香港新浪網 MySinaBlog
*♡♡小肥豬♡♡* | 15th Jul 2007 | 靚太廚房 | (51 Reads)

經過上次整小蛋糕嘅成功,所以攪到我整蛋糕癮又嚟啦~~所以今日就又嚟整蛋糕仔啦!

因為大肥豬鐘意飲咖啡,所以我就係今次就加埋咖啡粉,諗住整咖啡味蛋糕仔俾佢食啦~~

真係黑仔呀~~當我開始動工時候,先發現我D麵粉同牛油都唔夠,都係差少少,我自己又唔整預份量哦,所以就又要落街買材料,跟番材料去做安全D呀!

哈哈~~咖啡味蛋糕仔終於出爐啦!

不過唔知係唔係得少咖啡粉,第一次焗時完全冇咖啡味(食譜指用一茶匙就得呀),所以我又加左成大半包入去再焗,之後就OK少少啦~~有番少少咖啡味!

於是就繼續焗...繼續焗...終於又焗左四轉呀,又整左好多出嚟啦~~

但唔知係乜問題,佢地粒粒都做左『爆裂刑警』,爆開晒,都唔靚~~

雖然味道係OK,但見都到真係有少少失敗感呀~~不過我係唔會放棄,一定會再繼續整呀!

原本打算將依D蛋糕仔拎番去俾同事食呀,不過見到咁嘅賣相.....都係唔好獻醜啦!

究竟係乜問題呢?點解佢地會爆開晒呢?會唔會係我落發粉重手左,定係我打蛋時打得太耐呢?唔該各位高手教吓我呀!