香港新浪網 MySinaBlog
*♡♡小肥豬♡♡* | 30th Nov 2007 | 婚禮籌備 | (23 Reads)

雖然日子一日一日咁過,好似好快就到大日子。不過前幾日嘅心情都冇乜緊張,冇乜將結婚嘅感覺,不過依個心情心今日開始有變啦!

可能今日係我婚前最後一個工作天,所以有部分未能出席我晚宴嘅老師都分別送上賀禮,又有好多人問我結婚野...攪到我都有少少緊張起嚟,真係覺得好快咁啦!

不過都未算,下午仲收到一個驚喜啦~

事緣今日學校禮堂舉行週會時刻,突然收到一個電話好緊急咁叫我上禮堂話有急事要我幫手,我就即刻好驚咁衝上去啦...心仲諗:唔係又做錯野呀!

點知...一去到禮堂就聽到有老師彈緊結婚進行曲,之後校長就向全校學生講我下星期一結婚嘅事,又叫全體學生同我講『新婚快樂』。當時真係幾尷尬又感動,真係好多謝各位同學仔嘅祝福呀!

可能由明天開始就唔洗返工,所以個心情就真真正正開始緊張啦!

 

我們的婚網~~ http://www.darizi.com/hk/blog/yanyan_hinghing/


*♡♡小肥豬♡♡* | 29th Nov 2007 | 婚禮籌備 | (24 Reads)

之前都冇諗過話去整GEL甲,因為聽人講話會好痛,有少少怕呀!所以都係諗住去修吓甲,去油吓指甲貼吓花花就算。

經過我依幾個星期嘅努力,我D指甲係長左少少,不過就好慘咁開始斷甲,好醜樣呀...為左要靚靚,所以今日都係要去整GEL甲,所以今日放工就去左整啦!

因為都係第一次整,所以開頭都好驚會好痛。但整整吓又冇乜野,都係照燈嗰時有少少痛,但都可以接受。

整左個半鐘左右,我D靚靚指甲終於完成啦!睇吓幾靚~

我都幾鐘意,因為簡簡單單又夠閃,襯乜衫都OK嘛!

 

我們的婚網~~ http://www.darizi.com/hk/blog/yanyan_hinghing/


*♡♡小肥豬♡♡* | 28th Nov 2007 | 婚禮籌備 | (37 Reads)

經過一番頭痛咁安排,終於都初步編好左婚宴當晚嘅座位安排。

原來攪依樣野都真係好煩,又要顧及邊批客人較熟坐埋一齊,一係就FRIEND嘅人太多,要分枱坐,咁又要諗抽起邊個好....真係好煩呀!不過好在都可以講暫時安排好,咁都好少少~~

食完飯就同小豬媽去左吉之島拎番張龍鳳被同買野,我就買左套靚靚睡衣,同一D內衣褲,等我新婚後著。

番到屋企又開始執野大行動,因為要執定一D日用品等大肥豬幫我拎去奶奶家。雖然係暫住一個多月左右,都唔諗住拎太多野去,費是搬來搬去。但執執吓...又執多左一大袋(之後已經拎左一盒衫),都唔明白點解有晒多野。

一邊執野,我就有開始少少驚,驚並唔係因為大日子就到,而係好驚婚後需要改變自己嘅生活方式,仲要去另一個環境住,真係怕會好唔習慣呀!雖然大肥豬已經講左會盡量就我,但都總係會驚驚地.....希望自己可以好快習慣啦!

 

我們的婚網~~ http://www.darizi.com/hk/blog/yanyan_hinghing/


*♡♡小肥豬♡♡* | 27th Nov 2007 | 婚禮籌備 | (21 Reads)

今日放工就約埋嘉汶表妹同LULU妹上紫水晶LAST FITTING,可能我地上去都算早,都唔係好多人。等左一陣,就帶左去隔離FITTING室試衫啦!

因為嘉汶表妹趕住返學,所以佢就第一個試衫,之後就到我試揀左嗰幾件衫啦!

原來今次佢地係會幫我即刻改埋件衫,試到FIT晒為止,所以全程都係又試又改又著...都幾多野整,不過幫我試身嗰位姐姐又真係好好人,佢唔介意幫我試完又改,改完又試,仲教我點先可以著靚件衫,真係細心呀!

由於我掛住自己試衫關係,都冇時間理LULU妹件衫改成點,好在嘉汶表妹幫手睇埋先去走,咁我都安心去全程照顧自己D衫。

當試到中途,大肥豬就嚟到準備試件禮服,點知係依個時候先醒起我唔記得帶埋對皮鞋去試,真係失敗!唯有靠預計估計條褲嘅長度啦!

我地逗留左差唔多兩個幾鐘就終於試好晒啦!原本我想問可唔可以早多一日拎衫,不過因為由於1號太多人拎衫,所以唔可以早,都係維持係2號拎衫呀!

但係拎衫嗰時可以再俾我試著D衫多一次,睇吓要唔要再改。同時又可以再試埋大肥豬條褲,又真係超好人呀!

點知~~改衫姐姐叫我係依幾日唔好再肥OR再瘦,唔好到時要佢再改衫哦!(真係俾佢笑死呀!)

 

我們的婚網~~ http://www.darizi.com/hk/blog/yanyan_hinghing/


*♡♡小肥豬♡♡* | 26th Nov 2007 | 婚禮籌備 | (37 Reads)

今日終於都迫小豬爸同小豬媽開始問D客人嚟唔嚟,因為真係要開始預人數,要覆實圍數俾酒樓嘛!

因為小豬爸怕尷尬,所以等到依家去問人。我都用左好多口水同小豬爸講,佢先肯開始呀!其實我都知有少少難為情,不過為左可以預好D人數都冇法啦!

都問左七七八八,同我預期中差唔多啦!等大肥豬嗰邊OK埋就可以決定到啦!

問實左人數之後,就又要開始安排佢地座位啦!依個先係最艱辛嘅工作,有D人又唔可以坐埋一齊,邊D又唔可以坐得太近主家席.....總之就係煩...煩....煩....啦!

真係要加多幾錢肉緊編好個座位表先得呀!(真係頭都大埋呀!)

 

我們的婚網~~ http://www.darizi.com/hk/blog/yanyan_hinghing/


*♡♡小肥豬♡♡* | 26th Nov 2007 | 生活點滴 | (22 Reads)

今年可以算係大肥豬最豐收同最開心嘅一年,因為真係喜事接踵而來。仲要係短時間內完左依幾件大事,真係利害呀!

第一件喜事,就係完成左佢個大學課程,終於都畢業啦!

第二件喜事,就係抽到今期居屋,仲要可以揀到心水單位,做業主啦!

第三件喜事,亦都係最重要嘅,就係娶到一個又靚又可愛嘅老婆啦!(哈哈~又係度讚自己添~)

第四年喜事,終於都可以係今日宣佈啦~~~

就係由今日開始,大肥豬嘅工作有新轉變,轉左去另一個部門,係負責做ACCOUNT嗰邊(可以學以致用嘛!)。個職位就升左少少,人工都象徵式加左少少,可以話算做升職,都可以係一件開心事呀!

今年真係好多轉變呀,希望大肥豬繼續可以好運落去,佢好就已經足夠啦!

我自己....唔洗太好啦,因為佢好咪即係我好,D好運俾多D大肥豬就得啦!

咁等我繼續發揮旺夫能量。(哈哈哈~~)

 


*♡♡小肥豬♡♡* | 25th Nov 2007 | 婚禮籌備 | (41 Reads)

之前係訂左嘅襟花、手花,今日終於都拎左啦!

首先當然講吓我兩個花球,由於我會用番之前影結婚相嗰兩個花球,所以就叫左訂花球位姐姐幫我執執。今日睇番又真係好似新嘅一樣,好靚呀!

特別係茶花依個,我想特別少少,就加左少少羽毛同珍珠,真係成個感覺都好唔同,靚好多呀!真係好鐘意依個呀,所以大肥豬就會拎住依個花球嚟接新娘啦!

依個就係另一個蕙蘭花球,姐姐再加左少少襯花,感覺上好似大左少少,都好鐘意依個呀!所以打算留係酒樓影相用啦!

另外,我仲幫大肥豬訂多左一個襟花,等佢敬酒時可以用。因為大肥豬成日都係著一套禮服,訂多一個咁就好似有多少少變化嘛!

依盒就係其他兄弟姊妹、四大長老用嘅襟花手花,都好靚呀!

真係開心,又完成左一樣野啦!

 

我們的婚網~~ http://www.darizi.com/hk/blog/yanyan_hinghing/


*♡♡小肥豬♡♡* | 24th Nov 2007 | 婚禮籌備 | (39 Reads)

今日放工就即刻同小豬媽飛去見我大日子嗰位化妝師,大家傾吓當晚嘅造型同揀吓D首飾、頭飾。

基本上成個過程都幾好,我揀左好多好靚嘅頭飾,有D仲係全新,真係好閃呀!我特別鐘意註冊嗰婚紗頭飾,係一個極閃嘅皇冠,真係有少少似小公主咁呀!希望嗰日化埋哂妝,可以成為靚靚小公主啦!(哈哈~~真係唔知醜啦!)

化妝姐姐又好好咁,問我有乜特別要求。其實我都好簡單,只要唔好紮晒頭髮上去,化大D我對眼就得啦!

經過今日一見,我同小豬媽都對化妝姐姐真係可以話完全信任,因為我相信佢一定可以將我嗰日扮到最靚靚呀!

 

我們的婚網~~ http://www.darizi.com/hk/blog/yanyan_hinghing/


*♡♡小肥豬♡♡* | 23rd Nov 2007 | 婚禮籌備 | (53 Reads)

仲有十日就到大日子啦!

前幾日好多人都問我心情有冇緊張....攪好晒結婚野未....等等問題。其實嗰時我真係仲未識驚,因為感覺上好似仲有時間,同好似好多野都整好,個心情都係等嫁。

不過由尋晚開始,個心情開始有少少緊張,仲攪到我訓得唔係太好。原來今日就已經係仲有十日就到啦,真係唔到我唔緊張啦...

究竟我仲有乜未做?好似有好多,但自己仲係唔知係乜,因為好多我都已經七七八八,只係仲有少少濕碎野未整....

仲有最煩嘅編位未攪,依個問題真係最最最煩呀!希望可以順順利利咁整好啦!

依十日一定要好好咁利用,繼續日日做FACIAL....繼續KEEP住唔好肥番,要做過又靚又FIT新娘先得!

 

我們的婚網~~ http://www.darizi.com/hk/blog/yanyan_hinghing/


*♡♡小肥豬♡♡* | 21st Nov 2007 | 婚禮籌備 | (451 Reads)

唔覺唔覺好快就到大日子啦!時間一日一日咁過,真係唔可以再偷懶,所以今日又開如諗我婚宴晚嘅音樂啦!

其實之前都揾到一隻迪迪尼嘅純音樂,打算用嚟當晚入席前後播,感覺上有少少音樂底,好似冇咁悶。用純音樂又唔會影響客人傾計,都幾好呀。

不過最頭痛就係諗用乜歌進場...上乳豬....等等等等。真係幾頭痛,因為我又想用埋迪迪尼嘅歌,感覺上會好SWEET呀!

終於都搵到少少合心水嘅歌,可以話解決左一個問題啦!

進場:一早諗左,就係用阿拉丁嘅A Whole New World 。因為真係好鐘意依首歌,好浪漫嘛!

上豬:依首諗得最耐,因為好似冇乜合心水,終於搵到白雪公主嘅Heigh-Ho(即小矮人去開工時那首歌),好似幾得意咁嘛!

敬酒:打算用香港迪士尼巡遊時嗰首歌,貪佢有好熱鬧嘅氣氛!

送客:用美女與野獸嘅Beauty And The Beast,都係鐘意佢好浪漫嘅感覺!

成晚都融入左迪迪尼浪漫氣氛,希望客人們都可以感覺到啦!諗起都好SWEET呀!

唔知我揀得好唔好呢?各位朋友仔俾D意見我呀!

或者可以再建議我用其他歌仔呀!(不過最好係要迪迪尼哦!哈哈哈)

 

我們的婚網~~ http://www.darizi.com/hk/blog/yanyan_hinghing/


*♡♡小肥豬♡♡* | 20th Nov 2007 | 好友與我 | (29 Reads)

今日又約左兩位靚太車車同POODLE食晚飯呀!

我地今次約左係尖沙咀海港城入面間DOUBLE STAR食晚飯,因為我同車車早左去到,所以就係海港城出面個靚靚聖誕佈置影左一陣相。

嘩~~個佈置真係好靚,車車都幫我影左好多相呀!


(真係麻煩車車幫我影咁多靚相呀!)

影完靚相之後,我地行左一陣,就去餐廳啦!

今日成個晚餐都好開心,佢地兩位靚太都講左好多大日子當日要留意嘅野俾我知,等我可以了解多D,當日唔好出錯。有D佢地唔講,我都完全冇諗到,所以話真係收左好多好有用嘅料呀!

除左講經驗俾我知之外,佢地仲不停咁叫我食野,仲叫我食甜品,真係好攪笑呀!但我知道佢地都係關心我,怕我太刻意減肥會有反效果呀!

今日真係好開心....相信下一次嘅飯局就一定會好快到,到時就會變成靚太飯局,我又可以大食特食啦!

今日晚餐仲有另一個原因,就係POODLE送左一條毛毛披肩俾我,等我可以係大日子嗰日俾LULU妹用。(不過咁靚..可以留番俾自己用呀!哈哈)


POODLE:真係多謝你呀!


*♡♡小肥豬♡♡* | 19th Nov 2007 | 婚禮籌備 | (94 Reads)

今日收到第四份結婚禮物,真係開心,又有禮物收啦!

依份禮物係一位學校老師因為我結婚當日有事,唔可以嚟我地個晚宴,所有送份禮物俾我地啦!

依份禮物就係一條SWAROVSKI心心頸鏈,清清地幾靚呀!可以用嚟平日襯衫戴都幾好呀!

真係要多謝陳老師呀!

雖然有禮物收真係好開心,不過總係有少少唔好意思,好似要人破費買野送俾自己咁!

 

我們的婚網~~ http://www.darizi.com/hk/blog/yanyan_hinghing/


*♡♡小肥豬♡♡* | 18th Nov 2007 | 生活點滴 | (16 Reads)

之前聽咖啡王子依套韓劇係因為有線播,不過因為屋企人係嗰個時間係睇緊其他電視節目,所以都完全冇睇過!

不過前幾日路過買韓劇地方,係幫車車買嘅時候,自己又忍唔住買左一隻嚟睇。其實都因為個女主角關係我先買呀!(『宮』嗰個女主角做,佢幾靚女嘛!)

頭先試碟時睇左少少,又真係幾好睇哦~~睇嚟依排又可以開始煲碟啦!

不過....我依家先睇會唔會好OUT呢?次次我都係當個劇出左一排,我先識去買碟睇,真係好鬼OUT呀!

不過唔知幾時先可以睇完啦!因為都真係忙忙地,可能要等過埋大日子之後,同大肥豬一齊煲啦!


*♡♡小肥豬♡♡* | 17th Nov 2007 | 生活點滴 | (24 Reads)

之前係幾個BLOG友仔見到德福商場已經佈置左好多好靚嘅迪迪尼聖誕裝飾,作為一個鐘意影相嘅小肥豬,當然見有時間就捉左大肥豬去影相啦!

一去到睇....真係好靚呀,尤其係胡迪同巴斯依個佈置係最靚,所以周圍都好多人影相,要等吓先可以行去影呀!不過就係因為多人影關係,所以都好易找人幫我地影靚靚合照啦!

之後又有反斗車王同怪獸公司,我地都影左少少相。

不過最攪笑就係當我去影怪獸公司時,因為四周冇人,所以就叫左一位護衛叔叔幫我地影合照,原本都係打算隨便影一張就算,點知個護衛叔叔幫我地影左好幾張,仲好專業咁就埋位,影出嚟個效果又幾好哦~~(哈哈!唔知係唔係依排幫人影得多呢?)

次次德福D佈置都好靚,成日都有迪迪尼公仔,不過係迪迪尼入面我最鐘意嘅MARIE唔知幾時會有呢?


*♡♡小肥豬♡♡* | 16th Nov 2007 | 生活點滴 | (20 Reads)

前幾日返母校探老師時,講起一位已經好耐冇聯絡嘅中學時代最最要好朋友仔,因為之前我個手機壞左,冇左佢個電話號碼,所以就失去左聯絡。原來依位朋友仔都有同老師有聯絡,所以老師就俾左佢個電話我,等我地再聯絡番啦!

我見都係好幾年朋友,咁我咪尋晚打電話俾佢,講吓大家近況咁。不過唔知點解由第一句說話開始都已經覺得好唔同,個感覺係極度生保,一D都唔似係舊朋友咁。

言談間講起我會就結婚(都唔係一打電話俾佢就講啦!),佢一句恭喜都冇,只係講左一句『哦..好呀好呀!』,之後我地又講話出嚟食飯,咁佢就話『等新年先啦!』總之係成個電話過程都好冷淡,聽完都有少少唔開心呀!

其實我都經過幾次考慮先決定打俾依個朋友,因為我都知道係我將結婚嘅時間打俾佢,都會俾人誤會以為我想炸佢,所以佢嘅表現我可以理解。

不過點解可以咁冷淡呀!話晒都係中學時代最好嘅朋友,雖然好耐都冇聯絡,點解會咁呀!問你近況都冷冷淡淡咁回應。一般人聽到話有人結婚,都會好開心咁恭喜對新人呀!何妨係一位舊朋友呀?

我由頭都尾都冇打算請佢嚟飲,我都係因為剛剛拎番佢個電話,想找番佢傾吓計,想KEEP番段友誼,點解會係咁呀?

究竟我再唔再同依位朋友仔聯絡好呢?

學小豬爸話:朋友係分好多種,如果佢咁樣,咪當係普通朋友就算啦!唔好為左依D朋友仔影響自己心情。


*♡♡小肥豬♡♡* | 15th Nov 2007 | 生活點滴 | (24 Reads)

今日學校舉行旅行,今年又有份去,所以我就去左DAY CAMP啦!

依個日營都好似幾大咁,不過因為我要負責做失物認領,所以都冇乜機會四周睇,不過個場地都幾靚,坐係度又幾舒服,但就好晒囉~~最慘就係冇帶傘,變左隻小黑豬咁,又要做番好多美白MASK先得啦!

係失物認領處坐都悶悶地,之後有位工友幫我手頂我嘅工作,所以我就可以走去JOIN埋班同事去BBQ,都幾好玩....有講有笑,不過我就係負責食,冇燒呀!

今日都真係幾過份,食左好多野呀!對一個減肥嘅人嚟講,可以話係極誇張....不過依樣都唔算最過份,我仲俾兩隻大魔鬼引誘左,飲一罐可樂呀,真係超過份呀!雖然係零系可樂,但都有成三個月冇飲過,依次真係又肥死啦!

嚟緊真係要再繼續食少D野先得啦!

雖然今日都唔係太多野做,不過都真係幾倦,今晚真係要早D訓先得啦!


*♡♡小肥豬♡♡* | 14th Nov 2007 | 生活點滴 | (18 Reads)

今日放工就返左去我中學時代嘅母校,因為主要係拎張餅咭俾一位係中學時代好錫我嘅老師。

其實由我畢業之後,每年都一定會寄張聖誕咭俾佢,同佢嘅感情都真係好好,話晒佢都係睇住我大,所以結婚依個人生大事,當然要話佢知啦!

不過...當我地傾開時先知,原來依位老師都只係中一及中二教過我普通話,其他年級係冇教過我呀!我地嘅感情就係由中一開始建立起嚟,真係好有緣份呀!今日再見番老師,覺得佢都真係冇乜點變,嗰份親切感覺一D都冇變過。

因為老師都較忙,所以我地都傾左一陣就走啦!不過我地已經約左等我婚後就出嚟食飯,到時再詳談啦!

計吓計吓...由畢業之後都有成十幾年冇返過學校(弊...咁咪俾你地估到我幾多歲~~哈哈),今日由搭巴士開始,都回憶左好多中學時代點滴,一入到學校個感覺就仲濃郁。不過學校已經改變左好多,好多地方都改變左,連學生校服都轉晒。

依D係唔係真係十年人事幾番身,何妨十幾年.......

唉....諗起依點又覺得自己好老啦!


*♡♡小肥豬♡♡* | 13th Nov 2007 | 婚禮籌備 | (92 Reads)

一過完大禮就忙派帖啦!

尋日係我第一日派帖,真係好緊張呀!首先一返到工就派俾我校務處同事,佢地可能都一早知道我結婚,所以都冇乜驚喜,不過就有恭喜我同讚我張帖整得好靚同張餅咭印個『囍』字好有心思,聽到之後都好開心呀!因為有人讚賞嘛!

派完俾同事就即刻派俾老細,開頭都以為自己會好緊張 (話晒係老細哦),點知又好似好平靜咁,可能老細都已經知道啦,所以平淡D啦!

剛剛大老細(即校監)尋日嚟左學校,所以又派埋俾佢,由於唔係我親手俾佢,所以唔知反應。不過當佢離開學校前,佢竟然主動行嚟我個位,同我握手恭喜我,仲多謝我請佢地飲,又讚我張帖好特別,真係既驚慌又開心呀!(因為好少大老細會咁親民嘛!)

不過講到最緊張都係利用LUNCH時間去教員室派帖俾D老師,唔知點解一入到教員室就好緊張,拎帖都手震晒,又唔知點開始好….總係好驚咁。係依個時候好在有一位FRIEND底老師幫手,佢叫我冷靜,又幫我抽起係教員室入面D老師,又陪我去派帖。真係好在佢係度,如果唔係我都手足無措呀!

好快咁就派晒俾老師啦!好在佢地收時都好鄧我開心,咁我都定D。佢地仲不停讚我地張帖好襯張相,又話我好靚,真係聽到我都開心晒呀!

好在佢地都好鐘意我張帖,我開頭都怕太簡單,佢地唔鐘意呀!依家真係放心晒啦!

派埋學校我D帖都七七八八,係仲有D朋友仔同舊同學未派,不過相信好快就可以派埋啦!

 

我們的婚網~~ http://www.darizi.com/hk/blog/yanyan_hinghing/


*♡♡小肥豬♡♡* | 12th Nov 2007 | 婚禮籌備 | (83 Reads)

今日終於可以約埋姊妹團出黎食晚飯啦!

由於我姊妹團人數唔多,所以都好容易就約齊晒啦!原本都有打算約埋班兄弟一齊食飯,起碼大家見吓面嘛!不過大肥豬話唔需要,再加上臨時有一位兄弟請唔到假,所以又煩惱緊找另一人補上,所以今日都只係得我地成班女仔食飯啦!

我地約左係銅鑼灣意粉屋度食野,因為我貪嗰度靜靜地,又可以坐耐D,環境又幾好呀!不過衰在唔可以BOOK位,所以我同LULU妹就早左少少去找位啦!

當姊妹們嚟齊時,首先當然要炸吓佢地先啦,之後就俾我嘔心瀝血嘅RUNDOW俾佢地睇,好在睇完之後大家都明白我寫乜,之後再傾吓當日嘅情況。好在我幾位姊妹都好有經驗,咁都放心左大半啦!

傾完個RUNDOW就再講吓接新娘時玩乜遊戲,佢地都講左好幾個,(不過仲打算諗多幾個GAME,所以就交俾其中一個姊妹負責), 其他GAME所以好快就傾好左,仲分埋工作添,真係效率高啦!

總括黎講,今次既聚會都幾好呀,姊妹們大家認識左對方,好在佢地都唔似好生保,可以大家後生女易溝通啦!我地又傾好晒當日RUNDOW同接新娘時玩嘅GAME,可以話好放心晒啦!

各位姊妹:我嗰日將成個人交俾你地啦!真係又要麻煩你地,仲靠晒你地啦!

 

我們的婚網~~ http://www.darizi.com/hk/blog/yanyan_hinghing/


*♡♡小肥豬♡♡* | 11th Nov 2007 | 婚禮籌備 | (135 Reads)

一改再改嘅過大禮日子,終於都嚟到啦!

今日就係我過大禮好日子,由於之前未來奶奶講過依日係唔可以見面,所以男家過大禮就由大肥豬阿哥同一位朋友幫手,我就留左係屋企等佢地嚟,幫手招呼佢地。

請真都幾緊張呀,所以今朝一早起身就執吓間屋(唔好失禮嘛!),之後就落街買D西餅同飲品,等一間可以有野招呼嘛!整埋D野都七七八八,就等佢地上嚟屋企啦!

係等緊嘅過程又真係幾緊張,不過唔知點解當佢地到達之後,個心情又冇乜野,只係覺得好忙,要記住有D乜係要回番去男家,因為真係好多野,好怕有錯漏呀!

成個過程都唔洗半個鐘就完成,可能因為大肥豬係樓下等佢地,所以阿哥都好快咁整好晒D野,等埋小豬爸番嚟就完成個儀式啦!

不過,小豬媽都有一樣蝦碌事,就係竟然回漏左一袋野,要打電話叫大肥豬同佢朋友番嚟拎呀,真係唔好意思呀!

過完大禮就可以派帖啦~~~好野….

各位朋友仔要有心理準備收炸彈啦!哈哈

 

我們的婚網~~ http://www.darizi.com/hk/blog/yanyan_hinghing/


Next