香港新浪網 MySinaBlog
*♡♡小肥豬♡♡* | 31st Aug 2009 | 生活點滴 | (17 Reads)

31 AUGUST 2009 (MON)

等左差唔多一個月,終於都等到今日可以去帶史迪仔番屋企啦!

今日一食完LUNCH就即刻行去OK換隻特別版,因為我實在太心急,好想唔道特別版係點樣,之後都完全冇介紹過,好似好神秘咁。

原來個一個小丑打扮嘅史迪仔~

拆開個袋睇仲靚,好COLOURFUL呀~

不過.....依隻比之前換隻小金大啲,所以唔可以放扣落手袋用呀!

真係要再一次多謝捐贈FUN俾我嘅朋友仔,冇佢地幫助我地換唔到呀....麻煩晒。


*♡♡小肥豬♡♡* | 30th Aug 2009 | 甜蜜生活 | (30 Reads)

30 AUGUST 2009 (SUN)

本來今日有一個好好嘅節目,約左小M同小茵一齊去影相。但.....依幾日係我身邊都發左啲唔開心嘅事,攪到心情真係好差、好冇心機,所以被迫唔參與到依個活動,真係覺得唔好意思,好掃興呀!

大家可以放心,我個情緒正在康復中,雖然未完全開心番晒,但已經開始接受,明白有好多嘢唔係你想點就點。努力學習輕鬆面對!

原本今日都係打算留係屋企自閉,不過大肥豬話唔想我留係屋企冇嘢做就胡思亂想,所以就建議帶我出去行吓。

開頭我都唔係太想,不過見大肥豬又咁有心,加上又醒起CARMEN提過MEGA BOX依家啲史迪仔CUSHION一個印花就可以換,所以我地就去MEGA BOX換CUSHION啦!

換完CUSHION之後,見地下有個新嘅史迪仔佈置,所以大肥豬就叫我影番幾張~

係影緊相嘅時候,同一位BLOG友仔相認,佢仲好好人主動幫我同大肥豬影全日唯一的合照~

唔知依位BLOG友仔介唔介意留言話我知佢係邊個呢?(因為我真係仲未搵到佢呀~)


*♡♡小肥豬♡♡* | 27th Aug 2009 | 甜蜜生活 | (30 Reads)

26 AUGUST 2009 (WED)

雖然係生日,不過都仍然要返工,冇法啦...我地係暑假尾係唔可以請假嘛。(幾時先可以生日唔洗返工...唉!)

我就冇得放假,不過大肥豬就專登請左半日假嚟接我放工帶我去玩,咁都開心返啦!哈哈...

係搭緊地鐵準備向目的地出發時,大肥豬就拎左份禮物出嚟,嘩.已經係第三份...依份就仲驚喜,就係噹噹手鈪~

大肥豬話知道我之前買嗰隻係俾人呃嘅假純銀手鈪,仲開始已經退退地色,所以就打算搵隻真純銀俾我。

依隻仲係獨一無二,因為一般成人純銀手鈪係唔會有噹噹,係大肥豬叫個職員拎去工場加兩個BB噹噹製成,佢話買嗰時仲俾個職員笑添!哈哈...真係冇諗過大肥豬會咁細心搵俾我,收到嗰時真係超級開心呀。

今次我地個目的地就係尖東,我地先去食個簡單嘅晚餐,就去做主要嘅慶祝活動...就係去試吓支『蔡頭』影靚相啦!

今次可以算係我地真真正正第一次影夜景(不過話事話..我都係第一次睇幻彩匯香江,真係勁OUT添~),原來影夜景係好難影,我地都係用腳架同自拍模式影,都可以話可以解決都手震問題。

不過大肥豬為左想影出嚟個效果好啲,就用左幾秒嘅曝光時候,所以每一張相都就要HOLD住個POSE幾秒,係依度比較辛苦。雖然係咁,不過影出嚟又真係幾靚,第一次影夜景都算合格啦,唔可以唔讚吓個大肥豬呀~

依兩張夜景我都好鐘意呀~

 

雖然今個生日好似過得簡單啲,不過我就過得非常開心,收到好多心思嘅禮物,又影左靚相,我都已經好滿足啦!


*♡♡小肥豬♡♡* | 26th Aug 2009 | 甜蜜生活 | (21 Reads)

26 AUGUST 2009 (WED)

終於到啦...等左成年...終於又到我生日嘅大日子,又大一歲,即係老一年啦!哈哈~

當踏正十二點時,大肥豬就急急腳走入廚房,之後就拎住個蛋糕又唱生日歌同我慶祝,真係勁開心呀!
(不過由於準備訓覺個LOOK實在太驚嚇,所以唔POST相上嚟啦!)

開心嘅時候當然唔可以停,就係依個時候,大肥豬就拎左份禮物出嚟送俾我。(其實佢之前都已經送左支28MM/F2.8嘅鏡頭俾我,所以都冇諗過會再有。)

一打開嚟睇...嘩..係支蔡司鏡頭呀(哈哈..又係鏡頭,又俾機會我去影靚相啦)~

係我地上次考慮買乜鏡頭時,都有考慮過依支,不過當時我地覺得好貴之餘,又好似個光圈唔太大,所以就唔考慮買。冇諗過大肥豬會靜靜地走去買嚟俾個咁大驚喜我。

佢話之前去試用過支鏡,覺得影出嚟好SHARP,加上又係蔡司鏡頭,好似勁啲咁,所以就買埋佢,等我地可以用嚟代替支KIT鏡影靚相。哈哈....真超級開心呀!

不過相信依支會係我地最後一鏡,因為啲鏡頭真係好貴,我都有啲肉赤.....所以唔再買啦,夠用就得啦!


*♡♡小肥豬♡♡* | 25th Aug 2009 | 好友與我 | (37 Reads)

25 AUGUST 2009 (TUE)

今日係信箱,就見到依一個小包裹~

見到就個小包裹背後個名,就知道係我一位既時中學同學又係BLOG友仔嘅CARMEN寄俾我。

我好心急咁番到屋企即刻就打開嚟睇,原來係送俾我嘅生日禮物呀~

之前因為CARMEN寄啲OK史迪仔印花俾我,所以就俾左個地址佢,真係冇諗過佢會KEEP住,仲教準時間等我可以係生日前一天收到,所以真係好好開心同好驚喜呀!

依兩件MARIE禮物真係好鐘意,尤其係個貓掌匙扣,好得意呀。

真係要係度同CARMEN講:真係多謝你,你真係俾左個SURPRISE我。你快啲出嚟同我食飯,到時慢慢傾呀!


*♡♡小肥豬♡♡* | 24th Aug 2009 | 生活點滴 | (20 Reads)

23 AUGUST 2009 (SUN)

雖然我地張夏日兩天票九月中先到期,不過我想趁佢有史迪仔活動入去玩多次,所以就同大肥豬、LULU妹一齊.....迪迪尼我又嚟啦!

今次入迪迪尼都主要係睇巡遊同大街SHOW,當然係未夠鐘嘅時候就係不停咁四周維影相...影相...再影相~

終於等到睇巡遊,上次都影左好多相,所以今次我都係主要感受個氣氛同準備濕身~

哈哈...上幾次(包括上年)我都搵唔到個靚位影MARIE,次次都係見佢個背面。今次終於都可以影到,好得意呀~

之後..就係我最鐘意環節,同公仔影相呀~

醫飽肚之後,繼續邊行邊影相,就係依個時候,大肥豬見到有啲黃色花仔,佢就學人『打花』,仲不停讚自己影得靚添(不過....大家千其唔好讚靚,如果唔係佢鐘意左影花唔影我就大件事啦...哈哈)~

今日驚喜就係依個時候發生啦......事緣係等睇大街SHOW前,見仲有時候就去城堡前影吓相。除左大肥豬幫我影左幾張個人照外,仲叫LULU妹幫我地影啲合照。開頭都預計啲普通合照,但原來影出嚟勁有FEEL,仲係我想影嗰啲感覺,好SWEET呀!今次真係要特別鳴謝LULU妹先得~

睇埋大街SHOW,我地就離開迪迪尼啦~

玩埋依兩次之後,唔知幾時再有機會入去玩?不過迪迪尼真係一個好開心嘅地方,所以有機會我一定會再嚟,但唔知係幾時...哈哈~


*♡♡小肥豬♡♡* | 23rd Aug 2009 | 靚太廚房 | (57 Reads)

22 AUGUST 2009 (SAT)

今日又嚟是日晚餐依個環節,不過原來我都有好耐冇正正經經煮飯。

我唔係想偷懶,只不過係因為天氣真係實在太熱,攪到冇乜心機煮,就算煮都係煮麵食。都係懶嘅藉口啦...哈哈~~

好啦...睇吓我個是日晚餐先~

先嚟一個洋蔥豬扒~

再嚟一個麵豉蚊豆角~

我仲加添一杯大肥豬牌愛心鮮搾橙汁添...好甜呀~


*♡♡小肥豬♡♡* | 22nd Aug 2009 | 生活點滴 | (17 Reads)

21 AUGUST 2009 (FRI)

我對電腦產品一向都唔會有太大興趣,所以都冇諗過去行電腦展。

不過,今次因為大肥豬有個朋友係入面有個鋪位,可以免費帶我地入去。就係咁...今日就去左電腦展行個圈啦~

哈哈....有證件就可以入場啦~

雖然係第一日,但比我想像中少人。不過啲人都唔睇往路嚟行,掛住向上望啲產品介紹,攪到成日都俾人撞。

行左一陣,真係覺得唔係太多野睇,好多都唔係特別平,所以都冇乜興趣,好在唔洗錢入場,感覺上都好似冇咁傷。如果叫我俾錢入嚟,真係唔好預我啦。哈哈~

話晒都入嚟又點可以空手而回,我地都買左兩樣嘢咁大把~


*♡♡小肥豬♡♡* | 18th Aug 2009 | 甜蜜生活 | (20 Reads)

16 AUGUST 2009 (SUN)

食完下午茶,就到最重要嘅節目,就係要試吓個新鏡啦!今次依個目的地就係尖沙咀一座舊舊地但又幾靚嘅紅磚屋仔。

其實開頭我都怕怕地,因為成座一個人都冇,都唔知係唔係真係可以入嚟。不過,當我地行左一陣,有位護衛員行過但又冇趕我地走,就係依個時候冇咁驚,大影特影啦~

雖然係一個少少嘅屋仔,不過真係一個唔錯嘅影相地方。係影完相之後先知道原來依度係古蹟嚟呀~

今日我都唔係太在狀態,所以都影左一陣就走。不過大肥豬話依度真係一個好地方,有好多位置都仲可以影,所以我地一定會擇日重賽呀!


*♡♡小肥豬♡♡* | 17th Aug 2009 | 甜蜜生活 | (25 Reads)

16 AUGUST 2009 (SUN)

早上同大肥豬嘆完茶返屋企休息過後,見又冇乜特別野做,所以大肥豬就帶左我去行街街,順便去影吓相試新鏡。

我地第一個目的地就係...又係食.....哈哈~因為到左下午茶時間嘛!

今次我地個下午茶就係去好出名嘅廟街~

係間餐廳我見到一部好古老嘅收銀機,依家真係好少見啦~

由於我地都唔係太肚,都係志在想嘗試吓,所以就叫左最出名嘅紅豆冰同西多士,再加個普通嘅三文治加檸荼~

講真....個味又唔係真係咁特別,同其他嘅茶餐廳分別不大,又唔係特別好味。唯一唔同就係一個字........貴。以上食物每件都要成十七蚊,我地兩個都食左成六十幾蚊,以一個下午茶嚟講,真係好似唔係好抵啦!

算啦...雖然係貴左啲,不過都叫做試過吓啲出名嘢呀,最多冇下次哦!


*♡♡小肥豬♡♡* | 16th Aug 2009 | 甜蜜生活 | (38 Reads)

16 AUGUST 2009 (SUN)

今日一早起身,突然間好想去飲茶,所以大肥豬就帶我去嘆茶啦!

平時飲茶都係同屋企人多,我地兩公婆都係第一次去嘆茶,感覺上好似有啲怪怪咁,好似我地兩都都變左老公公老婆婆咁。不過唔理啦,依啲都係我地嘅情趣,最緊要係自己開心嘛。

哈哈...唔好睇我地得兩個人,我地都叫左好多嘢食,食得好滿足呀~


*♡♡小肥豬♡♡* | 15th Aug 2009 | 甜蜜生活 | (33 Reads)

15 AUGUST 2009 (SAT)

今日放工返到屋企,大肥豬又俾左一個驚喜我啦!

大家估吓係啲乜嚟呀~

登..登...登..登...開估啦...係一個反光板嚟呀~

真攪笑.....冇諗過會係一塊反光板。大肥豬話見有時影相就算將部相機SET光左,但我個樣有時都係會好暗,剛好佢係網上見到有得買,見平平地入番塊嚟玩吓啦!

買嚟影相影到我靚嘅話,我當然係唔反對啦,不過唯一問題就係......邊個幫我地打板呢?大肥豬話到時用個袋墊住就得哦.....哈哈~

雖然唔係WORK唔WORK,不過我都好開心,因為大肥豬肯為幫我影相花咁多心機嘛!


*♡♡小肥豬♡♡* | 11th Aug 2009 | 甜蜜生活 | (31 Reads)

11 AUGUST 2009 (TUE)

哈哈.....雖然仲有成個幾星期先到生日,不過今日就大肥豬送左本年度生日禮物,就係依一支鏡頭啦~

其實我地一早都有諗過買鏡頭,嗰時都係打算買支變焦鏡嚟取代用緊嘅KIT鏡。都睇左好耐但都睇唔啱心水,因為好多支都有好有唔好,好難作出決定呀!

最後,大肥豬都係放棄左支變焦而買左支定焦鏡,佢個原因係.....我地都係主要影人多,而定焦影人像係會靚啲。雖然我地都有支50/1.4,不過多一支唔同嘅就可以影唔同角度,仲有依支鏡可以近少少影,咁就可以俾我影埋D女添,所以就選擇買依支鏡俾我啦!

鏡頭嘅嘢通常都係老婆送俾老公,不過因為大肥豬話佢都係用啲靚鏡嚟幫我影相,所以送鏡頭俾我就係最好不過。

哈哈....我都唔理...總之有得影靚相就得,等我搵日去試鏡影相先得。


*♡♡小肥豬♡♡* | 10th Aug 2009 | 好友與我 | (18 Reads)

8 AUGUST 2009 (SAT)

離開左三家村,我地就先返屋企梳洗,之後大家一齊再向下一個目的地進發。

大肥豬個目的地就係灣仔區某酒樓,因為佢有個朋友仔結婚,要去高興一番。

我呢...哈哈...當然又係去玩啦,約左糖糖同小肥肥一齊去青衣城個天神村呀!

我地一入到青衣城,見都唔算太多人,所以就即刻走左去排隊等入場。好在我地都等唔係好耐,一入到去場就爭取時候去影相啦~

嘩...青衣城依個天神村真係比杏花新城嗰個大好多同靚好多。唯一唔同嘅係,依個要捐款同排隊先可以入去影。

做善事都冇所謂,不過.....最衰就係只得十分鐘時間影,好似唔係好夠喉呀!


*♡♡小肥豬♡♡* | 9th Aug 2009 | 甜蜜生活 | (20 Reads)

8 AUGUST 2009 (SAT)

今晚大肥豬要去飲,原本都以為要乖乖咁留屋企,等到夜晚先可以同朋友仔去街街。

不過,大肥豬話見個天氣都幾好,所以就提意帶我去近近地嘅鯉魚門行個圈影吓相。

嘩...有得去影相哦,當然係即刻換衫扮靚靚去影相啦~

依輯相其實都有啲新嘗試,就係大肥豬係啲攝影論壇睇左好多拍攝人像嘅技巧,好多SETTING嘅嘢(不過...佢講俾我聽...我都係唔識...哈哈),所以今次佢不停調教相機嚟影。

另一個新嘗試就係.....小肥豬我好唔知醜咁,第一次著件吊帶小背心裙嚟影相。依件衫仔仲係上次同大肥豬行街時買俾我,個顏色同款式都係佢選擇呀!

今次嘅拍攝之旅,有驚喜又有『驚』喜。

驚喜就係...整體上都幾靚,大肥豬影得好有FEEL,不得又俾個叻叻佢添!

『驚』喜就係...著小背心影相,真係好肥呀,下次都真係唔敢再著住影相啦!(希望唔好為大家做成恐慌啦~)


*♡♡小肥豬♡♡* | 7th Aug 2009 | 我的D女 | (31 Reads)

7 AUGUST 2009 (FRI)

今日D女又有新攪作,又有新衫仔著啦!

事緣前幾日TRADE DUCK換物網有人想用兩件B女衫仔同我換張餅咭,我見張餅咭都擺左上網一段時間,加上又見兩件衫仔都幾得意,所以好快就成交左,今日仲約出嚟交收添。

哈哈...兩件衫仔又真係幾得意哦~

冷衫LOOK~

熊仔LOOK~

好在冇換錯嘢,著左上身又幾靚哦,不過件冷裙仔就大件左少少,好易走光呀...哈哈。

個BEAR BEAR LOOK,真係好鐘意,等我搵日又帶D女去影吓相先得。

哈哈....唔知下次仲有冇好嘢可以係TRADEDUCK換到呢!


*♡♡小肥豬♡♡* | 5th Aug 2009 | 生活點滴 | (30 Reads)

5 AUGUST 2009 (WED)

自從換左OK小金之後,都冇好刻意咁想去換埋其他嘅史迪仔,所以都只係留左幾FUN印花。

係前排睇到原來遲少少會出一隻特別版嘅史迪仔,特別版哦....當然好想換啦!

係我唔夠FUN而OK又唔再派印花嘅情況下,四周圍問朋友仔拎印花。經各方好友捐贈之下,終於都齊FUN,可以去換特別版啦

今日LUNCH仲即刻去換取換領添~

哈哈...唔知隻特別版係點樣呢?等到月尾就可以知道,希望都會係靚靚地啦!

最後,真係要再一次多謝捐贈FUN俾我嘅朋友仔們,真係麻煩晒你地呀!


*♡♡小肥豬♡♡* | 4th Aug 2009 | 好友與我 | (13 Reads)

4 AUGUST 2009 (TUE)

當知道有IQ博士佈置,都已經好想去影,因為曾幾何時我都係小雲FANS,睇住小雲卡通長大,加上依家都好少有小雲嘅佈置影,所以我真係勁想去影呀!

見杏花新城都算係我返工地方附近,所以今日放工就捉埋糖糖陪我道去行一轉,影靚相啦~

當然唔少得我同佢地嘅合照啦~

其實成個商場都只係得一個結婚場景同幾張紙牌公仔,都係屬於一個細細嘅佈置,但小雲、小吉佢地實在太可愛,仲有英俊版嘅博士,都幾攪笑.....好鐘意呀!

哈哈.....影完杏花新城依個,下一目標就係去埋青衣城天神村啦!


*♡♡小肥豬♡♡* | 3rd Aug 2009 | 好友與我 | (16 Reads)

2 AUGUST 2009 (SUN)

一改再改嘅迪迪尼之旅終於成行,今日仲帶埋LULU妹同約埋有AP嘅小肥肥一齊入去癲呀!

由於今次我地係自己買飛入場關係,為左唔好浪費時間,所以我地十點幾就入場,排隊等入場真係好耐都冇試過係等入到樂園時見到史迪仔,個心情就仲興奮~

入得去到時間差唔多做反轉大街騷,所以就去霸個靚位睇。小肥肥真係冇介紹錯,我地個位置係勁正,係正史迪仔前面。我地不停又影又叫又跳,真係勁HIGH啦~

興奮完一輪,我地休息都未有時間,就走左去搵特別版史迪仔影相啦~

之後我地又去左搵嗰史迪仔嗰七個景點影相啦~

影齊七個場景之後,我地就行再去排隊影米奇。其實個夏日米奇同上年嗰個都係一樣,因為LULU妹未影過,所以就影吓啦!不過因為遊人太多,所以我地都冇再排其他公仔~

之後我地就去行吓精品店,目的都係去涼冷氣,因為天氣實在太熱啦!不過咁都係,因為又係一個影相好時間呀~

行到攰....我地就去醫肚先,再去睇水花巡遊啦!

其實個巡遊同上年嘅都係一樣,不過因為上年怕整濕部相機,所以冇影到相。見其他朋友仔都影到好多靚相,所以都唔理,用部傻瓜機不停影..影...影水花巡遊相。

準備開始時~

開始啦~

我地就不停影巡遊,俾人偷影左添~

巡遊過後,大家都玩到濕晒呀~

玩完之後,當然又係過冷河時間,我地入左米奇大屋影靚相呀~

又係城堡前影吓先~

依個時候小肥肥有事要先離開迪迪尼,我地三個就先去飛多轉太空山,之後就去周圍行吓,不過都係行精品店(因為有冷氣嘛!)

係精品店我仲拎住小金周圍行,扮晒道具影靚相(我都拎左小金好耐,好有冇俾啲職員話)~

玩到六點左右我地就走人,真係有啲唔捨得,不過我係買左夏天兩日嘅飛,所以我八月尾又可以入嚟玩多日呀!哈哈哈~~

之前入迪迪尼我都好少買嘢,不過今次真係大失手。因為樂園入面有好多SHOP都做特價,見咁抵當然係忍唔到手啦~

另外,我仲收到份生日禮物,就係之前不停拎住嚟影相嘅小金啦~

事緣...當我拎完隻小金影相時,好唔捨得將佢放回原位,依個時候LULU妹就話,不如買左佢當放俾我嘅生日禮物。

依隻小金都算貴,所以開頭我都唔捨得,不過LULU妹又不停叫我買,攪到我心大心細。最後...大肥豬就問啲職員有冇新嘅,哈哈...又有哦,咁就決定同LULU妹夾份送俾我嘅生日禮物啦!


*♡♡小肥豬♡♡* | 2nd Aug 2009 | 甜蜜生活 | (28 Reads)

1 AUGUST 2009 (SAT)

終於踏入八月我依個生日月,雖然仲有成大半個月先到我正日生日,但我要開開心心咁享受依個生日月呀!哈哈哈~~

係我準備放工嘅時候,大肥豬就打電話俾我,話帶我去行街街食好嘢,最後我地就相約去鑽石山廣場行街街。

由於唔想等位關係,所以我地就去左食飯先。原來大肥豬帶我去食嘅好嘢就係上次路經話想試嘅上海菜~

諗左好耐都唔知食乜好,最後就叫左個二人套餐啦~

原本以為套餐啲嘢會麻麻地,不過依餐又幾好哦,樣樣都幾好食,有少少驚喜添~

真係一餐勁豐富的晚餐,我地兩個都飽飽咁離開呀!

唯一美中不足係...點解上海菜館會冇小籠包食呀?等我仲滿懷希望想食添,唔緊要啦...下次搵個第二間再食過啦!

食飽飽之後就當然係SHOPPING時間,行左一陣就有收獲。不過就唔係我,係大肥豬買左幾件返工衫,見好多SHOP都做緊大減價,又點可以忍手唔買呀!