香港新浪網 MySinaBlog
*♡♡小肥豬♡♡* | 31st Oct 2006 | 生活點滴 | (17 Reads)

今日收到份萬聖節禮物,今日媽咪行街見到指甲油特價,所以佢就幫我掃左幾支啦~

其實我真係好鐘意塗指甲油嫁,不過......因為老細唔係好鐘意,所以唔係到唔係好敢塗。

但係好在今次媽咪買嗰D唔係好誇張,所以都可以博一博。我今晚嘅工作就係.......  

好BUSY呀!

今日係萬聖節(即西方人嘅鬼節),大家要小心出入~~唔好俾D嘩鬼嚇襯呀!

最後到同大家講句:

 


*♡♡小肥豬♡♡* | 30th Oct 2006 | 婚禮籌備 | (34 Reads)

終於都去左新天地影婚相啦~~~哈哈。不過真係好攰呀!

 一早就起身準備啦~(其實係成晚都訓得唔係太好,緊張嘛~~)原本諗住食個豐富早餐打底先,但送到嚟已經食唔落啦(可能我太緊張啦),我迫自己食左一半之後,就同媽咪開始出發啦~之後再係地鐵站join埋大肥豬,去我地去我地個拍攝場地啦~

我地比預計時間早了點到達拍攝場地,好在第一段時間唔係太多對要影相,所以換衫同化妝都好順暢,冇乜問題(因為佢個化妝室真係比較細)。首先係第一個婚紗look,影晒所有外景,仲出去嗰個小公園影左一批相,好有田園feel。之後換晚裝,影室內景,仲影左嗰兩部名貴訪車(媽咪佢有裝我地,佢話車嗰批相應該好靚)。又到換衫嘅時候,到第二個婚紗look,影左二樓個園景、少少室內景同埋木馬景。最後就到影民族啦,因為大肥豬仲鐘意宮廷feel,所以我地就去影宮廷啦~~

基本上我四個look都唔同,個個妝我都好鐘意,真係要好多謝t.ling。你唔好睇佢個外表好似cool cool地,但真係化得我好靚,又幫我襯得好靚嘅頭飾。最好就係我對大細眼俾佢化到完全冇問題,個妝又好自然呀!

另外,我地既攝影師lincon同佢助手華仔真係好好呀~~nice,又搞笑,佢地好幫手,好留意我地有乜缺點(好識幫我收埋我對肥手臂),仲有,因為我有兩個花球,佢地又幫我襯用乜花球好。但唔知係唔係我地唔慣唔對鏡頭影相,有D唔習慣啦。不過整體上真係影得幾輕鬆又開心,不過真係笑到牙到緊晒。臨走前佢地介紹左一個新服務,用$1982se t4張類似2R咭咭相,我地豪不考慮就要左啦~可以頂吓引嘛~~

到差唔多七點我地就離開啦~大肥豬因為要趕返學,所以走先。所以媽咪就幫我手執野走人。

最後我地約左係12號揀相,真係好想快d到呀!希望影得靚啦!

……我媽咪成日都陪住我地,因為我係一個超級緊張大師,成日都怕有乜唔得,有乜唔記得帶,又怕個妝唔得所以媽咪就陪埋我地去影,又提我地食野,又成日提大肥豬換眼鏡。其實我知佢好悶,所以我覺得媽咪真係好偉大呀!我要更加錫佢呀~

除左媽咪之外,我都要多謝大肥豬呀!佢成日都冇唔耐煩,仲好開心去影相(笑容比我想像中好好呀)。加上佢影左成日相仲要趕返學,都好辛苦呀!

(我地買嚟頂引2R咭咭相)

(我地好辛苦用手機偷拍照幾張,給大家先睹為快先!睇吓我地靚唔靚~)


*♡♡小肥豬♡♡* | 29th Oct 2006 | 生活點滴 | (20 Reads)

尋晚同LULU妹去左睇HOCC演唱會,一入到場就已經見到差唔多三分二人已經入左場,我地都好心急等詩詩出場。

唱到第二首歌,全場都已經HIGH晒,好多人都企晒起身,嗰D捧捧個個都又舉又拍,個FEEL真係好正。當然包括我啦~我真係未試過睇演唱會係企度睇,真係好投入,有少少傻左,又叫得好大聲,真係未試過。可能係你周圍嗰D影響,會另到你不知覺間情緒高漲起嚟。

HOCC真係唱得好正呀!由佢D衫到成個舞台嘅配合,整晚秒秒鐘均是高潮,連上洗手間的機會也沒有。尤其當佢彈歌俾梅姐聽同唱佢作俾梅姐首歌時,真係好感動,我自己都眼濕濕呀!

因為是最後一場的緣故,真係Sammi做嘉賓呀!當SAMMI出場嗰時,真係全場都HIGH到極點, 兩人合唱了再見露絲瑪莉、終生美麗同埋叮噹。我自己都HIGH到唔識形容呀,嗰支捧捧到俾我拍到漏晒氣,真係好開心。

差唔多12:00先散場,真係好唔捨得呀!番到屋企都成腦詩詩D片段。

睇完HOCC演唱會後,真係更加鍾意HOCC呀!

如果佢加場的話,我一定會再買飛睇呀!

好型嘅HOCC

兩大偶像~~~正呀!

 

 

 


*♡♡小肥豬♡♡* | 28th Oct 2006 | 生活點滴 | (23 Reads)

今日剛好係短週,加加埋埋我有三日假期呀!可以好好休息一吓啦~~~

不過......係一個沉悶嘅假期,事關大肥豬下星期要測驗,佢要溫書,冇時間倍我。

媽咪又約左佢契仔去街街,佢地去嗰D地方我又唔多鐘意去,所以我諗依幾日都要係屋企煲碟度過啦~~~

不過好在今日有節目,一間自己出去UNY行吓街,因為我有張$100 COUPON月尾到期啦,我之前見到我嘅最愛玉桂狗出左新野,等我睇吓有冇好野買先。

跟住,可以早DD出去尖沙咀行吓街先,夜晚同LULU妹去睇HOCC演唱會啦~

好在今日節目都好豐富....

 


*♡♡小肥豬♡♡* | 27th Oct 2006 | 婚禮籌備 | (23 Reads)

原本我都係打算得二個姊妹就算啦~(表妹做伴娘,細妹做姊妹)。因為我地都唔係噤活躍嘅人,一D玩新人嘅野都應該唔會有,所以就係一個簡簡單單但又隆重嘅婚禮。

不過我成日係度諗,佢地都好細個,好多野都唔識(我自己都唔係知好多野),係唔係應該找多一個好朋友幫吓我呢??

你知啦~~叫人幫你做野,加上都唔係成日聯絡,真係幾難為情,有DD唔好意思嘛。

所以今日就SEND左一個E-MAIL俾我一個舊同事兼好友CECILIA,叫佢嗰日幫我做姊妹,佢豪不考慮就答應左我啦~真係好開心!開人唔係因為找到人幫你,而係原來CECILIA話我找佢做姊妹佢好開心。

好在得CECILIA丈義相助,我又可以解決多一樣野啦~

有時候諗,朋友真係唔洗成日見,成日聯絡,有乜就大家互相幫助,總之大家心照就OK啦~

係度真係要同CECILIA講句:多謝你呀!你真係我老死呀!!!


*♡♡小肥豬♡♡* | 26th Oct 2006 | 生活點滴 | (16 Reads)

終於都收到HOCC演唱會飛啦~

之前嘉汶表妹幫我搭佢朋友訂HOCC演唱會,今日終於收到啦~~~真係勁開心呀!雖然個位唔係太前,不過都算,入到去主要係感受個氣氛。

係尾場.....我未試過睇尾場嫁......之前成日訂尾場,不過次次都加場,今次真係冇加,好野!

嗰晚最好就不停ENCONE....超時....超時.......正呀!!!

仲有三日......HOCC等埋我呀!!


*♡♡小肥豬♡♡* | 25th Oct 2006 | 生活點滴 | (13 Reads)

自從整o左呢個blog比我之後,每日寫blog(盡量每日寫啦)同睇其他人嘅blog已經成為我每日生活嘅一部份。

係其他人嘅blog裡面學到好多野,可以參考過內人嘅經驗,等自己可以做得好d(好多都好好人,會同自己分享佢地經驗,仲會幫你);又有人同你傾吓心事,你知啦,有時間同屋企人或者朋友講時,我覺得佢地有時往往會就住就住,唔會噤暢所欲言,但同blog友仔就可以講得深入d,可能知道佢地係唔會出賣你啦(由細細個開始都成日俾人出賣,真係對結識朋友有左介心)

我依家到識左幾個好好嘅blog友仔,由陌生人變成朋友,個感覺真係好好,大家又可以傾下心事。


*♡♡小肥豬♡♡* | 22nd Oct 2006 | 生活點滴 | (20 Reads)

好開心呀!!!!原本都諗住都係要戴我地對舊情侶介子去影相,依家有一對新嘅~~

今日大肥豬係屋企樓下間鋪頭見到有一D介子仔買,所以就捉左我去睇啦~

間鋪頭仔D介子唔係好貴,我地又睇到一對都幾OK,清清地,所以就買左嚟影相嗰日用啦~

我唔係貪新忘舊呀,價錢方面我地舊嗰對貴少少,但因為都戴左好幾年,有少少舊啦,個色唔係噤銀,我怕影出嚟效果唔係噤好呀!加上新嗰對真係唔係噤貴,一日貨仔我都覺得值(好似好敗家)。

我地會繼續帶舊嗰對情侶介子,新嗰對係用嚟做道具,影完相之後就用嚟留念啦~

多謝你大肥豬,又令我滿足多一樣嘢,可以完完美美影我地嘅結婚相。


*♡♡小肥豬♡♡* | 21st Oct 2006 | 婚禮籌備 | (19 Reads)

好緊張呀!下星期就去新天地影結婚相啦~~唔知我買齊晒D嘢未呢?

等我CHECK吓先:

GIRDLE~~~>買左

大肥豬件裇衫~~~>買左

花球、襟花~~~>買左

粉撲~~~>買左

假眼睫毛~~~>買左

我副隱形眼鏡同眼藥水~~~>買左

頭髮~~~>剪左

指甲~~~>諗住前一晚先去整

各位姊妹幫吓眼,睇吓有冇漏呀?

不過唯一我想買但冇得買就係~~介指。因為大肥豬話應該唔會影得到對介指,所以唔買啦~等到BIG  DAY嗰時先買對真真正正嘅結婚介指。依家戴住我地對情侶介去影先呀~(算啦!廢時又為D少時嘈,佢話事啦~可能到時對介子會又大又靚呢?)

不過近排D天氣唔係幾好呀!有DD擔心,希望嗰日唔好落雨就好啦~~

依家晚晚都好早訓,仲日日做補濕面膜,要以最佳狀況去迎戰第一個重要嘅日子。


*♡♡小肥豬♡♡* | 19th Oct 2006 | 生活點滴 | (19 Reads)

今日同放工約左媽咪仲有佢個契仔去飲嘢吹吓水,吹完水我同媽咪就搭地鐵返西灣河街市買餸。

我地一MTR就嗅到好整既“羅”味,一行出地面就見到有好多消防車,都心知不妙,以為係太安樓有事。點知.....佢地對住西灣河街市二樓射水。死啦.....我地間鋪頭仔係二樓,唔知係乜環境,好擔心呀!

我地就不停找D熟人問吓,不過.....香港人真係好八卦呀!十居其九都係過路人.....後來係街市後門找到D熟人問,原來係地下熟食中心其中一間鋪發生火警,好在冇人受傷只係好大火,我地都放心D......

不過,我地都擔心會影響到我地間鋪頭仔嗰D小動物,所以我就陪媽咪係街度等.......等解封入去街市。

等呀等......都等到成八點,好倦呀!不過為左陪媽咪冇計啦~

終於可以入到街市啦~~地下近熟食中心嗰度仲好勁味呀!見到D魚檔好多魚都死左呀!!!不過,好在我地二樓完全冇事,鋪頭仔嗰D小動物仲好精靈,我地都好放心返屋企啦~

真係虛驚一場,好在所有人都冇事,我覺得已經係好好啦~


*♡♡小肥豬♡♡* | 16th Oct 2006 | 生活點滴 | (20 Reads)

下星期就去影結婚相,所以頭先放工就去左剪頭髮。

因為我把頭髮又長又厚,我驚SET頭之後會好大舊嘢,所以咪去剪薄D,到SET個嗰時個頭輕D同靚D。

嘩~~唔剪尤可,剪完之後,成個地下都係我D頭髮,掃掃吓,成位山呀,真誇張。

嗰個剪髮小姐都笑我,話我可以將D頭髮拿去賣,分分鐘可以發達呀!

依家D頭髮真係薄左好多,但依然係噤長,唔知依家SET頭會唔會好D啦~


*♡♡小肥豬♡♡* | 15th Oct 2006 | 生活點滴 | (15 Reads)

今日屋企所有人都去左朋友屋企,所以咪自己一個人係屋企,好在大肥豬過左嚟陪我。

大肥豬聽日有一科要測驗,原本都唔洗佢陪嫁,但佢話驚我一個人會悶,又驚我唔去食嘢,所以就陪我到食完飯先番屋企再溫書。

今日成個下午我就係度睇VCD,唔覺唔覺我就睇睇吓就做左一隻 - 睡豬豬啦~ ,而佢就係溫書。我諗過左影結婚相嗰日之後,都好少機會會見到佢啦~因為跟著就開始多考試、測驗,加上工作又忙......都好難有機會去街街啦~

係佢唔覺唔覺嗰時我偷影左佢一張讀書相,見佢噤專心個樣,真係幾型仔。(真係唔知羞,自己讚自己個男豬腳)

大肥豬加油呀!

 


*♡♡小肥豬♡♡* | 14th Oct 2006 | 生活點滴 | (10 Reads)

噙晚臨訓時同大肥豬講電話,佢無端端爆左一句:你開始緊張未呀?

緊張...緊張乜呀!原本佢話仲有一個星期多DD我地就去影結婚相,佢話好似好快就去做D實實在在嘅嘢,所以有DD緊張。

終於有樣嘢係佢早緊張過我啦~不過都係好事,起碼俾我知道原本佢都有諗我地結婚D嘢,之前成日都以為佢懶懶閒,唔係好理。聽完之後都幾開心嫁。

不過我就係發左一個古怪夢,我發夢我地影結婚相嗰日我乜都唔記的帶,冇帶隱形眼鏡、襟花、SET頭用小皇冠......仲有揀好嘅衫俾人改哂。

死啦~聽完大肥豬嘅話,再加埋依個夢,依家開始我到緊張啦~真係好驚到嗰日乜都唔記得帶呀!

都係唔好諗啦,寫低個list,到時慢慢拾,一定唔會漏。

依D係唔係叫做 - 日有所思   夜有所夢


*♡♡小肥豬♡♡* | 13th Oct 2006 | 生活點滴 | (13 Reads)

原本BOOK左聽日下午去做FACIAL,點知媽咪想我陪佢去買嘢,所以我頭先咪打電話去美容院改期,諗住改5:00先去。

點知......接電話嗰位帶有鄉音嘅小姐佢好冇禮貌話:你仲乜唔得呀!我唔知你依家改嗰個時間得唔得嫁,你一係留低電話等我問完你BOOK左嗰個小姐再覆你。一係你自己安排好D時間先。你自己決定啦~

跟住我話:我係唔得閒先要改時間,如果唔係我都唔打仲乜電話俾你公司呀!你問完OK就打俾我。

過左約五分鐘,嗰個鄉音小姐打番電話俾我話:(好串語氣)OK啦~你聽日準時嚟啦~

 

有冇攪錯,聽完真係火都嚟埋,係D乜服務態度。點可以用依D態度同客人講嘢,都唔係華仔FANS。

不過,好在我仲有兩次就完左個COURSE,其實由上次WINNIE唔做之後我都唔諗住再JOIN啦~依家......只會加快我個決定,我都係係時間再找過另一間啦!

唔知有冇姊妹好介紹呀!(最好係西灣河至筲箕灣一帶啦)


*♡♡小肥豬♡♡* | 13th Oct 2006 | 生活點滴 | (21 Reads)

十月十二日係LULU妹嘅西曆生日,我地俾左Surprise Party佢呀!

事緣昨日(十月十一日)佢農曆生日,我地成家人同佢係屋企食飯同切蛋糕,當同佢慶祝。之後我地個個都話佢正日生日嗰日有嘢做唔得閒,陪唔到佢,佢當時立即冇晒mood!

之後我地成家就夾晒口供,由細佬帶放工後佢去我地個目的地 - 銅鑼灣CEO,一邊唱歌,一邊飯buffet。

由於我放得早D,當然唔好浪費啦~就一夠鐘先同爸爸、媽咪同埋媽咪契仔去唱先啦~

嘩!真係好開心,計吓我已經有成兩年幾冇唱過K啦~~真係D歌引立即起晒,一拿起支咪,已經唔識放低啦。

不過......原來自己真係好OUT,好多新歌都唔識唱。我成晚唱得最多都係KARY嘅歌,差唔多唱晒佢有嘅歌,仲有唱SAMMI嘅歌啦~仲同LULU妹合唱左TWINS嘅歌。唔知係唔係好耐冇唱歌,真係比以前差。

不過我今晚真係超HIGH呀!又叫又跳,好似傻左呀!

講番LULU妹先,因為細佬講左一個善意嘅大話就帶左佢去我地個目的地,佢一入到間K房,見到噤多人同佢慶祝,佢個樣即刻唔同左,開心到呀~~~

因為生日嗰日NEWWAY會送個蛋糕俾佢,佢好開心又切蛋糕啦~跟著我地一家又可以影多一張全家副啦~

今日真係好開心,唯一美中不足就係大肥豬因為要返學嚟唔到,同埋嘉汶表妹要番屋企整嘢嚟唔到,不過下次一定再有機會一齊去玩。

 


*♡♡小肥豬♡♡* | 11th Oct 2006 | 生活點滴 | (14 Reads)

噙日出左銅鑼灣做身體檢查,CHECK完見仲有D時間咪去蔡太度(因為我著左佢介紹嗰D嘢之後,真係有DD改善,所以想繼續KEEP啦~)

佢今次介紹左一個收胃腩仔嘅衫俾我,佢話我著哂成SET之後,到我結婚嗰日就好會正啦~

今日開始著,真係好辛苦,好似成個人都俾嘢包實,真係好唔自在呀!仲好熱呀!係公司又唔可以開太大冷氣,真係又熱又焗啦~加上又冇乜胃口食嘢,想唔瘦都唔得啦~~~

不過,為左要靚都冇辨法。原本女人真係可以為左靚乜都唔理啦~


*♡♡小肥豬♡♡* | 10th Oct 2006 | 生活點滴 | (26 Reads)

係公司同個名阿姐傾開計,佢教左我一個對付小強嘅方法。

首先需要先滅殺佢地先,之後清理好後佢地D屍體

再放一粒臭丸 (無袋個D仲好,唔洗掉個袋)係一D小強成日出末嘅地方就可以趕走D小強,唔須要放太多。(唔係就成間房都係臭丸味)。因為佢地觸角敏銳過我地,好怕嗰D臭味,所以就唔會嚟探你啦~

唔知係唔係真係WORK呢,不過放臭丸好過放嗰D一舊二舊既黑色小強屋呀!貼係度,又不雅觀,有時仲見到D小強住係入面,見到都覺得好反胃。

臭丸又比較易買又平,大家都試吓啦。


*♡♡小肥豬♡♡* | 8th Oct 2006 | 生活點滴 | (14 Reads)

噙日去到大家樂冇得打邊爐,但條引就起左,所以今日我地去完街之後就去左買餸,打邊爐啦~真係超開心呀!因為我好鐘意打邊爐,我地買左好多餸,好多菜類、牛肉、豬肉、仲買左少少生嚎同埋青口呀~真係好正,全部都係我至愛。

係差唔多開飯嗰時,媽咪話佢叫左契仔一家嚟食飯,佢仲帶埋仔仔,真係好,又有BB玩呀~

佢個仔仔叫章章,都有兩歲幾啦~佢上嚟嗰時都好怕羞嫁,唔係好彩人,可能因為今次係第一次上我地屋企啦~之後食食吓飯就開始熱情~同LULU妹玩,仲食左好多嘢,真係好CUTE。

我都食左好多嘢~由頭食到尾。死啦,又肥多幾磅啦~

飯完飯我地就一齊玩,真係玩得好開心呀!所以話屋企有個B仔,氣氛都唔同D。


佢一見到你拿起相機就好怕羞行去佢媽咪後面,我好辛苦先影到這張相呀!


*♡♡小肥豬♡♡* | 8th Oct 2006 | 生活點滴 | (14 Reads)

今日終於都去左線面啦~

話說係國慶日嗰日,我地去到摸門釘,見佢係門口個牌話OFFICE HOUR係1:00開,所以我地就今日就算1:00出到去諗住霸頭位~點知原本佢今日係2:30開......真黑仔,次次去都唔順利,我地唯有行吓街等佢開。

我地行到差唔多2:20左右就開始行番去,見到好多人之係嗰間小鋪頭前行來行去,我地估佢都係打算入去修眉或線面,所以我同媽咪都唔理噤多,一於排頭位等佢開門。唔覺唔覺幾分鐘之後已經有成五、六個人排隊啦~真你厲害。

等左一陣,終於到我線面,嗰位阿姐好好人,仲好好攪笑。我媽咪問佢我月尾會去影結婚相,洗唔洗影之前再線面。佢就話:唔洗啦~你結婚前先再來線面,傳統嘅人話女人線面入門,個老公就會大富大貴,你到時先嚟啦~真攪笑。不過真係有少少痛,好似有D嘢咬你,但做完之後塊面真係滑左又白左呀~!

跟著就到媽咪線,佢話佢都未試過,加上爸爸又叫佢一齊去,所以就試吓啦~

我地返到屋企就立刻整番個保濕面膜,兩母女一齊去扮靚靚嘛。

不過真係好多人,我地走嗰時仲有好多人排緊修眉同線面,一間細少鋪頭,有噤多人等,真係勁呀!

 


*♡♡小肥豬♡♡* | 6th Oct 2006 | 生活點滴 | (21 Reads)

今日HOLIDAY MOOD超濃郁,食完LUNCH之後就已經唔想做嘢啦~

但係我仲欠幾份會議記錄未做,所以成日對住部電腦,真係越做越想死。我見真係就嚟訓著,所以咪出去諗住行吓,去汽水機買包檸檬茶飲啦~

點知我行到去汽水機嗰時,見到飯堂個阿姐行過,大家當然係互相打招呼同微笑。當我買完嘢嘅時間,嗰位阿姐同我講:有BB唔好飲依D嘢呀!跟住我立刻話:我都冇BB。之後嗰位阿姐就笑笑口走左啦~

有冇攪錯~~~真係超嬲呀!人地連婚都未結~~點會有BB呀!

今日係著左條較鬆身的連身裙,就話人地有BB。唔通我真係好肥??????我最多都有有個小肚DUM呀~~都唔係似大肚婆呀!!!

話俾大肥豬聽,佢又係度笑人......

真係好唔開心呀!

 


Next