香港新浪網 MySinaBlog
*♡♡小肥豬♡♡* | 29th Nov 2009 | 甜蜜生活 | (33 Reads)

29 NOVEMBER 2009 (SUN)

今日見冇乜特別節目,所以就同大肥豬去左荷里活廣場行街SHOPPING,打算同大肥豬置啲新衫。

我地一行到去大堂就見到有一個以鹿為主角嘅佈置,見咁得意又咁有聖誕FEEL,當然要影吓啦~


之後大肥豬見旁邊有啲聖誕波波,嗰度係一個冇人發現嘅靚位~

真係越嚟越鐘意聖誕節,四周都係靚靚佈置,見到個人都已經好開心,影埋靚相就仲開心呀!


*♡♡小肥豬♡♡* | 26th Nov 2009 | 好友與我 | (14 Reads)

24 NOVEMBER 2009 (THU)

除左衣城的SANRIO VILLAGE之外,係杏花新都城都有個CHRISTMAS IN BLACK嘅聖誕佈置,當然我都唔放過機會,今日放工就捉左糖糖陪我去行一轉啦!

其實經過上次IQ博士,都知道個位置應該唔會太大,但我又曾經見過有朋友仔分享左好多靚相,所以都有少少期望。

點知…一去到見到,真係勁失望,上次IQ博士都只你用繩帶圍住,都可以行入少少易影啲,但今次個佈置前都圍晒鐵欄,想行埋啲都唔得,所以都唔可以好似青衣城咁同公仔有親密接觸啦!

不過既然去到,就當係欣賞吓個佈置,影吓啲公仔啦~

 一場嚟到,點都要留個紀錄同公仔影~

之後上埋二樓少少佈置地方,都有聖誕樹同畫廊呀~


如果順路入開杏花新城都可以去影吓,啲公仔真係好靚,但就唔好專登入去,因為真係唔洗幾分鐘就可以影晒,又唔可以同公仔影,唔好連車費都蝕埋呀!哈哈~


*♡♡小肥豬♡♡* | 25th Nov 2009 | 好友與我 | (28 Reads)

22 NOVEMBER 2009 (SUN)

離開360之後,我地就出發去青衣,往去下一個節目進發。

去到青衣城,第一時間就去醫肚先,我地去左稻香打邊爐。不過可能係星期日關係,BOOK左枱都要等成個鐘先有位,仲要限食兩個鐘。我地都唔係任食嗰種,真係唔明白點解要限時間?

食飽飽之後,就去SANRIO VILLAGE啦,嗰度雖然地方唔算大,不過成個佈置加上SANRIO人物,真係好靚呀~

同上次影IQ博士一樣,想入去影相就要隨便捐款,同等場地工作人員分批安排入去。

係等嘅時候都唔好浪費時間,就離遠影吓佈置~

排左二十分鐘左右,就到我地入去啦。由於時間所限,所以一入到去就叫大肥豬一見公仔就同我影~

雖然都叫做影晒啲大型公仔,其實仲有好啲嘢都未睇,想睇清楚啲公仔都冇時間。

講真...捐款就冇所謂,不過只係得15分鐘時間入去影,又真係好似太趕啦!


*♡♡小肥豬♡♡* | 24th Nov 2009 | 好友與我 | (14 Reads)

22 NOVEMBER 2009 (SUN)

早起半年有多嘅時候,同小M傾玩去邊度玩時,大家都有提意去昂坪360,因為始終仲未擺脫個驚恐心理,所以一直都冇約到。

終於的起心肝,約埋大小M今日一齊去挑戰360啦~

可能我地時間尚早,所以都唔算多人,排左唔洗半個鐘就買到飛啦~

不過,原來買完飛都仲要排半個鐘左右先可以上車~

大家一上到車廂就已經勁興奮,車到未開出,就已經不停影..影...影,係車廂入面行嚟行去,真係仲開心過同車廂嘅遊客呀~

當然要周圍影吓風景啦~

經過約廿分鐘車程,終於都到達啦!講真又唔係真係咁驚,加上我地係車廂入面又不停影相,反而係覺得咁快到目的地添。哈哈...我成功挑戰360啦!

到達昂坪市集就見到有個小型覽車展,不過真係冇乜嘢睇,隨便影張相咁啦~

之後就見到有隻靈候,見唔洗排隊就影吓啦~

之後我地就開始大佛遊,先去寶蓮寺參觀影相~

再行上大佛,唉..不得不覺得自己年紀大,行上大佛都已經上氣唔接下氣~


係大佛逗留左一陣,我地就出發另一個地方,依個地方我次次嚟大佛都好想去,不過都係機會...就係心經簡林啦~

開頭仲以為係大佛附近,不過原來都幾遠吓,係鳳凰山腳下,都要行左成十五分鐘先到~

行埋依個地方,我地個大佛遊都已經尾聲,要搭車走啦。不過我地走嘅時候勁多人,就計排隊上到車廂都要用左一個半鐘,真係勁呀~



回程時都已經黃昏,加上玩左成日都已經好攰,所以都冇乜點影相,慢慢咁欣賞風景~


*♡♡小肥豬♡♡* | 23rd Nov 2009 | 甜蜜生活 | (55 Reads)

21 NOVEMBER 2009 (SAT)

今日參加左大肥豬公司舉辦嘅包團遊船海活動,由於都係第一次遊船海,加上又係同大肥豬嘅同事一齊,所以都緊張之餘仲有少少驚失禮呀。

一早去到大學站集合,等左一陣就行去碼頭上船啦~

離第一個目的地都有相當遠嘅船程,係船上冇嘢做,所以大肥豬就同我出左船頭睇風景兼影相。不過由於風真又勁又凍,吹都個頭成個傻婆咁,所以睇左一陣都係頂唔順要番入船艙入面啦~

經過唔知幾耐嘅船程,終於到達行程第一個目的地.....荔枝窩~

原來依度出名係睇樹,首先就係一棵全港最大嘅『空心樹』(都係導遊介紹,唔知係唔係真)~

之後就係一棵叫『樹食樹』~

最後就係『五指樹』~

之後就行入去荔枝窩村嘅自然徑睇樹藤~

一入到自然徑,真係大開眼界,原來啲樹藤可以係咁靚,好在時間許可,所以影左好多靚相呀~

時間差唔多,又係時候去第二個目的地。搭半個鐘左右船程,就去到鴨洲啦~

原來鴨洲對面就係深圳嘅鹽田港碼頭呀~

導遊帶左我地去鴨頭位置,嗰度有好多石洞仔,又近海邊,個VIEW真係好正呀~

係離開嘅時候,導遊仲叫船駛去俾我地睇個鴨洲個全相,不過我都唔多覺得似鴨形~

下一個目的地就係吉澳~

先食一個風味午餐之後,又再繼續行程,先去參觀天后廟,再去睇吉澳特式『姻緣樹』~

到自由活動時間,當然唔放過機會影..影...影啦~

到最後一個活動,就係回程船上睇山石,可能我幻想力唔多豐富,所以好多我都睇唔出似乜,不過都真係好特別呀~

今日嘅行程真係好豐富,原來香港都有啲咁特別嘅地方,真係大開眼界。如果再有機會,都可以再參加依啲船海活動。

不過最好就等天氣冇咁凍先,因為真係俾啲風吹到我傻左呀!


*♡♡小肥豬♡♡* | 21st Nov 2009 | 甜蜜生活 | (36 Reads)

20 NOVEMBER 2009 (FRI)

之前發現張CF咭壞左,所以要即刻買番張,等今個WEEKEND有得用。為免張新CF咭有問題,所以今日買左張咭之後,即刻去試吓啦!

當然近近地再去番APM啦,係等大肥豬嚟之前,我就拎住部機周圍影。原來我影嘅都唔差,都影得唔錯呀~

先影大堂嘅佈置~

再上二樓影~


波波中的我~

影左一陣就JOIN左大肥豬,哈哈...到影我啦~

等我有機會的話去多啲商場影多啲聖誕佈置先得。


*♡♡小肥豬♡♡* | 17th Nov 2009 | 我的D女 | (48 Reads)

16 NOVEMBER 2009 (MON)

APM已經換左聖誕佈置,當然想優先去八卦吓同影番幾張相啦,所以今日返屋企前就去影...影...影。

今年比起上年靚好多,仲有華仔設計嘅黑白公仔做主角(唔記得左對公仔個名添),雖然個主景有欄杆圍住,但我都影左好多張。

不過....黑仔王嘅我真係勁黑仔,返到屋企想用電腦READ番啲相時發覺,張CF咭壞左,LOAD唔到啲相,真係勁唔開心......好在之前嘅相已經做左BLACK-UP,所以都只係損失左今日係APM影嘅相,咁都算不幸中的大幸。好在APM都算近,搵日再去過影啦。

雖然冇晒我啲相,不過我習慣用DC仔影D女,所以都仲有少少相睇住先~

 


*♡♡小肥豬♡♡* | 16th Nov 2009 | 我的玩具 | (107 Reads)

15 NOVEMBER 2009 (SUN)

百萬行依個咁好玩又有意義嘅活動,當然唔可以少左我四葉妹妹一份,開始啦~

今次個目的地....昂船洲大橋,好宏偉呀~

好...我一定要努力行晒整段路先得~

嘩...原來都有好多人參加,好熱鬧呀~

沿途風景都唔錯,好舒服呀~

行到攰要坐底休息一吓先~

YEAH......完成啦...完成啦...行畢全程啦~


*♡♡小肥豬♡♡* | 15th Nov 2009 | 生活點滴 | (22 Reads)

15 NOVEMBER 2009 (SUN)

咁大個女都未參加過百萬行活動,早前知道有一個百萬行活動,所以同大肥豬一齊參加,貪玩之餘又可以做吓善事嘛!

今日一早就去到目的地,接過PASS準備啦~

排隊上大會提供嘅接駁車~


開始啦~

到達目的地啦.....昂船洲大橋,依條橋仲未正式行車,聽主持介紹係全亞洲第二條長嘅索橋呀~

開頭以為到達目的地就開始行,不過原來係要有個開步禮~

等左一陣,有銀樂隊表演完之後,由唐司長帶領下,終於可以正式行百萬行啦~

開始行嘅時候,我又可以周圍影相啦~

難得可以係天橋上行,當然影吓相留念啦~

過左天橋段,就到隧道~

行到依個位,真係要休息一陣。我都有帶埋四葉妹妹一齊行,仲同妹妹影左好啲相添,留番下篇再俾大家睇啦~

經過三個鐘左右,終於都完成左啦~

嘩....行左成三個幾鐘,真係攰到難以形容。不過,其實今日都算行得舒服,唔太熱又唔太凍,仲冇落雨,係比較大風,整體上都OK。

行完之後,搭番專車落青衣城食完個LUNCH之後,就即刻飛番屋企休息啦!


*♡♡小肥豬♡♡* | 14th Nov 2009 | 我的D女 | (49 Reads)

14 NOVEMBER 2009 (SAT)

成日都聽SUGARMAG嘅B女衫好靚,不過就好少見到有細細件啱D女著。

早排當我係YAHOO拍賣場睇BLYTHE時,唔覺意搵到有一件啱細B嘅衫,我見又唔算貴,所以就買左佢,等我個D女都可以一試SUGARMAG嘅衫仔~

有新衫仔,當然要即刻試上身,影靚相啦~

哈哈...係頂帽細左少少,不過都真係好靚呀!


*♡♡小肥豬♡♡* | 13th Nov 2009 | 生活點滴 | (35 Reads)

12 NOVEMBER 2009 (THU)

終於明白什麼叫牙痛慘過大病!

早排啲左下嘅牙仔唔係幾舒服,所以就叫大肥豬幫我BOOK睇牙醫。啲牙醫真係FULL BOOKING,一約就要等成個星期先可以去睇,真勁呀!

原本都以為係普通牙問題,點知牙醫一睇,原來係智慧齒影響,要脫牙。(成日都以為自己冇出過智慧齒,原來我係有智慧..哈哈)雖然我都好驚,不過都係要脫,咁我就乖乖去照X光。

點知........照完之後,醫生話我左上都有隻智慧齒有向橫生情況,為防止會發炎情況,都建議我脫埋佢。

就係咁,我就要脫去左面上下各一隻智慧齒~

脫牙之前,我都唔知打左幾多次麻醉針,當打係上牙骨附近位置時,我真係痛到喊左出嚟,好似拆天咁,真係勁失禮。

當醫生脫牙中途,雖然都已經麻醉左,不過成身都震晒咁。好在大肥豬陪埋我入去,幫我按摩對腳之外,又俾隻手我捉住,感覺上有人支持住。

經過半個鐘時間左右手術過程,終於都脫晒兩隻牙,換嚟就係一日假期同兩包止痛消炎藥~


*♡♡小肥豬♡♡* | 12th Nov 2009 | 生活點滴 | (20 Reads)

10 NOVEMBER 2009 (TUE)

前幾日係CAMEN FACEBOOK見到佢買左件得意物品,剛好今日行路萬寧時都見到,所以我就貪得意又買埋一份。

大家估吓佢乜嚟~

哈哈...真係好攪笑,係唔係好似細個係幼稚園用嗰啲槳糊呢,但其實係CREAM嚟呀~


由於用開嘅CREAM仲未用晒,所以我都未開嚟用,不過佢話有馬油成份,好似好潤咁哦。


*♡♡小肥豬♡♡* | 10th Nov 2009 | 好友與我 | (17 Reads)

09 NOVEMBER 2009 (MON)

早排經糖糖介紹,認識左佢一位BLOG友仔~~PRINCESS YOYO,其實開頭係因為我想係淘寶網買嘢,所以就去八卦,睇吓佢買嘢嘅經驗,不過後來就俾佢嘅小手工同得意公仔吸引住。

早幾日她話整左一張心意咭俾我,當時我真有點受寵若驚,終於今日收到張靚靚心意咭啦!

除左張DIY心意咭之外,YOYO知道我鐘意同公仔影相,仲送左兩包食玩俾我添~

係度真係要再一次多謝YOYO,一份來自網上的心意。


*♡♡小肥豬♡♡* | 9th Nov 2009 | 甜蜜生活 | (29 Reads)

08 NOVEMBER 2009 (SUN)

今日我地又向三家村出發,不過今次唔係去影相,而係去三家村碼釣魚。尋日係長洲買左支魚竿,緊係要即刻去試竿啦!

其實我地都係魚新丁,要用魚竿釣都係第一次,所以我地都係以一個嘗試心態去玩吓。雖然話係玩,不過我地都好認真,仲去街市買左十蚊蝦去釣魚呀~

原來都有好多人去依個碼頭釣魚,所以好不容易先搵到個靚位。

好啦....整好魚餌開始釣魚~

大肥豬學人拋竿啦~

靜心等待魚仔上釣~

睇吓釣魚嘅大肥豬幾開心~

哈哈...當然我都有玩埋一份,不過我就唔識拋竿,都係垂釣玩吓啦~

第一次釣魚就正如我開頭所諗.......一條魚毛都釣唔到,不過我地都冇唔開心,因為釣魚係主要享受個過程。

當然,最享受嗰個就一定唔係我,我始終都係覺得有啲悶,但睇大肥豬個釣魚個開心樣,我悶少少都抵啦!(哈哈...又係時候自己讚吓自己係一個好老婆啦~)  


*♡♡小肥豬♡♡* | 8th Nov 2009 | 甜蜜生活 | (83 Reads)

07 NOVEMBER 2009 (SAT)

計番起都有N年冇入過長洲,係上星期睇左個節目介紹長洲,所以就心思思想入去行吓,就係咁....今日我地嚟左個長洲之旅啦!

上船啦~

經過四十五分鐘車程,終於到目的地,一落船就同個平安包包公仔影相先~

其實都冇乜諗入長洲做乜,都係打算周圍行...周圍影咁~

行行吓...見到有間鋪面裝飾得好靚,見有靚景又冇乜人,當然唔好浪費影番幾張相啦~

影完相,就俾見到第一個食點...日本伯伯紅豆餅,真係冇介紹錯,啲紅豆餅唔甜得嚟又多豆,好味呀~

件紅豆餅都未消化,就搵到另一好食推介...冰糖鮮果,都唔錯,不過啲生果就雪到硬左少少,要用少少牙力先食到呀~

沿路直行,就係東堤沙灘,我想去沙灘影相好耐,最衰就係冇帶大毛巾,唔可以落水玩,只可以所以係沙灘玩陣~


見沙灘旁的士多有吹泡泡買,所以就扮吓小朋友玩吹泡泡~

玩左一陣,真係又攰又肚餓,所以就去搵嘢食醫肚。原本想去試正生餐廳試吓,不過行左個圈都搵唔到,都係怪自己之前冇抄好地址,最後我地就去左大排擋食左個普通公仔麵餐。

休息過後又食飽飽,所以又再四周圍行,就係依個時候,大肥豬就有收獲。我地行過一間買魚竿鋪頭見做緊大特價就去八卦,見啲魚竿又真係幾抵,所以我就買左支送俾大肥豬啦~

其實大肥豬想買魚竿去釣魚好耐,不過睇左好耐都未買,唔係太貴就唔合心水,估唔到入長洲會買到。哈哈...嚟緊我地又有新活動啦!

買完心頭好嘅大肥豬見個太陽開始落山,就提意返沙灘影多陣相,所以就去左沙灘石灘影型格相啦~

悠悠閒咁就過左一天,間唔中去離島行吓都係一個唔錯選擇呀!


*♡♡小肥豬♡♡* | 6th Nov 2009 | 生活點滴 | (16 Reads)

06 NOVEMBER 2009 (FRI)

大肥豬有位朋友是《龍耳社》主要成員,此機構為矢志服務聽障人士的香港非牟利團體。

最近知道佢地將於十一月二十四日在九龍灣德福廣場MCL戲院,為聽障人士福利籌款的台灣電影《聽說》慈善首映禮~

可以睇首映之餘,仲係做善事,如果大家有興趣,請支持吓啦!

如果想知多啲《龍耳社》嘅資料,可以去以下網址瀏覽:
http://silencedeaf.mysinablog.com/index.php?op=ViewArticle&articleId=1972158


*♡♡小肥豬♡♡* | 5th Nov 2009 | 甜蜜生活 | (50 Reads)

05 NOVEMBER 2009 (THU)

早幾日因為轉天氣關係,所以氣管敏感又番嚟探我。為免自己辛苦,所以又要戒口,凍嘢完全唔可以入口。

不過,人就係咁..越唔食得就越想食,上次行過HAZZGEN DAZS嘅時候,真係好想衝入去食杯雪糕,當然俾大肥豬阻止左,佢話等我好番先同我嚟食。

原本都以為有排先有得食雪糕,不過今日大肥豬就買左盒HAZZGEN DAZS俾我,好抵....買大盒送細盒呀~

大肥豬話見我依兩日氣管都冇再唔舒服,所以買住盒家庭裝雪糕等我可以係屋企頂住癮先,等天氣回暖番之後再帶我去食餐勁。

今晚就食住盒細先~

雖然都係細小嘅一盒仔雪糕,不過真係好好味,止到癮之餘仲食得好幸福添!


*♡♡小肥豬♡♡* | 4th Nov 2009 | 靚太廚房 | (55 Reads)

04 NOVEMBER 2009 (WED)

尋晚大肥豬話天氣凍凍地,最適合就係打邊爐。嘩...打邊爐哦,我嘅至愛,當然極力讚成。

所以今日放工就去街市買..買...買,仲買左好多嘢食添。一返到屋企就開始洗..洗...洗,等埋大肥豬返嚟就開餐啦!

哈哈...原來我都真係買左好多嘢食,成枱都係食物呀~

今次我整左個蕃茄湯底,好味呀~

除左一般打邊爐食物之外,我仲買左小籠包添。原來用小籠包打邊爐都以好好食呀~

我地兩個都大食怪上身,竟然可以清晒枱面上嘅食物,真係食得飽飽。另外大肥豬又幫我洗晒啲碗碟,等我可以慢慢睇宮心計,咁就仲開心....哈哈!


*♡♡小肥豬♡♡* | 2nd Nov 2009 | 生活點滴 | (31 Reads)

01 NOVEMBER 2009 (SUN)

今日中午就去左香港演藝學院睇詹瑞文最新舞台劇《港女發狂之港男發瘟 - 0靚模襲地球》。今次係我第一次去香港演藝學院同睇舞台劇,所以都有少少期待呀~

等到夠鐘入場就有驚喜,由於我地係免費關係,原本我地門票係屬於山頂位位置,不過演藝學院職員在CHECK門票時就話我地位置有調動,原來係將我地嘅門票改為$420較前位置。嘩...原本我地係K行,依家就去BB行,個位真係好前,成個台都睇晒,睇演員啲樣仲好清楚添!

成個SHOW都好好笑,除左詹SIR表演之外,仲位四位他劇團成員演出。其實每一位表演者都不錯,不過每次詹SIR一出場, 大家都不期然咁喝采,因為佢嘅扮相真係超得....超好笑呀!

唔覺唔覺,個SHOW都睇左成三個鐘,真係唔知時間過得咁快,咁就過左一個開心下午啦!


*♡♡小肥豬♡♡* | 1st Nov 2009 | 我的D女 | (29 Reads)

31 OCTOBER 2009 (SAT)

繼早前萬聖節妝扮之後,糖糖又一力作,整左件靚衫仔俾我嘅DOLLCENA啦!

今次依套衫仔連埋頭飾,真係好高貴嫁~

嚟個CLOSE-UP先,好似好清純咁哦...哈哈~

有新衫仔當然要影啲寫真先~

連收兩套糖糖靚衫,攪到我都真係唔係幾好意思要佢花心機幫我整之外,又覺得自己冇乜用,想幫D女扮靚但又唔識整衫仔

有見及此,我真係要的起心肝俾啲心機學整衫仔俾D女先得,不過.....唔知幾時先會成功啦...哈哈!