香港新浪網 MySinaBlog
*♡♡小肥豬♡♡* | 31st Aug 2006 | 生活點滴 | (24 Reads)

聽日開學啦~~唔係我....係大肥豬呀!佢讀埋今個學期就畢業啦~為免有乜問題,佢話未來嗰四個月要閉關,要俾心機讀書,冇時間陪我啦。佢話平日都唔會同我去街,只係星期六日先陪我呀!仲話每日都只可以傾少少電話,我好慘呀!

喺這幾個月我會盡量煩少D佢啦、發少D脾氣啦、仲就吓佢啦~因為大肥豬又要讀書又要番學,一定好辛苦,所以我要乖乖地,等佢安心去完成埋嗰 課程。


*♡♡小肥豬♡♡* | 30th Aug 2006 | 生活點滴 | (16 Reads)

新出左Neutrogena煥膚面膜,佢話可以收毛孔、用完皮膚會光澤啲。攪到我好想試吓呀!不過成兩百幾蚊,好似貴左少少,又唔知好唔好用~

今日係屋企對而嗰間萬寧,做左全店九折呀~同埋都有留意其他網友的意見,都話好,結果我就買左嚟吓。

剛剛用左第一次,用左之後好番面好似滑左少少,唔知係心理作用定係真係WORK。

不過我會KEEP住每星期用兩次。希望可以到我影結婚相嗰時靚靚啦


*♡♡小肥豬♡♡* | 30th Aug 2006 | 生活點滴 | (18 Reads)

我個係Blog度改左名,由『小寶豬』改成為『小肥豬』。點解要改名?

原因好簡單,當然就係同大肥豬有關啦~佢話唔鍾意個代號,要我幫佢改嗰個型仔D代號。但我又好鍾意叫佢做『大肥豬』,我覺得好襯佢(唔係話佢真係好肥,係好cute),所以唯有我去改個代號就吓佢啦~

不過大肥豬同小肥豬個名好似仲襯

 


*♡♡小肥豬♡♡* | 28th Aug 2006 | 婚禮籌備 | (29 Reads)

噙日都大肥豬行左成半日,買眼鏡、皮鞋,等佢影結婚相嗰日用。

大肥豬話唔係太喜歡嗰D超禮服型的皮鞋,所以我地只係買左一對普通的黑色令皮皮鞋。我地開頭都怕個肘唔係太高(只有一吋多),之後我就問個售貨員借一對兩吋鞋俾我試吓個高度,因為我平日都著唔慣高肘鞋,我都只係打算買約兩吋高。個高度又幾襯呀!

因為大肥豬依家係帶緊副冇框眼鏡,佢唔戴眼鏡嗰樣好惡呀所以就一定要配一副有框眼鏡~我地見到眼鏡88依家做緊特價,所以就打算平平地買係嗰度買副用來影相啦~唔知依家係唔係唔興有框眼鏡,所以好少款俾我地選擇,我地去左好幾間大型的眼鏡88都找唔到心水款式,最後去左一間超蚊型的眼鏡88,居然俾我地找到一副都襯到大肥豬面形。唔止呀!佢地同一時間買兩副仲有六折,我多口問句有冇同款的另一顏色,個sale就拿一副粉紅色俾我試,試過又幾好睇~所以我又配左一副。我地又配左情侶鏡啦!

下星期日就輪到我去買嘢啦~希望可以順順利利啦~

 


*♡♡小肥豬♡♡* | 26th Aug 2006 | 生活點滴 | (23 Reads)

今日係我的生日,剛好我同大肥豬都係短週,好耐都冇試過生日係放假啦~今日我地去左荔枝角公園同埋歷史博物館影相,因為我係好鍾意影相,同埋可以等大肥豬練習吓笑容

首先我哋去荔枝角公園先,都OK靚呀。成個環境都好古式古香,好有詩意。不過今日除左我地之班,有幾班女仔打扮都成LOLITA影相。真係唔明點解依家D學生可以噤有錢,請攝影師幫佢地影。不過佢地年輕,趁青春留倩影,都應該~

我都唔差呀!雖然冇攝影師,但大肥豬幫我影相都好靚呀!有石有水~~~~

不過最衰就係~~合照太少啦!今日成日都係影得一張合照,無法啦~嗰度人又唔多,就算有都係D老人家,唔好意思叫佢地幫我地影呀!

之後我地就去歷史博物館啦~唔知係唔係因為係室內問題,加上有好多展覽區光度較暗,所以影嗰D相唔係太靚。不過去到就知道香港好多歷史,都有得著,$10入場費都抵呀!

今日過左一個好開心的生日,但因為我成日都著住高肘鞋,依家對腳好痛呀!

今日真係多謝大肥豬俾佢一個噤開心我生日我,雖然唔係好什麼特別的節目,但我已經好好好開心啦~


*♡♡小肥豬♡♡* | 25th Aug 2006 | 婚禮籌備 | (23 Reads)

前日去酒樓落訂時,佢地送左張新天地婚紗攝影Coupon俾我。

不過,其實係上次婚紗展時已經join左同一間同埋已經book好十月去影啦~原本我都唔係好想要,但酒樓嗰位謝小姐話佢地曾經都有客人同我情況一樣,佢地可以同新天地的staff傾到可以free佢地多D嘢。我今日就試吓打電話去新天地問下啦,點知佢地話:我只可以去用張coupon影多一次,唔可以送多D嘢俾我。

依家好似coupon冇用武之地,好似有少少浪費。我依家睇下有冇朋友想要啦~或者轉手平賣左佢,可以幫下人,又可以幫補吓等日買相錢。

 


*♡♡小肥豬♡♡* | 23rd Aug 2006 | 婚禮籌備 | (26 Reads)

早前為左講擺酒問題,都同大肥豬有少少鬧意見,不過依家都可以話解決到個問題。我地已經係銅鑼灣皇室堡帝延酒樓落左定啦~可以說已解決結婚的第一個大問題啦~

我覺得個場都ok靚嫁,酒樓好多嘢都供應埋俾我。雖然個D酒席價錢好似俾我初時諗個價貴左少少,不過係旺區來就,都OK啦~~~ 

佢仲送左一張新天地攝影COUPON俾我,不過我已經俾之前BOOK左啦~唔知可唔可以叫佢地送多幾張相俾我呢?

好緊張呀!唔知個日會點呢?

感謝大肥豬接納我的意見,仲就晒我。


*♡♡小肥豬♡♡* | 21st Aug 2006 | 婚禮籌備 | (26 Reads)

今日收到邀請咭參加今個星期的婚紗展,佢話一對情侶係可以免費入場。

不過,我都唔知去唔去好,因為酒樓、婚紗攝影都BOOK好,其他野又似唔洗噤早買住,我又好怕人多的地方。算啦~睇下有冇人朋友想要就俾人啦~有著好唔好浪費嘛!!!

我諗我出年先再去婚紗展呀。因為我聽人講入去買嘢好多都會有DISCOUNT。

 

 


*♡♡小肥豬♡♡* | 18th Aug 2006 | 婚禮籌備 | (32 Reads)

今日真係超~~~超唔開心,原來結婚真係好煩~~~~~~~~

好好好煩呀!~~~~~~~~~~~~~~~~~

點解噤多野都未攪得好,我見其他結婚人仕的婚期仲遲過我,都已經決定晒日子、book好晒酒樓......

我呢???????真我太心急,還時真係唔洗噤早攪住????????

 

 


*♡♡小肥豬♡♡* | 17th Aug 2006 | 生活點滴 | (21 Reads)

剛才陪媽咪泊車(是一輪VAN仔)回家時,係我地前面是一輪大型的貨車,一路都沒有問題的,但問題就由一條傑斜路開始。

話說我地要係斜路因紅綠燈關係要停車,前面就係個部大型貨車,我媽咪其實都好醒,在停車時都離左一段車距離,後面就有好幾部車。點知隔左唔夠5秒鐘,架大貨車無端端後退,媽咪就立刻不停地按叺吧啦~因為後面有好多車,我地唔可以又後退。點知,唔夠2場秒,架大貨車又再後退,離我地部車只有很少很少的距離,佢再後退我地一定會撞。因為我地部車冇佢個部噤堅韌,撞埋嚟一定會好傷。在這個時間媽咪緊張地話:除左安全帶,有乜事就跳車走,一個有事好過兩個有事。我地兩人都戰戰兢兢地看住這部車,見佢好似想行又唔知想,真係好驚。後來我地見架大貨車開始步步轉變後,我地的心情先安番D,見佢完全轉晒變之後,我地先再開車走。

真係好險呀!我仲要做靚靚新娘呀!不過我最感動就係媽咪叫我跳車,雖然唔係重要到如此地步,但我知道佢真係好緊張我的安危,好鍚我。

我真係好開心呀!!!!!我一定會好好考順好的。


*♡♡小肥豬♡♡* | 16th Aug 2006 | 生活點滴 | (15 Reads)

HAPPY BIRHTDAY TO ME

今日係我今年第一個農曆生日(因為今年農曆潤七月,即有兩個農曆生日,加埋新曆,總共有三個生日呀!)

雖然有今天有三個生日,但都只會在新曆慶祝,今日希望可以開開心心過左就好啦~

今年生日的願意好簡單,希望日日都開心,攪結婚的事可以順順利利,同埋所有唔開心野快D可以解決到啦~


*♡♡小肥豬♡♡* | 15th Aug 2006 | 生活點滴 | (10 Reads)

嘩!!!好多錢呀!

今晚的六合彩幸運兒將可獨得高達四千八百萬元獎金。因為過去五期六合彩皆無人中頭獎,逾三千三百萬元累積多寶,將撥入今晚攪珠的六合彩。

我唔貪心嫁,俾我仲到一千萬,我就滿足啦,可以買樓啦~攪結婚野啦~....哈哈哈哈

 


*♡♡小肥豬♡♡* | 13th Aug 2006 | 生活點滴 | (20 Reads)

今早就去左太古城個哈爾濱冰燈節,諗住一早去唔會噤多人,點知......都要排成三十五分鐘,不過我真係想去好耐啦!難得大肥豬又肯同我去,到低啦!

首先,D職員幫你揀衫的顏色同size,不過個D衫有少少 dirty,尤其是個衫袖,不過好在冇臭味。

一入到去就好開心,D冰雕真係好靘呀!基本上每個冰雕展覽品我都有影相(除左冇入冰屋,因為大肥豬太凍,唔想排隊。),好多張我都好鐘意。入面唔會太迫,不過影相就多數會影埋隔離過個 (個個都影相嘛)。

本來我都打算留耐少少,不過大肥豬個鼻又凍到紅晒,又話隻耳仔涷到好痛,加上LU LU妹又話凍,所以我地約30分鐘就走留出來啦~~


總括黎講,小小的一個冰箱內,有這樣多平日較少機會看到的展覽品,又有得做善事,同埋都幾好玩同幾特別囉!所以都幾值得去感受下個氣氛。


*♡♡小肥豬♡♡* | 12th Aug 2006 | 婚禮籌備 | (31 Reads)

2007年通勝出左啦~

經我媽咪的師傅夾過我同大肥豬的八字之後,我的大日子就係07年12月3日(星期一)。終於都定到日子,好多野都可以決定啦~

開頭都怕有問題呀!因為一段都係男家個邊擇日子的,但因為我媽咪都有跟開師傅學野,所以媽咪就話由她來安排(因為識得個D擇日師傅,佢地唔會隨便嘛!)

今日我地就同大肥豬的媽媽談及這件事,好在她沒有問題,仲話:我地喜歡就好了。

我都放心晒啦~不過我知道以後都會有好多野煩,希望每樣事都可以順順利利啦~


 


*♡♡小肥豬♡♡* | 11th Aug 2006 | 婚禮籌備 | (35 Reads)

今日係公司無乜野做,咪上下網睇下結婚D野啦~

點知俾我發現左一樣野,有D網友話:因為通常雙春兼潤月之後一年係肓年,但07年是有立春的,加上天干, 地支, 五行係丁亥金年,通常這樣60年先有一次,而明年是豬年,所以話係金豬年喎。都係結婚好年呀!

~~~~~~~~今之咪係明正言順做豬仔新娘,大肥豬係豬仔新郎,仲要係金個隻。(好富貴呀~)


*♡♡小肥豬♡♡* | 10th Aug 2006 | 生活點滴 | (21 Reads)

一早就諗住今日去攪結婚個D野,所以就同公司請假,點知原來又唔洗噤早去攪呀~又費時再改假,所以今日過左一個無無聊聊的假期。

所以我到打算今日同媽媽去做FACIAL啦!一來係打發時間,二來可以試下邊間美容院好。你知啦我就影結婚相,要以最好的狀態嗎?

同媽媽食完LUNCH後,我地就選左一間美容院去做FACIAL啦~~開頭我都有少少驚呀,怕個 D係『謀人寺』。當佢講解左一番之後,我就放心啦。於是我就選左做一個去黃的TREATMENT,媽媽就做一個超保濕的TREATMENT。

做完之後,我地都感覺做得好舒服(尤其媽媽,佢對於做FACIAL是很講究,佢都話好就OK啦),所以都決定下次都去番這間做FACIAL啦!

下次應該會係兩個星期後去再做TREATMENT,要狂KEEP呀!!


*♡♡小肥豬♡♡* | 9th Aug 2006 | 生活點滴 | (14 Reads)

今早遲左起身,等極都等唔到小巴返工,為有搭一種最快的交通工具~~~~的士。

車程不遠,車費只需要$18,問題就開始啦!我銀包裡面只係有一張$100,我當然係俾個司機叔叔等佢找錢啦~

點知佢話:我冇得找呀!你有冇散紙呀!如果冇我車你去地鐵站唱呀!(地鐵站離我公司都有一段距離約5分鐘車程)

我反回答他:我趕住返工先搭的士,我已經遲到啦~你想點呀!

佢猶豫左一下,唔想俾我走,又諗唔到辨法。之後佢寫左佢個電話俾我,叫我下次打番電話俾番錢佢。

不過我唔係好明白,如果係$500就話係我的錯????點解我只係$100,佢都冇的找

算啦~~~雖然只係$18,我會打番電話俾錢。

 


*♡♡小肥豬♡♡* | 8th Aug 2006 | 生活點滴 | (28 Reads)

今日係爸爸的農曆生日,今晚係酒樓擺左兩圍,爸爸就請左姑媽、姑姐、阿叔、舅父……等等。嘩!!!!好多人呀。所以我今日放工後要先返屋企,執番D眼耳口鼻,要見人呀!

由上年開始,買生日蛋糕的負任已轉去我個LU LU妹身上。

我同媽咪幫LULU妹訂左一個3的蛋糕,昨晚問她取回錢的時間,見LU LU妹 好似好肉痛的樣

,好好笑呀!

哈哈~~~其實我都唔知買什麼禮物俾爸爸好,不過大肥豬就買左一條皮帶送俾爸爸。我呢~~~~~~算啦~不如等爸爸新曆生日先請他吃飯當係生日禮物啦~~

其實今日都係我個嘉汶表妹的農曆生日,所以我地都會同她一齊慶祝呀!!!(因為我媽咪好錫她,當佢係自己的女一樣,仲有大利事呀!)

最後我都要講句:爸爸~  嘉汶~ 生日快樂!!!

 


*♡♡小肥豬♡♡* | 7th Aug 2006 | 婚禮籌備 | (49 Reads)

已經BOOK左係十月去新天地影結婚相啦~~好緊張呀

我十月二日就會去試衫啦~~十月尾就影啦~

見面一些網上的留言版,評語都係好壞參半,我唔知會影成點~~

依家真係要開始KEEP住個樣同埋個身啦,唔好再俾自己肥落去。一生人一次(仲要晒貴),一定要珍惜呀!我唔想第日睇番先覺得唔值呀!

我要影得好靚靚~~~~

唔知我著婚紗個樣係點呢?靚唔靚


 

 

 


*♡♡小肥豬♡♡* | 7th Aug 2006 | 生活點滴 | (14 Reads)

好慘

由起身開始,D鼻水就不停流,仲成日打噴嚏,把聲都轉埋,我諗我應該又傷風啦。

只好等到Lunch去買傷風藥食,希望食完就冇事。

我係繼我媽媽、爸爸之後第三個俾傷風怪獸

打敗了!

不過依家D天氣真係好麻煩,室外就熱到死,室內就凍(好多地方的冷氣好凍,一定係開過左25.5℃),一冷一熱,唔病就怪啦~

希望佢地同我都可以快D好番就好啦~~~

 


Next