香港新浪網 MySinaBlog
*♡♡小肥豬♡♡* | 30th May 2009 | 甜蜜生活 | (41 Reads)

30 MAY 2009 (SAT)

今日真係一個難得嘅日子,就係終於都有個星期六係我放假,但大肥豬就要返工啦!哈哈...咁我就可以等大肥豬返左工之後霸晒張床訓覺覺豬啦!

話雖如此,不過我都唔係訓得好晏。因為大肥豬都係返半日工,所以我就做左個乖乖老婆仔,去接大肥豬放工啦!

之後大肥豬帶左我去九龍城一間居酒屋食左一餐豐富既午餐。食飽飽當然就要搵節目啦,所以大肥豬就提意帶我去近近地嘅九龍城寨公園影相。

雖然之前都去過城寨公園,不過我依個影相怪又點會放過機會呢,所以就去影靚相啦~

原本以為冇腳架就冇得影合照,不過好在嗰度間唔中在啲高高地嘅石柱,所以又可以影合照啦~

是日最愛就係依張相,係大肥豬偷影我呀,不過又影得我幾可愛哦...呵呵~

成日都覺得自己戴眼鏡個LOOK唔好睇,所以平時去影相我都一定唔會戴眼鏡。不過今次係突然去影相,所以都冇乜點扮靚同第一次戴眼鏡去影人像。

好在影出嚟都幾靚,可能係新眼鏡關係,影得我好似斯文啲,大肥豬仲叫我多啲戴眼鏡去影相添。不過....意見接受,態度照舊,我都係鐘意唔戴眼鏡多啲。

哈哈....間唔中啦.....都要聽吓大肥豬話,戴吓新眼鏡影,如果唔係佢影得我唔靚就慘啦!