針口瘀,仲痛左幾日。所以當知道要去再抽血時都已經驚驚地,加上又擔心自己血糖唔PASS,所以都DOWN左成晚。

後來大肥豬就建議不如問返我個私家醫生,如果佢都會幫我做同樣測試,咁就直接去私家做,起碼信心大啲之餘仲唔洗做兩次,等我唔好浪費晒啲血咁話。

終於我都係冇番聯合做,因為我都已經決定左係私家生,所以都覺得由頭至尾係私家做晒所以測試會好啲,最多到時俾番個REPORT聯合留資料做個保障。

不過今日返工時段收到聯合姑娘打嚟,一打嚟就係咁罵,又話我唔合作,仲咒我血糖測驗唔PASS要見營養師添,根本就係唔俾機會我講嘢,完全冇理會我嘅感受,真係勁嬲,攪到都冇晒心機做嘢呀。

都唔明白點解政府啲醫護人員係咁,上次產檢時個醫生又串串咁,今次又俾姑娘罵,真係對政府醫院完全失去晒信心,真係好想唔再番去做產檢呀!

 

CafeMom Tickers


*♡♡小肥豬♡♡* | 12th May 2010 | 幸福孕記 | (85 Reads)

12 MAY 2010 (WED)

早前係BABY KINGDOM見到有準媽媽通知話有香港母乳育嬰協會派發嘅母乳育嬰手冊,見有好嘢我又點會放過,所以我都申請埋一份,諗住睇多啲依方面資料對第日都有幫助嘛。

都係上星期尾先申請,估唔到今日就收到,真係有效率啦~

睇左少少,覺得雖然本書仔細細,但都好似講得好詳細,睇晒成本都應該母乳會有進一步了解,所以都真係要慢慢咪熟佢先得!

有好嘢當然都想同大家分享,有興趣嘅準媽媽就去以下網址登記啦!  http://www.breastfeeding.org.hk/form/1505

 

CafeMom Tickers


*♡♡小肥豬♡♡* | 11th May 2010 | 幸福孕記 | (73 Reads)

11 MAY 2010 (TUE)

依幾日都幫小小豬收到小禮物,首先係早前糖糖送嘅幾件衫仔~

另一樣就係今日收到同事B小姐送嘅襪仔~

唔係收到份禮物,我都唔知原來我都未買過依啲襪仔俾小小豬,成日都掛住買衫,其實都應該仲有好多嘢我係未買或者係買唔夠用。除此之前,我產後用品仲係完全未買過添。

小小豬出世嘅日子就越來越近啦,趁住我依家都算有精神,真係要開始買番啲用品先,唔係到時都唔知點算好啦!

我依個初哥其實有好多嘢唔識,雖然都已經成日去啲網站度睇,不過都總係有啲嘢係唔明,所以唔知有冇啲媽媽級朋友仔可以介紹啲好用嘅嘢/牌子俾我同小小豬呢?

有你地嘅推介,等我唔洗隨便地買就買錯嘢...係度講聲麻煩晒先啦..哈哈!

 

CafeMom Tickers


*♡♡小肥豬♡♡* | 8th May 2010 | 甜蜜生活 | (56 Reads)

8 MAY 2010 (SAT)

今日個天氣唔錯,所以大肥豬就捉左我去行公園散步兼影靚相。

突然間大肥豬就醒起上次去聯合產檢時睇到醫院對面有個中式嘅公園,於是我地就出發去依個公園啦!

個公園佈置都唔差,不過就細左啲啲,都係得幾個位置可以影相。但都有一個好處,就係都算少人行,可以慢慢影,冇人阻住呀~

當然唔少得影吓合照啦~

雖然公園環境雖然唔差,不過有一樣嘢係勁唔好,就係有好多蚊滋仔飛嚟飛去。我地影左一陣終於都頂唔須啲蚊滋仔打擾,行左一個鐘左右就走人啦!


*♡♡小肥豬♡♡* | 5th May 2010 | 幸福孕記 | (268 Reads)

3 MAY 2010 (MON)

自上次係冒險樂園玩擲彩虹贏左隻長頸鹿之後,我地都間唔中會去玩吓擲彩虹,不過我地都好有節制,每次都只係玩十個金幣,擲唔中就走人,唔沈迷呀!

今日食完飯返到屋企附近,吉之島行左個圈之後,路過冒險樂園,我地個引又嚟,所以就唱左十個金幣嚟玩。

我就冇乜運,都擲唔中任何獎品,不過大肥豬就好利害,擲中粒星星有成3000分,真係未試過,係擲中嘅時候我地都真係唔肯相信呀....哈哈!

見有咁多分,我地就八卦吓有乜好獎品換,係冇意中就見到有啲嬰兒用品換,所以就換左一張尿墊同大毛巾俾小小豬啦~

除左依啲之外,我地仲見到有啲NUK嘅用品換添,真係估唔到冒險樂園都有嬰兒用品換。

希望下次玩嘅時候都可以好似今次咁好運,等我地可以係玩之外,仲可以換啲禮物俾小小豬啦!

 

CafeMom Tickers


*♡♡小肥豬♡♡* | 4th May 2010 | 幸福孕記 | (59 Reads)

3 MAY 2010 (MON)

唔經唔覺又一個月,又係去做產檢嘅時候,又可以見到小小豬啦!

其實次次去產檢嘅時候都好擔心,總係好驚小小豬會有問題,又好擔心唔健康咁成長,總之係就一踏入醫務所就得一個字....驚。

今次就仲有多一個擔心,就係好驚我自己唔夠磅。因為上嗰幾個月基本上我都唔係重好多,又唔係太肥,平均都係一個月重一磅左右。醫生話今次要我重四磅先算合格,所以都真係勁驚,好驚自己又唔合格,令小小豬唔吸收,生長得唔健康。

係一個驚慌心情下上磅,一睇個磅數,真係勁開心,今個月終於都合格,總共重左五磅,即刻放上心頭大石,輕鬆左啲啲。

等左一陣就見醫生,先同醫生講返我今個月個身體狀況,之後就去見照超聲波見小小豬啦!

係超聲波機見到小小豬,佢今個月又大個左,醫生度頭仔、腰仔同腳仔時都係比預產期周數大,其他各方面都生長得好好,叫我唔好擔心。 

聽到醫生咁講真係即刻放心晒,不過我係唔會放鬆,要繼續食多啲有營養嘢,等我下個月個磅數又可以合格之餘,小小豬又可以繼續健康咁生長。

 

CafeMom Tickers


*♡♡小肥豬♡♡* | 2nd May 2010 | 生活點滴 | (33 Reads)

2 MAY 2010 (SUN)

今日我地一家同小豬媽預祝母親節,成日個節目都真係勁豐富。

首先我地一家人就去飲茶,之後小豬爸突然提出話想去睇葉問2,所以我地就一行六日去左太古城睇戲啦!

雖然我對葉問2興趣不大,因為都唔係太鐘意睇打交戲,不過大家都好興致勃勃,加上我地都真係好耐未試過一家人一齊去睇戲,所以就即刻買飛啦~

可能係假期關係,我地都只係買到頭四行飛,就連第一行都有人座,真係勁爆場呀。

講番套電影先,整體上都幾好睇,不過我就覺得個故事簡單左啲啲。好攪笑嘅就係當葉問係度打雷台時,小小豬又係我肚仔入面不停咁郁,唔知係唔係佢都睇得興起,要練吓詠春拳呢...哈哈哈哈!

睇完電影見仲有時候,所以就去行吓吉之島同太古城中心SHOPPING一吓。今次我就冇收獲,反而小豬媽同小豬爸都買到心水嘢。

當我地行到去APITE嘅時候,見到有北海道牛奶布甸,為食加上肚仔餓餓地嘅我,見都唔係太凍,所以就同LULU妹買左兩支嚟試。我都係第一次食,真係勁好味,就連一向唔飲牛奶嘅小豬媽都讚不絕口呀~

時間都差唔多,所以我地就開始入石澳準備食晚飯。今次我地都係去番上次食過嗰間泰國餐廳,仲叫左好多嘢食添~

邊食邊傾計,又講番好多我地細細個嘅瘀事,都真係好開心呀~


*♡♡小肥豬♡♡* | 1st May 2010 | 幸福孕記 | (25 Reads)

30 APRIL 2010 (FRI)

今日幫小小豬又收多份禮物啦,小小豬未出世都已經收到咁多禮物,真係開心啦!

今次依俾禮物係BLOG友仔NOEL送,係一套好靚嘅GIFT SET嚟呀~

依套GIFT SET真係好靚,仲有好多配件,樣樣都好得意同實用,真係好鐘意呀!

係度代小小豬同NOEL姐姐講聲多謝,要你破費真係唔好意思呀!

 

CafeMom Tickers