香港新浪網 MySinaBlog
*♡♡小肥豬♡♡* | 30th Mar 2009 | 我的D女 | (30 Reads)

前排因為心思思想買隻大B玩,所以成日都上YAHOO拍賣網睇,睇吓有冇平平地嘅B女買個番嚟玩。

當然都係得個睇字,又點會有好平好平嘅B女俾我玩呀!不過就係我睇拍賣網嘅時候,俾我發現到啲好嘢,就係有細細件嘅衫仔賣,都會啱DOLLCENA著呀!

我見靚得嚟又唔係太貴,所以就BID左幾件,買嚟玩吓,終於係星期六收到一共三套唔款式嘅靚靚裙仔啦~

第一件就係普通黑仔短裙仔,雖然好似簡單左啲,不過都好靚呀~

第二件就係紅黑色晚裝,嘩..好高貴,仲好有中國味道添~

最後一件就係一套白色婚紗,仲有埋頭飾添,真係整到好似我地著嘅婚紗晚裝咁,仲有個小拖尾,真係好似進行緊婚禮咁呀!哈哈~~

當我睇賣家幅圖時都覺得好靚,依家睇埋個現貨再加埋著左上DOLLCANE身上,就覺得仲靚。咁細件一定好難整,我自己就一定冇依個心機幫D女整衫仔,所以都係睇啱買番嚟就算啦!

依家有婚紗又有晚裝,真係要搵日帶D女們去影番輯婚紗相先得!呵呵呵~~


*♡♡小肥豬♡♡* | 29th Mar 2009 | 好友與我 | (31 Reads)

今日我又約左班靚太們一齊去玩啦!今次我就同小M、BB YEE、ALICE仲有第一次見面嘅CARCAR一齊去迪迪尼酒店,變身為闊太去嘆HIGH TEA呀!

今次我仲係第一次去嘆HIGH TEA(真係大鄉理啦~),所以都幾期待,加上入迪迪尼哦,我當然係勁開心呀!哈哈~~

我地住低冇耐,就開始起哄啦!原因就係我、ALICE、小M分別都帶左D女、B女同SONY貓入去影相,所以大家就幫我地嘅模特兒影靚相啦~

玩左一陣,我地個HIGH TEA開始啦!件件CAKE都好精緻呀~

話明HIGH TEA,又點少得杯茶呢~

成個環境加埋啲食物,真係好有闊太FEEL呀!哈哈~

我地邊食邊傾,都真係好開心。當然除左傾計之外,我地都一齊影靚相啦~

我地離開左餐廳之後,當然冇咁快走啦,再去迪迪尼酒店個花園繼續影靚相呀~

我地當然又拎左啲模特兒仔一齊影~

我個D女又點會咁少相,大家有興趣就可以去D女都HIGH TEA睇吓啦!哈哈~

今日我地又玩又食又影,真係好開心,好想快啲再約埋一齊再玩再影過呀!

我仲可以識到新朋友仔CARCAR添,佢仲送左份禮物俾我,攪到都唔好意思,不過都真係好開心同多謝佢嘅禮物呀!


*♡♡小肥豬♡♡* | 28th Mar 2009 | 我的D女 | (25 Reads)

知道會約左幾位靚太去迪迪尼HIGH TEA嘅時間,當然第一時間會諗:今天帶邊個DOLLCENA一齊去玩呢?

去迪迪尼依個開心嘅地方,當然諗到唔洗諗,就決定我帶嘅新寵BENNY一齊去啦!搵佢搵得咁辛苦,緊係要帶佢影多啲相啦,唔係浪費晒我嘅心血呀!

BENNY影相真係好靚,可能佢有把粉紅色頭髮啦,所以我都幫佢影左好多相呀~


影完室內,就轉戰室外~

哈哈....BENNY仲同B女仲有SONY貓影左好多合照,嚟個CROSSOVER添,大家可以去迪迪尼靚太HIGH TEA睇呀!

越嚟越鐘意帶DOLLCENA周圍影相,當你見到影得靚嘅時候,真係好有滿足感。

加上今次又同左幾位志同道合嘅朋友仔一齊影,仲覺得開心。我都係時候PLAN吓整番個DOLLCENA攝影團,一齊影囡囡呀!


*♡♡小肥豬♡♡* | 25th Mar 2009 | 生活點滴 | (41 Reads)

仲記得第一次入去花展時,買左好多戰利品,其中一樣就係依盆蕃茄仔。

由前日開始,都見到啲蕃茄仔開始變變地。今日放工返到屋企見到有好幾粒蕃茄仔都紅卜卜啦~



哈哈...見到有一粒仲好紅添,就嚟可以即摘即食新鮮有蕃茄啦!

不過唔知點解啲蕃茄就好好咁生長,但啲葉就枯黃哂。唔知係唔係啲蕃茄吸收晒啲葉嘅營養呢?我一見到依個情況就剪左啲葉,所以攪到成盆蕃茄仔都冇晒葉,有少少醜樣添。

哈哈....見蕃茄仔開始變紅,醜樣少少都冇所謂啦!


*♡♡小肥豬♡♡* | 24th Mar 2009 | 生活點滴 | (33 Reads)

大肥豬今日又要OT,所以又得我一個人係屋企。一個人係屋企嘅節目都係上下網,睇下電視,都真係有少少悶,唔多習慣屋企咁靜呀!不過冇辦法啦,大肥豬要努力做嘢賺錢俾我買DOLLCENA嘛!哈哈~~

一個人最大問題就係都唔知食乜好,所以就去左買啲壽司外賣番屋企慢慢食。哈哈...唔好睇佢係外賣,都好好味,仲食得好飽飽添~

我自己咁豐富,大肥豬食乜呢?

呵呵~~壽司佢就唔多啱,所以會等佢番嚟時煮個愛心丸丸麵俾佢食。

除左愛心麵之外,我仲煲左個菊花涼茶俾佢飲添~

因為我唔飲得涼嘢,所以就冇試到,不過依個涼茶都係藥材店啲職員介紹,都應該係好呀!

哈哈..大肥豬依排都勁多野做,所以都係時候整啲愛心嘢,等佢番到嚟見到開心吓嘛!


*♡♡小肥豬♡♡* | 22nd Mar 2009 | 生活點滴 | (19 Reads)

早前係卓悅買左好平嘅我的美麗日記面膜之後,都未用得晒,我就又係一星期唔夠又買多一盒另一種味啦!

其實知道佢出左朱古力之後,都見到有朋友仔買左嚟試都話幾好,所以都好想買嚟試吓,睇吓係唔係真係有咁有朱古力味添。

搵過幾間卓悅、莎莎都唔見有得買,都只係見過萬寧有,不過要成$69,好似貴左啲,所以一直都冇買到。

點知...前幾日行過萬寧,見做緊特價買$58,雖然係冇上次卓悅買咁抵,不過都算平左少少,加上見到係最後一盒,所以就買左啦!

尋晚FULL完個面膜,一打開時,真係有好香朱古力味,攪到我好想食朱古力添。哈哈~~

不過個面膜又真係唔錯,用完之後覺得好舒服,唔怪得咁多朋友仔推介啦!

哈哈...依家有四種唔同味嘅面膜等我慢慢用,應該有一段時間唔洗再買住。等我努力用多啲,攪番靚我個樣先得。


*♡♡小肥豬♡♡* | 20th Mar 2009 | 生活點滴 | (22 Reads)

由於上次去花卉展時實在太多人,我地又行得好攰,所以有個場景都未行晒。

加上返到屋企睇番啲相發覺同DOLLCENA影相時,覺得妮露件衫同啲花花實在太撞,影得唔係好靚,所以成日都想心思思入去再影過。

知道糖糖今年仲未去花展,所以就相約係前日放工之後一齊去影..影..影。

首先影吓啲靚花花先,今次終於搵到鬰金香花海同由花併成嘅動物公仔,都幾得意呀~


 

當然我自己都有影番幾張相,不過依個返工LOOK真係好唔得,所以都影左主題相就算啦~

除左我地三個之外,仲有幾個朋友仔陪我地入去影相,幫我地做小MODEL。

哈哈~~我指嘅當然係我地嘅小玩意啦!糖糖就分別帶左四葉妹好、B女,我就帶D女一齊入去玩。

先嚟四葉妹妹~

再嚟B女~

當然唔少得我嘅DOLLCENA。我今次帶左長頭髮嘅SALLY去,仲帶多件粉紅裙仔同去換添~

唔知係唔係個花卉展接近尾聲,今次入去比去我上次見嘅已經謝左啲,仲開始殘殘地添啦!

一係唔去,一去就去兩次,我都覺得自己好利害添...哈哈~~


*♡♡小肥豬♡♡* | 19th Mar 2009 | 甜蜜生活 | (62 Reads)

今日係我地嘅拍拖紀念日,計吓..原來唔經唔覺我地都一齊經歷左十個寒暑。

為左依個拍拖紀念十週年嘅值得紀錄嘅好日子,所以放工就約左大肥豬去慶祝一番。其實都唔係什麼大型慶祝,都只係簡簡單單去食餐飯咁啦!

次次有乜喜慶慶祝,都一定去食我最鐘意嘅日本嘢,其實我知道大肥豬唔係咁鐘意食壽司,只不過係知我鐘意先陪我去食。所以今次就去食大肥豬都鐘意嘅嘢,我地去左太子嗰間金鳳据扒啦!

金鳳咁出名,不過我都係第二次去,上一次係同大肥豬嘅朋友去尖沙咀嗰間,我就覺得麻麻地。不過今次我係去太子嗰間總店。

唔知係唔係太出名關係,我地七點都未夠就已經見到坐滿晒人,我地好好彩咁坐埋最後張枱,如果遲少少都有排等呀!

好啦......開餐啦!

先嚟一個勁有味嘅羅宋湯.......好味呀~

依個就係我地個牛扒同豬扒,真係好大份,個味仲唔好正添。大肥豬勁讚佢個牛扒好味呀~

兩杯蚊形凍檸茶,成餐最唔滿意就係依個,因為太細杯,飲兩啖就冇啦~

因為大肥豬依排好忙,成日都要拎嘢番屋企做,所以我地食完個簡單晚餐之後就返屋企。

就係咁就過左一個簡簡單單但又好開心嘅十週年拍拖紀念日啦!


*♡♡小肥豬♡♡* | 18th Mar 2009 | 我的玩具 | (80 Reads)

繼四葉妹妹之後,我又有新玩意啦!

依隻JUN兔係SONY貓嘅成員之一,之前都見到有朋友仔帶佢周圍影相,就咁就俾我睇中左,見有特價就帶左佢返屋企啦!

其實係隻JUN兔係我第一個買嘅山口式FIGURE,不過因為前排勁玩四葉妹妹,又要上網搵吓DOLLCENA蹤影,所以就將JUN兔放埋一邊。

早前約好糖糖搵日趁LUNCH TIME帶公仔去我地行落商場食飯必經嘅污穢地影相。糖糖就帶四葉妹妹,我就帶JUN兔嚟個CROSSOVER影靚相,就係咁JUN兔終於可以出街啦!

哈哈..係短短一條路仔,加上食LUNCH時間有限,我地都好急急腳咁將公仔擺POSE影相。雖然係咁,我地都影左好多相,仲有好多好攪笑添。

哈哈..又真係幾好玩,我地仲已經諗好左下次帶公仔去邊度影添!


*♡♡小肥豬♡♡* | 17th Mar 2009 | 我的D女 | (41 Reads)

原本都有好幾個TOPIC準備出POST,不過所有嘢都要停一停•等一等,因為有件開心事,一定要即刻同大家分享呀!

就係...就係...終於都擁有搵左好耐嘅BENNY兔,我個DOLLCENA王國終於都可以一家團聚,開心指數真係唔識形容呀!

唔知係唔係恨左好耐,所以覺得佢真係特別靚,忍唔住即刻要幫佢影靚相呀!

其實之前一直都不停去搵BENNY兔,成日出去買公仔嘅地方,睇吓會唔會有奇蹟嘅出現,當然係搵唔到。係我開始心灰意冷嘅時候,朋友E就幫我由日本搵佢返嚟,真係唔該晒呀!

簡簡單單嚟張合照先,等我搵日再同D女們影番啲大合照靚相先得!

朋友E除左帶左BENNY兔俾我之外,仲幫我搵到之前日本玩具反斗城出嘅粉紅特別版米奇。依個特別版就連官方網站都冇SHOW出嚟,所以都幾珍貴,攪我都真係唔捨得拆盒呀!

其實特別版仲有另一個粉紅米妮,不過依個都應該仲難搵。算啦....有緣嘅話,都一定可以加入埋我個D女王國,到時就真真正正整晒啦!

係度真係要再一次多謝朋友E嘅幫忙呀!


*♡♡小肥豬♡♡* | 16th Mar 2009 | 生活點滴 | (16 Reads)

係花展買左咁多戰利品,當然要處理下佢。原來都有好幾棵要整,所以都幾忙,不過忙得嚟又好好玩呀!

第一個要處理嘅當然係小豬媽買俾我地嘅靚靚蘭花先~

我之前都有種過吓花仔,不過蘭花都係第一次種,仲要自己移埋盆兼整到好有美感,所以都驚驚地,驚整到唔知似乜就唔好啦。經過大肥豬嘅幫忙,終於都成功左啦,仲整得幾靚添,睇到都勁有滿足感添~

第二個就當然要幫我嘅蕃茄仔移盆~

因為個賣花姐姐話蕃茄都係一次貨仔,所以開頭都唔打算移盆。不過見到啲泥都好鬆散咁,為免啲蕃茄仔係佢地變熟就已經…,所以都係買個平平地嘅盆,等佢地可以快高長大,快啲有紅卜卜嘅蕃茄仔啦~

之後整嗰兩盆就係新屋入伙時大肥豬買嘅萬年青同黃金葛(哈哈..到依家我仲未分得清楚佢地邊個打邊個添)。

因為都已經種左成年,佢地已經快高張大,要俾個新屋佢地啦!年前嘅細細樣~

轉眼一年有多就咁大啦~

霎眼間我屋企又多左四盆靚靚盆栽,依家將佢地放晒係櫃上面,成個小小園藝角咁,都幾靚呀~


*♡♡小肥豬♡♡* | 16th Mar 2009 | 我的D女 | (25 Reads)

對上一次帶D女去街街影相都係去迪迪尼,之後都好少同佢地出去影相。前幾次去街都有帶埋佢地出去,不過因為天氣唔好,驚整污穢,所以唔捨得拎佢地出嚟。

今次見天氣咁好,又有好多靚花花,所以就帶埋妮露一齊去影靚相啦!

哈哈....可能D女細細粒,所以都就算人多,我攝入去人海中,都可以影到靚相,所以成日影得最多相嘅就係DOLLCENA啦!


*♡♡小肥豬♡♡* | 15th Mar 2009 | 生活點滴 | (13 Reads)

一年一度嘅維園花展又開始,今日約左小豬爸同小豬媽一齊去維園行花卉展要去趁下熱鬧啦!

其實花展舉行左咁多年,我都係第一次去添!

我地十二點幾就到達目的地,一去到就見到四周都係人,尤其係主題花佈置嘅地方,仲真係迫到迫唔入,有幾個靚場景我都行唔到入去影添。

雖然好迫,但我都影左少少花花相,不過比起其他朋友仔嘅當然差好遠啦~

除左影花花之外,當然唔少得叫大肥豬幫我影相啦!不過都係嗰句,勁多人,好難影得靚呀~

除左我之外,我都帶左一個D女一齊去影靚相。全日影最多相嘅唔係我,竟然係D女呀。等我整埋好女女靚相之後再同大家分享啦!

一直都以為花展只係得花花展覽,原來都有好多嘢買,我地仲買左好多,大包細包咁走呀!

睇吓我啲戰利品先啦~

買左個五蚊嘅車仔籃,見佢細細個又咁抵,買嚟俾D女玩嘛!

香甜粟米...即場試過真係好甜,所以小豬媽買左幾支返,就俾左兩支等我煮嚟食啦!

蕃茄仔一盆

種花用品

仲有蘭花兩盆,依兩盆蘭花係小豬媽買嚟送俾我呀!因為小豬媽話屋企擺蘭花係好呀!

哈哈...嚟緊我就好好忙,因為要幫啲花花換花盆,等我事成之後再同大家分享啦!

我地係花展入面逗留左三個鐘左右,都真係行都勁攰,仲滿載而歸添。

好在我地早入場,離開時見到好多人係度打蛇餅排隊添,都真係好好彩,唔係仲有排迫呀!


*♡♡小肥豬♡♡* | 14th Mar 2009 | 生活點滴 | (26 Reads)

今日行過卓悅,見到有好多我的美麗日記做特價,當然走埋去八卦,睇吓有冇好野執。

真係好抵,一盒都係$52,仲抵過我之前係網上訂嗰啲。雖然屋企仲有啲,但見咁抵就當然想入貨,同想買盒朱古力味嚟試啦!

可能太平關係,唔好話朱古力,就連我平日用開嘅紅酒都冇晒,剩低嘅都係我未用過嘅,最後我都買左一盒蘆薈嚟試。

哈哈..唔知好唔好用,不過咁抵買嚟試下都好呀。

各位有用開我的美麗日記嘅朋友仔快啲去睇吓啦!


*♡♡小肥豬♡♡* | 13th Mar 2009 | 好友與我 | (26 Reads)

首先多謝各位朋友仔嘅關心,我已經好返好多,尋日仲約左班靚太一齊食飯添!

唔舒服都仲去街?冇法子啦.....因為我貪玩嘛!其實見自己都冇乜事,加上我又係發起人,所以就去玩吓啦~

不過話時話,不過一坐底就係咁傾,好似冇晒事嚟哦,仲越傾越精神添....哈哈~

我地去左旺角食韓燒任食,依間我都未食過,只係不眠王子介紹話幾好,所以就約左去依度舉行我地個靚太飯局。

今次除左有我、小M、KEKKA同BB YEE之外,仲約埋天使一齊出嚟飯局添。

成晚我地都傾得好開心,乜都傾得一餐,BB YEE仲講左佢好多去旅行嘅趣事俾我地聽,攪到我好想去旅行添!

隨住任食時限兩個鐘,我地個飯局就被迫要結束,真係唔夠喉,下次我地要去啲可以傾好嘅地方先得。

臨走又當然要影番張相留念啦~


*♡♡小肥豬♡♡* | 11th Mar 2009 | 生活點滴 | (24 Reads)

依排啲天氣真係時冷時熱,真係好易整病人呀!

其實我依排都時好時壞,間唔中都會有少少作病,不過食左啲幸福傷風素之後訓番晚就好似好啲。

不過由尋晚開始,成晚都尖寒尖冷,訓得唔係太好,今朝起身個頭又鬼咁痛。

終於都要宣佈,我真係頂唔順,今日請左病假,要去睇醫生。唉...真係冇鬼用,咁易病~

嘩...啲藥唔知係唔係太勁,食完藥都真係勁眼訓。

不過咁都好,我食左兩次藥,加上又訓左成個下午,依家都已經好左好多,起碼個頭唔痛,個鼻哥都冇乜流鼻水啦!

下星期好似又話會再次轉冷,大家都真係要小心身體呀!


*♡♡小肥豬♡♡* | 9th Mar 2009 | 生活點滴 | (17 Reads)

前幾日知道屋企附近個商場大堂有個馬拉松特價場,所以尋日同大肥豬食完下午茶就去八卦吓,睇吓有冇平野執啦!

可能因為特價場關係,開頭都覺得啲貨都唔係太吸引,好多個款式都唔太啱心水。但當我地準備離開之際,見到有個位有好多T恤,走去八卦時,終於俾我見到啲好嘢,有我鐘意嘅公仔T恤。

之前我係馬拉松專門店買過,折左都要百幾蚊,依家一件都只係$90,真係勁抵,所以我就搵呀搵(因為特價場係將所以衫放晒係度等你自己搵合SIZE),終於都俾我搵到三件啱我SIZE又幾得意嘅款啦~

除左我自己搵之外,大肥豬都有幫手,仲幫我搵到得番一件嘅衛衣,仲要都係$100,咁抵當然又買埋佢啦~

原本主要都係去睇吓有冇嘢啱大肥豬,點知就係我大有收獲。哈哈.....啲衫仔又平又靚,真係勁開心啦!

最開心就係大肥豬送俾我呀!呵...呵....呵


*♡♡小肥豬♡♡* | 8th Mar 2009 | 生活點滴 | (18 Reads)

尋晚當我準備教水浸泡泡浴之際,突然間聽到按門聲,嗰時都已經係十一點左右,都驚唔知係乜事,所以就叫大肥豬去開門睇下乜事。

點知,一開門就聽到一把好熟嘅聲音,原來係奶奶剛剛整好左鮮奶燉燕窩,所以專登拎上嚟俾我地食。

因為都夜關係,所以奶奶坐左一陣就叫大肥豬送奶奶去搭的士返屋企啦!

碗鮮奶燉燕窩真係好好食,不過係好食嘅背後又有少少內疚。要奶奶一個老人家咁夜又拎住個燉鐘上嚟搵我地,都覺得唔好意思呀!

係未婚前,聽到好多朋友仔講佢地同奶奶嘅生活,總係覺得啲奶奶一定係好麻煩..好難攪..總之係同個新抱過唔去咁。

不過,原來都有例外,我奶奶都對我好好呀...我真係好好彩呀!


*♡♡小肥豬♡♡* | 7th Mar 2009 | 生活點滴 | (10 Reads)

今日放工約左大肥豬去APM行街街食晚飯,原本我地打去元氣食我最鐘意嘅壽司,不過突然間見到HIPOT嘅廣告牌,咁我地就上八卦吓,見佢話用某張信用咭有折,剛好我又有帶張咭係身,所以就去試吓一人一鍋邊爐啦!

第一次食依間,個感覺都真係唔係咁好,特別係對個帶位員。首先,我地一行到去個帶位處,問吓仲有幾張枱時,嗰位職員就話有位啦..等等就得啦。

咁我地咪拎張飛等吓啦!

我地搵到個位坐住等,一邊傾計一邊等,等等吓....原來我地都等左成半個鐘。但我地都等左一陣,所以大肥豬就話等多陣。

終於我地都等左差唔多成個鐘先有位,唉...真係攪到嬲嬲地呀!

一有位我地就即刻叫野食(等到勁肚餓呀!),我地每人ORDER一個SET,一人一鍋打邊爐啦~

雖然係SET,不過比我想像中大份,都OK新鮮添~

除左SET之外,加十蚊就可以飲品糖水任食~

好美味雪梨水

我嘅芝麻糊同大肥豬嘅紅豆沙


我地都食得好飽飽,咁食飽就係要埋單。當然係用張有折嘅信用咭啦!

點知....個職員話張咭優惠只限星期一至四,聽到真係勁嬲。我嬲並唔係冇折,係因為我係拎飛等位時係有問過個職員,佢係話有折嘛!

最後個職員拎左一杯比較靚嘅甜品嚟同我SAY SORRY!不過...點解係一杯呢?我明明係兩個人嘛......唉~

雖然啲野都幾好,不過今晚依餐又真係攪到我嬲嬲地。話有位又要等成個鐘先有,冇優惠又話有.....個帶位員都唔知點做嘢!

我估我都唔會再幫襯啦~


*♡♡小肥豬♡♡* | 5th Mar 2009 | 生活點滴 | (8 Reads)

台式撈撈小食凍麵係香港都HIT左有一段好長嘅日子,但我就一次都未食過。每次想試嘅時候,大肥豬都會話驚唔衛生,所以一直都唔俾我食。

不過,前幾日食LUNCH時同糖糖傾開,原來佢都有試過,仲話幾好食添,所以攪到我都心思思想試吓呀!

終於今日趁未夠鐘上奶奶屋企食飯前,行街街嘅時候同大肥豬路過撈撈麵鋪,我地就買左一包嚟試啦~

我地買左十蚊嚟試吓啦,哈哈...個口感又幾得意,不過就味精重左少少,食完勁口渴呀!

大肥豬就始終都係唔讚成我食咁多,尤其係夏天...佢驚啲嘢食好易變壞呀~

HEE HEE...其實我都係貪新鮮試吓,試一次咁多啦!


Next