香港新浪網 MySinaBlog
*♡♡小肥豬♡♡* | 31st Jan 2010 | 甜蜜生活 | (37 Reads)

31 JANUARY 2010 (SUN)

今日天氣好好,所以大肥豬就建議同我出尖東海旁行吓(浪漫吓哦)。見出開尖沙咀,又記得早前見有朋友仔去海港城影左啲好可愛嘅虎BB公仔,所以就順便去埋影..影...影啦!

啲虎BB真係好得意,好多人都排隊等影,但排我前前後後嗰啲都係小朋友,攪到俾大肥豬笑我同小朋友爭位置。不過啲公仔咁得意,又點可以唔影呢...哈哈~

自聖誕過後,都有一段時間冇去影相,不過見到好多商場都已經做好新年佈置,所以嚟緊應該又可以去大影特影一餐啦!


*♡♡小肥豬♡♡* | 27th Jan 2010 | 生活點滴 | (19 Reads)

26 JANUARY 2010 (TUE)

今日返工就見到史迪哥哥買左好幾張史迪仔嘅揮春佈置佢個坐位,見佢貼得咁開心,攪到我都心思思買啲揮春佈置吓我個位。

都知道唔會有玉桂狗或者MARIE嘅揮春,即刻醒起上次係7-11買小雲利是封時都見到有出揮春,所以今日食完LUNCH之後就去左買揮春,買完仲即刻貼左係個櫃面添~

哈哈...雖然係少少地兩張,不過貼左佢都幾有新年氣氛,望住嚟做嘢都做得開心啲嘛!


*♡♡小肥豬♡♡* | 25th Jan 2010 | 生活點滴 | (12 Reads)

25 JANUARY 2010 (MON)

等左都有一段時間,終於都可以擁有SAMMI所著作嘅新書『值得』~

其實依本書係SAMMI演唱會期間開始推出,不過當時我冇買到個BOXSET,所以唔可以即刻擁有。之後去過幾間書局問都已經賣哂,最後冇辦法之下,只好去商務書局登記,等佢地有書就通知我。

好彩地...登記約一個星期左右就收到電話可以有得去拎,所以今日放工就即刻出左商務帶佢返屋企。

由今晚開始,我就開始好努力地溫書啦!


*♡♡小肥豬♡♡* | 21st Jan 2010 | 好友與我 | (13 Reads)

21 JANUARY 2010 (THU)

今朝早一落到管理處大堂,管理員姐姐就好大聲同我講:吳太,你有份郵包係唔係依家拎左先呢!

嘩...真係奇遇呀...我搬左入嚟依座大樓都有兩年多,依位管理員姐姐都係第一次叫我做吳太,平時我出入都只係對我笑吓。哈哈...唔知係唔係新年將近,要好口啲呢!

講番正題先,原來依份郵包係PRINCESS YOYO送俾我嘅新年禮物。一返到公司電腦都未開,就好心急咁即刻拆禮物啦~

哈哈...YOYO真係好有心思,除左DIY左張四葉妹妹咭同靚靚手鏈俾我之外,仲有一個好切合我小肥豬身份嘅豬仔散紙包,依幾樣物件我好鐘意。

在此真係要再次感謝YOYO嘅禮物同心意!


*♡♡小肥豬♡♡* | 19th Jan 2010 | 生活點滴 | (21 Reads)

18 JANUARY 2010 (MON)

唔經唔覺仲有一個月唔夠就到新年,今年已經係我第三年派利是,雖然派利是都會有少少傷(我指係銀包受傷),不過都係一件開心事嚟嘛。

對上兩年我都可以入迪迪尼買啲靚靚利是封俾啲特別嘅人,但因為今年我都已經冇左張AP,冇得入園買啦,所以都開始去啲精品店睇吓,買啲靚靚利是封啦!

今日同糖糖食完LUNCH時,循例去精品店八卦時,竟然俾糖糖搵到MARIE利是封。雖然印象中好似之前都出過,不過MARIE哦....當然唔理佢係唔係新款,即刻買左佢啦~

除左MARIE之外,路經7-11想八卦睇吓有冇新雜誌時,就俾我見到有啲好得意嘅小雲利是封,見佢咁得意又唔貴,仲好少見小雲著中國裝,所以又入左兩包貨啦~

當然除左可愛公仔款利是封之後,大肥豬都俾左啲公司免費派嘅利是封俾我,雖然都係啲普通款,不過唔洗錢都幾好,可以慳番啲嘛~

 


*♡♡小肥豬♡♡* | 14th Jan 2010 | 生活點滴 | (17 Reads)

13 JANUARY 2010 (WED)

自從係十月買左CanCam雜誌送一個大SIZE嘅HOUSE of JILL STUART袋之後,我都好留意新出嘅日本雜誌,睇吓仲有冇靚袋送。

開頭仲估聖誕期間會有好嘢送,但原來聖誕仲比平日靜,好多雜誌都冇嘢送呀!

等左一段時間,終於都俾我等到又有好嘢送。今日同糖糖食LUNCH時見到報紙檔有新一期non-no出版,見附送左一個大袋袋又幾靚哦,加上報紙檔又有優惠,平左六蚊,就係咁....我地就每人買一本啦~

non-no都算係一本唔錯嘅日本雜誌,還記得當年年紀細嘅時候,我期期都有買,參考吓日本妹嘅衣著。不過隨住年紀開始大,唔可以再扮後生,所以就冇再買嚟睇啦!

今次再買當然主要都唔係為睇雜誌,都係為左依個袋袋啦~

返到屋企即刻開個袋袋嚟睇,又真係幾靚同大個,都幾實用~


*♡♡小肥豬♡♡* | 12th Jan 2010 | 生活點滴 | (16 Reads)

12 JANUARY 2010 (TUE)

閉關左一段時間,真係同外界有少少脫節,唔係今日行過CD鋪入去八卦吓,都唔知HOCC同KARY都出左新CD添。

哈哈..依兩隻碟都出左一段時間,依家先嚟買真係好似有啲OUT。一係就唔買,一買就買兩隻,冇法啦,邊個叫我儲開佢地嘅CD,所以諗都唔諗就用左三百蚊買左佢~

雖然好似有少少敗家,不過隻碟又真係幾好聽,尤其係HOCC隻演唱會DVD有埋SAMMI做嘉賓嗰PART,所以貴少少都值得呀!


*♡♡小肥豬♡♡* | 7th Jan 2010 | 甜蜜生活 | (60 Reads)

6 JANUARY 2010 (WED)

唔舒服左都有好幾日,攪到都冇咁胃口不過今日突然間條引出左嚟好想食小籠包,就係咁...今晚大肥豬就帶左我去食餐好啦~

哈哈.....一入到去當然諗都唔諗,即刻ORDER我嘅至愛小籠包啦,我仲好勁咁一個人食左三大粒添,真係勁好味呀~

大肥豬就ORDER左一個炸醬麵,都OK啦,不過就好似細碗左啲~

我就嚟個上海粗炒,都幾大碟,雖然就咸左啲,但都可以接受~

最後我地仲ORDER左一碟窩貼添,不過因為之前已經食左好幾隻小籠包,所以今次到大肥豬一個人食三隻啦~


*♡♡小肥豬♡♡* | 2nd Jan 2010 | 好友與我 | (15 Reads)

2 JANUARY 2010 (SAT)

一連九日嘅假期終於都完結,終於都要回到現實要返工啦!

講真....今個聖誕假又真係有啲浪費,因為唔係好舒服,所以就日日都係HEA係屋企訓..訓...訓...唔想周圍去,所以都可以話我真係訓到不知時日,唔係大肥豬提我,我都唔記得今日要返工。

唔知係唔係HEA到個人都傻傻地,今朝簡直係唔想起身,內心都掙扎左好耐,攪到有新一年第一日返工就遲左少少添。(哈哈....真係自己都覺得自己好懶惰)

雖然今日都係懷有勁重HOLIDAY MOOD返工,不過一返到工就遇到啲開心事.......就係有禮物收呀~

雖然係一份遲來的聖誕禮物,不過對我嚟講係一份新年嘅禮物,新一年就有禮物收,好意頭哦,真係多謝晒糖糖同小肥肥,仲有史迪哥哥嘅糖呀!