香港新浪網 MySinaBlog
*♡♡小肥豬♡♡* | 27th Feb 2009 | 生活點滴 | (14 Reads)

今日經糖糖介紹,知道有一個換物網,見有新野就當然八八卦卦咁CLICK上去睇吓啦!

睇見真係有好多種類,玩具、日用品、化妝品....連PET SOCIETY嘅野都有,真係勁呀!

有新野玩我當然都試下,我仲已經放左少少野上去,睇下有冇機會換到啲好嘢返嚟。

我都覺得依個換物網都幾好,可以將自己冇乜用既野換啲有用既野,一來又可環保,二來可以慳啲錢。

大家有興趣都去睇吓有冇啱心水野交換啦!

http://www.tradeduck.com/

 


*♡♡小肥豬♡♡* | 25th Feb 2009 | 生活點滴 | (18 Reads)

今日大肥豬要開OT,所以就自己留左係屋企。不過,我冇偷懶呀,仲好乖咁嚟個家務大行動啦!

其實都唔係做左好多家務,抺左神枱,洗衫咁。不過講起洗衫,都真係勁有滿足感呀!

事緣之前大肥豬有幾件恤衫都有啲污漬,洗左幾次都唔得,總係覺得好唔夠白雪雪咁。係依個時候,醒起小豬爸之前講過有隻去污漬好勁洗衣劑,所以就買左一支嚟試吓可唔可以洗得乾淨啦!

見今日得我一個人,所以就拎左幾件衫仔去試下,諗住趁大肥豬唔係度,就算真係失敗都可以即刻毀滅佢,唔好俾佢發現嘛!

經過一輪閉關,洗洗...卒卒...擦擦...之後再放入洗衣機洗之後。終於......嘩....啲污漬真係冇得七七八八,仲有有番七八成新添。

大肥豬放工返嚟見到仲不停讚我叻,可以洗到咁乾淨添。攪到我都好開心得嚟又勁有滿足感呀!哈哈~~


*♡♡小肥豬♡♡* | 23rd Feb 2009 | 好友與我 | (24 Reads)

尋日我地四個人離開左鯉魚門之後,就去食晚餐。不過我地唔係留係鯉魚門食,而係去就嚟拆既牛頭角下村。

之前都冇乜心水諗食乜,不過有一次我睇開OPEN RICE,見佢有個牛頭角下村專輯,於是就CLICK入去八卦吓,見有一間有好多人都讚好,所以我地個晚餐就係去左..............九座嘅金利來食坊啦~

唔知係唔係就拆嘅威力,我地去到都係六點十左右,不過都已經要排隊啦!

等左一陣就有位,可能我地幾個都影到餓餓地,所以一埋枱就即刻點餸。

第一樣嚟嘅就當然係凍飲啦,唔知係唔係大肥豬成日都影得勁攰,所以今次佢竟然主動叫左支啤酒,真係....好少見佢飲啤酒,好在有大M幫手飲啲~

起菜啦......

椒鹽鮮魷拼九肚魚

蒜蓉炒豆苗

蠔餅

鹵味拼盆

芝士焗扇貝

整體上啲野食都真係唔錯,碟碟好好大碟,個味道仲唔差添。尤其係個蠔餅,真係成塊面咁大呀!哈哈~~~

個服務就真係差左少少,尤其係有位樓面姐姐,都真係惡惡地呀!不過...依啲大排檔服務都係咁啦...算啦,最緊要食得開心嘛!

四個人都只係食左二百幾,都真係幾抵食呀!今餐我地都唔好意思,因為要M&M破費添.......多謝晒!

我地一齊出去影相.....一齊食飯都真係玩得好開心,希望佢地都一樣玩得開心啦!

哈哈~~下次再繼續一齊去玩...玩....玩....影...影....影呀!


*♡♡小肥豬♡♡* | 22nd Feb 2009 | 好友與我 | (42 Reads)

今日我約左M&M攝影團一齊入鯉魚門影相啦!事緣前幾日小M係論壇見到有人去左三家村影相,於是就約埋我地一齊去影。

我都N..N..N年冇去過鯉魚門,一直都以為只係食海鮮。如果唔係小M介紹,我都唔知有個靚景影相添。

原本都擔心我地個行程去唔成,因為個天氣都係麻麻地,不過我地都係鐘意影相,所以當然照去啦!好在都只係天陰陰咁,冇落雨已經好好啦!

我地邊行邊影,我地就影吓海景...石景...總之見到靚地方就影...影....影啦~

 

之後繼續向前行,去我地主要影嘅大草地進發。不過唔知點解同論壇睇到嘅有啲出入,啲草短得嚟仲有啲黑黑地添。

雖然係咁,不過嗰度又真係一個影相好地方呀~


今日影左好多相,不過我自己就覺得麻麻地,唔知係唔係件衫問題,有好多都影都我好肥呀....真激氣,唔通真係係時候要減吓肥?


*♡♡小肥豬♡♡* | 19th Feb 2009 | 靚太廚房 | (53 Reads)

今日我又好乖乖咁,放工之後就去街市買餸,煮我依個是日晚餐,整左黑椒雞翼同節瓜粉絲丸丸湯~

簡簡單單咁....不過都唔錯,仲整埋做我明天個便當添。

不過,今個晚餐嘅主角並唔係依兩個餸,竟然係.........

其實依五盒士多啤梨係我今日行街市時,路過生果鋪時,見到有好多太太都圍住睇,以我一個師奶仍仔心態,當然又去八卦下啦!

原來佢地個個都搶緊一份五盒嘅士多啤梨,我見咁抵,加上人買我又買嘅情況吓,我當然又走去買一份啦!(我唔係搶呀....我係好斯文咁拎去俾錢呀...哈哈~~)

食完飯之後,當然就係食生果時候啦!

唔好睇佢平平地,粒粒都好鮮紅,仲好香士多啤梨添,食落都好甜,好好味....簡直係又平又正呀!

大家估下依五盒士多啤梨幾多錢呢?真係抵到你唔信.....一份都只係$10,冇錯....真係$10,即一盒都係$2。咁抵...問你點樣唔買番份返屋企食呀!

我記得以前士多啤梨都係屬於貴價生果,最平都要幾拾蚊先買到。不過唔知點解會咁平呢?平得嚟又唔係差哦。

我都幾鐘意食士多啤梨,所以趁依家平平地,買多啲嚟食先得。


*♡♡小肥豬♡♡* | 17th Feb 2009 | 我的玩具 | (82 Reads)

大肥豬成日都話我係個BLOG度放DOLLCENA 毒,攪到好多朋友仔都加入左DOLLCENA行列。其實係因為我好想同大家分享我鐘意嘅D女。

不過毒人毒得多,終於俾人毒番轉頭。哈哈~~

之前係FACEBOOK成日見到可樂同糖糖放左好多佢地影嘅四葉妹妹靚相,睇睇吓真係越睇越得意,所以終於都忍唔住買左一隻,加入左四葉妹妹行列。

返到屋企當然即刻拎四葉妹妹影吓相先啦~

哈哈......我又用左WALLPAPER方法影左幾張,都影得唔差,有幾張個FEEL又好似好夾咁。(又有人自己讚自己啦!)


*♡♡小肥豬♡♡* | 16th Feb 2009 | 甜蜜生活 | (13 Reads)

我地係西九影完相之後,就去尖沙咀行街街,食個簡簡單單嘅晚飯,之後就去向剛剛維修好嘅紅館出發。因為我地要睇左麟右李演唱會呀!

其實本身我地都冇特別想去睇依個SHOW,不過當大肥豬知道佢地加場時,個尾場就係情人節,所以就買飛帶我入去睇啦!

因為我地下午影相都影都攰攰地,所以我地就早少少入場坐吓休息吓。當然有咁多時間,我地又拎起相機周圍影啦!

邊玩邊等,終於都等到開SHOW啦!

雖然我地係坐啲山腰位,不過可以睇晒成個台,都真係唔錯。知道我地個位唔會近,所以一早冇打算影相,所以就冇拎支長鏡去。不過既然有相機係手,就試吓啦...哈哈...又幾好哦~

成晚個氣氛真係好正,完全冇悶場,首首歌都好好聽,尤其係唱快歌時,真係勁好FEEL,我拍手都拍到手紅晒呀!

因為係最後一場,所以嘉賓都多啲,有錢嘉樂、亞叻、曾志偉同埋陳友.....仲有剛有左BB嘅KELLY,真係正呀!哈哈~~

最後個SHOW係差唔多十二點先完,就係咁過左一個好開心嘅情人節啦!


*♡♡小肥豬♡♡* | 15th Feb 2009 | 甜蜜生活 | (39 Reads)

尋日係情人節,我當然同大肥豬出去拍拖拖慶祝一番。剛好又係唔洗返工,所以我地下午就開始出發,去玩啦!

第一站,當然去做我最鐘意嘅嘢,就係去影靚相。

之前睇到好多朋友仔去左西九長廊影嘅相都好靚,所以開頭我都有少少期望可以影好多靚相。

點知....都有啲失望,佢地好多地方都封左嚟做工程,就連近海條走廊都封左成大截(仲要係望對面海最靚嗰個位),所以可以影嘅靚位又少左。

雖然係咁,不過我地都唔放過機會,影左好多相~

我地影影下仲落毛毛雨添,不過都冇影響我地個心情,留係唯一有蓋嘅地方,繼續影過。

話晒都係情人節,又點可以唔影番張合照呢?不過因為當日冇遊人可以幫到手,所以唯有整番張自拍照啦~

今次影依輯相,真係不得不讚下大肥豬依個攝影師。以一個初可哥嚟講,都真係唔差,影出嚟個角度都幾好哦,仲影得幾靚添。有幾張相仲係佢教我擺POSE......哈哈!

原來由買左部單反之後,大肥豬就成日去啲攝影討論區睇吓其他朋友仔嘅作品,同埋佢地嘅影相心得,話希望可以影我影得好啲。

因為本身大肥豬都唔算鐘意影相,所以我聽到又真係好開心呀!為左影我靚啲花下功夫~~

我知道大肥豬依家都已經開始鐘意影相,不過只限影我....哈哈哈!


*♡♡小肥豬♡♡* | 14th Feb 2009 | 生活點滴 | (37 Reads)

一年一度嘅情人節又到啦!

係度祝大家有個既開心又浪漫嘅情人節,

每日繼續溫溫馨馨,開開心心,幸福滿載!


*♡♡小肥豬♡♡* | 12th Feb 2009 | 我的D女 | (37 Reads)

今日返屋企途中過路過商場,就係咁...我又買衫啦!不過,就唔係我嘅,係買俾我嘅DOLLCENA。

我一見到依條裙仔時,真係勁鐘意,好靚呀!因為佢唔係專俾DOLLCENA著,係俾啲細細個公仔著,所以都15/16唔知買唔買好。

最後考慮左好耐,終於都係買番屋企博一博啦!

好在...雖然係大左少少,不過都OK啦!睇下著左條裙仔幾靚~

著埋條粉紅毛毛仲靚,即刻高貴好多呀~

今日我仲玩左樣新野,大家先睇吓下面幾張相先~

大家有冇留意到個背景,係唔係都幾好呢?估唔估到個背景係乜呢?

哈哈...個背景其實係電腦嘅WALLPAPER嚟呀!我先搵張靚靚WALLPAPER,之後擺DOLLCENA係個MON前影相,咁就可以有靚靚背景影靚相啦!

係唔係一個好方法呢!(哈哈~~~不過要俾個叻糖糖,因為依個方法係佢諗呀!)


*♡♡小肥豬♡♡* | 10th Feb 2009 | 生活點滴 | (19 Reads)

過左元宵佳節,又係一個好好嘅日子,就係.......可以拆利是啦!

依啲就係我同大肥豬兩個係今年收到嘅利是啦~

都成為已婚人仕,所以都唔係有太多利是收。

經我地好開心咁拆利是之後,我地兩個加埋都可以話幫補吓今年所派出嘅,都幾好呀!哈哈~~

拆利是真係一件開心事嚟呀,好似額外多左一筆歡樂錢咁~~YEAH!又可以去SHOPPING啦!


*♡♡小肥豬♡♡* | 9th Feb 2009 | 生活點滴 | (33 Reads)

尋日又係一個歡樂家庭日,我地連同小豬爸、小豬媽仲有LULU妹一行五人又去左玩啦!

我地第一個目的地就係去赤柱,因為小豬媽想入去行吓街睇吓野。我地主要都係行吓赤柱大街,唔知係唔係經濟唔好,好多野都好平,都唔似係遊客區買嘅野呀!(當然..都有啲鋪頭係買貴野啦~)

入得赤柱,除左行街之外,又點少得影靚相呢!

講起影相,間唔中都會為左靚靚同大肥豬襯吓衫。不過今次我地係完全冇夾過嘅情況下著左同一個色,仲要係出到街係等車嘅時候先知大家都係著紫色呀!依啲係唔係叫心有靈犀呢!哈哈~

LULU妹都同我一齊擺POSE影相呀~

行完赤柱之後,小豬爸見時間尚早,所以就帶左我地去淺水灣行吓影相啦!

原本都打算係個望海觀音個度同埋係沙灘影相,不過行到去正好係太陽西斜位置,晒到我地變晒濛濛眼,所以都影唔得多相。

玩完之後,小豬爸仲請我地去食左一餐好好味嘅泰國菜,真係好好味呀!

哈哈~~我就係咁過左一個好開心星期日啦~


*♡♡小肥豬♡♡* | 9th Feb 2009 | 我的D女 | (34 Reads)

依幾日返到屋企時留意到大堂棵桃花樹開得到好靚,所以趁今日依個元宵佳節,帶左DOLLCENA落去影番幾張靚相啦!

今次帶左POOH POOH公主去影相,黃色裙仔襯桃花又真係唔錯呀!哈哈~~

唔知係唔係大堂有幾支好大嘅射燈照住桃花,所以都唔係影得太好....下次再努力先得!

最後,祝大家元宵節快樂!團團圓圓!日日都係SWEET SWEET天。 


*♡♡小肥豬♡♡* | 8th Feb 2009 | 我的玩具 | (75 Reads)

前幾日同糖糖仲有小肥肥一行兆萬時,見到個好抵嘅DORORO 公仔,所以大家都買左個嚟玩。

仲叫大家估吓我買左幾多錢添~

等左幾日,今日終於都有時間拎佢出嚟玩兼開估啦!

一打開,睇吓幾多配件~~

對於第一次玩依啲公仔,我就覺得有少少眼花撩亂,唔係太識玩,都只係簡單咁整左兩款玩吓先,等我有多啲心機先再砌多幾款啦!

好啦....係時候開估啦!登..登...登....登......依個DORORO拆實價係~~~~~$20。(恭喜BLOG友仔ZOE估中左,不過係冇獎品....哈哈)

雖然我就唔鐘意DORORO,都好少睇軍曹卡通片,不過見$20咁抵,好難唔買番屋企玩呀!呵呵呵~~

同場加映:

睇吓依個小娃娃幾得意~

哈哈..依個就係小娃娃就係糖糖送俾我呀!佢知道我鐘意玩埋啲細細隻嘅公仔,所以就買俾我等佢陪D女玩。

睇吓佢地幾FRIEND~

哈哈...個小娃娃真係好得意,仲要係我最鐘意嘅長髮款。不過我對佢身上件衫仔興趣大啲,唔知D女著左上身又會點呢?應該好會啱著,因為大家都係細細粒嘛。

等我搵日幫佢地換衫先得!


*♡♡小肥豬♡♡* | 7th Feb 2009 | 生活點滴 | (16 Reads)

都有好一段時間冇同大家講吓阿癲個近況啦!

唔知係唔係前排天氣太凍,所以阿癲成日都收埋自己係沙堆中郁都唔郁,試過三日都係同一個位置添。嗰次都驚驚地以為佢........不過拎佢上手睇就好精神咁爬吓,咁我地先放心啲。

今朝起身終於見到阿癲有啲動靜,爬左上樹上面,我仲即刻影低依個好耐冇見到景況啦!

唔知係唔係天氣開始有少少回暖,所以阿癲就有攪作。真係好得意......唔通蟹仔都要冬眠?哈哈~


*♡♡小肥豬♡♡* | 6th Feb 2009 | 甜蜜生活 | (38 Reads)

第一次接觸星星鏡係同M&M入迪迪尼酒店影相時,係酒店入面個大型水晶燈下,大M用左星星鏡幫我地影左依張相~

我睇張相嘅時候,真係好鐘意,影得好靚好有FEEL,好想影多啲依啲相。但當時我地係用緊傻瓜機,所以冇得影依啲效果靚相。

擁有左單反之後,第一時間就好想買個星星鏡玩吓。但係嗰時仲係單反初..初哥(依家都唔係識好多..呵呵),都唔識去買。之後曾經問過小M,不過都係搵唔到(真係蠢啦)。

終於...俾大肥豬搵到,買左俾我啦!(又係時候俾個叻佢添~)

哈哈哈~~真係勁開心,我嘅單反又多樣配件,可以影多啲唔同效果嘅相啦!


*♡♡小肥豬♡♡* | 5th Feb 2009 | 我的D女 | (40 Reads)

尋日買左條靚靚裙仔,當然急不及待幫D女換新衫啦!

一早知道同事今日會帶兩支結他玩具俾我地睇,所以今日就埋D女返工,幫D女同結他影番輯靚相啦!

雖然支結他比D女大左少少,唔可以拎上手彈,不過當佈景嚟影都唔錯呀~

由於時間所限(始終係自己張寫字枱,唔太敢玩太耐嘛!),唔可以慢慢擺POSE嚟影,不過睇番啲相,又發覺影得唔錯哦!哈哈...又有人自己讚自己啦~~


*♡♡小肥豬♡♡* | 4th Feb 2009 | 生活點滴 | (30 Reads)

今日約左糖糖同小肥肥出去旺角行街街食飯,順便送份小小生日禮物俾快做壽星女嘅小肥肥。

開頭都只係打算買條靚裙仔俾DOLLCENA,不過行行吓,原來我都買左好幾樣野,仲樣樣都好抵,真係一個開心SHOPPING DAY呀!

哈哈~~等我介紹吓我嘅戰利品先。

第一樣當然係我一早想買嘅靚靚DOLLCENA裙仔,今次就唔係$5嘅平衫,依條裙仔都貴貴地,不過依條就係我好鐘意嘅LADY款裙仔,所以貴少少都買左.....一條咁多啦,等我聽日幫D女換左佢影番輯靚相先~~

係我地行吉之島十蚊店時,見到有買糖糖之前用過話勁好用嘅面膜。一直都好想買嚟試,不過就成日都冇返貨都買唔到。頭先見到番左貨,所以就即刻買番支先~

之後我地就四周圍行,當我地行一間鋪頭見到依個龍貓襟針時,都覺得好得意,同埋係市面都已經好少見到依個款。見佢又做緊半價,拆左都係$15,所以唔考慮咁多,買左一隻先~

同兩個妹妹仔行街街,其實都主要行兆萬睇公仔。當我地行到一間鋪頭時,見到依個DORORO公仔做緊特價。一睇到.....我地完全唔考慮每人買左一盒番屋企玩。

大家估依盒依幾多錢?(等我遲啲開估俾大家知啦)

今日真係既開心又收獲豐富。哈哈~~

不過因為都行到攰攰地,所以都要等聽日先拆玩具玩啦!


*♡♡小肥豬♡♡* | 3rd Feb 2009 | 我的D女 | (39 Reads)

尋日行街街嘅時候,無意間見到其中一間鋪頭仔有幾件公仔衫買,見佢細細件可能啱D女著,所以就買左返屋企試吓啦!(真係好抵...都係$5一套呀~)

兩條靚靚裙仔同一套運動衫~

有新衫哦....又點可以冇帽仔呢?所以就拆左之前麥當當換嘅玉桂狗袋仔換成帽仔~

有新衫又有新帽,當然就即刻同D女扮靚靚,三個LOOK都靚呀...哈哈哈~

其實依三件衫仔都係比較大少少,不過著上身又好似都OK呀!

第日如果再有依啲又平又靚嘅衫仔,等我都入下貨先得,等D女佢地有新衫換嘛。哈哈哈~


*♡♡小肥豬♡♡* | 2nd Feb 2009 | 生活點滴 | (29 Reads)

話咁快就放完八日假期,今日終於要回到現實要返工啦!

依幾日都除左初一至初三去左街街之外,其他日子都係屋企休息訓訓訓,真係懶豬上身。返工都仲係傻吓..傻吓咁,真係要收拾好心情先得,唔係點捱到四月先再有長假期哦!

今日一返到工,除左收到少少利是之外,仲收到兩份禮物,都真係一個既開心又幸運嘅新開始呀!

首先就係小肥肥托糖糖送俾我嘅禮物,一個靚靚KUBI化妝袋~

另一份係同事去台灣旅行番嚟送俾我嘅手信,好味又攪笑嘅小食~

兩份禮物都好鐘意,真係多謝晒佢地,等我有一個開心嘅開工日呀!哈哈~