香港新浪網 MySinaBlog
*♡♡小肥豬♡♡* | 11th Jul 2007 | 生活點滴 | (10 Reads)

真係唔知乜天氣,又熱又晒,攪到到唔係好想出街。因為一出街就成身笠痴痴,好唔舒服呀!最好就係可以留係冷氣房入面涼冷氣,食二雪糕,甘就正啦!

依幾日因為媽咪唔舒服,所以夜晚都冇煮飯,咁我又冇愛心LUNCH BOX,所以就要出外食LUNCH啦!

嘩~~十二點鐘行出去食飯都真係幾慘,個太陽好似係你頭上面,加上我學校都算係半山,行去商場都真係幾『金』呀!攪到食飯都冇晒胃口.....

我今日終於都做左一個聰明方法啦~~就係帶把傘仔(仲要係防UV)出街,一見有太陽就開住,起碼冇咁辛苦嘛!唔知係心理作用定真係WORK,又好似冇咁晒哦!

雖然好似有少少婆仔FEEL,為左唔變小黑豬都冇法啦!好在我把傘仔咁CUTE~~

不過...攪到我個手袋就鬼死咁重!我諗成個夏天都要日日帶住係身,以防太陽嘛!