香港新浪網 MySinaBlog
*♡♡小肥豬♡♡* | 30th Sep 2007 | 靚太廚房 | (49 Reads)

依排D天氣又真係好似好乾,唔係太好咁,係時候要開始整番D滋潤野飲吓嚟補補先得啦!

早前見到有位BLOG友仔煲左依個蘋果雪梨茶,見D材料都好簡單又易整,所以今日又試煲左依個滋潤飲品啦!

所以今日食完午餐之後,就去左街市買所需要嘅材料。原來真係好簡單,只要幾個蘋果、雪梨、南北杏同蜜祖就得啦!

不過當我買蜜祖時,個老闆話如果整依個飲品,蘋果係應該用蛇果嗰種,如果用富士果就會有少少酸味。但我已經買晒富士蘋果,所以都冇再買過,試吓先嘛!

番到屋企就開始我嘅工作,洗..洗...洗...切..切...切...。經過我一輪努力,終於整左一盤蘋果雪梨大雜會啦!

之後就開姑煲..煲...煲...啦!

煲左大約一個鐘左右啦,我嘅美味蘋果雪梨荼已經成功左啦!當然即刻試飲啦~~因為我都係第一次煲呀!

個味道都幾好,甜品都OK,不過都真係有少少酸,但都可以接受。下次再煲真係要改用蛇果先得。

大肥豬同小豬媽都讚好味,都飲左幾杯呀!小豬爸仲話要入一支聽日帶番工飲呀!

好快就清晒成煲啦!哈哈~~真係開心啦!証明我今次係成功呀!


*♡♡小肥豬♡♡* | 29th Sep 2007 | 婚禮籌備 | (124 Reads)

今日放工就去左同未來奶奶飲茶,之後就去左買係我地婚禮上嘅金器啦!

一入到金鋪,就發現原來今日個金價又升左。唉~~真係誇張呀!不過我地都唔理個價照買,因為怕年尾會越來越升呀!

睇吓我地買左D乜~~

首先就係一對靚靚龍鳳鐲,每一隻鐲各自寫上『百年好合』『永結同心』,真係幾有意思呀!

之後,就揀左一對耳環啦!原本都唔知會買,不過未來奶奶話一定要買,好似話係鄉例咁啦,所以就揀左依對啦!

最後就係買左條金鏈,係未來奶奶買俾大肥豬。

係度真係要多謝未來老爺奶奶。

 

我們的婚網~~

http://www.darizi.com/hk/blog/yanyan_hinghing/


*♡♡小肥豬♡♡* | 28th Sep 2007 | 生活點滴 | (14 Reads)

今日小豬媽去飲,所以....又要自己攪個晚餐啦!

由於今日要夜D放工,所以就等埋LULU妹放工就約左出太古城食晚餐,順便幫大肥豬拎番上個星期小豬媽買俾佢嘅過大禮西褲啦!

當我地食飽飽同拎左西褲之後,我地行過一間小小嘅精品店,見佢做大特價哦,當然入去八掛吓啦!

嘩~~~唔知係唔係特價關係,真係好抵呀!最後我當然抵受唔住,買左幾對耳環同一條手鏈呀!

買左幾樣野,真係好抵,一百蚊有找,D耳環仲話係防敏感呀!

雖然唔知係唔係真,不過當用嚟襯吓衫仔都好呀!

哈哈~~又嚟大洗錢啦!


*♡♡小肥豬♡♡* | 27th Sep 2007 | 生活點滴 | (19 Reads)

為左要做一個靚靚新娘,可能著到靚靚婚紗同晚裝,真係要開始KEEP FIT啦!

雖然我D衫全部都係鋼紗LOOK,個小肚腩都應該睇唔到。不過對麒麟臂就真係~~驚嚇到呢真係....所以一定要減肥呀!

基本上我一向都已經少食澱粉質嘅野,加上由上星期開始已經戒晒所有甜野,最鐘意嘅糖、朱古力、檸檬茶全部都冇得食,真係冇晒人生樂趣呀!不過為左靚都冇法啦!

另外,有一次陪小豬媽睇醫生時,個醫生教話每日飲20杯350ML嘅室溫水,係最有效嘅減肥方法。依個又平又方便嘅減肥方法,小肥豬當然唔執輸,所以每日都不停狂食水啦!

經過一個星期冇晒人生樂趣嘅日子,尋晚上磅....真係輕左3磅呀!我自己就唔係太覺瘦左,但小豬媽就話好似係瘦左少少。

不過...剛剛上教員室整野時,有一個平時都有幾句計傾嘅老師問我(佢係出於關心我)做乜事瘦左!

嘩~~一聽到又真係好開心呀!唔知係唔係真係瘦左呢?

不過唔理~當係啦!真係開心死我啦!原來依個星期咁辛苦地忍口、唔食咁多野都係值得呀!

希望可以繼續KEEP住啦!一定要堅持呀!

不過有效日期係12月3日晚!

因為我相信嗰晚一返到屋企就要食番晒依排所以冇食嘅零食、檸檬茶....諗起都好想食呀!

依家真係要忍..忍...忍....

 


*♡♡小肥豬♡♡* | 26th Sep 2007 | 婚禮籌備 | (37 Reads)

前幾日收到酒樓打電話嚟話我地D帖已經整好晒,不過因為中秋關係,我地冇時間去拎,要等到今日先有時間去拎,所以就同左大肥豬、小豬媽一齊去拎啦!

一去到酒樓睇到自己D帖,第一時間就睇清楚入面D細字有冇錯。因為我真係好驚對錯,張帖有乜問題呀!我地三個人每人睇過一次,好在完全冇問題,真係放心晒啦!

不過原來佢地係唔幫我地入埋張牛油紙入帖度,所以我地係要加工呀~~(可能係酒樓送關係啦!)

所以一返到屋企,我地就好心急開工啦!

睇下我地D帖~~

靚靚牛油紙內頁,真係估唔到張相都印得幾靚哦!

經過小豬媽同LULU妹嘅幫手,我地四個人好快就將D牛油紙套好晒入帖啦~~真係勁快手呀!(其實係我地心急。哈哈)

依家套好晒D帖,不過又會開始忙忙地,因為要打信封、入回禮利是同餅咭。

雖然十一月初過大禮完先可以派,不過襯依家有時間整好,可以唔洗到等到時忙嗰陣整嘛!

 

我們的婚網~~

http://www.darizi.com/hk/blog/yanyan_hinghing/


*♡♡小肥豬♡♡* | 25th Sep 2007 | 婚禮籌備 | (33 Reads)

我都仲未決定婚禮上用D乜歌,因為真係諗到頭都大晒呀!

原來揀歌真係幾難呀~好多流行歌又好似唔多MATCH,所以都係初步都係想用阿拉丁首純音樂做進場音樂(因為我真係超鐘意依首歌呀!大家睇我個婚網就知啦~我都係用依首做主題音樂呀!)

係尋日竟然俾我上網找到一隻好碟,係一隻管樂音樂,不過成隻都係迪迪尼卡通純音樂呀,佢有米奇進行曲、世界真細少、美女與野獸....總之好多好合心水嘅歌呀~~~

哈哈!依家我可以係依隻碟入面揀歌嚟上乳、敬酒同送客啦~~~真係開心又可以煩少D樣野!

因為我成日都想純音樂係婚宴上播,可能我鐘意純音樂,同埋真係好難揀到真係合心水嘅歌啦!

依家又可以播埋迪迪尼音樂,個感覺好似好浪漫呀~~

不過唔知我依個建議好唔好呢?大家俾D意見呀!

 

我們的婚網~~ http://www.darizi.com/hk/blog/yanyan_hinghing/


*♡♡小肥豬♡♡* | 24th Sep 2007 | 婚禮籌備 | (64 Reads)

小豬媽見今日有時間,就提意我地去行吓太古城,因為佢想買定幾份禮物俾大肥豬係過大禮嗰日回番俾佢呀!雖然我地十一月先過大禮,不過小豬媽知道我地之後嘅日子會開始忙,就襯依家有時間買定,唔洗等第日忙嘛!

我地都曾經有考慮過用利是代替,但小豬媽話其他都可以考慮,不過依D禮物一定唔可以,因為要留為一個小小嘅紀念,所以我地今日就去左買西褲、銀包同皮帶啦!

我地都行左幾間公司,買西褲都睇唔合心水,其實應該話唔合小豬媽心水先真呀!因為當我地覺得OK時,小豬媽就會話個質地唔好,叫我地買D好。又話另一條唔好,叫我地唔好買得太平。都唔知我地想幫佢慳錢呀...真係唔知激死定笑死呀!

最後我地就去左永安買啦~~揀左一陣都終於買到一條合大家心水嘅靚靚西褲啦!不過要改呀~下星期先有得拎!

跟住我地又去附近買左銀包同皮帶,都幾靚呀~

不過都係一樣啦!小豬媽又叫我地揀最鐘意個款,唔好太留意個價錢。真係~~~都唔知講乜好啦!總之我真係嘅感動又好開心啦!

小豬媽話雖然過大禮就俾左大肥豬,但留番12月3日嗰日先可以用呀!

另外,當大肥豬揀緊銀包時,我又睇中左一個綠色銀包好靚呀~好鐘意呀!

依個時候,小豬媽就鼓勵我買。我當然受到引誘啦!不過我依份禮物係大肥豬送俾我呀,但小豬媽都唔準我依家用,要我都係12月3日先可以用呀~

 

我們的婚網~~

http://www.darizi.com/hk/blog/yanyan_hinghing/


*♡♡小肥豬♡♡* | 23rd Sep 2007 | 婚禮籌備 | (53 Reads)

尋日去左跟車車學嘅分別係......一對香檳杯同一個小花籃啦!

原本都唔打算整對香檳杯,不過見到車車之前個製成品,真係好鐘意,同埋問過酒樓佢地都係提供一D普通款俾我祝酒用,我見我都入去車車度,所以就整埋啦!

依對就係靚靚香檳杯先,睇吓係唔係好靚呢?

雖然話係我整,不過有大部分都要由車車出手幫忙,因為我嘅手工又真係非常差....好在有車車係度,如果唔係都整唔到呀~~

另外,我又整左一個小花籃,係用嚟插上簽名筆呀!

我自已就覺得依個比較難,因為係要自己諗一個款式再襯用乜花花好,對於完全冇設計天份嘅小肥豬,又真係幾難呀!好在最後都可以完成,我自已都覺得幾好呀!

放晒D簽名筆上去,個效果仲靚呀~

剛剛俾大肥豬同小豬媽睇,佢地都讚我整得好,仲話靚呀~~真係開心啦!

真係要好多謝車車教我整咁多靚野呀~

 

我們的婚網~~

http://www.darizi.com/hk/blog/yanyan_hinghing/


*♡♡小肥豬♡♡* | 23rd Sep 2007 | 好友與我 | (19 Reads)

尋日同小M去車車屋企,因為我地想學整一D小手作仔係我地婚禮上用。

首先就係我同小M搭車入去車車度,原本車車教左我地有一個較為抵嘅搭車方法過西鐵。點知我地傻吓傻吓就用左一條快遞的通道過左西鐵月台,唉~~真係唔抵啦!

依個時候,小M就俾左張觀禮咭名兩張結婚小相我,真係好開心呀!
哈哈~小M,我會準時嚟啦!不過我到時要同靚靚新娘影張相呀!

係成個車程我地都不停咁傾計,好似未停過口呀!哈哈哈

終於去到目的地,咁我地回合左車車次後,咁就去車車家出發啦!

我地參觀左一陣,車車就俾佢D結婚相俾我地睇,仲一邊講D趣事俾我地聽,真係聽到好開心呀....係依個時候我地有幻想吓到我嗰日會點呢?真係攪到我又有少少緊張心情啦!

睇完相就開始動工啦~~~我地整左乜....總之幾靚啦~~下篇先講啦!(因為落番婚禮籌備的網誌嘛!)

我地整..整...整....,整完之後車車就拎左佢D出品,一口冰皮芒果月餅俾我地試,真係好好味呀!(講真呀,我唔講大話呀~)。仲有呀~~車車去完迪迪尼,就買左個鎖匙扣俾我,叫我留番新屋用呀!
哈哈~車車,你放心啦!我一定會留番放我新屋鎖匙,不過等我研究吓佢個構造先得!

我地整好之後,就去左食飯啦!係食飯其間,我就講左一個我嘅麻煩事俾大家知,都好多謝車車同小M佢地幫我分析同開解。放心啦!我會聽你地話,唔理其他野啦!

食完飯,車車就送我地去西鐵站,咁我地就要同車車暫別啦~~不過我知,我地會好快想相約呀!哈哈哈

講到依度,真係覺得自已好『魚』呀!因為小M比我早落車,咁我就自己一個人由南昌站再轉車啦!點知我出左西鐵閘之後,行左好耐都找唔到位置入地鐵閘,可能夜夜地關係,又找唔到職員問,真係希少少驚呀!找吓找,終於俾我找到個入口啦~原來就係西鐵閘口行過少少就係啦!真係...唉~~~大鄉理出城呀!

尋日真係好開心呀~~不過打攪左車車成日,希望我地冇做成混亂,要佢再執屋啦!哈哈哈~


*♡♡小肥豬♡♡* | 21st Sep 2007 | 生活點滴 | (15 Reads)

小豬爸依排都唔知仲乜,成日都對股票好有興趣,一路過銀行都會睇下D股市,但佢係冇買呀!

不過依排有好多新股出,咁就大件事啦~~

因為真係差唔多隻隻新股小豬爸都想抽,仲去晒D銀行去拎FORM填。當然填個責任落左係小肥豬新上啦!

依兩個星期我都好似已經填左成六份,由初時好怕填錯,到依家真係填到熟晒,冇辨法啦,又係做女嘅職責之一嘛!

剛剛又用左唔洗三分鐘填好多一份,我一路填小豬爸就不停話隻股好,有錢賺....真係唔知係俾佢笑死定激死呀!

不過剛剛有個唔好嘅消息,就係之前有兩隻新股小豬爸抽唔到呀!唔知係唔係由我依個超級黑仔王填所影響呢?

希望今次小豬爸可以抽到啦!因為我知道佢抽唔係為左賺大錢,只係貪得意玩吓同睇下自己有冇運。

希望嚟緊D抽股結果有好消息啦!


*♡♡小肥豬♡♡* | 20th Sep 2007 | 生活點滴 | (14 Reads)

依排暗瘡不停咁生,我已經冇食熱氣野,都唔知點解仲成日生,仲要係塊面珠度,唔大粒都唔生呀~真係激死我啦!

前幾日係*** Yan+Ho ***睇到介紹左一隻暗瘡貼,咁我尋日食完lunch之後就去左萬寧買盒嚟試啦!

我尋晚就即刻貼住粒瘡瘡嚟訓,今朝起身洗面時發現粒瘡已經謝謝地,真係開心。為左粒瘡瘡快d謝,就繼續用,貼埋返工,希望可以快d謝晒啦!

依隻暗瘡貼又真係幾work哦,不過當然唔希望再用啦!

粒瘡瘡謝左雖然係開心,不過又有第二個問題,希望有人又可以幫下我啦!就係我d暗瘡印啦!

點先可以快d去晒d暗瘡印呀?依家塊面有幾粒大大地嘅印,攪到人地即刻唔靚女啦,一照鏡見到d印就好唔開心呀~


*♡♡小肥豬♡♡* | 18th Sep 2007 | 婚禮籌備 | (45 Reads)

結婚上好多野都已經準備好,除左過大禮野之外,就好似仲有租車未攪。所以尋日去完拎油畫之後,就去左金都睇吓D租車資料啦!

其實我地都唔知點入手好,我都地只係打算租一部普普通通嘅主車同一部24座VAN。都有問過一D朋友仔拎過資料,不過大肥豬話問多幾間比較吓好D呀!

我地入左公司問吓價,發現真係好海鮮價,有D就乜都包晒,有D就講都自己點好,所以都好難揀。有一間都好似幾好,不過我地都仲未有決定,打算再考慮下先,下星期先去BOOK。

所以由尋晚開始,就好勤力咁上ESD睇下其他姊妹嘅留言。發現我地睇中嗰間都有D唔係幾好嘅回應,所以都唔知點好啦!你地有冇聽過金都一樓嘅天使婚禮,好唔好呀?

原來租車都幾煩呀~~~又怕車唔好,又怕唔準時,點好呢?

所以就想問下有冇姊妹可以介紹一下又平又抵又好服務嘅租車公司俾我,等我可以快D解決依個難題啦!

 

我們的婚網~~ http://www.darizi.com/hk/blog/yanyan_hinghing/


*♡♡小肥豬♡♡* | 17th Sep 2007 | 婚禮籌備 | (53 Reads)

相信今日將會係我最後一次去羅浮宮,因為上次拎相時發覺個油畫框做錯左,所以要再做過呀!

今日終於收到佢地個電話叫我去拎,心急嘅小肥豬當然放工即刻同大肥豬去拎啦!

一睇到張油畫,真係好鐘意呀!個框同張相好襯呀,好有中國味呀!好在...我上次拎相時堅持要轉番啱依個框呀~

話個小秘俾大家知呀~

原本張油畫唔係揀依張,係揀帖入面大肥豬坐係度嗰張,因為佢坐係度,感覺上好似大老爺咁(等佢威D嘛),不過因為我件衫條領整得唔係太好,同大肥豬個頭髮又亂左少少,怕放大左之後會唔好睇呀,所以就揀左依張啦!

哈哈哈~~不過依張我地都覺得好靚,因為影到我成個幸福少奶奶,仲感覺大肥豬好鍚我咁(佢又真係幾錫我呀~)。真係好鐘意呀!

 

我們的婚網~~

http://www.darizi.com/hk/blog/yanyan_hinghing/


*♡♡小肥豬♡♡* | 16th Sep 2007 | 生活點滴 | (16 Reads)

今日真係倦...倦....倦呀!因為做左好多野呀!

首先就今日學校開左個新學年家長會,咁我地就要返去留待校務處當值,所以又要一早返工啦!今朝真係好唔想起身,因為平日星期日都可以訓到十二點幾!唉~~為左份工都冇法啦!好在都係返半日,做做下野就放工啦!

原本大肥豬話嚟接我放工同我去食lunch,不過因為我地要同老細開個小型生日會,唔知個時間,所以就叫佢唔好嚟接我啦!

本來叫佢自己上我屋企等,點知當我走時打俾佢,原來佢自己一個人已經去左商場入面一間拉麵店找左個位。當我去到時,仲已經ORDER左個麵俾我食呀!哈哈~~仲要係我最鐘意嘅拉麵呀!真係開心到飛起呀!

食完麵就返屋企休息一陣,就同埋小豬媽做我地今日最倦嘅事~~睇樓啦!

我地今日都可以講大大話話睇左成十間有多,因為有D都係一座入面睇幾個單位,俾我嘅感覺就係真係細左少少,同埋可能有部分係新樓關係,個間格都好似唔太實用。有一樓睇到都幾鐘意,個間格都幾好,不過太低層,唔係太方便,所以都冇考慮。有D就因為小豬媽話大廈出面嘅風水唔好。

唉...原來揀樓都真係幾麻煩,好多野都要睇呀!不過買樓唔同買衫,一定要諗清楚先得呀!

今次都係第一次睇樓,希望慢慢睇,可以有合心水啦!但原來睇樓都真係幾倦呀!

不過樂觀地諗,可能我地揀到居屋,咁就可以有又平又靚嘅樓啦!

今日都有一個奇遇,就係當我地去第二間地產公司問時,竟然撞到小賢同大賢都去睇樓呀!之後我地仲一齊去睇其中一個單位...哈哈哈,我地真係有緣啦!


*♡♡小肥豬♡♡* | 15th Sep 2007 | 婚禮籌備 | (52 Reads)

今日又收到一份結婚禮物,就係一張結婚咭,同一封澳紙幣利是啦!

依份禮物係我其中一個已經移民嘅姑姐托個親戚送俾我地呀!因為佢年尾唔會番嚟出席我個婚禮,所以預先放依份禮物俾我啦!

其實係上年年尾,姑姐都有返過嚟香港,我都有邀請佢年尾返嚟出席我個婚禮。不過因為佢唔係年年都番嚟,所以都估到佢唔會番嚟,但就冇諗過會提早收到禮物,所以收到時都幾驚喜呀!

雖然係一張咭仔,但收時都真係好開心呀!因為個意思係包括左一個祝福,咁越多人祝福我地,我地就會越幸福啦!哈哈哈

 

我們的婚網~~

http://www.darizi.com/hk/blog/yanyan_hinghing/


*♡♡小肥豬♡♡* | 14th Sep 2007 | 生活點滴 | (17 Reads)

之前同大家講過話我參加左WEDDING MORE個現代經典婚紗攝影抽獎,佢地會送出每份$12880嘅婚紗套餐。

係上個月中收到WEDDING MORE嘅職員打嚟話我入左第一階段,話如果抽到我會好快打俾我!點知一等再等..等到我都唔記得左件事啦!

點知..今日收到WEDDING MORE寄嚟嘅信,一打開...原來係現代經典婚紗攝影COUPON!

一睇到真係好開心,心諗終於可以去影南瓜車啦!真係開心到連自己頭痛都唔記得啦!

不過...睇清楚張COUPON,原來佢送嚟嘅唔係一個豪華套餐,只係送一個價值$2380嘅套餐,只送得八張相,仲要唔包男仕禮服呀!

諗諗吓,又真係好似唔係好抵呀!有少少覺得好似係一張叫你不停加錢嘅COUPON。因為當你去到,一定冇理由一蚊都唔加就用都佢張COUPON!

雖然我真係好想去影南瓜車,不過真係好唔抵呀~~睇清楚又真係好唔值得呀!

加上依家去影都趕唔切結婚,所以都真係有少少失望呀!

可能我同南瓜車真係冇緣啦~~


*♡♡小肥豬♡♡* | 13th Sep 2007 | 生活點滴 | (15 Reads)

都已經過左小肥豬生日,不過今日都有利是收呀!點解呢?

事緣小肥豬的農曆生日係同我其中一位叔叔農曆係同一日,所以因為咁....我嫲嫲都會記得我農曆生日。(因為佢好錫我依個叔叔呀!)

今日剛好係我叔叔新曆生日,佢係酒樓擺左幾圍請我地去飯。平時冇乜特別野做嘅小肥豬當然跟埋去食飯啦,唔洗一個人留係屋企咁悶呀!

就係因為咁,我嫲嫲見到我出現,就當正今日都係我生日,所以就俾左一封利是我啦!

不過有件事都幾唔好意思,就係我嫲嫲真係當正我生日,叫我去切蛋糕。唉~~今日真係唔係我生日嘛又點可以走埋去切呢!同佢講,佢又唔係咁開心嘅樣....真係都唔知點好啦!為有當聽唔到佢之後再講D乜啦!扮晒打NDS聽唔到啦!

雖然生日已經過左好耐,不過利是又有邊個話多呀~~所以今日又收到一封少利是啦!


*♡♡小肥豬♡♡* | 12th Sep 2007 | 婚禮籌備 | (59 Reads)

今日收到一份遲來嘅生日禮物加第一份結婚禮物,就係依本靚靚結婚證書冊啦!

依份禮物係LULU妹送俾我呀,真係好鐘意呀!

點知解佢會送依樣野俾我?因為前排成日上網睇依D婚禮小玩意,有日係一個網站睇到,覺得好靚呀!當我仲15/16買唔買之際,LULU妹就係依個時候好豪爽咁叫我訂,話當係我今年嘅生日禮物!

既然佢咁豪爽,我當然聽佢話啦~~真係開心死我啦!

原本我地係訂粉紅色,不過個職員做錯左....(唉!又一次證明我係黑仔王)

睇到件真貨,都幾OK呀!同時又睇到D粉紅色嘅SAMPLE,都好似白色靚少少,所以都算啦!

都唔知係好彩定點啦~~好似錯有錯著啦!哈哈哈

 

我們的婚網~~

http://www.darizi.com/hk/blog/yanyan_hinghing/


*♡♡小肥豬♡♡* | 11th Sep 2007 | 生活點滴 | (15 Reads)

依排都好似好有運,都算中過吓六合彩(雖然係$20,都當中過呀!),玩遊戲又有獎品。原本以為自己已經開始脫離黑仔王嘅日子,點知今日黑仔王又再一次嚟臨係我身邊啦!

一朝早返工冇幾耐,大肥豬送俾我嘅生日禮物~~靚靚聚財腳鏈.....斷左,雖然拾得番,不過冇得醫呀~~真係心都傷埋。心諗死啦~~今日係攪珠嘅大日子,一早就斷鏈好似好唔好意頭。

點知到差唔多三點幾(即開始攪珠嘅時候),個心已經完全冇心機做野,不停上網睇個攪珠結果,上房屋處網址又睇唔到,真係心急死我啦!

終於係RTHK個網址睇到個攪珠結果....不過係一個好唔想要嘅答案,就係我地唔可以係前十個,真係完全DOWN晒,即刻完全冇晒心機!

後來俾大肥豬CHECK到原來我地係排第47呀~~唉.....真係都應該冇乜可能啦!

真係點解咁黑仔呀~

幾時先可以好運嚟我地度呀!


*♡♡小肥豬♡♡* | 10th Sep 2007 | 生活點滴 | (15 Reads)

前幾日開始,轉左個GIF嘅BANNER,好多BLOG友仔都話我個BANNER整得好靚~~哈哈!真係開心呢!

原本都唔打算公開個BANNER之謎,不過因為好多人都話好靚,所以就出個POST話俾大家知啦!

其實個BANNER係我個同事加好友糖糖幫我整呀~真係好鬼靚!佢仲要係我唔知情嘅情況SEND左俾我,真係好開心,仲即該改左嚟做BANNER啦!

尋晚又再SEND左個新BANNER,同幾張幾張靚靚電腦效果相,真係幾靚呀~~

哈哈~~真係開心死我啦!

我都有問過糖糖個BANNER點整,佢話係用PHOTOSHOP先整好D相先,之後就用另一個SOFTWARE加飄雪效果,不過係乜就唔記得啦~~等糖糖自己上嚟話俾大家知啦!

仲有~~要同糖糖講:真係唔該晒你呀!成日幫我整咁多好野!仲唔話我意見多多!哈哈哈~~

PS:
糖糖已將BANNER之謎解開左啦~~
想學嘅朋友仔快D去睇下啦!

小肥豬之謎 ---------- 謎靚BANNER

http://hk.myblog.yahoo.com/candydy2008/article?mid=66&new=1


Next