香港新浪網 MySinaBlog
*♡♡小肥豬♡♡* | 30th Jun 2009 | 好友與我 | (16 Reads)

29 JUNE 2009 (MON)

又係開心聚一聚嘅時間,今次約咗小M同小茵去旺角嘅風月堂。其實早幾次嘅聚會小茵都因為有事出席唔到,所以攪到都好耐冇見佢,終於今次可以出席飯局啦!哈哈~

風月堂我都係第一次去,嗰度嘅環境真係好舒服,佈置又靚,每枱都有支小小花仔點綴吓,都幾好呀~

我地叫左幾樣嘢食,碟碟都好精緻,仲好靚添,但就覺得啲野食唔係想像中咁好食。可能係我地坐係冷氣口下面,嘢野食嚟到擺一陣就吹凍左,食嘅時候唔夠熱啦~

不過對我地嚟講,食都唔係最重要,都係想搵個地方可以容許我哋坐得耐嚟傾吓計嘛!(哈哈…依間CAFÉ又幾係哦,全程都冇嚟騒擾我地,任我地傾。)

我地真係有好多傾唔完嘅話題,傾左好多唔同嘅話題,當然講得最多都係講影相,因為大家都鐘意影相嘛,仲約左搵日一齊去相添。

唔覺唔覺..原來我地由七點坐底就開始傾...邊食邊傾....最後都差唔多十點半先走,真係開心啦~


*♡♡小肥豬♡♡* | 29th Jun 2009 | 甜蜜生活 | (23 Reads)

28 JUNE 2009 (SUN)

今日下午見冇乜野做,大肥豬就話出九龍灣去宜家行吓,所以我地就出發啦!

知道MEGA BOX有史迪仔活動,所以見去開德福,就搭埋個穿梭巴過去影吓相。

一入到去,就見到貓王史迪仔等緊你啦~


不過.....好唔好彩,原來樂基兒去左做開幕儀式,所以封左L5嗰個史迪仔佈置。冇得影相,所以我地就周圍行吓睇吓野。

就係依個時候,我地行到樂園售票處,見到個職員加上知道夏天又有優惠,所以我地諗到唔諗,即場買左兩張ONE DAY PASS啦~

買左兩張OPEN DAY PASS,佢地仲送左兩把自動迪迪尼傘仔俾我地,都抵啦~

哈哈....雖然係買OPEN DAY PASS,不過佢地又有兩日票,大肥豬就即時話加多$100同我入多次呀~

買完飛就同紙版史迪仔影住先,好快就可以入去同公仔版影啦~

之後我地就落左去地下扭蛋場影相啦~

今次真係影得唔夠暢快,如果有機會再捉大肥豬去影多次相先得。

哈哈....其實大肥豬講左話等七月放大假時同我入迪迪尼時已經好開心,依家買埋飛就仲高興。當知道會加$100再入一次,就仲興奮,抵呀...計番都係二百幾蚊一次呀。

雖然我係勁鐘意入迪迪尼,但都要考慮吓大肥豬感受,一兩次佢就開心,冇理由迫佢成日陪我入去嘛,所以暫時唔考慮再買AP。等佢地興建好下一期,我先再買AP成日去啦,起碼多新野玩,唔會悶親大肥豬嘛!

依家個有PASS在手,個心真係飛左入迪迪尼啦.....哈哈~


*♡♡小肥豬♡♡* | 28th Jun 2009 | 生活點滴 | (80 Reads)

28 JUNE 2009 (SUN)

天光墟我地都未去過,都只係聽過有好多平靚正嘅魚仔買。前排大肥豬講話想去睇,係依個時候又係我做乖乖老婆嘅時候,陪大肥豬一齊去見識吓,睇吓有冇靚魚買。

就係咁......今日一早就起身,未夠六點半就出門口,目的地就係去買魚仔。好在我地屋企樓下有小巴去到天光墟附近,咁都算方便。

好快就去到目的地,唔知係落雨關係定係我地晏左,所以都唔係好多攤檔。雖然係少少幾檔,不過都好多野睇,佢地將啲魚袋放晒係地下任人揀,都幾攪笑。

除左魚仔之外,嗰度都有好多其他嘢買呀~

行左一陣,大肥豬終於搵到目標,仲好細心咁揀魚仔添~

經過一輪戰鬥,終於買左三條大魚返屋企啦~

買完魚仔,我地就去食左個豐富早餐啦~

係我地行去搭車途中,見到平日繁忙的女人街,原來清早嘅時候係咁寧靜,仲好寬闊添~

返到屋企,大肥豬就好忙咁處理佢啲魚仔。我.....就當然去繼續訓覺訓埋下半場啦!

訓醒起身,魚仔已經好得意咁游..游...游....緊啦~


*♡♡小肥豬♡♡* | 27th Jun 2009 | 生活點滴 | (15 Reads)

27 JUNE 2009 (SAT)

早幾日係YAHOO有個PROMO,就係NIKON N-SHOT大潮集遊戲。

見到個終極大獎~單反D5000,真係好鬼吸引,所以就貪得意UPLOAD左幾張相上去玩,睇吓有冇機會贏到獎啦!

可愛金魚http://hk.promo.yahoo.com/nikon/N-Shot/member.php?sid=220~

溫馨小熊貓http://hk.promo.yahoo.com/nikon/N-Shot/member.php?sid=335~

小情侶http://hk.promo.yahoo.com/nikon/N-Shot/member.php?sid=336~

雖然都知得獎機會係微之又微,不過都試玩吓,大家要支持我呀。只要係有YAHOO E-MAIL ACCOUNT ,就可以嚟投一我票啦~ 

大家有興趣都可以去參加....不過記得投左我票先啦..哈哈


*♡♡小肥豬♡♡* | 25th Jun 2009 | 生活點滴 | (11 Reads)

25 JUNE 2009 (THU)

依排真係好多地方都有公仔換,繼早前惠康有BEAR BEAR換之後,今日開始又有新野啦!

就係OK便利店有史迪仔換~

嘩.....有小金換呀...所以依排要多啲去OK買嘢換印花先得。

如果大家有印花唔要....我唔介意幫你地收留。因為睇睇吓ANGEL又幾得意,其中一隻史迪仔又幾可愛,如果我有好多印花就可以換一SET史迪仔家族啦!呵呵呵~


*♡♡小肥豬♡♡* | 24th Jun 2009 | 靚太廚房 | (43 Reads)

23 JUNE 2009 (TUE)

見到是日晚餐依個環節,即又係我煮飯仔嘅時候。真係勤力,日日都煮飯。

哈哈....冇法啦,天氣咁悶熱,我地都唔想四周去,留係屋企就係最舒服。

雖然煮飯嘅時候都幾熱同攰攰地,不過煮俾大肥豬食都冇計啦!

由於今日係初十五要食齋,所以就煮左兩個冇肉嘅菜式,睇吓我地個是日晚餐~



先嚟一個仍然煮得唔係太好嘅蕃茄炒蛋,不過比起之前都已經有進步,起碼啲蛋唔太碎嘛~

再嚟一個冇失手嘅芝士什菇西蘭花,好味~

原本都只係預備整依兩個餸,為怕大肥豬冇肉落肚會唔飽,所以就加料買左廿蚊叉燒。原本打算大肥豬自已一個人就食一半,另一半就留番聽日用嚟炒其他餸,不過點知都係得咁少呀~

雖然今日我係食齋,但都非常滿足,仲可以留少少餸做明天個便當添。最開心就係食完飯大肥豬叫我坐定定睇電視,佢就幫我洗晒啲碗呀!


*♡♡小肥豬♡♡* | 23rd Jun 2009 | 生活點滴 | (20 Reads)

23 JUNE 2009 (TUE)

一個不幸嘅事終於都要發生,就係自己一隻蟹住係一個十八吋豪華洋缸既阿癲已經離我地已去啦~

其實早幾日都留意都阿癲冇行嚟行去,當時以為佢又係怕羞,所以冇郁到(之前都試過依個情況)。

不過,見幾日都係咁,好似唔係好對路,所以剛剛打算搵佢出嚟睇吓,點知.......已經冇哂反應,原來阿癲已經離開左我地啦!

唉....唔知係唔係啲又焗又熱嘅天氣令阿癲離開呢?


*♡♡小肥豬♡♡* | 23rd Jun 2009 | 靚太廚房 | (56 Reads)

22 JUNE 2009 (MON)

哈哈...又嚟到今晚食乜餸嘅時候,睇吓是日晚餐~

首先就係一碟腐乳炒通菜,第一次煮就當然失敗左,炒到黃黃地兼冇乜腐乳味(不過都總算可以食入口)。唉....唯有下次再努力啦~

接力嘅有瑞士汁雞翼,第一次用瑞士汁嚟卥雞翼,甜甜地又幾好味~

最後依個新嘗試,就係瑞士汁腸仔~

事緣早排大肥豬冇端端話如果下次整開鹵水雞翼,就放幾條腸仔落去一齊煮。

就係咁..我今日煮雞翼時放多幾條腸仔煮。開頭我都冇話俾大肥豬聽,當佢一見到依碟驚喜嘅瑞士汁腸仔時,佢個樣真係勁開心,又不停咁讚我乖乖。

哈哈..原來幾條小小嘅腸仔就已經令大肥豬咁開心,等我煮多幾次,等佢開心多幾次先得!


*♡♡小肥豬♡♡* | 22nd Jun 2009 | 生活點滴 | (21 Reads)

21 JUNE 2009 (SUN)

父親節又到....所以我地一家人又去街街食飯同小豬爸慶祝。

原本小豬爸提意去上次石澳嗰間餐廳食泰國菜,不過一諗起依個悶熱嘅天氣,加上間餐廳係冇冷氣,所以大家都打算改地點。

最後,我地就決定去近近地嘅西灣河蘇豪東嘅「吹水站」食泰國菜~

因為小豬爸同依間餐廳有生意上嚟來往,所以可以係好短時間就BOOK到張枱啦!

開餐啦....我地叫左好多嘢食,樣樣都好好味,尤其係個生菜碎肉包,真係好味呀~

食飽飽準備埋單嘅時候,個職員就嚟左兩份甜品。原來係小豬爸嘅面子關係,我地有甜品食呀~

今個豐富晚餐就係我地三姐弟妹一齊請小豬爸食,希望小豬爸食得開心啦!

開心嘅節目又點會咁快完,正當我地食飯嘅時候講起西灣河新開左新糖水鋪時,小豬爸就話請番我地去食,就係咁,下一個節目就係去『甜嫂 』食糖水~

嗰度啲糖水真係唔錯,好味得嚟又唔甜,仲幾有份量,一碗可以夠兩人食添!

今日又過左一個既開心又飽飽嘅晚上,又肥多幾磅啦~


*♡♡小肥豬♡♡* | 21st Jun 2009 | 好友與我 | (24 Reads)

20 JUNE 2009 (SAT)

今日約左糖糖同小肥肥一齊去科學館玩吓,不過由於兩位妹妹仔都要返工,所以我地六點左右先入場玩。講起真失禮,因為我都係第一次去科學館呀!

原本都以為好多野玩,點知...真係有少少失望,有一層封左做維修,所以有嘢玩嘅地方真係比較少。雖然係咁,我地都四周維玩,開心吓啦~


我地玩得最耐都係鏡子嗰部分,真係好攪笑呀~

一對夢寐以求嘅長腿~

我地玩到科學館差唔多關門先走,之後就當然去醫肚先啦!

原本我地打算去金水食宵夜壽司,點知去到先知個宵夜時段改左由十點開始。等咁耐當然唔等,去搵另一間食。

最後我地就去左616食,開頭我地都以為入左黑店。不過食落又唔差,個味道都幾好,幾新鮮啦~

我地除左食食左個套餐之外,我地仲豪豪地ORDER左兩隻鮑魚食添~

哈哈..係唔係好靚呢?隻鮑魚都好抵,只係十蚊一隻。講真..都唔預佢係好嘢,不過十蚊嚟講都係幾OK!

之後小肥肥想去海旁影夜景,我地當然捨命陪君子啦。食飽飽行吓都幾好,不過係天氣熱熱地影響,行到攰攰地,所以都只係星光大道影左依一張相啦~

依張係出自小肥肥手影嘅夜景,真係幾靚呀~

見到咁靚夜景,真係要捉大肥豬去尖東同我影輯夜景相先得。哈哈~


*♡♡小肥豬♡♡* | 20th Jun 2009 | 好友與我 | (16 Reads)

19 JUNE 2009 (FRI)

今日約左小M、BB YEE同KEKKA食晚餐,傾吓..開心吓啦!

今次嘅目的地就係朗豪地嘅鈴木咖啡館,我地都第一次去依間食嘢,整體上都幾好食,尤其係個墨魚麵,唔好睇佢個買相黑黑的,但個味真係幾好。不過,我地ORDER嘅焦糖燉蛋就真係麻麻,凍唔凍..暖唔暖咁,成個晚餐最差就係依個呀~

其實食嘢都係其次,我地都主要係傾傾傾...笑笑笑,不過我地坐左個半鐘左右就真俾啲職員趕。真係...開心時候過得特別快,又係時間SAY BYEBYE~

今次真係我地GATHERING嚟講最早完嘅一次,不過唔緊要,因為我地好快就會PLAN下個節目啦!


*♡♡小肥豬♡♡* | 19th Jun 2009 | 生活點滴 | (13 Reads)

18 JUNE 2009 (THU)

今日大肥豬買左個攪笑嘢返嚟,就係7-11買2枝可樂換嘅1:1的罐型SPEAKER~

一向唔太熱衷買收藏品嘅大肥豬,原來發現用開嘅小型SPEAKER壞壞地,路過7-11見唔係貴,所以就買左佢啦!

個罐仔都幾得意,個SPEAKER嘅聲都不過不失,所以整體上都幾好,今次算大肥豬冇買錯嘢啦!


*♡♡小肥豬♡♡* | 18th Jun 2009 | 生活點滴 | (40 Reads)

18 JUNE 2009 (THU)

今日係信箱收到封咁嘅信~

第一個感覺就係....好攪笑,點解香港電台寄到封信嚟問我地借屋拍嘢呢?

基本上都完全唔會考慮借屋拍攝,不過見信上有個聯絡電話,咁就八八卦卦打去問吓,睇吓係乜一回事。

原來係港台準備拍攝『毒海浮生』,需要住宅環境,所以就抽樣寄信邀請借屋拍節目。佢地會利用兩日進行拍攝工作,由中午拍到深夜,仲要配合佢地拍攝將屋企佈置改動一吓。

之前都已經冇興趣,聽完之後就更加諗到唔洗諗,雖然都會俾返少少借屋嘅拍攝費,不過都唔好攪,唔好攪亂我間屋呀!


*♡♡小肥豬♡♡* | 17th Jun 2009 | 靚太廚房 | (43 Reads)
17 JUNE 2009 (WED)

今日又係煮飯仔時間,是日晚餐...簡單得嚟都幾豐富呀~

今次用左李錦記嘅蒜蓉豆椒醬炒南瓜豬頸肉,可能用左現成醬炒關係,所以個味係OK,好味得嚟又易煮,整體上都係唔錯呀(當然我炒都有功勞啦..哈哈)~

另一個餸就係蜆仔肉炒青瓜,好耐之前都炒過一次,嗰次就係失敗,炒到啲蜆仔變到好細粒。好在今次都算成功,啲蜆仔仲好鮮甜添~

之前我每一次煮飯都會係嗰一餐不停問大肥豬好唔好食,不過我唔會再問,因為見佢又冇彈我時不停咁夾餸,加上密密食嘅動靜,就即係今個晚餐係合格啦!呵呵呵~


*♡♡小肥豬♡♡* | 17th Jun 2009 | 生活點滴 | (21 Reads)

15 JUNE 2009 (MON)

睇完我地係海洋公園嘅靚相,又點少得啲可愛動物相呢?

首先就係一對熊貓,因為佳佳休息緊,所以就只有安安係度同大家見面。不過勁攪笑,就係幾分鐘佢就一次過表演左『大大』『小小』,仲好近距離係我面前食竹葉,好得意呀~

之後就去新嘅亞洲動物天地,係入館之前有一個鱷魚潭,有條鱷魚游緊,好恐怖呀~

一入到去就當然睇未見過嘅小紅貓,佢地真係好活潑跳嚟跳去,仲睇到佢地打交,不過因為我地係高處望落去,所以都睇得太清佢地個正面呀~

依條就係郁都唔郁嘅娃娃魚,唔係其他遊客講,我都見唔到佢,不過..個樣點解又係咁恐怖呀~

哈哈..終於見到樂樂盈盈啦,佢地真係好得意,雖然係訓緊,但都擺左個CUTE嘅POSE,真係好想抱抱佢~

接住就係去大肥豬最鐘意睇嘅金魚館,可能我地屋企都有養金魚關係,所以係依度逗留得最耐,同影得最多相。

依度最多嘅魚仔就係同我養嘅係同類,都係蘭壽,當然依度嗰啲品種同出生都名貴過我地嗰啲好幾百倍~

行完亞洲動物天地,我地就向另一邊玩,就冇乜點影動物。不過啲熊貓同小紅貓真係好得意,如果可以行埋去同佢地近距離影相就好啦。(發夢中..哈哈)


*♡♡小肥豬♡♡* | 16th Jun 2009 | 甜蜜生活 | (39 Reads)

15 JUNE 2009 (MON)

今日就係大肥豬嘅生日大日子,原本要返工所以都冇乜特別節目同佢慶祝。

平日就話唔方便請假,不過唔知係好彩定唔好彩,竟然學校停課,所以我就係上星期五膽粗粗咁請假,哈哈..又冇問題哦,所以今日PLAN左個特別節目同大肥豬慶祝啦!

我地個特別節目就係『去玩..去癲...嚟OCEAN PARK』,其實我想去左好耐,不過一直都未有機會。剛好早排知道生日當天去係會免費,加上我又有張惠康七折COUPON,咁即係$150就可以兩個人去玩成日,所以我就決定同大肥豬入去過番個開心生日啦!

哈哈....開始我地個OCEAN PARK之旅啦~

第一站當然係去大熊貓園先啦~

之後就係去探吓樂樂盈盈同小紅貓~

下一站就係大肥豬最鐘意嘅金魚館,睇吓佢見到啲金魚幾開心~

基本上我地停留左係亞洲動物天地都有一陣勁耐時間,之後就打算搭纜車過另一邊玩。

係行嘅途中,見到個輕氣球終於都有得玩,我之前都未玩過,所以又去左玩啦。個輕氣球升到上去50米高,加上又有大風,都唔好話唔驚呀~

哈哈....原來都有吉祥公仔同我地影相呀~

我地仲玩左個攤位遊戲有開心獎添~

終於都上到纜車,一個迪迪尼MARIE都一齊入去OC~

我地過到去第一時間就係去醫肚先,之後就再玩GAME啦,原本想買海盜船,點知又維修。不過我地都攰攰地,所以太激烈嘅GAME我都地冇玩,玩吓摩天輪,行吓海洋館就算啦~

最後我地行去玩埋個越礦飛車,唔知係唔係好耐冇玩過,佢個離心力真係好勁,就連平日唔多驚玩GAME嘅大肥豬都話驚,我就更加唔洗講,由上車嗌到落車啦!

玩到依度又係時候講BYE BYE啦..因為我地都十分攰,冇精力再玩啦!

今日真係LUCKY DAY,首先就係海洋公園入面唔係太多人,玩GAME同睇熊貓都唔會迫迫咁。另外就係原本都好擔心會落雨,不過成日都只係落過一場毛毛雨,到我地出到金鐘先落大雨。哈哈....又大一歲嘅大肥豬應該會有更好嘅好運嚟緊啦~

其實我地今日都影左好多相,尤其同動物影得仲多過我地呀,所以留待下一篇先俾大家睇吓熊貓、小紅貓同金魚嘅可愛樣啦!


*♡♡小肥豬♡♡* | 15th Jun 2009 | 生活點滴 | (23 Reads)

14 JUNE 2009 (SUN)

我地離開左鰂魚涌公園之後,目的地就係去某酒樓,因為今日係小豬媽生日,同佢食個生日飯局。

除左我地嘅一家人之外,小豬媽仲請左佢一班朋友仔嚟,所以大大話話都有成三十人,真係好熱鬧呀!

生日又點少得切蛋糕儀式,依個就係LULU妹送俾壽星媽嘅生日蛋糕啦~

當然唔少得又係影相時間啦~

我們這一家~

最後係度再祝小豬媽生日快樂,日日都開開心心...YEAH~~


*♡♡小肥豬♡♡* | 14th Jun 2009 | 甜蜜生活 | (14 Reads)

14 JUNE 2009 (SUN)

因為大肥豬想買啲衫返工著,所以就同大肥豬出左太古城行吓,睇吓啲鋪頭有冇做特價執吓平野(真係師奶仔啦~)。

行左一陣,都睇唔啱心水,又係空手而回啦!

見未夠鐘食飯,所以大肥豬就建議經由鰂魚涌公園沿經個海濱長廊慢慢行去酒樓。哈哈..我當然冇問題,仲覺得有少少浪漫添。

就係依個時候,我地遠處見到隻古董消防船(唔記得左係乜名),所以就打算上去行吓。點知....原來已經CLOSE左,唯有係前面扮吓到此一遊啦~

見拎左部相機出嚟,所以大肥豬就話不如影吓相嚟試吓個閃光燈嘅SETTING啦。因為我地都買一排,不過都仲未識用,就係咁...我又影左幾張海旁相啦~

雖然係天氣好好,不過原來有用閃光燈同冇用都真差好遠。大肥豬都講左好多理論我聽,不過都係嗰句,我唔洗識用,只係識企定定俾佢影就得啦!哈哈~~

我地仲路經電影資料館,入去過吓冷河涼番一陣,就去搵小豬媽食晚飯啦~


*♡♡小肥豬♡♡* | 13th Jun 2009 | 甜蜜生活 | (22 Reads)

13 JUNE 2009 (SAT)

講左去濕地公園已經好耐,不過都未一路都去唔成,不過終於都係今日可以成事啦!哈哈~~講起都有啲OUT,開左咁耐,今日先係第一次去。

講真...由屋企出發,又真係遠左少少。我地由搭巴士再轉輕鐵,足足用左個幾鐘先去到目的地,真係搭車都搭到個人吽晒。

終於都到目的地。我地第一個目的地就係睇綠海龜,睇嘅時候我係諗緊迪迪尼卡通人物阿古,因為真係好似呀..哈哈(有人又迪迪尼上身啦)~

睇完海龜,涼完冷氣,我地就向室外進發。第一時間當然去探吓就係睇吓貝貝啦,不過好失望....貝貝瞓左係度郁都唔郁,直至我哋行完成個公園回程時,佢嘅姿勢都係一樣,唉..仲乜貝貝咁懶惰呀~

之後我地就邊行邊影相,嗰度都有好多地方好適合影相呀~

整體上都幾好,個公園真係好有大自然FEEL,周圍都係綠色植物,都幾舒服。不過可以係天氣比較悶熱關係,我地行到一半就已經好攰,要行番去遊客中心入面間餐廳休息吓先可以繼續呀!


*♡♡小肥豬♡♡* | 12th Jun 2009 | 生活點滴 | (17 Reads)

12 JUNE 2009 (FRI)

今日無無聊聊又有新嘢玩,見有兩日假期,就貪得意玩吓塗指甲啦!

開頭都只係打算只係塗粉紅色就算,不過原來我好耐之前買買埋埋都有好幾張花花貼紙,見到啲貼紙,條玩甲引又嚟,所以就整埋佢啦!

係唔係好靚呢?雖然我啲指甲仲係短短咁,不過都幾好睇哦!

紅色指甲襯白色小花,好似有少少浮誇,不過唔洗返工浮誇一吓都冇所謂啦!哈哈~~


Next