香港新浪網 MySinaBlog
*♡♡小肥豬♡♡* | 30th Dec 2008 | 生活點滴 | (19 Reads)

仲有一日...新一年又嚟到啦!

先預祝各位係新一年樣樣事都係好

所有唔開心嘅事隨倒數時一齊忘記!

開開心心迎接新一年!

除夕大家都要開得開心啲呀~~


*♡♡小肥豬♡♡* | 29th Dec 2008 | 好友與我 | (28 Reads)

今日又約左幾位BLOG友仔進行我地個靚太飯局,除左有小M之外,仲多左兩位新朋友仔,就係ALICE同埋BB YEE。哈哈~~真係開心...又識到新朋友仔啦!

我地今次個目的地就係去食和民,其實都係貪嗰度可以慢慢坐、慢慢傾。當然都係因為我鐘意食日本野。

我地今次叫左好多好味嘅嘢食,大家仲食埋杯好好味嘅雪糕添。不過因為我部相機影得唔係好得,所以都係等其他靚太POST出嚟啦!

雖然都係第一次見,不過我地都好多傾,乜都傾得一餐,仲成日都細聲講大聲笑,真係過左一個開心嘅晚上呀!

我地由七點開始傾....差唔多十點幾先走。係準備離開時,當然又係影相留念時間啦!

BBYee 小M & 我

ALICE 我 & 小M 

當然唔少得嘅大合照啦~

除左食局之外,ALICE同BBYee都送左禮物俾我地呀!(真係多謝晒呀!)

BBYee送左一SET可樂出版嘅杯俾我地,係非賣品嚟,隻羊仔仲好得意呀~

ALICE就送左SET小玩意俾我同啲D女玩,哈哈..又係時間同D女們影番啲寫真先得啦~


*♡♡小肥豬♡♡* | 28th Dec 2008 | 甜蜜生活 | (23 Reads)

因為之前睇到其他朋友仔個BLOG知道新都地都有啲特別佈置,見今晚要去將軍澳我姑奶屋企食飯,所以下午我地就先去新都城行吓、影吓相。

雖然佢地都唔太有聖誕FEEL,不過啲公仔都幾得意呀!好似話係香港有名嘅畫家設計,不過因為我掛住影相,冇細心睇個介紹,唔記得左係邊個添~

影完相之後我地就周圍行,行行下竟然俾我地見到泳兒簽名會。見唔多係太多人(其實真係冇乜人,FANS都係得幾個),所以就走埋去八卦一吓。睇見佢個真人,第一個感覺就係....好濃妝,同睇電視嗰個都唔同樣咁呀~


*♡♡小肥豬♡♡* | 27th Dec 2008 | 甜蜜生活 | (16 Reads)

為左要繼續試吓部新相機,所以尋日趁假期,我地又去左影相。今次我地個目的地就係去IFC影嗰個靚靚摩天輪啦!

唉~~都真係勁黑仔,當我行到去個摩天輪時,竟然封左唔俾行入去,就連個摩天輪正面都圍住晒人,見到依個場面都真係勁DOWN。

後來知道原來佢地準備有聖誕活動所以封左,要到夜晚八點幾先解封呀!我地冇理等幾個鐘,所以就係個摩天輪後面搵少少位嚟影,都叫做到此一遊呀!

DOWN DOWN地影完摩天輪,就係IFC繼續影吓相。佢地啲佈置都唔錯呀~~

影完IFC見時間早早地,見中環碼頭就係附近,所以我地就搭船過去海港城繼續影...影....影啦!

可能用緊單反關係,真係少左機會叫遊人幫我地影合照。就算叫到人幫我地影,不過佢就唔識用,所以冇幫我地影到,下次都係帶埋隻傻瓜機係身先得。

最後,有一位又係拎單反嘅朋友仔叫我地幫佢影合照,所以就趁機會又叫番佢幫我地又影番張,咁好有張靚靚合照呀!哈哈~~

影完一輪,我地就行吓海旁休息吓,扮吓浪漫嘛!係依個時候,兩隻傻豬又係度玩自拍。

當我地準備離開時,見到海港城啲佈置已經亮燈,咁我地又再走去再影過,睇下唔同效果影出嚟會係點啦~~(其實都係去影影影嘅籍口..呵呵呵)

影夠之後(我都影到攰攰地~),我地就搭車返屋企。係行去巴士站途中,見到一個商場有棵靚靚聖誕樹,當然又唔放過,又繼續影啦!

尋日我地真係影左好多相,仲有好多都係好靚呀!睇真啲....發覺原來單反影出嚟嘅相都真係靚啲呀~~哈哈哈!


*♡♡小肥豬♡♡* | 26th Dec 2008 | 甜蜜生活 | (21 Reads)

聖誕節去左邊?依一個咁好嘅日子,當然係又去我最鐘意嘅地方啦!哈哈哈..

一嚟我地張AP係可以聖誕正日入樂園,好想入去感受下個氣氛。二來我又可以去試下部單反機,可以話係一舉兩得呀!哈哈哈~~~

平時我地都好少係大門口個水池影相,不過為左試機,大肥豬就幫我係度不停影啦~

嘩...原來聖誕日真係好多人入迪迪尼,所以真係周圍都係人呀!就算連拎左FASTPASS玩GAME都排得好利害,但我地入去個目的都係影相,所以都冇乜影響。

今次入去都只係同左DONALD影相,真係超乎想像,用左半個鐘左右就影到啦!

影完DONALD之後,就留左係小鎮大街周圍影,真係乜都影得一餐呀!

係經過城堡時,見到有好多人同緊管樂團成員影相,所以我就即刻搵打鼓個靚女影番張相啦~

之後就再繼續影靚相啦~

我地留左係迪迪尼都係三個鐘左右,之後我地就去另一個目的地再影過。

我地今次就再去迪迪尼酒店影..影..影,不過我都就冇係酒店入面影,只係外圍影。因為大肥豬話係日光環境下試新相機會好啲呀!

我地除左影正經相之外,仲影左好多古怪相添~~

短短幾個鐘,我地就已經影左三百幾張相,真係勁呀!哈哈哈~~第一次真正用就單反相機影,感覺上都係比傻瓜機影得好,不過就比冇其他用單反嘅朋友仔影得咁靚。

我已經睇左本說明書先去影相,不過都好似唔係好識用呀!原來想影靚相都真係有排學呀~~


*♡♡小肥豬♡♡* | 25th Dec 2008 | 甜蜜生活 | (24 Reads)

尋晚嘅平安夜因為我好怕人多,所以都冇去啲人多地方,係APM簡簡單單咁渡過。

其實之前都有係APM影過相,不過都係同D女影。今次終於到我影啦....仲用相機影添~

新相機真係影相靚啲哦.....哈哈哈~~

之後個節目就係睇戲,我地去左睇葉問。講真...套戲我就覺得麻麻地,(可能係我唔鐘意睇打交戲啦!)不過大肥豬鐘意就冇辦法,當陪下佢啦!

睇完戲,食埋宵夜,就過左我地依個簡單平安夜啦~


*♡♡小肥豬♡♡* | 25th Dec 2008 | 甜蜜生活 | (25 Reads)

好開心..好開心..超級開心..我終於都加入左單鏡反光機行列啦!因為...大肥豬神神秘秘送俾我嘅聖誕禮物,真係超級大開心呀!

當今日去到APM影相時,大肥豬竟然係個袋度拎左部機出嚟同我影相,嗰一刻真係開心到傻左,估唔到佢咁鬼鬼馬馬,突然間又咁有心思呀!哈哈哈~~

其實我一直都好想買,仲行過好多次相機鋪睇,仲拎起過上手試玩添。有幾次都好有衝動買左佢,不過最後都係唔捨得冇買到。

大肥豬話因為我係初哥,所以就買依一個BOX-SET,有長鏡又有短鏡,叫我平平地玩住先,等我技術再高啲先再買啲更好嘅機。

其實我有得玩都已經心滿意足,加上睇番啲介紹依部相機都唔差,我真係有排玩啦!哈哈哈~

嚟緊我地要去多啲地方影靚相試機先得啦!呵..呵..呵...


*♡♡小肥豬♡♡* | 24th Dec 2008 | 生活點滴 | (16 Reads)

今日係平安夜,

祝大家平安夜快樂、聖誕快樂!

最重要日日都要開開心心,繼續SWEET SWEET!

今晚玩得開心啲啦!

MERRY CHRISTMAS & HAPPY NEW YEAR!


*♡♡小肥豬♡♡* | 23rd Dec 2008 | 甜蜜生活 | (23 Reads)

因為前日係電視見到有節目介紹,所以我地決定左去完影相就入黃埔食詠藜園。

之前有幾次都因為要大排長龍,所以冇試過。好在..今次我地都算早早地,排左十五分鐘左右就有位啦!我都真係大鄉理,依間咁出名我都係第一次入去食呀!
(哈哈..等位時俾大肥豬捉左去做廣告小姐~~)

可能因為我地得兩個人關係,好多都好想食,但又都怕食唔晒。諗左好耐,最後我地就簡簡單單叫左依幾樣野食~~

 

一定要試吓佢個招牌擔擔麵,個味道都幾好,不過啲麵就好似細左少少!

 

當然唔少得我嘅至愛小籠包(佢地叫小湯包),都幾好味呀!

 

仲有大肥豬叫嘅過橋水餃,依個細細地可以一啖一粒,都幾好~

 

雖然啲嘢食都幾好,我地兩個都食得好飽飽咁離開。

不過唔知係唔係間鋪開得個冷氣太細,攪到大肥豬越食越熱(仲出晒汗添),所以我地好快就食完走人啦!


*♡♡小肥豬♡♡* | 23rd Dec 2008 | 甜蜜生活 | (65 Reads)

之前睇細i個BLOG知道紅磡火車站有KUROMI嘅佈置影,見啲相好得意,所以就好想去影埋一份呀!

剛好大肥豬今日要出尖沙咀拎嘢,所以就約左放工之後去 紅磡火車站影..影...影...啦!

原來係火車站大堂擺放左一部大型KUROMI扭蛋機,雖然只係得一個位置有佈置,不過依個扭蛋機實在太可愛,加上當時又唔係太多人,所以我地都影左好多相呀!

係扭蛋機外面


係扭蛋機入面

影完相之後,我地就搭車入黃埔食晚飯。點知又俾我見到黃埔隻船入口有啲BEAR BEAR嘅聖誕佈置,我當然又唔放過依個機會,又影埋一份啦!


*♡♡小肥豬♡♡* | 22nd Dec 2008 | 生活點滴 | (32 Reads)

尋日下午約左小豬爸、小豬媽同LULU妹一齊入去工展會行街街。唔知係唔係假期關係,真係好多人呀!第一時間當然係買張飛入場先啦~

 一入到會場,第一時間我地就去食嘢先,因為我地個個都肚仔餓,唔醫飽個肚冇力行街呀!我地食左好多野..牛什、魷魚、花膠翅、糯米滋、小籠包,當然我地霸唔到靚座坐係度慢慢食,只可以拎起手企埋一邊食,不過四周圍嘅人都係咁,都幾有特式,仲幾好味添!

食飽飽就開始行啦...不過真係好多人,尤其當間店有試食嘅時候就仲迫人。我地邊行邊睇嘢,原本大家都係冇打算買嘢,點知最後我地竟然買左幾大袋。

我自己都買左幾包煲湯材料同醬料,諗住下次煮飯整俾大肥豬食呀..哈哈,小豬媽仲笑我買幾包煲湯材料都唔知兩年內煲唔煲得晒..真係激死我呀~

我地逗留左你工展會入面都差唔多三個幾鐘,又食又買,都行得幾攰,不過又真係好開心,可以一家人開開心心咁去街,我就最鐘意啦!


*♡♡小肥豬♡♡* | 21st Dec 2008 | 我的D女 | (47 Reads)

今次我應小肥肥嘅提意,帶左隻魔盜王同聖誕JACK DOLLCENA入去迪迪尼影靚相。

當我地行到入探險世界時,發覺個環境好啱,所以就拎左魔盜王出嚟不停影...影....影...啦~

影完探險世界,我地就去番大街周圍影。成個小鎮大街好有聖誕FEEL,係依個環境....當然拎埋另一個聖誕JACK出嚟影啦!


哈哈...自己都覺得我影Dollcena嘅相越嚟越靚,睇到又真係好有成功感添,真係要多啲帶佢地出街再影多啲靚相先得。


*♡♡小肥豬♡♡* | 20th Dec 2008 | 好友與我 | (30 Reads)

今日又再一次約左朋友仔小肥肥入迪迪尼玩,我地兩個人真係玩左好多野,可以話由朝玩到晚,不過一樣機動遊戲都冇玩過,全日都係不停影..影...影....

第一件事就當然去影晒啲聖誕特別版公仔先啦,今次連聖誕老人都唔放過影埋一份呀!不過今日真係勁多人,每個人物都要排45分鐘以上,所以我地成個朝早嘅時間就咁排晒隊啦!

影晒人物之後,我地就去醫飽個肚再影過。

我地就去周圍行..周圍影,我同小肥肥都分別帶左DOLLCENA入去影相,所以都有一段時間留左係探險世界影D女。(D女嘅相等我揀好之後先同大家分享,因為佢地仲影得多過我呀!)

當離開探險世界時,見到有個海盜出現,當然又唔執輸影番張相啦!(我都係第一次同海盜影相呀....哈哈~)

時候剛剛好,我地就去霸番個靚位等睇公主SHOW。我地心個位置都算又前又中間,所以我地拎起我部傻瓜機影左幾張相。不過,出奇地又影得唔差,仲影到公主王子KISS呀...哈哈哈~~~

之後繼續周圍行影靚相,等睇巡遊啦~

之後就入米奇大屋,不過都係嗰句....真係好多人,又勁排先入到去影相。唔好睇以為冇乜人,其實每個佈景都要排下隊先影到,總之就排...排....排啦!

玩完米奇屋之後,我地兩個都已經勁攰,連煙花都唔睇就走啦!

係臨走嘅時候拎個立體眼鏡出嚟玩,今次我終於拎到個天使眼鏡呀。原本都好開心,因為天使眼鏡係今年新出,不過個效果真係唔多靚,感覺上都係雪人靚啲。

點解我今次個主題叫瘋狂之旅?因為我同小肥肥除左瘋狂影相之外,我地仲極瘋狂咁周圍問人拎聖誕版貼紙。終於都可以儲齊一SET啦!哈哈~~


*♡♡小肥豬♡♡* | 19th Dec 2008 | 生活點滴 | (31 Reads)

今日係學生舉行聖誕聯歡會嘅日子,我作為一個小小書記當然冇份玩,懷住一個勁有HOLIDY MOOD咁留係OFFICE做嘢。

不過...我地一班同事都唔執輸,幾位工友姐姐都整左啲嘢食,等學生放晒學之後,就輪到我地開聖誕趴地啦!

有位同事買左個聖誕蛋糕俾大家食,個蛋糕真係好得意,我地排住隊拎住個蛋糕影靚相呀!哈哈~~

我同糖糖嘅合照,其他同事嘅相唔太方便放上嚟俾大家睇呀~



我地個趴地都真係好多野食,炒麵、咖哩魚蛋、鹵水雞翼....再加埋個蛋糕,真係玩得開心又食得好飽飽呀! 

哈哈哈...大家有冇留意到我個新髮型呢?真係越剪越短添!不過都好似唔太差呀,大肥豬仲話好靚...HEE HEE~


*♡♡小肥豬♡♡* | 17th Dec 2008 | 我的D女 | (50 Reads)

當知道網上有藍色裙仔灰姑娘買嘅時候,個心都攞攞攣,因為都真係好想擁有灰姑娘,不過又好似貴左少少,有啲唔捨得!

知道有灰姑娘嘅蹤跡,嗰排我都好俾心機咁四周圍,又成日上個拍賣網睇吓隻公仔。終於大肥豬都對我嘅行徑有啲頂唔順嘅時候,就叫我買左佢,唔洗係度搵來搵去。

於是.....經大肥豬講一講,我就帶左灰姑娘返屋企啦!

講真...都真係有少少肉赤,依個係咁多隻當中最高身價,但為左可以儲齊一SET DOLLCENA,忍一忍都要啦!(不過依個都已經係我極限嚟~~)

但話雖如此,個灰姑娘又真係幾靚,見到佢又會忘記左銀包個傷口呀!哈哈哈~~~

依家仲差一隻,各位如果見到有BENNY兔嘅蹤影記得話我知呀!如果有朋友仔去旅行見到,個價錢又唔貴的話,都可以幫我帶佢地番嚟香港呀~~


*♡♡小肥豬♡♡* | 16th Dec 2008 | 甜蜜生活 | (15 Reads)

見到好多BLOG友仔都去左MEGA BOX影POOH POOH,所以今日就同左大肥豬入去食飯兼影靚相啦!

其實MEGA BOX都係有兩層擺左幾隻公仔俾人影相,不過啲公仔都幾得意。可能我地食完飯先去影相,都唔係太多人,所以短短個幾鐘我地就影左百幾張相。

擺係地下幾隻公仔~

影完之後,再戰四樓影...影...影。嗰層除左有幾個公仔影相之外,仲有一棵POOH 聖誕樹,都唔錯呀!

之後我地路過德福,見到佢地今年個佈置真係唔係好得,比起上年個迪士尼FEEL真係差好多,三個大佈置就只有一個有聖誕鹿嘅叫做好少少呀!

今日係MEGA BOX雖然影得多相,不過好多都唔係太靚,唔知係唔係四周環境有好多射燈,所以相機個感光度有啲影響。

唉.......都真係有少少失望添~


*♡♡小肥豬♡♡* | 15th Dec 2008 | 好友與我 | (27 Reads)

今晚我又約左一班BLOG友仔出嚟食飯聚吓傾吓計啦!

上嗰幾次我地都係食左日本嘢,所以今次我地就改改個地點,去酒樓打邊爐 ,實行嚟一個暖笠笠邊爐宴。

其實我都好少去酒樓打邊爐,所以初時都決定唔到去邊間好。最後聽朋友仔講旺角稻香都唔差,所以我地就去依間啦!

因為今次係個地點係我介紹,所以開頭都怕啲野食會唔係太好。好在都覺得OK,咁我先安心啲呀!我地ORDER左一個海鮮拼盆,都幾好味呀~

係未正式開始用餐前,好唔易先捉到位職員幫我地影番張靚相留念呀!

當然我地一見到面就有源源不絕嘅話題,邊食邊傾...傾到成十點幾先散,真係快樂不知時日過啦~~

哈哈哈...真係期待我地個BBQ可以繼續再傾過呀!


*♡♡小肥豬♡♡* | 14th Dec 2008 | 生活點滴 | (18 Reads)

今日陪老爺奶奶參加左屋村攪嗰啲新界一天遊。

第一站個目的地係邊我都唔係好記得,只係知道影到汀九橋。不過....嗰度個VIEW都幾靚。

之後就入左流浮山行街同食我地個LUNCH~

下一個目的地就係去參觀老婆餅工場,仲每人有個老婆餅食添。新鮮整出嚟熱騰騰...好味呀!

最後一個目的地就參觀李力持導演嗰個片場,原本都以為有好多野睇。點知....失望,冇乜特別野睇,只係得一啲道具同簡單場景佈置俾我地睇,所以真係麻麻地!

依兩張相係唔係好似呢?其實嗰度只係一張相佈景,不過影左出嚟又真係幾似呀...哈哈

跟得屋村旅行團都預左冇乜野玩,兼全車都係長者。不過算啦....當陪老爺奶奶去玩吓啦!


*♡♡小肥豬♡♡* | 12th Dec 2008 | 生活點滴 | (14 Reads)

一直都有玩開FACEBOOK,除左用嚟朋友仔傾計之外,最主要就係當作一個網絡相簿,將我地嘅靚靚相同大家分享。

不過經糖糖介紹下,依家我又再迷上玩佢地嘅PET SOCIETY GAME,雖然好似簡簡單單咁,不過都幾好玩,可以幫佢地扮靚同佈置屋企。大家都快啲嚟玩吓啦呀~

除左玩GAME之外,我又膽粗粗咁開左一『DOLLCENA一族』,希望可以識到啲都係玩DOLLCENA嘅朋友,一齊分享吓!

各位有玩FACEBOOK又係DOLLCEA FANS嘅朋友仔,快啲JOIN埋一齊分享吓啦!

 

*♡♡小肥豬♡♡* | 11th Dec 2008 | 甜蜜生活 | (25 Reads)

今日要出銅鑼灣拎番啲嘢,所以見依個大好機會就約左大肥豬放工去銅鑼灣食飯,行街街同影靚相啦!

之前睇【MING ♡ YAN】個BLOG知道係DNM有個史迪仔世界巡迴展覽,見YAN影啲相好靚,所以食完飯就去左DNM打算睇依個展覽。

點知....真係幾失望,因為當我拎部相機出嚟嘅時候,個職員話唔可以影相。唉...所以我地睇左一陣就走啦,係走嘅時候大肥豬就幫我偷影左一張相,都算到此一遊嘅證明啦~

雖然影唔到相都有少少失望,不過好快我就轉戰時代廣場影番夠本啦!哈哈~~

其實之前見到好多BLOG友仔嘅相都知道今年時代廣場都佈置得幾靚,雖然冇用聖誕做裝飾,不過就用左啲公仔嚟做主題,都幾特別呀!

一入到去時代廣場門口,我地就開始影..影...影,基本上我都同晒所有公仔影呀~

可能啲公仔真係太可愛,實在太多人一齊影,有幾個大公仔都要等吓先影到呀!不過...人多都係一件好事,就係好易就請遊人幫我地影到合照呀...哈哈哈~


Next