香港新浪網 MySinaBlog
*♡♡小肥豬♡♡* | 30th Sep 2009 | 生活點滴 | (16 Reads)

29 SEPTEMBER 2009 (TUE)

繼上年嘅迷你楊桃同兔仔燈籠之後,今年又有新攪作,就係依條可愛嘅魚仔燈籠啦~

其實上年嘅玩完楊桃同兔仔燈籠之後,我都有收埋好佢,打算留番今年再玩(扮晒慳家咁...哈哈)。

不過前幾日拎番啲燈籠出嚟之後,發現兔仔都已經變左做污穢兔,唔再係白雪雪,所以就做左個好衰嘅決定,買過個新燈籠過中秋。

今日行街經過睇到,真係好得意,所以就帶左依個魚仔燈籠返屋企,留番中秋當晚出去賞燈時玩。

不過,依幾日落雨都落得好勁咁,希望中秋夜唔好再落雨,等魚仔可以出街游吓啦!


*♡♡小肥豬♡♡* | 29th Sep 2009 | 生活點滴 | (25 Reads)

29 SEPTEMBER 2009 (TUE)

今日放工時小豬媽就拎左剛剛去完日本嘅嘉汶表妹手信俾我。

首先就係HELLO KITTY大碗麵,個碗好靚嫁~

不過依份禮物似係俾大肥豬多,因為佢一打開見到啲麵時,已經話左當今晚宵夜,仲話只係留番隻碗俾我呀~

另一份就係溫泉浴鹽,嘉汶表妹真係知我心意鐘意浸浴~



冇得去日本浸溫泉,依家用依啲溫泉浴鹽頂下引都幾好.....哈哈~

真係多謝嘉汶表妹次次去旅行都買手信俾我,開心之餘又有少少羨慕,我都好想成日去旅行呀!


*♡♡小肥豬♡♡* | 28th Sep 2009 | 甜蜜生活 | (48 Reads)

28 SEPTEMBER 2009 (MON)

一向黑仔王嘅我,當係雨季時嘅LUNCH或者放工都會間唔中落雨,幾次都攪到對鞋濕晒,要吹幾日先可以再著。

今日放工如是,唉....成對鞋又濕晒,加上對鞋都經過多次雨水洗禮都已經殘殘,總之就攪到對腳勁唔舒服啦!

當我係APM與大肥豬匯合之後,大肥豬知道我對腳濕住勁唔舒服,又見我對鞋勁殘,所以就主動帶我上CROCS買對新鞋仔俾我,等我雨天時著。

哈哈.....依對就係我嘅大頭仔鞋,依款仲係新產品,個鞋頭明顯細左少少,著上腳舒服啲~

我仲好貪新忙舊咁即買即著添。

CROCS我都想買好耐,不過次次行過都係睇完就走,因為總係覺得一對膠鞋要成三百蚊好似唔抵,都唔係好捨得買,不過大肥豬話落雨著會方便啲,加上又係佢送,所以...唔理啦....哈哈...多謝大肥豬老公啦!


*♡♡小肥豬♡♡* | 26th Sep 2009 | 我的玩具 | (75 Reads)

26 SEPTEMBER 2009 (SAT)

今晚跟埋大肥豬上去佢二哥屋企整電腦,當然整就冇我份,我都係志在去八卦吓。

由於我都係第一次上二哥屋企,所以一踏入屋企我嘅好奇心就嚟,我都好乖只係望,唔會四周圍攪嘢。

不過當我係飯廳見到一個好大嘅玻璃櫃時,我就真係失控,因為入面攪左好多好得意嘅玩具小擺設,有巴士、模型..仲有好多少配件...樣樣都好得意呀!

就係依個時間,我見到一部小電單車,依個SIZE就係想買D女玩好耐,所以就即刻叫大肥豬出嚟睇,諗住叫佢認住個款,行街時買俾我。八卦完畢我就繼續留係房陪大肥豬整電腦。

當我地整完準備離開之際,二哥突然間拎左小電單車出嚟送俾我,嘩...真係勁開心呀~

一返到屋企就即刻俾D女玩,雖然原來對D女嚟講,個SIZE好似大左少少添,不過都幾可愛呀~

D女玩完,我就拎去俾四葉妹妹玩,估唔到個SIZE剛剛好,攪到妹妹好有型添~


*♡♡小肥豬♡♡* | 25th Sep 2009 | 博客分享, 好友與我 | (33 Reads)

24 SEPTEMBER 2009 (THU)

之前係YAHOO BLOG知道有海洋公園哈囉喂優先場入場卷抽獎,一向師奶仔嘅我當然唔執輸登記埋啦!終於係前幾日收到E-MAIL話我抽中左,真係勁開心...有得去玩啦!

今日係優先場,但因為大肥豬要開OT冇得去,所以就搵左勁大膽嘅糖糖陪我一齊去玩。

嘩...原來YAHOO所送出嘅係至尊飛,即玩所有鬼屋都係唔洗排隊,真係勁正。因為我始終都係好怕,所以冇入過去。反而糖糖就利害,入左五間鬼屋,不過好攪笑地我會請其他有至尊飛嘅朋友仔一齊陪佢玩,叫佢一個玩我都唔係幾放心。好在所有朋友仔都好NICE,真係要係度THANKS陪糖糖一齊玩嘅朋友仔呀!

我唔玩鬼屋都唔會悶,因為我地都同左好多鬼影相,仲同佢地玩得鬼咁開心添。其實我都不人知幾驚,同佢地玩時我都係扮震定,因為糖糖教落,唔好俾佢知你驚,如果唔係佢地有排嚇你呀~

以上只係少部分相,仲有啲係糖糖相機度,因為我地影左勁多相,影都尾兩個人嘅相機都冇晒電添。

除左影相之外,仲有一個節目可以向大家推介。係彭氏兄弟鬼屋附近有個睇SHOW活動,個SHOW勁爆笑,扮晒四大天王之外,又有人扮MJ,真係勁似...我都尖叫唔停呀!

我都係第一年入嚟海洋公園玩哈囉喂,講真我都範得佢地都做得幾好,係唔同位置都安排啲鬼鬼同大家玩,令到整個氣氛都好好呀!


*♡♡小肥豬♡♡* | 22nd Sep 2009 | 我的玩具 | (54 Reads)

22 SEPTEMBER 2009 (TUE)

數數手指...我都好耐冇同我啲公仔影相,上幾次去街我都有帶埋我嘅至愛DOLLCENA出去一齊影,不過我影完之後都已經好攰,所以都冇心機幫佢地影啦!

DOLLCENA都已經少,何妨四葉妹妹呢?因為我已經將四葉妹妹整整齊齊咁放番入盒,所以好少拎佢出嚟玩。

近日我同事史迪哥哥將佢個四葉妹妹拎左番OFFICE做擺設,所以日見夜見終於條引又嚟。

                       

四葉妹妹故事開始啦

嘩..買到啦...我本雜誌出左啦,等我坐底慢慢睇先得~

YEAH....終於學識跳繩啦~

中秋佳節就到,月餅當然唔少得啦~

嘩...雙黃白蓮蓉,好嘢嚟哦~

等我食啖先.....

好味呀.....大家都嚟試吓啦~

食飽飽月餅,食番杯雪糕,好滿足呀~

哈哈....四葉妹妹真係好得意,等我多啲同佢影相先得。係忙碌工作中取少少時間同公仔影相,真係一個好好減壓方法!


*♡♡小肥豬♡♡* | 21st Sep 2009 | 靚太廚房 | (96 Reads)

21 SEPTEMBER 2009 (MON)

由於今日做嘢都做到攰攰地,所以一早都唔想煮飯。但我又好衰咁,係唔想煮飯得嚟又唔想食外賣,所以都唔知點好。

正當我度煩惱之際,大肥豬就係電話度講:不如今晚等我煮啦!

哈哈....佢主動提意,我當然舉腳讚成啦!就係咁,我放工就負責去買餸,等大肥豬返嚟煮。

依個就係大肥豬主理嘅是日晚餐~

咸蛋肉餅~

蠔油生菜~

雖說煮既嘢係好簡單,不過係大肥豬好努力咁煮,真係食得幸福呀!


*♡♡小肥豬♡♡* | 20th Sep 2009 | 甜蜜生活 | (17 Reads)

20 SEPTEMBER 2009 (SUN)

幾個星期日都出去影相,所以今日都係打算留係屋企休息休息一吓。起身冇耐,大肥豬就提意去嘆茶。

原來今次我地係打算去美心酒樓飲,但去到都已經勁多人排隊,等枱都要等成廿幾張。終於都放棄左,去番平日去開的酒樓食。

唉....仲以為唔洗排隊,點知都係要等幾張枱,可能都係星期日關係啦~

今次我地叫左好多嘢食,食到我地兩個都飽飽咁走人~

不過經過今次,我都真係唔敢再係星期日去飲茶,又要等位、啲職員又服務差,都影響咁啲心情呀!


*♡♡小肥豬♡♡* | 19th Sep 2009 | 甜蜜生活 | (21 Reads)

19 SEPTEMBER 2009 (SAT)

由於我地張博物館半年票就嚟到期,我仲剩番兩個博物館未去,所以今日就先去孫中山紀念館行吓啦~

雖然入面個場景好靚,不過所以展覽廳都係唔可以影相,所以我地都只可以係戶外少少地方影呀~

由於可以影相地方唔多,所以我地逗留左一陣,睇左少少孫中山事跡就走啦。

係我地周圍行嘅時候,見到舊中區警署度門開左,咁我地就入去八卦吓,原來係歷史照片展~


歷史對我嚟講真係興趣不大,加上入去都只係睇相片,冇得入去參觀其他地方,所以我地行左一陣就走番出去影吓兩座靚靚建築物~


行出舊警署向前行,原來就係石板街,依個地方咁出名,我都係第一次嚟,當然又唔放過影相啦~


*♡♡小肥豬♡♡* | 17th Sep 2009 | 生活點滴 | (28 Reads)

17 SEPTEMBER 2009 (THU)

尋日開始SKINFOOD做緊VIP折扣優惠,所以今日放工就約埋小豬媽一齊睇吓。

原本都只係打算買返啲洗面同卸妝,不過睇睇吓,又係小豬媽游說吓,終於嚟左個敗家之作~

我仲趁有折買左新出嘅秋冬新系列,等我塊面都可以換季嘛。

真係買左好多嘢,不過平左咁多,又好難唔大手入貨....哈哈~


*♡♡小肥豬♡♡* | 14th Sep 2009 | 甜蜜生活 | (33 Reads)

13 SEPTEMBER 2009 (SUN)

由於之前眼睛發炎去睇西醫食消炎藥,為免中西藥混埋一齊食,所以等地今日食晒啲消炎藥先正式開始食中藥。

由於今次都可以話係第一次自己煲藥兼用電子煲,所以都真係有少少擔心唔識整。好在睇吓個說明書都好似好易咁,所以就開始動工啦!

雖然個電子煲話係自動唔洗睇火,不過係成個煲藥過程,大肥豬都定時候咁走入廚房幫我睇吓啲藥煲成點,全程唔洗我理添。

苦藥終於出爐。唉...對我嚟煲好藥就係我痛苦嘅開始,我最怕就係飲苦藥啦~



最後經大肥豬軟硬兼施,又話帶我去街影靚相咁,我先肯大啖飲晒啲藥。講真.....真係好苦,嚟緊仲要飲多四日,點算好呀!

雖然飲藥係一件苦事,不過睇住大肥豬行嚟行去幫我睇火,又氹我飲藥時,我真係覺得自己有幸福。


*♡♡小肥豬♡♡* | 13th Sep 2009 | 好友與我 | (28 Reads)

13 SEPTEMBER 2009 (SUN)

今日相約大小M進行我地嘅攝影之旅,今次我地目的地就係小白鷺餐廳。

好多劇集都係依度取景,所以我都想嚟好耐,不過成日都以為好遠,冇的起心肝決定嚟,剛好小M提意,所以終於都可以去小白鷺啦!

原來入小白鷺都唔係太遠,我地由大埔墟火車站搭的士入去,都係廿幾蚊,所以都算方便,起碼唔洗行太多路。

我地一點左右入到去,第一時間就去食個LUNCH呀~


依度啲食物都一般,我個豬扒SET都幾好,不過大肥豬個牛肉意粉就差少少。講真...依度都係食個環境同氣氛,唔好講究咁多啦!

食飽飽就當然到影相時間,係餐廳入面影少少先。由於早前眼仔發炎,雖然都算叫好番,不過都係唔敢帶隱形眼鏡住,唯有又以四眼LOOK影相啦(不過始終覺得帶眼鏡影相好似冇咁好靚)~

再係餐廳出面又影吓~

之後我地就去個主景點....白色小屋,不過唔俾我地行過去,都只係遠遠咁影吓,到此一遊啦~

之後我地就周圍行、周圍影~

雖然我地入唔到湖邊小白屋影,不過我地都搵到另一個靚地方不停狂影~

今日雖然冇猛烈陽光,但都好熱好焗,就連帶左D女出嚟都冇心機同佢影相,可能準備打風啦,所以都邊影邊出汗。

不過今日都影得好開心,好想快啲再一齊去影過啦!


*♡♡小肥豬♡♡* | 12th Sep 2009 | 生活點滴 | (19 Reads)

11 SEPTEMBER 2009 (FRI)

今日又係一年一度重要嘅日子,因為正是小女子嘅農曆生日。新曆生日就同大肥豬過左一個開心嘅晚上,農曆生日就當然要同屋企人一齊食飯慶祝啦!

原本都打算係只返屋企食飯餐小豬媽嘅私房菜,不過小豬爸就提意請我出街食飯,當同我慶祝生日。小豬爸仲約埋細路同女友仔一齊食飯,所以今次就就一家人開開心心咁同我食農曆生日飯....哈哈~

因為時間關係唔可以去太遠地方,所以都係近近地去番鯉景灣上次同小豬爸慶祝父親節嘅地方食~

我地叫左好多嘢食,雖然係好好味,不過就覺得個份量好似少左啲啲~

食埋我至愛甜品,真係勁滿足呀~

由於今次老板不在,所以冇得俾拆扣,又冇得送甜品,有少少失望添(又發揮師奶仔精神)....哈哈!

今日真係好開心,有小豬爸請我食飯,又一家人同我慶祝生日,我知道佢地係好錫我,真令我好感動呀!


*♡♡小肥豬♡♡* | 10th Sep 2009 | 甜蜜生活 | (20 Reads)

9 SEPTEMBER 2009 (WED)

一向我地勁怕飲中醫,就係怕佢嘅苦味,如果唔係病得好利害,食極西藥都唔好,我先會睇中醫呀!

不過依排覺得自己身體好似好差咁,成日都勁頭痛(係冇病都會無端端痛),塊面又不停生瘡瘡,攪到個人都勁忟。就係依個時候,大肥豬就建議我去睇吓中醫,咁可以清一清我個躁底。

因為大肥豬工作上同啲中醫師有啲關係,加上又有家屬福利。所以大肥豬就幫我BOOK左位好醫師,今日去睇中醫啦!

哈哈....可能因為大肥豬同位醫師係相熟,所以我睇嘅時候都有少少尷尬。

今次醫師都係主要醫吓我個頭痛同瘡瘡,又要飲兩大包苦茶。為左靚靚,苦都要頂住呀~


由於屋企冇藥煲,所以睇完醫生後,大肥豬就帶我去買埋個煲。原本都係打算買個普通嘅煲,不過大肥豬話貴貴地買個電子煲,方便得嚟又唔洗睇火,以防我煲乾藥哦~


*♡♡小肥豬♡♡* | 7th Sep 2009 | 甜蜜生活 | (45 Reads)

6 SEPTEMBER 2009 (SUN)

原本今日打算入愉景灣行吓影相,不過由於我懶訓豬上身,訓到好晏先識起身,為免去山長水遠入到去而要趕住嚟影,所以就改改個行程。

由於屋企附近有架巴士入烏溪沙,又記得之前係論壇有介紹過一個攝影好地方,所以我就就向烏溪沙石灘出發。

其實係石灘入面都只係有一個景點,就係依條張木橋啦~

雖然好似簡單左少少,不過影出嚟都幾靚呀~


可能依個地方太出名,當我地開始搵到個好位影時,有兩對新人嚟影婚紗相,所以就要被迫讓位。

唔緊要...影結婚相咁緊要,當然要就吓佢地啦!當我睇佢地影結婚相時,我又回想起自己影嘅情況,仲好想學佢地可以影一輯郊外嘅婚紗相添。(不過都冇機會啦....唉!)

原來黃色嘅木橋係咁靚,唔怪得係一個影相熱點啦~

我地逗留到黃昏先離開石灘,大約成三個幾鐘左右啦。雖然今日影嘅相唔多,環境所限又唔可以開腳架影合照,不過我都好鐘意啲相,尤其係依張......是日至愛呀~

*♡♡小肥豬♡♡* | 5th Sep 2009 | 甜蜜生活 | (19 Reads)

5 SEPTEMBER 2009 (SAT)

一早計劃好今日去個好地方影相,點知.....原來大肥豬今日下午要返公司幫手攪個活動,所以邊度到冇得去啦!

一個人在家的日子最好就係執嘢,哈哈...我都好勤力,洗好左個廁所、廚房仲執好晒啲地方添。(真係自己都覺得自己好乖)

忙碌左一個下午,又剛剛好大肥豬就放工,所以我地相約去尖沙咀行街食晚飯。

匯合後,大肥豬就話今日同我去唔到好地方影相,不如就近近地去九龍公園行吓影吓先啦。

雖然九龍公園之前都去影過一次,不過難得大肥豬提意,當然唔放過咁好機會去影..影...影~

原本都以為中午過後去影相唔會咁晒,不過個太陽實在太熱。終於我地都係去左個文化館入面影相,貪佢有冷氣舒服啲。

文化館嘅環境都幾好,真係一個影相好地方嚟呀~


*♡♡小肥豬♡♡* | 4th Sep 2009 | 生活點滴 | (22 Reads)

3 SEPTEMBER 2009 (THU)

一年一度小豬爸嘅生日又嚟啦,一向都鐘意熱鬧嘅小豬爸就約埋一班親戚去酒樓食餐生日飯,大家一齊開開心心慶祝生日。

生日當然最重要就係切蛋糕儀式,嘉汶表妹同小豬爸嘅舊曆生日係同一日,所以一齊慶祝啦~

由於我地忘記左問餅店拎蠟燭,所以要酒樓職員幫我地周圍搵。係切蛋糕之前,我當然唔放過機會影張相,扮吓壽星女嘛~


又點可以少左指定動作,影番張全家幅~

大家請留意小豬爸新上靚衫,係我送嘅生日禮物,係唔係好靚呢...哈哈。

今次間酒樓係第一次幫襯,都又好似幾好,啲餸都OK好食。不過依個壽包我就最鐘意,因為每一個都有成手掌咁大呀~

最後係度祝小豬爸~生日快樂,心想事成,最緊要生意越來越好!


*♡♡小肥豬♡♡* | 4th Sep 2009 | 好友與我 | (14 Reads)

2 SEPTEMBER 2009 (WED)

今日大肥豬係信箱收到一份小包裹,佢就第一時間就話:唉...你又有驚喜禮物收啦~

一見個包裹,我地好期待依包禮物仔係乜,因為真係冇頭緒....唔知邊個寄俾我。當我正在究竟嘅時候,大肥豬就話講左包:係你老友寄嚟。

聽完之後就仲心急,我又搵唔到寄信者個姓名,所以番到屋企就即刻拆開嚟睇,哈哈...原來係小M送俾我嘅生日禮物嚟呀!

收到時真係既開心又驚喜,兩份禮物我都好鐘意呀!

小M叫我拎去買餸用嘅史迪仔袋仔,不過太靚啦...唔捨得拎去街市呀~

仲有一個DOLLCENA匙扣,依個匙扣係我之前搵D女時係台灣拍賣網見過,不過當時覺得好貴唔捨得買,估唔到我到終於可以擁有到啦~

真係要再一次多謝小M送依兩份禮物俾我,我好鐘意呀!


*♡♡小肥豬♡♡* | 2nd Sep 2009 | 甜蜜生活 | (34 Reads)

2 SEPTEMBER 2009 (WED)

今日可以話過左一個先苦後甜的一天。

首先就講吓件苦事先,今日一放工就一支箭咁飛去旺角,因為又要去見牙醫。真係慘...一上到張牙醫床我就不期然咁驚恐,聽埋啲『吱..吱..』聲,真係成個人都震,不過鬼叫自己唔聽話,要去補牙咩。

由細到大都真係勁驚牙醫,所以今日整牙都可以話對我嚟講係一件苦事呀!

睇完牙醫,大肥豬就相約一齊去旺角行街街食晚飯,咁都算番件甜事啦!

原本我地決定左去食壽司,不過突然間我又好想去食烏冬,所以大肥豬就同我四周搵,終於就搵到依間~

大肥豬嘅燒汁牛肉飯,都幾好食呀~

我嘅蕃茄鰻魚烏冬,個蕃茄湯底好好味,不過個鰻魚就差左少少啦~

仲ORDER左南瓜天婦羅,好好味呀~

食飽飽就係SHOPPING時間,不過今日條街真係勁多人,攪到到冇乜心情去買衫仔。唔去買衫,我就提意上去樓上鋪打書釘(其實想睇吓有冇低能之道買)。

一入到書鋪,大肥豬就即係幫我搵到低能之道1&2,見佢仲有折....所以就即刻諗都唔諗買左啦~


*♡♡小肥豬♡♡* | 2nd Sep 2009 | 好友與我 | (15 Reads)

1 SEPTEMBER 2009 (TUE)

今日可以算係一個期待而久嘅晚餐,因為終於約左既係中學同學又係BLOG友仔嘅CARMEN食飯。

講番其實我地都幾有緣,還記得當時我仲未結婚,有一次收到一個留言問我係唔係讀某中學,一問之下,原來我地係同學仔嚟呀!

就由嗰時開始,我地就係BLOG、MSN同FACEBOOK傾計,仲成就左今次個飯局。講番起....都真係要多謝YAHOO BLOG,等我地有機會相認同相聚呀!

今次經CARMEN介紹去左APM嘅御泰坊~

我地就由一杯叫『夕陽醉了』嘅芒果士多啤梨特飲開始,再加個豬頸肉米紙卷、炒雜菜、越式雞亦同菠蘿炒飯,真係勁豐富,啲嘢食又好味,加上個環境又勁好,所以話呢......絕對係冇介紹錯呀~

邊食邊傾的時間真係過得好快,我地仲傾得好開心,食左大約兩個幾鐘左右就走啦!

我就仲唔好意思....因為係CARMEN請我,話係同我食嘅生日飯,又要佢破費真係唔好意思呀!

CARMEN,等係忙完過後,我地一定要再出嚟食餐飯再傾過。


Next