香港新浪網 MySinaBlog
*♡♡小肥豬♡♡* | 31st Jul 2009 | 生活點滴 | (24 Reads)

30 JULY 2009 (THU)

一連九日嘅大假終於結束,係時間都要回歸現實,努力工作。唉.....要等出年先再可以咁輕鬆地放假啦!

講真....今日返工仍然足滿濃厚嘅HOLIDAY MOOD心情,攪到冇乜心機做嘢添。呵呵呵~~

今日返工,又有另一件開心事,就係有禮物收呀~

係唔係好得意呢?大家估吓係乜東東,有乜用途?

正面~

背面~

哈哈...等我開估啦.....其實係一個公仔手機套嚟呀~

雖然我部手機唔係摺機,唔可以用住。不過隻貓仔真係好可愛,我好鐘意,所以我都已經將佢放左係個架度,當係一件少少裝飾品啦!


*♡♡小肥豬♡♡* | 30th Jul 2009 | 靚太廚房 | (56 Reads)

29 JULY 2009 (WED)

話咁快就嚟到假期嘅最後一日,真係好想時間停留係依一日,咁就可以唔洗返工啦!(哈哈..發夢中)

係依個放期入面,真係玩足咁多日,所以就趁今日最後一天假期,乖乖咁做吓家務,做番個乖乖老婆仔。

忙碌左半日,都叫做執好左間屋仔。之後又去街市買餸,準備是煮飯仔啦!

由於執屋攪到個人都攰攰地,所以都係煮番啲簡單餸就算。依個就係是日晚餐~



有冇留意我地碗飯呢?之前行超級市場買米時,大肥豬話要食得健康,所以就提意買包細紅糙米,係煮飯時溝埋白包一齊煮。就係咁...我就開始要食健康飯啦。不過...食落都OK,俾我想像中好食哦~

先嚟青瓜炒魚蛋~



再嚟鹵水雞翼腸仔蛋,經小豬媽教路之下,終於整到靚靚嘅鹵水蛋~

除此之外,我仲買左少少飯後果,大大粒靚龍眼~

今日嘅晚餐真係勁豐富,好滿足呀!


*♡♡小肥豬♡♡* | 29th Jul 2009 | 我的D女 | (33 Reads)

29 JULY 2009 (WED)

原來我都好耐冇帶我啲DOLLCENA去街街影靚相啦!

其實都有諗過帶埋其中一個去盤龍峽一齊去影靚相,奈何當時個包包冇位可以容納佢(或者可以話係我唔捨得『側』佢地入袋),所以最後都冇帶到。不過....咁都好,因為連我自己都唔夠時間影嘛!呵呵~

今日見個陽光好好,所以又抽起條根,係落街買餸前帶左愛麗詩落樓下公園影左少少相。

哈哈....好似好無聊咁,不過原來公園仔都係有啲好靚嘅草草,影出嚟又真係幾靚呀~

仲去埋遊戲區影吓添~

哈哈...雖然係少少嘅場地,不過原來都可以影得幾好哦!


*♡♡小肥豬♡♡* | 29th Jul 2009 | 生活點滴 | (21 Reads)

28 JULY 2009 (TUE)

雖然仲有成個月先到我嘅生日,不過今日已經食左本年度第一餐生日飯啦!哈哈~~

因為我地七八月生日嘅都有幾個人,所以就約埋一齊出嚟食飯,當同我地慶祝,一齊開開心心食餐飯。

我地今次去左紅磡依間酒樓食杭州菜啦~

由於我地掛住傾同食,所以都冇將食物影相。不過啲嘢食都OK好味,尤其係個小籠包,我總共食左三隻呀,真係有啲唔係幾好意思添。

成晚都傾得好開心,我地嘅話題講得最多嘅係嗰啲古古怪怪嘢,不過出奇地,我竟然唔驚,唔知係我大膽左,定係佢地就住我嚟講呢?HEE HEE~

最開心嘅係....同事們都好有心,預早埋生日禮物俾我地呀~

哈哈....開開心心又過左一又食又拎嘅晚上啦!


*♡♡小肥豬♡♡* | 29th Jul 2009 | 好友與我 | (14 Reads)

28 JULY 2009 (TUE)

由於之前托糖糖幫小茵買左麥當當嘅 HELLO KITTY公仔,所以就趁今日依然係放假嘅好日子,約左小茵出嚟食個LUNCH,短記敘一吓啦!

原本約好左去小茵公司附近食壽司,不過我又唔爭氣個胃有啲唔舒服,所以最後就改左去味千拉麵食。

講開間味千,佢地嘅服務態度真係極差。當門口個職員指我去左邊枱,但張張枱都係有人,根本冇位。之後,我又再行去問其他職員邊個位可以容納我,但都係冇人理我。最後...我問返門口個職員,先叫做搵到個位俾我,諗起都真係嬲嬲地,依間都唔會再有下次啦!

一見到小茵,ORDER左嘢食之後,我地就不停傾..傾...傾啦!講嘅內容都圍繞住結婚嘅事,我仲將我結婚時聽到好多八卦傳統講俾小茵知,等佢可以參考。

係同小茵分享同時,其實都另我回想起好多籌備婚禮時嘅點滴添。

隨住小茵夠鐘返工,所以我地個LUNCH短敘就要結束啦!不過相信我地又會好快見面,到時一齊影靚相...哈哈。

其實今次個短敘都有另一個目的,就係我做左個中間人,幫糖糖問小茵拎左啲五個7-11小丸子公仔,真係唔該晒~


*♡♡小肥豬♡♡* | 28th Jul 2009 | 生活點滴 | (29 Reads)

26 JULY 2009 (SUN)

繼盤龍峽之旅後,又嚟澳門一天遊啦! 不過今次就係與小豬爸、小豬媽仲有LULU妹同遊,我嘅責任就係做導遊帶佢地周圍去啦!

第一個目的地就係威尼斯人,因為佢地未嚟過嘛。不過地達目的地後,第一個活動就係去美食廣場食嘢。

由於小豬媽咪係船上獲利回吐左,所以要食番個鰻魚飯補充體力~

哈哈...我又好為食咁買左個小籠飽食~

行到大運河,我地邊行邊影相,仲帶左小豬媽去掃買蝴蝶袋同去賭場參觀吓添~

行完威尼斯人之後,我地就拎住兩大袋蝴蝶袋戰利品,向地氹仔街出發。

我地就係氹仔街行左一陣,之後就去左小飛象餐廳食LUNCH~

先嚟每人一個熱辣辣嘅豬仔飽~

燒羊肋扒(我唔鐘意食羊都試左少少,又幾好味呀)~



炒椰菜(好細碟哦)~

燒乳鴿兩隻(都OK啦,不過冇乜肉呀)~

最後就係炭燒豬頸肉(依個係勁好味呀)~

食飽飽就向去下一個目的地,依個地方就係次次嚟澳門都想嚟,但又唔識去嘅禮記雪糕~

剛剛先食完LUNCH,話咁快就又食嘢啦!我地女士們就叫左至出名嘅雪糕三文治~

兩位男士就叫左另一出名嘅雪糕紅豆冰~

真係都冇介紹錯,真係好好味呀~

為食嘅我又點會只食個三文治就足夠,又再叫左個另一出名嘅椰子雪糕,真係好好食....好香梛子味呀~

食左好滿足嘅好味雪糕之後,我地就慢慢行去新萄京酒店,當然又係參觀賭場時間啦!

之後就係行吓議事亭前街,當我地沿路行上大三巴時,見到有間新開嘅NaRaYa,依間有成三層大,早知就唔洗係威尼斯人買啦~

行到熱辣辣兼攰攰地,見到有冰凍芒果綿綿冰,所以又嚟幫襯吓~

$12一大碗,真係又抵又好食哦~

又係買手信時間,上次糖糖介紹依間豬肉干唔錯,所以今次又嚟依間買啦~

玩左成日,大家都已經好攰,所以又到晚飯時間。是次晚餐爸爸請我地食好嘢~

先係一碟燒肉~

再嚟通菜炒鮮魷~

同埋豬蹄根炆什菇~

最後,主角出場...睇吓係乜~

嘩....原來係雞燉翅嚟。依個仲係勾翅嚟呀!雖然我唔知有乜分別,不過小豬媽話係正好多呀~

睇吓我嗰碗,真係好多呀....見到一條條嘅翅添~

成排翅嚟食呀~

食左個既豐富又滿足嘅晚飯之後,見仲有時間,就過左新開嘅新濠天地行吓。不過其實都好似冇野睇,都係一所名店坊~

係賭場入口有個好靚水幕,真係好靚,忍唔住睇左一陣~



見冇乜嘢行(名店係唔啱我呀~),所以入賭場行個圈參觀吓。 不過亦都係咁,我終於都可以嘗試係賭場拎支水啦。成日都聽人講賭場多野飲品派,不過去咁多次都係第一次有依個服務.....哈哈~


睇吓我地嘅戰利品,不過當中只有兩小袋係我,其他都係小豬媽呀~

之後我地就搭車返碼頭,就係咁又開開心心過左一個家庭日啦~

我嘅戰利品,買咁多都唔知幾時先用得晒呀..哈哈~

 


*♡♡小肥豬♡♡* | 27th Jul 2009 | 甜蜜生活 | (20 Reads)

24 JULY 2009 (FRI)

話晒我都係為左薰衣草田已來,雖然同電視睇嗰啲差好遠唔多靚,不過都總係想去影相嘛!

由於第一日影唔夠喉,所以第二日就係原定集合時間(十點)再早啲起身去影過。

一早七點就落左去食早餐。不過......行左一個圈都搵唔到嘢野想食,個酒店自助早餐奇差,終於都『迫』自己食左依啲~

一大早嘅花田都算有少少靚啦~

可能早關係,所以都唔多人,我地仲可以霸到好多有利位置影靚相添~

大家唔好誤會,我係好有公德心呀,依支花花係我地上捨到,唔係採摘呀~

經過兩個幾鐘花田影相,都算叫做影左啲靚相啦!雖然係薰衣草田入面影左勁多相,但鐘意嘅就唔多,都係發覺自己一早起身個樣勁唔得,好腫呀!不過係都有兩張至愛,大肥豬影我影得幾有FEEL~

今次其實都幾辛苦,因為除左陽光晒之外,個花田開左好多自動洒水系統,不同角度都有,所以大肥豬要就角度幫我影靚相之餘,又要避水,最後攪到成件衫都濕晒。(真係好抵錫呀~)

當我地交完房匙俾導遊後,見仲有少少少時間,所以又係酒店附近作最後努力影..影...影啦~

離開盤龍峽後,我地又再出發去下一個目的地啦!

首先去左水雲間,其實咪即係成個團唯一既購物點,叫你地買吓茶葉去幫助一啲雲南山區既小朋友。 之前我都去過同類嘅地方,所以都冇心機聽,影吓當到此一遊就算啦~

下一目的地就係金林水鄉,都係睇吓啲水鄉咁啦~

搭木伐去遊湖同埋睇表演~


之後導遊就再帶我地去食豆腐花,每人一碗...免費的~

唔知係唔係熱嘅時候食凍豆花覺得特別好味,所以我地就叫多一碗,真係勁抵....只係一蚊一碗呀~

休息過後,就去參觀酒坊同試食花生~

最後睇我買左幾多野,都係大肥豬至愛嘅花生嚟,仲買左三大包添~

參觀埋依個地方,我地個行程就完結啦!

最後又坐四個鐘車,只係中途食左LUNCH同DINNER,之後到碼頭再坐兩個鐘船番香港啦!


*♡♡小肥豬♡♡* | 25th Jul 2009 | 甜蜜生活 | (18 Reads)

23 JULY 2009 (THU)

出發啦....盤龍峽之旅終於出發啦.....一早起身就六點唔夠,就去到碼頭匯合領隊出發啦~

雖然係兩日一夜活動,不過我都裝備充足,有兩中袋包包,其中一大袋係相機裝備,準備影靚相嘛~

我都話我係超級黑仔王,去玩都唔例外。我地原本的船有問題,要滯留左係碼頭成個鐘,好慘呀~

終於到等到可以上船,一上船最好嘅就當然係ZZZ~

經過兩個鐘嘅船程,再加上四個鐘嘅車程,只係中途食左個唔多好味嘅LUNCH,終於到達盤峽。(真係坐車坐都個人都傻左)

一落車就開始我地攝影活動,好耐都冇見過咁靚嘅藍天與白雲啦~

入到盤龍峽,第一個活動就係搭車上山,去睇瀑布兼行山之旅。

一上到山,就已經見到水車群,不過好多都唔識轉呀~

之後就正式行山之旅,睇左好多靚瀑布,都幾莊觀呀~

經過兩個鐘後,終於回到目的地,真係行到個人好攰呀~

係山路出口附近,就係薰衣草園,雖然已經係半死狀況,都要去影。不過...點解冇電視睇嗰啲咁靚呀,真係有少少失望~

由於時間加上我地嘅精力有限,所以都只係影左少少相呀~

食完唔好味但都要食嘅晚餐後,上酒店休息一陣,係未去浸溫泉時影吓夜景先。最衰冇帶腳架,我地都係用番舊招,將相機放係石柱上,先影到依幾張靚靚夜景相呀~


之後我地就去左浸溫泉,講真....真係唔係好得,勁細又多人,仲要冇乜指示,所以都搵左好耐先搵到個薰衣草池。

浸完溫泉,買左個宵夜食,就係嗰度出名嘅乞衣雞。可能係攰左成日,所以都真係特別好味~

食飽飽之後,就要訓覺,抖足精神準備第二天之旅。


*♡♡小肥豬♡♡* | 23rd Jul 2009 | 甜蜜生活 | (15 Reads)

22 JULY 2009 (WED)

今日一早,就俾大肥豬捉左去洗牙(冇錯....係要用個捉字,因為我真係好怕去睇牙醫呀~),因為佢公司有員工福利,連同配偶都有著數,所以就算我真係好驚,都要去睇洗牙呀!

真係冇驚錯,一訓上張牙醫床,我就已經周身唔舒服。當牙醫開始嘅時候,嗰啲『吱..吱...』聲,真係聽到我好唔舒服,成個人都震晒咁。

好在....醫生都話我嘅牙齒算OK,所以都唔洗用太多時間。不過,好不幸地俾醫生發現左我有蛀牙。所以...又要搵日再驚過添。

洗完牙之後,買左飛睇睇哈利波特又未夠鐘,就係依個時候,醒起小M之前介紹過和昌大押個平台花園,見又近近地,所以就去行左一轉,影左少少相啦~

可能真係冇乜人關係,成個場都只係得我地兩個加一位管理員姐姐,所以我地又係度大影特影,仲叫左位姐姐幫我地影左張靚靚合照添~

雖然我個樣都唔係太好樣,不過依張相個感覺又真係唔錯,可以話係是日至愛呀~

之後我地見時間差唔多,就再向時代廣場出發,入場睇戲啦~

我都係第一次入戲院睇哈利波特,之前都係睇無線播嗰啲。

講真...今次依輯真係麻麻地,個場節好慢,完全冇緊張鏡頭,就算ENDING都唔明個劇情講乜,可能係留待下集大結局先有好畫面啦!


*♡♡小肥豬♡♡* | 22nd Jul 2009 | 好友與我 | (17 Reads)
21 JULY 2009 (TUE)

第一日放假就撞住大肥豬要OT,不過我都唔會好寂寞,因為又約左糖糖同小肥肥依兩位妹妹仔去街街。由於我地都係鐘意影,所以我地都PLAN左兩個好適合影相嘅地方啦!

第一個目的地,就係我今朝到去過嘅時代廣場。我地先去左一樓大堂影。一見到好多米奇佈置,真係好靚呀~

當然除左影公仔,我地都不停影..影..影啦~

影完一樓,當然就轉戰地下,真係影到傻傻地~

我地仲玩埋啲效果相,扮有MOOD添。哈哈....我真係勁鐘意依兩張相呀~

影完時代廣場,我地就轉戰另一個地方,就係星巴克冰室,又真係幾懷舊,幾有特式哦~



由於我唔食COFFEE關係,所以都係叫左杯芒果冰同特式小食。講真...個味道又真係唔係幾得,我唔係太欣賞~

我地當然都又係不停影啦....但可能我係時代廣場已經影到傻左,所以都攰攰地~

今日真係玩得開心,影得HAPPY,真係多謝兩位妹妹仔陪左我成晚,仲幫我影左咁多靚相。

PS:糖糖、小肥肥,你地記得快啲SEND返啲有我個樣嘅靚相俾我呀~


*♡♡小肥豬♡♡* | 21st Jul 2009 | 生活點滴 | (19 Reads)
21 JULY 2009 (TUE)

放假啦...放假啦...終於等到放假啦,真係勁開心。可能係放假關係,所以一早起身個人都輕鬆啲....哈哈哈!

放假第一日,第一件做嘅事,就係做個乖乖女,陪小豬媽去覆診。

睇完醫生,我好就同埋小豬爸一行三人去飲茶,當我地行去皇室堡時,見到有個少少嘅JELLY BELLY展覽,所以就停低睇左一陣。真係好利害,同啲糖砌左幾幅圖畫,睇佢砌JOEY嗰張真係好似呀~

哈哈...好耐都冇去飲茶,所以ORDER嘅都係我嘅至愛(仲有啲掛住食冇影相)~

之後就係SHOPPING時間啦,我地先去時代廣場行,終於見啲米奇佈置,真係好靚好得意呀。不過由於時間關係唔可以慢慢影,隨便影左少少相。因為晏啲我都約左朋友仔一齊再係依度,到時可再慢慢影啦~

今日係第一日假期,我就已經小出血啦。SHOPPING時見好多地方都特價,所以我又買嘢,不過兩樣都係為左去小旅行已買。

首先就係一個靚靚旅行袋~

之後就買左條型仔短褲俾大肥豬,等佢去玩時唔洗咁熱嘛~(哈哈..真係體貼老婆仔啦~)


*♡♡小肥豬♡♡* | 19th Jul 2009 | 靚太廚房 | (82 Reads)
19 JULY 2009 (SUN)

原本今日係順延上星期因為信錯天文台攪到冇得入迪迪尼玩,點知今次又打風去唔到。唉..都唔知幾時先可以入到去玩,真係勁嬲呀!(唔通整定我唔可以同著左件夏威夷衫嘅史迪仔影相。)

一早起身見天氣都幾好,仲已經改發三號風球,如果唔係睇新聞報導,都唔知係零晨有咁利害嘅九號風球。

颱風過後,雖然冇大風大雨,一切都好平靜,不過見周圍都濕淋淋咁,都唔係好想去街街,所以就好乖乖咁留係屋企。

冇出街當然就連留係屋企玩吓煮飯仔,不過突然抽起條根,好想打邊爐,所以今晚又嚟左個二人邊爐宴~



哈哈....係屋企開行冷氣打邊爐又真係另一番風味。雖然我地嘅食物種類唔多,不過樣樣都係我地鐘意食嘅,所以食得好滿足呀!


*♡♡小肥豬♡♡* | 17th Jul 2009 | 甜蜜生活 | (15 Reads)
16 JULY 2009 (THU)

學生暑假又到,就即係我可以放大假嘅時候啦。由下星期二開始連放九日,都真係幾好咁,但大肥豬都係只可以請三日陪我....冇法啦,做嘢緊要嘛,其他嘅日子就乖乖咁留係屋企整吓嘢、休息啦!

由於都係得幾日一齊放假,所以都冇乜點PLAN去旅行,都係打算留港浪費、振興經濟,仲PLAN左幾個地方去影相。

不過,事情有變.....就係事緣前幾日大肥豬睇到個節目介紹左盤龍峽,見到個地方真係好靚,對依個地方都有少少興趣。

講吓..講吓就話搵日去旅行社睇吓有冇團JOIN,再就係咁今日去左啲旅行社睇,之後就係永安報左個盤龍峽兩天團啦~

哈哈..雖然今次我地都係啲短線兩天旅行,不過都好期待,因為睇介紹盤龍峽係一個好靚地方,又有瀑布、又有一大片好靚嘅薰衣草。真係諗起都開心,可以影好多靚相呀!


*♡♡小肥豬♡♡* | 16th Jul 2009 | 甜蜜生活 | (26 Reads)
15 JULY 2009 (WED)

今日大肥豬約左我出九龍灣睇嘢,既然出得九龍灣,就當然就順便過埋MEGA BOX影吓史迪仔啦!

上次去MEGA BOX時因為佢地有節目,所以冇得影,都真係有啲失望,開頭仲以為要等放大假先捉大肥豬去幫我影,點知話咁快就有得影....哈哈!

可以影相嘅地方真係唔多,都只係得五樓中座放左三隻史迪仔俾遊人影相,不過...真係好得意呀~

哈哈...其實影嚟影去都係得三個史迪仔,不過我都傻吓傻吓咁,係依個小小環境下,影左好多相呀~



最開心就係......可能係假期關係,都有好多人都入嚟影史迪仔,所以好方使咁搵到人幫我地影合照呀~

影完相之後,就四周圍行吓,係唔知幾多樓見到有個GAME玩,行埋去睇時,見到依個情景....真係好攪笑呀~

我仲趁周圍冇人,好唔知羞咁玩左個GAME一次添~


*♡♡小肥豬♡♡* | 15th Jul 2009 | 生活點滴 | (19 Reads)

15 JULY 2009 (WED)

一年一度嘅學校飯局又嚟啦,往年都係夜晚去酒樓食,不過今年就去左港島海逸酒店食LUNCH BUFFET~

開頭以為係LUNCH BUFFET唔會有好多野食,不過....真係估佢唔到,有好多唔同種類嘢食,甜品又勁多選擇,就連生蠔、魚生都有得食,真係唔似係LUNCH呀~

原本我都唔係太好胃口,不過見到咁多美食在前,都食左好多野,仲膽粗粗咁食左隻生蠔添~

哈哈....真係食得勁滿足,最好就係我地職員係免費,有人請就仲食得開心。

不過依間BUFFET又真係唔錯,啲嘢都好新鮮又好味,有機會帶埋大肥豬去試吓先得。


*♡♡小肥豬♡♡* | 12th Jul 2009 | 生活點滴 | (15 Reads)

12 JULY 2009 (SUN)

係我同大家分享今日活動之前,有一番激氣嘅說話一定要講:依個都唔知係乜天文台,成日都估計錯誤,又話今日狂風暴雨,睇吓....暴就係暴,不過係暴晒,全日都勁好天,攪到人地等左好耐入迪迪尼都要改期,真係激C我啦!

好啦....發完勞騷,講番今日個行程先。

由於冇得入迪迪尼,同埋信錯天文台,所以我同大肥豬都決定搵啲室內活動,最後....我地就又出尖沙咀,打算去太空館睇高清節目。可能係假期關係,又係買唔到飛,又睇唔到添,所以就改另一個活動,就係去扮吓有藝術人,去香港藝術館行吓啦!

一行到藝術館就見到俾好多LV 海報包住,因為佢地做緊個『路易威登:創意情感』展覽~

諗住LV展就會有好多LV野睇,點知.....原來都係得少少嘅一個展覽室,好少野睇,加上又唔俾影相,所以都失望~

既然入得藝術館,當然唔只行LV展,基本上好多唔同展區我地都行晒。不過個個展區都唔俾影相,加上我真係冇乜藝術細胞,所以都悶悶地呀!

反而有幾個國畫同陶瓷公仔嘅展覽室大肥豬就好有興趣,睇左好耐先走呀...哈哈~

不過成個藝術館有樣嘢我係最感興趣,就係啲枱椅~

驟眼睇好似係木製,但睇真啲...係紙製,真係好得意呀!


*♡♡小肥豬♡♡* | 11th Jul 2009 | 生活點滴 | (10 Reads)

11 JULY 2009 (SAT)

今日放工返到屋企嘅時候,大肥豬就古古怪怪咁唔俾我行去魚缸個位置。

佢越唔俾我行,我就越要去睇下個魚缸。點知.....就有個驚人發現,就係多左一條白雪雪又有大肥豬手掌咁大條嘅魚仔,比我地上次係天光墟買嘅大成倍呀~

原本大肥豬都唔肯講我知條魚仔嘅身價,最後經我威逼利誘之下,終於都講左我聽。

嘩......真係俾佢激親,買左條咁貴嘅魚仔番嚟。不過,睇睇下條魚仔頭仔大大咁又幾得意~

算啦......佢鐘意就由佢啦,不過只限一條,再買多條貴魚,我怕真係會破產呀~

依家又多一位魚仔成員大家庭,睇下佢地游得幾開心~


*♡♡小肥豬♡♡* | 10th Jul 2009 | 生活點滴 | (9 Reads)

10 JULY 2009 (FRI)

自從買左部單反之後,我就好想留番長把頭髮。因為總係覺得頭髮飄飄咁影相會好靚,所以我都好努力咁留..留..留。

經過幾個月嘅努力,終於都都去到肩位。不過亦都係因為到左依個位,攪到個髮尾成日都向後彎,要朝朝早起身吹返順。再加上依家真係熱得緊要,頭髮又唔可以紥馬尾,攪到好熱呀!

終於都忍唔住,今日放工就走左去剪短佢,今次仲好似比以前仲短呀~

哈哈....剪左出嚟都OK,我都可以接受。當然最開心嗰個就一定係大肥豬啦,佢鐘意我短髮嘛!


*♡♡小肥豬♡♡* | 7th Jul 2009 | 生活點滴 | (29 Reads)

7 JULY 2009 (TUE)

由於小豬爸突然想去廟街行吓,所以就相約我地同LULU妹一行五人係今晚嚟個夜遊廟街活動(其實都唔係好夜,我地都係由七點左右開始活動)~

對廟街嘅印象唔係太深,可能係我好..好..好少機會去,所以好多野對我嚟講都係幾新奇,尤其係攤當賣嘅,真係都好少見,有啲仲好古怪添,不過依啲都係主要俾遊客買,我地都係睇好啦~

行左一陣,我地就見到廟街特式之一,就係睇相。不過依家好多都做左搭羅牌占卜,睇相算命竟真係好少人幫襯啦~

再行過多少少,就見到有另一個特式...就係唱歌仔。不過可能我地仲係早關係,都係得一檔有位伯伯係度唱歌,個伯伯仲唱得好ENJOY~

到左醫肚嘅時候,原本我地都有打算去食街邊大排檔感受吓廟街風味,不過奈何個天氣真係太熱,我地頂唔到係冇冷氣環境吓食野,最後就隨便搵左間有冷氣嘅地方入去食野啦~

哈哈...錯有錯著,依間嘅嘢食都唔錯,係個賣相差少少。小豬爸仲不停讚好味呀~

食飽飽再行多一陣,就完左我地依個開心愉快嘅廟街之旅啦!


*♡♡小肥豬♡♡* | 5th Jul 2009 | 好友與我 | (14 Reads)

5 JULY 2009 (SUN)

係上次同小M飯局嘅時候,講起想去文化博物館睇吓,就係咁.....我地就相約係今日一齊去行吓啦~

我都係第一次去依個博物館,所以開頭都有少少期望會有好多地方俾我地影相,但最後都有少少失望。

睇個博物館外觀都好大,但原來可以影相嘅地方唔多,有啲展覽館仲唔俾影相添,加上成個場館又唔准用閃光燈,所以今次影嘅相都唔太好,好多都唔夠光。不過,都有啲係比較滿意呀~

係成個場館入面,竟然俾大肥豬搵到個影相好有FEEL嘅位置。雖然都唔係好夠光,但影出嚟嘅又幾好睇哦~

唔覺唔覺...我地係文化博物館都逗留左大約兩個幾鐘先離開。

我地影完相之後就去左沙田市中心食左個既豐富又滿足嘅PIZZA HUT晚餐~

今日真係影得開心,食得滿足,期待下次我地係室外環境下可以大影特影呀!


Next