香港新浪網 MySinaBlog
*♡♡小肥豬♡♡* | 30th Sep 2006 | 靚太廚房 | (26 Reads)

愛心冰皮月餅剛剛出爐啦~

吸收左以前失敗的原因,今次我跟住新餅粉的步驟及分量,終於做到個士多啤梨冰皮月餅。可能每一間公司所製的粉料唔同,今次嗰D比較透明同軟身,所以做出嚟個樣冇之前用 7-11嗰 D粉噤靚。雖然個樣都真係唔係好吸引,但我都已經好滿意,當自己成功左嫁,起碼可以食落肚同有個型睇吓呀!

其實除左今次成功左令到我好開心之外,仲有一樣嘢令到我超開心。

就係由開始整到完成,大肥豬都企係廚房門口陪住我。開頭只係睇,後來就幫我手搓粉,落手落腳去包,仲整到成手都係粉粒粒。

最後佢仲話要自己包一粒。依粒就係佢包啦~都OK靚呀!

我真係好開心呀!因為之前都有試過煮嘢佢食,但佢都好似冇乜反應。但今次佢竟然主動同我一齊整,個感覺真係好唔同,有少少幸福同SWEET SWEET地的感覺呀!唔知第日結左婚佢會唔會好似今日呢?

依家雪緊我地嗰D愛心冰皮月餅,唔知好唔好食呢?就算唔好食,我地都要食晒佢,因為有我地的心血係度呀!

 


*♡♡小肥豬♡♡* | 29th Sep 2006 | 靚太廚房 | (35 Reads)


我見上次整KITTY冰皮月餅成功左,所以就叫同事幫我去買材料啦~

今日番工一收到D材料,就滿心歡喜諗住返屋整,等大肥豬明天嚟有得食。

點知......失敗左呀!好唔開心呀!

唔知係唔係我今次D粉同上次嗰D唔同,我落水個分量唔夠呢,所以舊粉好硬。我猜嗰時完全唔『痴』手,仲要吸唔清KITTY個樣。依家雪緊個失敗之作,睇吓可唔可以食啦~

不過唔緊要,失敗乃成功之母。我明天繼續努力,我依足新冰皮粉個份量同步驟嚟整,一定可以整到又靚又好味嘅愛心冰皮月餅。

P.S:感謝我個同事ZOE幫我去買嗰D材料


*♡♡小肥豬♡♡* | 29th Sep 2006 | 生活點滴 | (17 Reads)

為左要靚靚,依家我都定期去找FACIAL姐姐。不過當我昨日去找佢的時侯,收到一個極壞的消息,就係FACIAL姐姐唔做啦~

佢話因為佢個工人依排古古怪怪,又成日同佢頂撞,佢擔心屋企冇人的時間會對佢個一歲嘅仔仔唔好,所以佢會係用尾抄左個工人,新工人又未請到,所以佢就要番屋企照顧個仔仔,等新工人到左OK晒先返來做FACIAL。

對我嚟講真係一個壞消息呀!因此我之前我覺得佢好好就JOIN左十次,諗住可以KEEP住去影結婚相前俾番面佢全權負責,點知......依家仲有三次未做,又唔知會係邊個跟我,你知啦我依家係非常時期,有乜唔好影響都我番面點算。真係有少少擔心......

找一個好嘅FACIAL姐姐都唔容易,希望佢快D攪好個新工人,快D番嚟,等我喺大日子前找番幫我KEEP靚靚。等我可以做個靚新娘~

 

 

 


*♡♡小肥豬♡♡* | 27th Sep 2006 | 生活點滴 | (8 Reads)

依個禮拜係小一收表的日子,作為一間學校的小書記,當然要做負責收表嗰個啦~

今日都已經係第三日,一切都好順利(因為每年都有D『好特別』的事件,會好少少唔開心)

不過,今日我好嬲呀!好唔開心呀!

有一位家長帶埋佢個小朋友嚟交表,開頭都OK,大家都好健談。到走時,嗰位媽咪就叫個小朋友:快D同『姨姨』講拜拜啦!!我當時即刻突左一吓,扮晒冇嘢。唔知係唔係嗰位媽咪知道自己講錯左,立刻改口叫番姐姐。

有冇攪錯,叫我做『姨姨』,人地都唔係好老,返工都唔係著得成熟呀!真係好嬲呀!

 


*♡♡小肥豬♡♡* | 26th Sep 2006 | 靚太廚房 | (76 Reads)

我見好多朋友仔都有整KITTY冰皮月餅,今日我路過7-11,見都有得買,咪諗住試吓。

超開心呀!因為我成日整嘢都唔成功,所以都諗住失敗左就算,當玩啦~

點知真係得左,起碼有個KITTY樣睇,依家就放左入去冰箱雪緊,等雪凍之後就可以食,爸爸同媽咪已經話會做我白老鼠試味~我緊張呀!唔知好唔好食呢!我諗都應該唔會太差呀!

不過依家我當自己成功左一半啦~

如果成功的話,我就會買過材料再整俾小肥豬食,原來冰皮月餅出左噤耐,佢都未食過。我要整俾佢食先得。




*♡♡小肥豬♡♡* | 26th Sep 2006 | 婚禮籌備 | (31 Reads)

經過我同媽咪傾過,再加上聽到各朋友仔的意見之後,我決定Confirm第二次試妝嗰位小姐啦~

其實我地都覺得兩個MUA都真係各有各好,我地都真係好難決定到。不過第二次試妝嗰個真係好似化得我好D,起碼我隻眼真係SHAPE好多。加上佢又幫人做開婚宴,多DD信心。雖然,SET頭好似真係好似欠少少嘢,不過我地都覺得可以同佢傾,可以睇多DD雜誌俾佢參考呀!~~~~

又定多一樣嘢,好似又定DD啦~

依家大型嘢都應該係得租衫同攝影未攪,慢慢一步步嚟啦~


*♡♡小肥豬♡♡* | 24th Sep 2006 | 婚禮籌備 | (35 Reads)

頭先剛剛同大肥豬&嘉汶表妹去試完妝,因為嗰位化妝小姐話只係試個手勢,所以只係幫我試著掛同婚紗LOOK。

佢俾我的感覺是一個字 - 快,短短兩個鐘就試完。佢話係BIG DAY嗰日會好忙,做乜都要快。

講番我個妝先,佢一見到我就講左我兩大缺點:大細眼、高低眉,所以佢就好集中同我整眼部化妝。今次睇大細眼個情況好似冇噤嚴重。

至於SET頭方面,唔知係唔係我個頭髮多關係,後面睇好似個波。同埋可能時間關係,變化唔係好大。

最後佢話我即昤決定先可以扣番試妝費,但我媽咪未睇,我自己都唔知好唔好,所以都冇法啦~又要用多三百蚊啦~

 著掛LOOK
 婚紗LOOK
 進場LOOK

 


*♡♡小肥豬♡♡* | 24th Sep 2006 | 婚禮籌備 | (47 Reads)

噙日媽咪同嘉汶表妹陪我試妝,我2:00就開始試到差唔多6:30先可以離開嗰間鋪頭,其係幾倦。唔只我倦,因為佢間鋪頭較細,只有兩張椅,一張當然係我座啦~另一張佢地就輪流座,都真係幾倦呀!所以我一定要同佢地先講句THANK YOU ~~~~

講番我個試妝過程,其實一路都好順利,嗰位化妝小姐都好NICE ,又有心機幫我整。佢嗰D首飾同頭飾都好靚,好有時代感,我都好LIKE。

因為我個頭好多頭髮關係,所以SET頭都整左好耐呀!我一共試左3個妝,3個效果我地都覺得幾好,唔係太過濃(起碼都似番自己)。但我就唔係好鐘意著掛個LOOK,好似老左好多年。不過媽咪係要這先配掛個形象呀!

 掛LOOK

 婚紗LOOK

 晚妝LOOK(1)

 晚妝LOOK(2)

一路我地都好滿意,心諗真係可以一TAKE過就OK。打算將D相俾阿男豬腳睇完之後就JOIN佢啦~點知......番到屋企係電腦睇就出現問題啦!!我發現我大細眼得好緊要呀!(其實我平時都有覺得有少少),唔知點解一睇D相就好覺好醜樣呀!(即時自信心都冇晒)

不過其實都係我自己問題,生出大細眼都冇辨法。但唔知點解係現場又唔係好覺,睇相就覺到呢......(我都唔敢放嗰幾張相上嚟,只係放早好嗰幾張呀!)

媽咪就建議我找多一個化妝小姐試,睇吓係唔係真係我問題,定係佢化得我隻眼唔好。如果試多一個都係差唔多,就JOIN佢(或者兩個選一個,因為試太多好似仲會15/16),但係最後一次試大妝時同佢傾吓,睇吓有冇得補救。

所以我今日又會再去試妝,希望試完之後可以有番多少少自信心,可以靚番啦~


*♡♡小肥豬♡♡* | 22nd Sep 2006 | 生活點滴 | (19 Reads)

哈哈~

我今日收到之前爸爸信用咭積分力爭番嚟嘅3張元氣COUPON,有成300蚊呀!又有好多免費壽司食啦~

可以係下個月去紅館睇HOCC演唱會之前同LULU妹食餐勁啦~我地兩個直頭係壽司怪,可以一次過食好多碟呀!

好在我去食嗰時應該剛剛影完結婚相,可以放縱食餐飽啦~

唔止~嗰日係LULU妹請我睇演唱會,晚餐又用爸爸COUPON食。喺一日內做我兩樣我鐘意嘅野,仲係免費,真係正呀!


*♡♡小肥豬♡♡* | 20th Sep 2006 | 婚禮籌備 | (30 Reads)

今日連最後嗰件GIRDLE到買齊啦~

我去左銅鑼灣總統商場地庫嗰度買,可能一放工就立刻飛到佢鋪頭,落到都係5:00唔洗等,不過同一時間有兩個人買BAR,所以蔡太佢會打開左我地2個簾,一齊教我地戴,好似俾人睇晒,都有少少唔好意思呀!


嘩~~~佢真係好PRO,一睇就知我個帶錯BAR,話我D肉去晒背後,仲介紹左一個又平又收身的 BAR俾我,仲教我正確的方法。經過佢教完之後,真係好左好D,連手臂都細左少少呀!連我媽咪都話真係有改善到呀!蔡太仲話KEEP住著,到我出年一定會有極大改善呀!

之後佢又好細心教我點著件GIRDLE,著GIRDLE包到實晒,真係好辛苦。佢仲話如果我出年婚期前如有需要,可以到時免費改同再教我弁著多次呀!

今日我總共買左白色GIRDLE、1個PAD、同2條束褲同2個改善 BAR,用左成千蚊呀!都差唔多啦~價錢都好合理。如果係D大公司買都唔得啦~不過真係有少少肉痛,不過為左靚都冇法啦~

原來女人錢係最易賺~~

依家乜都買晒,我下一項要做就係繼續KEEP住我番面同我個減肥大計,以原美的狀態去近接我的第一件大事。


*♡♡小肥豬♡♡* | 19th Sep 2006 | 生活點滴 | (18 Reads)

今日SAMMI出一隻3CD加2DVD的精選碟。可能係附加左2DVD,所以都幾貴,要成本125蚊,好耐都冇買噤貴CD啦!

真係有一刻諗過唔買,不過作為一個超級FANS嘅我,雖然所有歌都已經齊晒,但我都一定會買。因為D歌實在太好聽啦~~仲有成30幾首歌同MV,真係好抵呀~

聽吓聽吓,發現原來都有好幾首歌可以係我用作結婚D歌,希望到時可以所有歌都用晒SAMMI的歌。係我大日子可以我鐘意的歌,一定會更加開心。


*♡♡小肥豬♡♡* | 18th Sep 2006 | 婚禮籌備 | (38 Reads)

我都覺得而家開始籌備婚禮真係時間尚早呀,不過當我係ESD見其他姊妹(都係出年年底結婚)都BOOK曬好多野o既時候,我就開始心慌了.... 都跟住早d籌備囉~~,所以我都諗住早D開始揀定嗰MUA,好似會安心D。

我今個星期六就BOOK左百利La Queen嗰MUA - abby來試妝,我見佢個網頁上的新娘相都OK,幾清淡(因為我唔鐘意化到噤濃)。我唔知好唔好呀,你ESD又唔見有好人講佢,所以我都唔知好唔好,有少少擔心。

其實我都唔知我應該揀幾多個MUA試妝好,我覺得原來揀試妝都好難呀!我都仲未有心水揀第二個試妝呀~

會唔會我今次可以一TAKE過就OK,唔洗再揀呢?

 

 


*♡♡小肥豬♡♡* | 16th Sep 2006 | 生活點滴 | (19 Reads)

唔經唔覺我都病左好幾日,唔想食西藥呀,因為食西藥會食到個人好燥,好容易係塊面生粒粒。影響我影結婚相。

後來我去左睇中醫,食嗰兩日超超苦的藥,隨著天氣改好,又好似好左少少。只你成日唔覺唔覺喺度狂咳,不過都好辛苦。為左醫番好自己,我今日唯有再次鼓起勇氣去睇中醫,食嗰D超黑的藥。

我都係第一次噤乖去中醫覆診,為乜都係為攪好自己個身子,短期內為以最高狀態去影結婚相,長遠就係可以好攪好我個美好婚禮。

大肥豬仲笑我為左結婚就乜都得。

 


*♡♡小肥豬♡♡* | 14th Sep 2006 | 生活點滴 | (12 Reads)

今日病到半死,成日都未好過。做嘢都傻吓傻吓~~~不知幾辛苦。

但我今日已經BOOK左去做FACIAL,我都15/16唔知去唔去好。不過諗諗吓,我剩落的時間唔多,10月尾就要去影相,所以我唔理噤多,一於照去做FACIAL。

一訓落張FACIAL床,我已經開始不醒人事啦~到做完之後嗰姐姐叫醒我先識走呀!

所以話,女人真係無時無該都要扮靚,尤其是待嫁姑娘

 


*♡♡小肥豬♡♡* | 13th Sep 2006 | 生活點滴 | (16 Reads)

今日由起身,望出窗外,好大雨,仲以為係黑色暴,於是我就好黑心坐喺度等睇新聞。點知原來係黃雨,真失望,唯有急急腳換什衫番工啦~不過真係好大雨呀!我只好等細雨少少先出門口。

當我等車的時間,佢又開始落暴雨~~~~又大風大雨,我真係唔知企喺邊等車好啦~又慘又狼狽,仲成身濕晒。等左好耐都冇小巴,想等的士又冇......真係苦不堪言。

等左好耐終於有車啦,當然我一上到車,就開始細雨。不過真係唔可以開心得噤早,我一落車就變得好大雨,喺番到公司門口先叫細D呀!

不過~~事件係未完,因為今日唔係好舒服,咪準時放工,諗住番屋企訓吓啦~

我都等細雨嗰時先走,點知當行出門口嗰時,又再落暴雨。我都唔理,快快步行算啦~不過我依家番到屋企,哈哈~~又細雨左啦~

今日真係超黑呀!上天真喺識同我開玩笑啦~

 


*♡♡小肥豬♡♡* | 12th Sep 2006 | 生活點滴 | (11 Reads)

這幾日天氣都轉左好多,突然好似好凍(我係一個天氣超怕凍D人)。

死啦~我依家開始感覺到有少少病。兩行鼻水都未停過,仲有少少頭暈。我諗我又要食藥啦~

不過我有D擔心,成噤多藥會唔會變到好躁,我之前已經食左成個星期消炎藥,依家又再食藥。會唔會影響都我的皮膚,我好怕出好多粒粒呀!

點算呀~食藥又怕出粒粒,唔食又好辛苦......

天啦~~點解我身體噤差!我下個月就要影相,我要以最佳狀態去作戰。

仲有呀~~我真係好擔心我嗰弱身體第時唔可以生BB呀!因為大肥豬好鐘意小朋友呀!

 


*♡♡小肥豬♡♡* | 11th Sep 2006 | 生活點滴 | (14 Reads)

噙日媽咪成班去左舅父屋企,點知舅父話收到馬仔貼士,但佢地附近冇投注站,所以就叫我落街幫佢地搖控投注啦~

嘩~佢地好狼呀!買左六百幾蚊,我幫佢地買嗰時有少少肉痛。不過佢地話D貼好正,所以我有D心大心細想發吓財,所以我就好好豪氣買左大拿拿五十蚊啦~~

點知......隻馬仔唔聽話,跑第三,我輸左啦~~~~

曾經有人話我係冇橫財,原來係真!死啦~會唔會係我搭沈佢地隻船呀~

 

 


*♡♡小肥豬♡♡* | 11th Sep 2006 | 生活點滴 | (16 Reads)

咪講過話我有一張新天地coupon,上星期左右已經賣左俾一個有Blog的朋友啦~

點知佢今日E-mail話我知新天地的職員唔接受佢,話因為唔係佢本人係酒樓擺,所以佢唔可以用得。想我退番錢俾佢呀!

聽到之後真係唔係有D唔開心呀!唔係好明白點解新天地的職員唔俾佢用。因為好多人都係用其他人的coupon影啦~

不過算啦佢話張coupon冇寫花又冇劃花過,等佢寄番俾我之後,冇問題就退番D錢俾佢啦~

睇吓可唔可以再找嗰個買家,又或者可唔可以同人交換其他公司的COUPON影多一次啦~


*♡♡小肥豬♡♡* | 10th Sep 2006 | 婚禮籌備 | (25 Reads)

頭先係一個網站見有D朋友話好出年有好多人結婚,所以好多酒樓係年尾的BOOKING已FULL左架喇(尤其係星期六、日)。

唔知係唔係肓年前都多人會結婚呢?好在.....都已經BOOK好酒樓,都可以放下心頭大石。

但我開始有D擔心啦~如果噤多人結婚,咪好難BOOK到化妝、借婚沙、攝影、律師......

死啦~點算呀!
我仲諗住出年約四、五月先開始慢慢找,因為依家找好似真係早過頭,如果到時先找,會唔會冇好野呀!

其實我應該點好呀~~真係有少少擔心呀€~


*♡♡小肥豬♡♡* | 10th Sep 2006 | 生活點滴 | (21 Reads)

今日媽咪佢地去晒舅父屋企,美其名就係細表妹開生日party,但實質就係想決戰四方城。因為我好怕吵鬧聲,所以我就留喺屋企啦~~

好在有大肥豬陪我睇電視,都唔洗噤悶。我見係一個好時機,就捉住佢幫佢做facial。你知啦,我地就嚟影結婚相,除左我要靚靚之外,男主角都好靚靚呀~所以我就將我有嗰D面膜幫佢做啦~

用完晒美白同保濕面膜之後,嘩真係白左又滑左呀!我諗由今次開始,每星期捉佢做facial一次。

依家我又煲緊五花茶俾佢飲,等佢內外兼備,到影相嗰日一定冇問題

 


Next