香港新浪網 MySinaBlog
*♡♡小肥豬♡♡* | 10th Apr 2009 | 生活點滴 | (33 Reads)

今日一早就陪奶奶入西貢去大肥豬阿哥屋企,雖然唔係第一次入去坐,不過今次我地去嘅時候剛好係潮脹,所以望出去係一進冇制嘅大海,成個VIEW真係勁靚,個感覺好舒服呀~

原本係打算入去幫大伯整電腦,不過唔知點解冇端端就變左BBQ。

唉...原本BBQ係冇問題,我仲好鐘意添,不過咁橋今日係初十五,所以真係有得睇...冇得食。冇理由叫大家就我唔BBQ嘛,所以都冇辦法,當陪佢地玩啦!好在我都有啲燒粟米同蕃薯救我一命。哈哈~~

食得一半,我就落左樓上同姪女玩,姪女都好有斤兩,所以都唔敢抱佢,同佢玩吓車仔就算啦~

之後見大伯屋企有張大按摩椅,所以就貪玩試吓。個感覺係........唔舒服,好似俾人打咁,都係玩一次就夠啦~

大家BBQ完,之後整完電腦就走啦。就係咁我就過左假期嘅第一天啦!


*♡♡小肥豬♡♡* | 10th Apr 2009 | 我的D女 | (26 Reads)

到啦...到啦...終於都到復活節,可以放四日假去玩啦....哈哈!

大肥豬話已經買唔到我至愛吉百利蛋蛋,所以就買左盒出奇蛋俾我,當係應節哦。(有得食我又點會介意呢!)

有復活蛋又點少得兔仔同呢?所以就搵左BENNY兔嚟影左幾張相,感受吓復活節氣氛啦~

最祝各位 :復活節快樂,假期時盡情咁玩得開心啲啦!